البست بكتشر شنو مشكلتهم هذيلا ؟؟ بس 8 أفلام ؟ وين كارول ؟ وين ستريت أوتا كامبتون ؟ اللستة وايد ناقصة بس أهم شي ذا مارشن وماد ماكس موجودين
البست أكتور مثل ماكان متوقع .. مع إني ماحبيت Trumbo وايد بس براين يستاهل وأحس هالترشيح كأنه تكريم له وهالفئة محسومة حق ليو إلا إذا صارت مفاجأة وفاز مايكل مثلا
البست أكترس هاللستة اللي كنت أتمناها وأشوفها عادلة جداً .. الأفضل بالنسبة لي شارلوت وكيت بس طبعا بري راح تفوز .. بس يارب يخيب ظني وتفوز شارلوت مثلا .. تجاهلها بكل المهرجانات المهمة وترشيحها بالأوسكار دليل إنه الاكاديمي عاجبهم وايد تمثيلها ومو غريب لو نافست على الفوز ( اتمنى )
البست سبورتنق أكتور
فرحت حق توم هاردي بس مارك ريفلو شيبي وايد وايد أوفر ريتد Benicio del Toro يستاهل أكثر منه بصراحة
البست سبورتنق أكترس
وايد فرحت حق ريتشل مع إنه جين فوندا أحق .. بس ريتشل تستاهل فنانة مجتهدة وأحس للحين ماخذت حقها .. أحب حظروها بالأفلام وتمثيلها دايم بسيط ومريح ماتتضايق وأنت تشوفها .. طبعا الأحق بهالفئة هي روني مالها منافس أصلا .. بس أتوقع بتصير مفاجأة وتفوز كيت أو جينيفر .. كيت قدمت solid performance بس روني كانت شي لايوصف وهي أصلا co-lead بس مدام حطوها بالسبورتنق فتستاهل الأوسكار
بست أنيماتد فيلم
انسايد أوت من أذكى الأفلام آخر كم سنة وجذي المفروض تكون الأفلام .. أوريجنال وفيها فكرة حلوة .. الفوز من نصيبه أكيد .. وفرحت وااايد حق ترشيح الانمي When Marnie Was There ترشيحه كان صدممممة , الفيلم انتاج 2014 بس أتوقع نزل بأمريكا في 2015 , بليز شوفوه الانمي ساحر والرسم وتحريك الشخصيات جميييل وهالشي مو غريب لأنه من انتاج Studio Ghibli والمخرج كان يشتعل مع ميازاكي .. اشتغل وياه بأفلام مثل Spirited Away و Princess Mononoke و Howl's Moving Castle يستاهل أكثر من ذا قود ديناصور مع حبي لديزني - شوفوه
البست ديركتور
هني الصدمات ! وين تود ؟؟ وين ريدلي سكوت ؟ المفروض هالاسمين بدال أدام و ليني خصوصا ريدلي الناس والنقاد معصبين على عد ترشيحه ويقولون الظاهر الأكاديمي يكرهون ريدلي LOL - أنا متضايقة على تود اللي قدم افضل فيلم في 2015
+
طبعا نفس السنة اللي طافت OscarSoWhite# - قالبين الدنيا عليهم بالسوشل ميديا لأنه مافي ولا مرشح من أصول أفريقية في الفئات الرئيسية ولا حتى أسيويين أو من اصول لاتينية .. أتوقع بس في مرشحة بالدوكيمنتري ! حتى كتبت تويت تقول فيه انها ألحين تمثل ملايين الناس اللي من أصول أسيوية
زاك
أول شي جين ماعندها فيلم إباحي مع هارفي عن الإشاعات انت وياه .. واحد هكر الاي كلاود مالها وسرق صور خاصة جدا .. كيفيها تتصور بالطريقة اللي تبي يمكن كانت دازتهم حق البوي فريند خلوها تعيش شبابها .. وبعد للحين مصرين إنه جينيفر حققت كل هذا بس بسبب هارفي ؟ هارفي منتج شاطر ويحاول المستحيل عشان يدعم فيلمه ونجومه بس مو كل الفنانات اللي مثلوا بأفلام من انتاجه قدر يوصلهم للأوسكار .. وأقرب مثال هالسنة هارفي سوا المستحييييل عشان يوصل هيلين ميرين للأوسكار بس ماقدر ! وجوي ماله أي علاقة بهارفي ومع هذا لورانس حصلت ترشيح لأنها فعلا منافسة قوية وكان تمثيلها ممتاز وفي اجماع على أداءها .. أنا قلت برد قديم إنه العيب بالفيلم نفسه واخراج الاهبل ديفيد بس تمثيل لورانس كان ممتاز مع إنه بمطارح كانت تبين صغيرة على الدور .. بس كافي المشهد إللي بدت تبيع فيه والاتصالات قام تجي على البرنامج .. كانت روعة وملت الدور على صغر سنها وقلة سنين خبرتها
[ يناير 15, 2016, 01:33 AM: تم تحرير المشاركه من قبل: Angie_S ]