ثامر , انا اشوف ان القضية كانت بسبب الهالة الإعلامية والضجة اللي سبقت نزوله , خاصة انها ضجة على فيلم فاق التوقعات , مو مثل فيلن ديفينشي كود قبل اكثر من سنتين لما صار الضجة حوله وبعدين فشل نقديا !
فبرأيي كانت كل العوامل لصالحه , اولا هو الجزء الثاني من فيلم الكل كان يقول انه افضل افلام الكوميكس وبالذات افلام باتمان , ثانيا وفاة هيث ليدجر , ثالثا حجم الدعاية مترافقة مع الدعايات قبل ما ينزل الفيلم لدور هيث ليدجر انه اوسكاري ,
يعني انا هذا الفيلم فاق توقعاتي لأني شاهدت شي غير اللي كنت متوقعه , بس ليه ما يقارن ؟ الفيلم قد اشياء جديدة من حيث معالجة قصة سوبرهيروز او من حيث تسارع الأحداث , انا اشوف انه احد افضل افلام الجريمة اللي شفتها , صحيح مقارنة غير عادلة اني اقارنه بالعراب او غيره , بس يظل الفيلم متميز وتجربة ما تنسى.
--------------------
"The Greatest Living Actress"
المشاركات: 2671 | من: الخـبــــر ,, | تاريخ التسجيل: يوليو 2006
|
شفت الفيلم قبل يومين .. بس ما قدرت أكتب عنه شي .. لأنه هالكمبيوتر حاقد علي
المهم
شو أقولكم عنه .. الكل يعرف مدى حبي للأفلام السوبر هيروز
بس هالفيلم فاق كل توقعاتي .. و اعتبره بعيد عن افلام السوبر هيروز ... أحسه مال إلى الواقعية وايد
بدون أي كلام هيث يستاهل الترشيح .. دوره ابداع في ابداع .. حسيته مينون و يحب اللي يسويه
و هو كان الافضل بدون منازع.. و يليه اللي مثل دور تو فيس ( آرون ) .. مول ما توقعت انه بيكون تو فيس.. انصدمت والله
كريستيان كان دوره وايد حلو بعد ... نبرة صوته لما كان يلبس القناع فظيييييييييع .. مستواه كان جيد بشكل عام
و في السجن لما يتكلم مع الجوكر أحلى مشهد في الفيلم كامل.. لو انا كنت اهناك و هيث قال لي هالكلام .. عالطول كنت بقتنع بكلامه .. أحس كريستيان ضرب هيث من خاطره ذاك الوقت لول
ضحكات الجوكر ولا أروع ... و طريقه تفكيره عجيبه و غريبة
و ماجي كانت أسوأ وحدة في الفيلم .. مول ما تنبلع هالانسانه في هالفيلم
الناس طول الوقت يقولون واااااو .. و بعد ما خلص الفيلم قاموا يصفقون
الجوكر .. كان مسلي لول .. و لما طلع من المستشفى و قام يمتشى لوووووووووووووووول ... مشيته عجيييييييبة
مشهد الشاحنة لما تنقلب روووووووووعة.. لاتمان حصل صفقة على هالمشهد لول
ما أقدر أتكلم عن الفيلم وايد .. لأني مهما تكلمت ما راح أوفي حقه
حتى الشخصيات .. ما قامت تطلع وايد .. حتى اني حسيت انه كريستيان بيل أقل واحد طلع فيلم .. يمكن هذا احساس بس لول
كل مشهد يباله .. قعدة و مناقشة ... الفيلم حسيته غامض و يباله شرح .. بداية الفيلم ما قدرت أدخل أجواء الفيلم .. خذت وقت لين ما فهمت الاحداث لول .. الحمدلله انه اخوي طلب مني الشرح بعد الفيلم
المخرج الصراحة أبدع ... طلع لنا فيلم روووووووعة إلا أكثر من روعة .. اللي شاركوا في الفيلم يستاهلون التصفيق و أولهم المخرج و هيث
لو بايدي بعطيه جائزة أفضل فيلم هالسنة .. أفضل فيلم نزل هالسنة بدون منازع
في جزء ثالث صح ؟؟ و اعتقد انه المخرج نفسه
--------------------
المشاركات: 3426 | من: .ıllıllı. U.A.E .ıllıllı. | تاريخ التسجيل: أكتوبر 2005
|