مرسله في
هلا حمدان طلعت من الصبح اليوم وداشه من تلفوني ههه الليلة إن شاءالله ، متحمسة أتكلم عن كم فيلم وفي من كواليس الاوسكار وايد سوالف بس انتوا نايمين
بسم الله نبدأ نتكلم عن الأفلام اللي عليها العين للسنة الحالية وممكن تنافس بموسم الجوائز الجاي وطبعا هالكلام too early - الحمدلله الكلام ببلاش
Lion فيلم من انتاج هارفي وبطولة نيكول كيدمان ورني مارا والبريطاني الهندي ديف بيتال .. قصة الفيلم عن طفل هندي تبنوه كوبل استرالي ولكن بعد مايكبر يقرر يدور عائلته الحقيقية .. الفيلم ممكن ينافس بالبست بكتشر ويمكن ديف بعد ينافس بفئة التمثيل وخصوصا إنه من اصول هندية وهم هالسنة يحتاجون يرشحون ناس مو بيض أنا متحمسة للفيلم وايد أبي اشوف مشاهد لنيكول مع روني بس يمكن ماتجمعهم مشاهد
Manchester by the Sea فيلم من كتابة اخراج Kenneth Lonergan - كاتب فيلم Gangs of New York ومخرج فيلم You Can Count on Me .. الفيلم بطول ميشيل ويليامز و كاسي أفليك أخو بن أفليك , قصة الفيلم عن عم لازم يهتم بولد أخوه بعد وفاة أخوه - الفيلم انعرض في Sundance توه وخذا مراجعات كثير ايجابية خصوصا تمثيل Casey Affleck .. اللي راح يوزع الفيلم شركة آمازون
The Girl on the Train
فيلم من اخراج Tate Taylor مخرج The Help بطولة Emily Blunt , الفيلم مستند على رواية غموض واثارة .. القصة عن وحدة اسمها رايتشل منفصلة وكل يوم بطريقها لشغلها في لندن تمر وهي بالقطار على بيتها اللي كانت تسكن فيه مع زوجها .. زوجها للحين يسكن هناك مع مرته الجديدة وعياله .. تقرر رايتشل ماتركز عليهم عشان لا تحس بالألم .. فتركز على بيت بجانب بيتهم -- هالبيت فيه اثنين كوبل ( ميغن وسكوت ) , رايتشل تصنع لهم حياة سعيدة وجميلة براسها بس على يوم وهي رايحة الشغل تشوف شي صادم خلاها تعصب وتتضايق وثاني بوم تصحى وهي بيبتها وتعاني من hangover قوي وجسمها فيه اصابات بس ماتتذكر شنو صار ولا عندها اي ذاكرة عن ليلة أمس ! وفجأة تعرف من التلفزيون إنه ميغن اللي تراقبها اختفت والشرطة تدور عليها هني رايتشل تقرر تحقق بالموضوع عشان تعرف شنو صار وشصار لميغن وليش ماتتذكر شي من الليلة الماضية ! .. الفيلم يذكرني بـGone Girl من ناحية نوع الفيلم ويارب يحقق نفس نجاحه ونشوف ايملي مرشحة للأوسكار الفيلم مقرر ينزل في آخر السنة الحالية .. يمكن على شهر 10
The Birth of a Nation الفيلم من اخراج الممثل Nate Parker ( أول اخراج له ) - انعرض في Sundance شهر يناير الماضي وخذا مراجعات كثييير ايجابية وقصته عن slave يتم تعليمه القراءة والكتابة عشان يصير preacher ( واعظ ديني ) -- الماستر ماله يقرر ياخذه حول أمريكا عشان يستفيد منه كواعظ بس لما يسافر ويشوف معاناة العبيد حول أمريكا يقرر يسوي ثورة ويحرر العبيد في فيرجينيا -- القصة حقيقية لشخصية حقيقية اسمه Nat Turner والأحداث صارت في بداية القرن التاسع عشر .. من قصة الفيلم والمراجعات مبين بينافس مع إنه صار عندي اكتفاء من أفلام الـعبودية بس ترا تاريخهم مليان جرائم بشعة ومن حقهم بتكلمون عنه ( زاك ولا كلمة )
Billy Lynn's Long Halftime Walk فيلم من اخراج آنج لي (هاي أنجلينا ) والسكرين بلاي من كاتب كتابة Slumdog Millionaire ومستند على رواية بنفس الاسم حققت نجاح كبييير - قصة الفيلم عن مجموعة جنود في الساعات الأخيرة لهم قبل لا يرجعون للحرب في العراق ( ماقريت القصة عدل ) .. الفيلم بطولة وايد نجوم مثل فان ديزل و كرستن ستيوارت وستيف مارتن وكريس تكر وغيرهم !!
Silence فيلم من اخراج مارتن سكورسيزي وبطولة ليام نيسون واندرو عارفيلد .. أحداث الفيلم في القرن السابع عشر عن راهبيين مسيحيين يروحون لليابان عشان يدورون على معلمهم وينشرون المسيحية بس هناك يتم القبض عليهم ويتعرضون للتعذيب والمعاقبة .. في كلام انه ليام مقدم اداء قوي ونفس الشي اندرو وممكن نشوفهم ينافسون بالجوائز المهمة
Weightless الفيلم الثاني هالسنة اللي من اخراج Terrence Malick وبطولة مجموعة كبيرة من النجوم وقصة الفيلم للحين مو واضحة بس يتكلم عن مثلثين حب - يعني بنشوف سوالف حب وغرام وخيانة في الوسط الغنائي في أوستن تكساس !
Sully فيلم من بطولة توم هانكس واخراج كلينت ايستوورد - الفيلم عن البايلوت الامريكي Chesley Sullenberger اللي نزل طيارته المليانة ركاب بسلام على نهر هودسن ريفير المجمد في سنة 2009 .. الفيلم مقرر ينزل على شهر سبتمر الجاي
Story of Your Life فيلم خيال علمي درامي بطولة ايمي ادمز اللي ممكن يصير وياها مثل اللي صار ويا ليو وأخيرا تفوز بلأوسكار بعد خمس ترشيحات الفيلم عن خبيرة تعرف تتكلم مع الـAliens تستخدمها الحكومة عشان تتكلم معاهم وتعرف أسرارهم وعالمهم وإذا كانوا مسالمين أو لأ .. الفيلم اخراج الكندي Denis Villeneuve مخرج فيلم Incendies
The Founder الفيلم بطولة مايكل كيتون واخراج John Lee Hancock مخرج ذا بليند سايد وسافنج مستر بانكس .. الفيلم يتكلم عن Ray Kroc اللي انظم للاخوين Richard and Maurice McDonald سنة 1954 وكان سبب في صناعة امبراطورة McDonald's
Patriots Day فيلم من بطولة مارك ويلبرغ وجي كي سيمونز واخراج Peter Berg واحداث الفيلم عن العمل الارهابي اللي صار في بوستن سنة 2013 في المارثون السنوي لبوستن
The Light Between Oceans عن كوبل يلقون طفلة رضيعة على الشاطئ وياخذونها ويربونها كأنها بنتهم لكن بعد سنوات يتعرفون على انسانة فقدت بنتها وزوجها بنفس الوقت اللي لقوا فيها الطفلة - فيبدا صراعهم النفسي وخوفهم من فقدان طفلتهم لعائلتها الحقيقية .. الفيلم بطولة اليسيا فيكاندر ومايكل فاسبندر ورايتشل فيس واخراج Derek Cianfrance مخرج بلو فالنتاين
Certain Women الفيلم يتكلم عن حياة ثلاث نساء في قرية صغيرة بأمريكا .. الفيلم بطولة ميشيل ويليامز لورا ديرن وكرستن ستيوارت
Nocturnal Animals فيلم من اخراج توم فورد وبعد السكرين بلاي من كتابة توم فورد .. وبطولة Jake Gyllenhaal و Amy Adams و Isla Fisher .. الفيلم مستند على رواية بنفس الاسم من كتابة Austin Wright
Untitled Warren Beatty Project وايرين بيتي يرجع بفيلم من اخراجه وكتابته وبطولته ومعاه زوجته Annette Bening بس للآسف دورها مساعد .. الفيلم يتكلم عن المخرج Howard Hughes في سنينه الأخيرة وعلاقته مع وحده تصغره بسنواااات
War Machine فيلم من اخراج David Michôd مخرج الفيلم الاسترالي انيمول كنجدم وبطولة براد بيت , الفيلم كوميدي درامي يتكمل عن حرب أمريكا مع أفغانستان بطريقة كوميدية عبيطة - مافهمت القصة عدل بصراحة
Christine فيلم من بطولة Rebecca Hall ويتكلم عن مراسلة تلفزيونة اسمها كرستينا في السبعينات من القرن الماضي - قصة حقيقية
Other People فيلم درامي عن كاتب كوميدي توه منفصل عن حبيبته وفي أسوأ سنة في حياته .. يرجع لمكان طفولته عشان يهتم بامه التعبانة اللي في آخر أيام حياتها .. الفيلم بطولة جون سكويب وجيسي بليمونز ومولي شانون .. انعرض في Sundance وحصل مراجعات حلوة خصوصا تمثيل مولي شانون
Genius الفيلم يتكلم عن Max Perkins ( يمثل دوره كولين فيرث ) اللي كان محرر كتب في شركة Scribner واللي حرر وراجع كتب كثير من الكتاب المشهورين .. الفيلم بطولة عدد كبير من النجوم أهمهم نيكول كيدمان وجود لو ولورا ليني .. نيكول بتمثل دور Aline Bernstein , مصممة ازياء أمريكية صارت كاتبة ونزلت أكثر من كتاب !! الفيلم انعرض في برلين من شهر وماحبوه النقاد بس مادري للحين عندي أمل فيه LOL
A United Kingdom بطولة رزمايند بايك وديفيد أويلويو .. يتكلم عن أمير أفريقي يسوي ضجة عالمية في نهاية الأربعينات من القرن الماضي بعد مايتزوج بريطانية بيضه - قصة حقيقية
Loving فيلم عن واحد أبيض يتزوج وحده سمراء في فيرجينيا في خمسينات القرن الماضي ويتعرضون للمحاكمة والسجن لأنه زواج الأبيض من السمراء أو العكس كان جريمة وقتها .. الفيلم بطولة Joel Edgerton وممثلة أثيوبية اسمها Ruth Negga
في أفلام بعد بس تعبت LOL بعض الأفلام : Queen of Katwe ( يمكن ترجع لوبيتا تترشح للاوسكار عنه ) Born To Be Blue The Yellow Birds The Neon Demon Zookeeper’s Wife ( بطولة جيسيكا جاستين ) Deep Water Florence Foster Jenkins The Promise ( بطولة اوسكار ايساك وكرستان بيل واخراج مخرج هوتيل رواندا ) Untitled WWII Romantic Thriller ( بطولة Marion Cotillard ) The Book of Henry Jackie ( بطولة نتالي بورتمان عن جاكي كيندي بعد وفاة زوجها .. بس يمكن يتأجل لعام 2017 ) A Bigger Splash Passengers The BFG
مرسله في
واضح من اللسته إن السنة هذي مليانه بأفلام وقصص السود لأنهم متأكدين إن عيون وترشيحات لجنة الأوسكار راح تكون كلها عليها
- يبدو أنا الوحيد اللي مستغرب من الضجه اللي صارت على ليناردو وفرح الناس بفوزه ليو ماله غير دور التيتانيك الأسطوري واعتبره من ممثلين هوليود المنفوخين لاهو خارق الوسامة ولاهو خارق الموهبة ومنحوه الأوسكار بس لترضيه وجذب لجمهوره اصلاً طاح من عيني بعد ضحكته وحركته لما فازت الليدي قاقا بجائزة القولدن جلوب
المشاركات: 3077 | من: المملكة العربية السعودية | تاريخ التسجيل: يوليو 2011
|
عاد بالعكس اداء ليوناردو في تيتانيك كان اقل من عادي
مقارنه مع الادوار الثانية اللي قدمها
اكثر دور بحياته كان يستاهل ياخذ عنه اوسكار هو دوره بفيلم The Aviator
قدم اداء اسطوري!!
.........
انجي .. يعطيج العافيه على الملخص الرائع لافلام 2016
اغلب الافلام المذكورة بالقائمة تحمس
نتالي بورتمان شكلها ناويه تاخذ اوسكارها الثاني عن فيلم زوجة جون كندي
وهالفيلم اول ماقريت قصته تحمست
رد مقتبس:المرسل الأصلي هو Angie_S:
The Girl on the Train
فيلم من اخراج Tate Taylor مخرج The Help بطولة Emily Blunt , الفيلم مستند على رواية غموض واثارة .. القصة عن وحدة اسمها رايتشل منفصلة وكل يوم بطريقها لشغلها في لندن تمر وهي بالقطار على بيتها اللي كانت تسكن فيه مع زوجها .. زوجها للحين يسكن هناك مع مرته الجديدة وعياله .. تقرر رايتشل ماتركز عليهم عشان لا تحس بالألم .. فتركز على بيت بجانب بيتهم -- هالبيت فيه اثنين كوبل ( ميغن وسكوت ) , رايتشل تصنع لهم حياة سعيدة وجميلة براسها بس على يوم وهي رايحة الشغل تشوف شي صادم خلاها تعصب وتتضايق وثاني بوم تصحى وهي بيبتها وتعاني من hangover قوي وجسمها فيه اصابات بس ماتتذكر شنو صار ولا عندها اي ذاكرة عن ليلة أمس ! وفجأة تعرف من التلفزيون إنه ميغن اللي تراقبها اختفت والشرطة تدور عليها هني رايتشل تقرر تحقق بالموضوع عشان تعرف شنو صار وشصار لميغن وليش ماتتذكر شي من الليلة الماضية ! .. الفيلم يذكرني بـGone Girl من ناحية نوع الفيلم ويارب يحقق نفس نجاحه ونشوف ايملي مرشحة للأوسكار الفيلم مقرر ينزل في آخر السنة الحالية .. يمكن على شهر 10
ايملي بلنت
على طول رحت ادور عن الرواية اذا نازله منها ترجمة عربية ولا لا
عشان اقراها واعرف تكملة القصة
والحمدلله انهم ترجموها من وقت قريب
--------------------
المشاركات: 27170 | من: ~ NeverlanD ~ | تاريخ التسجيل: يوليو 2002
|