بعد ما شفت اغلب الافلام و شفت الحفل ( بدون ما أعرف اي شي عن النتائج ما عدا واحد بالواتساب خرب علي و دزلي صورة ليوناردو و هو شايل الاوسكار )
نقول بسم الله و نبتدي تعليقنا
الحفل بشكل عام : ممل ممل ممل .. يقطر ملل و رتابة
كريس روك ثقالة طينه و ملاقه .. مع اني كنت متحمس له شوي قلت يلا يسوي جو .. لكن الظاهر اقتنعت بالقاعده اللي تقول كل ما يكبر الكوميديان و يتغير الجيل تقل قدرته على اضحاك الناس .. و اللي كان يضحك قبل مو ضروري يضحكنا الحين ( مادري ليش تذكرت داوود حسين)
The Winners
ليوناردو يستاهل ( على مجمل ادواره اللي قدمها) لكن لو يينا للحق هالفيلم ابدا ما كان الفيلم المنتظر اللي ياخذ عليه جائزته
The revenant بشكل عام عبارة عن رجل مصاب يحاول يتشافى بأقسى الظروف علشان يقوم على حيله و ينتقم لمقتل ولده
ليو لعب ادوار اخطر من جذي و يكفي نتذكر دوره الخطير في فيلم The Great Gatsby
لكن نقوله مبروك يستاهل
بطلة فيلم The room .. مممم .. مادري احس تستاهل و ما تستاهل .. هي وصلتلي احساس الشخصية و ادت الدور حلو لكن لو بنقارنها بمنافساتها اسمحولي انا اشوف جينفر لورنس الأحق بالجائزة .. بناء على الافلام اللي شفتهم
اللي خذت افضل ممثله مسانده عن دورها في The Danish Gril ... الصراحه ما مداني اشوف الفيلم بس كفكرة إن زوجه تتقبل تحول زوجها الجنسي اعتقد بحد ذاته دور صعب تأديه أي وحده الا بإحساس عالي .. فيمكن تستحق مادري
اللي اخذ دور افضل ممثل مساعد هم بعد ما شفت الفيلم مال توم هانكس بس اللقطه اللي حطوها بالاوسكار لما قال : I'll wait مادري ليش اثرت فيني فيمكن يستاهل
الاخراج : يستاهل فيلم the revenent بس هم فيلم joy و Brooklyn يستاهلون
التأليف و افضل فيلم : ما شفت فيلم سبوت لايت للأسف فما اقدر احكم عليه
أما فيلم Mad Max
عسى ما شر ؟؟ شفيه كوش على ثلاث ارباع الجوائز
يا اخي مادري ليش هالفيلم بالذات اللي مو مقتنع فيه يدخل الاوسكار من الاساس .. سبق و قلتها فيلم حلو تجاري .. لكن فنيا معلش ما فيه قيمه
على العموم فرحت بفوز inside out
لا تطقوني .. ترا حتى اهو للحين ما شفته
عالعموم ادري بتقولون شبقى عيل ؟ كل الافلام مو شايفهم
لا ابشركم شفت : room - brooklyn - the martian - the revenant - joy - mad max
و البقيه بالطريج انشالله
و نشوفكم في العام القادم مع افلام احلى انشالله
--------------------
المشاركات: 547 | من: Kuwait | تاريخ التسجيل: أبريل 2015
|
يا اخي مادري ليش هالفيلم بالذات اللي مو مقتنع فيه يدخل الاوسكار من الاساس .. سبق و قلتها فيلم حلو تجاري .. لكن فنيا معلش ما فيه قيمه
بالعكس يستاهل بقوة وكنت أتمنى بعد تشارليز ثيرون تفوز فيه بجائزة أفضل ممثلة على قدرتها بتغيير آدائها وشكلها وبرأيي مو لازم الفيلم يكون له قيمة وفلسفة وقصة معقدة ومشاهد مأساوية غريبة عشان يفوز بجوائز الأوسكار والله فيه أفلام تجارية آحلى وأمتع بمليون مره من الأفلام اللي لها قيمة ماأتكلم كتمثيل بس .. أتكلم كتقنيات متطورة وابهار وضخامة وملابس وميك اب وموسيقى تصويرية وهالفئات يستاهل فيها ماد ماكس الفوز عن جدارة
المشاركات: 3077 | من: المملكة العربية السعودية | تاريخ التسجيل: يوليو 2011
|