القهر إن صارت لنا مشكله في تبديل القاعات وفاتني 6 دقايق تقريباً من بداية الفيلم
راح أحضره بعد كم يوم مره ثانيه وبكتب ردي كامل بالتفصيل أكيد
--------------------
When the evening falls And the daylight is fading From within me calls ? Could it be I am sleeping For a moment I stray Then it holds me completely Close to home, I cannot say Close to home, feeling so far away
رحت السينما اليوم وحضرت العرض الليلي الاخير .. السينما كانت مليانه من فوق لتحت .. ولا كأنه الناس عندها دوامات الصبح! .. بس مع ذلك الكل كان مندمج ومتفاعل والحمدلله الجمهور كان رائع ومو مزعج ..
كريستوفر نولان قدم احد اعظم الثلاثيات بتاريخ السينما .. فيلم خيالي من بدايته الاسطوريه لنهايته الملحميه اللي توقف شعر الراس .. فيلم رائع بالرغم من طول مدته الا ان مافيه ولا ذرة ملل .. كيف استطاع انه ياخذ هالسيناريو المعقد ويطبقه على ارض الواقع بهالحرفيه بجد مو عارف .. مخرج متمكن فعلاً ..
ومع اني مازلت افضل الجزء الثاني بفارق بسيط الا ان فكرة الجزء الثالث كانت بطله بنظري .. هناك كان عندنا الجوكر .. مواجهه بين شخص لشخص .. لكن هنا عندنا شخص واحد يواجه ثورة كامله مشتعله بالغضب ..
وبالرغم من الابداع اللي قدمه نولان بهالجزء الا ان ظهور مليون الف شخصيه بالفيلم ظلمتهم .. عكس الجزء السابق .. بهالجزء في شخصيات ماخذت حقها بسبب الزحمه الرهيبه الموجوده بالاحداث ..
حتى المعاناه اللي عاشها بروس بالسجن كانت محتاجه شغل اكثر وماتظهر المشاهد بهالشكل السريع .. كنت محتاج احس بمعاناته اكثر .. وبخصوص بروس .. كريستان بيل قدم انضج اداء له بالثلاثيه كلها من خلال هالجزء .. كل انفعالاته كانت رهيبه وصادقه .. حسيته قدم افضل اداء تمثيلي له على الاطلاق لباتمان هالمره ..
ان هاثواي فعلاً كانت مفاجأة الفيلم وماتوقعتها تبدع بالاكشن لهالدرجه .. اشوفها راح تكمل مسيرة انجلينا جولي بالمستقبل اذا استمرت على هالخط وبتكون نسخه ثانيه عنها ..
ماريون دورها كان عادي فتمثيلها بالتالي كان عادي على قد الدور .. بس اصدمتني بأخر الفيلم @@
توم هاردي كان ممتاز ومشاهده كلها رهيبه لكن مازال الجوكر هو الشرير الاقوى بنظري .. يمكن لانه سبب ذعر للناس وسيطر عليهم من خلال قوة تفكيره وعقله .. بينما شخصية بين قوته كانت نابعه من بنيته الجسديه ..
افتتاحية الجزء الثاني اشوفها احلى بكثير من الثالث .. واشوف ان صعب نولان يكرر هالافتتاحيه العبقرية مره ثانيه .. حاله ابداعيه ماراح تتكرر .. بينما نهاية الجزء الثالث خرااافيه بكل معنى الكلمه واحلى من الثاني .. كأنها يوم القيامه .. نهاية ملحمية خلتني اقشعر طول الوقت ..
هانس زيمر عبقري .. مافي كلمه توصف حسه وابداعه الموسيقي .. موسيقته كانت بطل اساسي بكل اجزاء باتمان .. ومع كل جزء كان ينافس نفسه ويقدم مستوى افضل من السابق .. لحد ماوصل لذروة ابداعه بالثالث ..
فيلم رائع بكل المقاييس .. وناوي اشوفه مره ثانيه ..
الاكاديميه راح تطيح من عيني عدل لو كرروا تطنيشهم للفيلم ومارشحوه للبيست بيكتشر .. الثاني وعديناها لان الكراسي كانت ماتكفي الا خمس افلام .. الحين ماعندهم عذر ..
--------------------
المشاركات: 27170 | من: ~ NeverlanD ~ | تاريخ التسجيل: يوليو 2002
|
مرسله في
شفت الفيلم من يومين فظيع فظيع من هنا لبكرة
بروس وين تمثيله أحلى في الجزء ده و بالنسبة للمقارنة ما بين الجوكر و بين فـأنا بفضل الجوكر بصراحة ... و اعتقد كمان الكفة هتميل ليه عند ناس كتير , كان دور عمره بصراحة الله يرحمه
ان هثاواي تجنن في الفيلم ... ماكنتش بتقبلها أول ما طلعت بس بعدين حبيتها ممثلة شاطرة
و ماريون عادية أو يمكن دورها كان عادي .. أو تمثيلها اللي كان وحش ... معرفش المهم متفجأتش حتى لما طلعت إنها مع بين
طبعا التصوير والإخراج ابداع , مشهد الملعب و الانفجارات إزاي كده و كمان مشهد الحرب اللي ما بين باتمان و بين و الشرطة و المساجين