حاس فيك أعرف هالشعور من كثر ما اتفاجأت من الفيلم و مستواه تحس نفسك بتكسر الكيبورد لأنه ماطلع احساسك بالرد ياخي مدري دائما كلامك احسه مثل الفياجرا اذا كان حماسي للفيلم مثلا 50 % كلامك يخلي حماسي يوصل 100 % لا جد جد اليوم بسهر سهرة مش طبيعية أنا مو مصدق ردة الفعل اللي بتصير الحين لما أخش قاعة الرقص و الفيلم بيدي أبغى أشوف ردة فعل الشباب و الصبايا
لا جد جد أنا من زمان متحمس لفيلم بهالشكل نتالي قبل ما أشوف الفيلم اخذا الأوسكار يعني أخذا الأوسكار
عن جد الفيلم يعنيلي كثير لأني مريت بهالنوع من التجارب ف بيكون من الأفلام اللي ماخذة مكانة خاصة بقلبي
سكوربين .. باربي .. تنين .. ماشاءالله عليكم وصفتوا مشاعري بالضبط عن التحفه اللي اسمها بلاك سوان !!
بدون مبالغة بلاك سوان واحد من افضل افلام العقد الاخير .. سواء من ناحية التمثيل النسائي بشكل عام من نتالي لميلا وينونا وباربرا .. او من ناحية الاخراج العبقري اللي قدر يقدم لنا سرد مفصل عن كواليس عالم عروض الباليه بهالشكل المبهر الممزوج بسوداويه مخيفه !! .. بلاك سوان فلم ابداً مش سهل ومهمة اخراجه بهالصوره اعتبره شي خارق .. لانه يعتمد اغلبه على شخصيه وحده .. والصراع النفسي اللي تعيشه هالشخصيه مع نفسها عشان تكون مثاليه ..
نتالي قدمت اداء يتدرس .. اداء مش اقل من اللي قدمته ماريون كوتيارد بلافيان روز .. او تشارليز ثيرون بمانستر .. او ميريل ستريب بصوفيا .. المشهد اللي ذكره سكوربين كان فعلا ابداع وشي ماشفت مثله من وقت طويل .. لما راحت نينا لمدربها عشان تاخذ الدور .. وكيف قدرت نتالي تقدم نينا بهالصوره المهزوزه في البدايه .. وكأنها انسانه عايشه على الهامش مالها اي تأثير او دور بالحياه .. وكيف بالتدريج بدت شخصية البجعه السوداء تستولي على كيانها وكيف حطمت القيود اللي كانت حابستها فيه امها وخرجت من قوقعة الطفله اللي كانت عايشه فيها .. شي لايوصف .. اداء مخيف ومقنع عالاخر !!
بالرغم من ان الفلم مافيه مشاهد مرعبه بالشكل المتعارف عليه بالعاده .. الا ان اجوائه كانت كفيله بإنها تخلي الفلم يكون كابوس حقيقي ومخيف اكثر من اي فلم رعب اخر شفته بحياتك ويخلي جسمك يقشعر طول الوقت .. اشياء بسيطه لكنها في الصميم .. مثل مشهد الوجوه المرسومه عاللوحات ونظراتهم اللي تحس انها تراقبك !! .. انطفاء النور فجأه بقاعة الرقص !! .. تشوف ناس غريبين تحس انهم نسخه منك بأماكن عامه !! .. ممارسة نينا للعاده السريه وفجأه تكتشف ان امها بالغرفه !! .. فلم يخلي الواحد يطلع منه وهو يهلوس .. والربع الاخير من الفلم اعتبره اجمل ربع ساعه سينمائيه شفتها من العام اللي فات .. من بعد فلم اب ومشهد زواج كارل .. اثاره لابعد الحدود .. توتر نفسي ماذكر متى اخر مره حسيت فيه وانا جالس اتفرج على فلم .. جد ماقدرت اقوم من مكاني .. جسمي كله كان متجمد .. مفاجأت سريعه ومتلاحقه ..
نتالي لازم لازم تاخذ الاوسكار عن هالدور .. مش لانها بس قدمت شخصيه ماخذه مساحه كبيره وبس .. او لانها صغيره وحلوه وموهوبه !! .. او لانها قدمت دور ممتاز .. نتالي سوت بصمه مستحيل تنمحي من خلال نينا .. قدمت اداء فاق كل التوقعات .. خلال هالسنه شفنا ادوار كثيره ممتازه .. لكن عطوني دور واحد اسطوري ممكن يعيش ويعلم مثل نينا !! .. عشان جذي انا اشوف نتالي الاحق بالاوسكار هالسنه .. قدمت من خلال هالدور ثيمه مميزه لراقصة بالية .. دور مركب ومعقد ومش سهل على اي ممثله تقدمه وتطلع فيه بهالصوره المثيره للاعجاب .. تعلقك بالشخصيه لاخر مشهد .. تتعاطف معاها حتى لما تشوفها بقمة جنونها .. في اشياء احس مب بيدنا نقول عنها تستحق الفوز او الخساره .. وهالدور واحد منها .. الدور هنا يتكلم عن نفسه ويقول انا الفايز وبجداره .. نتالي اشك انها راحت لطبيب نفسي بعد ما انهت تصوير مشاهدها .. مستحيل ماتكون الشخصيه تركت رواسب فيها .. اذا انا كمشاهد احس ان نينا تملكتني كيف نتالي ؟ دور متعب نفسياً وجسدياً ومحتاج لياقه عاليه ..
ميلا .. حبيت تمثيلها جداً وواضح انها مشروع نجمه سينمائيه مميزه .. شخصيتها غريبه ماعرفت احبها او اكرهها .. واينونا رايدر رايي فيها من اعمالها القديمه ماتغير .. ممثله ممتازه تاخذ الدور وتقدمه بأمانه واحترافيه عاليه .. شي غريب ان الدور يشبهها بما انها كانت نجمه بفترة من الفترات واختفت فجأه .. شخصيتها مريضه وتخرع .. وبشكل عام كل شخصيات الفلم مريضه بطريقة معينه .. مشهدها وهي تكلم نينا بالحفلة بعد ماخذت الدور كان رائع وقوي .. باربرا مثلت دور الام اللي تشوف نفسها في بنتها بشكل رائع .. الادوار النسائيه كانت البطل الحقيقي في بلاك سوان .. وهالشي مب غريب على دارين .. عنده نظره مميزه للممثلات اللي يختارهم لاعماله
بالرغم من مرور كم يوم لي من شفت الفلم .. لكن للحين مب قادر اطلع من اجواءه .. مشاهد نينا وهي بغرفة المكياج .. الرقصات .. النهاية الملحمية .. كل هالامور مازالت تدور في بالي وكأني توني شايف الفلم .. الاصوات البسيطه مثل خلع الجلد وصوت حذاء الرقص عالارض والمؤثرات الثانيه كانت خيالية .. الرساله اللي يوصلها الفلم نجح فيها بقوه .. وماعتقد ان اي واحد فينا شاف الفلم لنهايته ماستفاد من الدرس اللي صار لنينا ..
جد انا ماكون مستانس الا لما اطلع من اعمال احس نفسي تشبعت من وراها على كل المستويات .. عالاقل احس اني ضيعت ساعتين من عمري على شي يستاهل .. وبلاك سوان لو ماجا منه الا اداء نتالي لكان كافي .. بس الفلم جد ابداع من كل النواحي .. وانشاءالله ناوي احضره اكثر من مره ..
--------------------
المشاركات: 27170 | من: ~ NeverlanD ~ | تاريخ التسجيل: يوليو 2002
|
إرسال هذه الصفحه لصديق!
لطباعه هذا الموضوع
![الملف الشخصي لـ [ L.O.V.E.R ]](http://salmiyaforum.net/ubb/profile_ubb6.gif)
![[Eek!]](eek.gif)
![[eyelove]](graemlins/eyelove.gif)
![[Razz]](tongue.gif)
![[Big Grin]](biggrin.gif)
![[nut]](graemlins/nut.gif)
![[Frown]](frown.gif)
![[heartpump]](graemlins/heartpump.gif)
![[help]](graemlins/help.gif)
![[crying]](graemlins/crying.gif)
![[Smile]](smile.gif)
![[super]](graemlins/super.gif)
