مرسله في
ياسلام تغطيه من احلى مايكون و مش غريب طبعا مادام وراها زاك . يعطيك الصحه ياريت فيه متابعين كثير للمسلسل هنا عشان نشوف اراء مختلفه و متنوعه متحمسه للخدم الجدد + ام كورا و اتمنى يكون موسم موفق و افضل من الثاني و انشالله بشوف الحلقه بأقرب وقت
مرسله في
^ كلك ذوق و حلو انه التغطيه عجبتك خاصه اني عملتها ع السريع و ما كنت مخطط اني اسو تغطيه جديده لدوانثن ابي الا لما سألتي اما البرميير ما بحكي عنه شي حتى ما احرق عليك التفاصيل بس تشوفين الحلقه نتناقش
[ سبتمبر 19, 2012, 11:52 PM: تم تحرير المشاركه من قبل: ´Zak ]
- مارثا دخلتها عليهم اسطوريه ياسلام كان عندنا ملسونه وحده و صارو ثنتين لو مايجي من هالسيزن الا هم يكفي
- فايولت نجمة الحلقه زي العاده - كل كلامها و مشاهدها تدرّس خصوصا مع برانسون تحفه يتكلم يتكلم اخر شي بكل هدوء please take off your coat ضربت بمبادئه عرض الحائط
- ماثيو و ماري اخيرا و روعه مشهد الفرح ذكرني بافراح العائله المالكه البريطانيه بس مصغّر
ماري بما انها دايما نظراتها و عيونها مع ملامح وجهها بيعطو ايحاء انها خايفه او متفاجئه زي كذا > عشان كذا هالمره و هي مبتسمه طالع شكلها غريب و جديد لول
مرسله في
البرميير كان جميل و هذا دايما المتوقع من افتتاحيات دوانثن ، هالافتتاحيه كانت بمثابه وفاء بوعد حلقه الكريسميس بزواج ماري و ماثيو ، تقريبا محور الحلقه كان عن كواليس هالزواج ، البدايه من الاخذ و الرد في مجيئ سيبل و زوجها و الي كان القصه المحركه للدقائق الأولى من ساعه البرميير ، عاجبني تشبت برانسون بمواقفه السياسه قدام العائله بس مره مزودها بموضوع الملابس يفشل صراحه ، ايام ما كان سواق كان كشخه ، على الاقل يحفظ ماء وجه سيبل الي وفقا ضد مجتمعها من أجله ، حبيت علاقته مع ماثيو لو إني حسيت ان الصداقه بينهم too early سيبل لو انها تقول انها سعيده الا ان فيها شي مطفي مش لايق عليها بهدلة الفقر لول - مش هي نفسها الشخصيه الي شفنها في اول موسمين - لاري غري خخخ ، احب هالنوعيه من الشخصيات الي لايق عليهم الشر و اتمنى ما تكون هذا اخر مره نشوفه فيها ايديث محلوه بالتسريحه العجيبه ، واضح انها رافضه تكون الخالة العانس ، حتى لو يكون طوق النجاة شايب عايب مثل سير انطوني خلاف ماري و ماثيو حول ارث والد ليفينا كان لطيف و احلى ما فيه الصلحه الرومانسيه و كلمه برانسون لماثيو - تضارب المبادئ بين هالاثنين اكيد ما راح ينتهي على هالحد و الا ما بتحكم عن مدى استمراريه و نجاح هالزواج خساره روبرت لثروه زوجته ، كان المفروض يجي في الحلقه الثانيه أو الثالثه ، ملامح روبرت و هو يصارح كورا من اسوء ما شفت منه ، على عكس كورا الي كانت جيده و رده فعلها توضح انها اكثر واحده متقبله التغيير القادم دخله مارثا عليهم كانت ملوكيه - the queen of sheba - ، خصوصا تفاصيلها : السياره الحمرا و السوند تراك مارثا شخصيه استعراضيه بس مباشره ، من النوع الي ما تفلت مناسبه لتعبر عن أرائها ، و هي تقريبا تمثل نظره الانفتاح الي يحتاجها مجتمع عائله كرولي فهالوقت - وصلنا للعشرينات و المجتمع قاعد يتغير لكن دوانثن ظل متقوقع في الزمن الفائت - يمكن التغيير الوحيد الملموس في شخصيات دوانثن ، مظهر بنات كرولي - the roaring fashion - بالمحافظه على شياكه المجتمع الارستقراطي ملاحظات والده كورا كنظره خارجيه محايده راح تكون المحفز لبعض الشخصيات لاعاده النظر في بعض الأعراف الي اكل عليها الدهر المشهد التصادمي بين مارثا و فايلوت حول تقاليد الزواج كان ممتع بشكل ، اول مره اشوف فايلوت منهزمه و منخرسه - dreadful woman - كالعاده فايلوت استثنائيه في كلامها و تعبيرها بس هالمره بزياده ، اكثر مشهد حبيته لها رفضها للكوكتيلات الجديدة
اما downstairs ، الحدث الملفت : الخصاص في صفوف الخدم ، و تعويضه بتوظيف ابن اخت اوبراين ك footman جديد مثل ما شفنا ان توظيف ألفرد و سعي خالته لترقيه مكانته بشكل سريع ، عمل زعزعه لصداقه و تحالف - اوبراين و توماس - الي عمله توماس نذاله و قله وفا ، كل القصص الي خططت لها اوبراين في السابق ضد بايتز ، المستفيد الوحيد و المباشر كان توماس عموما اوبراين شريره من الباب للطاق كيف لو تتعرض هالخاينه ، اكيد راح نشهد حرب مسليه بين هالاثنين - im #TeamO'brien btw - زيارات آنا لبايتز كانت too much في الحلقه ، حسسوني الزيارات يوميه و الي يرفع الضغط ان كلها علاك مصدي و كلام فاضي بقيه الخدم : كارسون زي دوانثن ما يتغير نفس الشموخ ، الغرور و العنطزه الكذابه ، ميسز هيووز ملامح الكبر و التعب ابتدت تبان عليها و daisy's bitchy persona ، ودي اشوف كيف بيكون تعامل ميسز باتمور معها بعد ما تعطيها الترقيه الي وعدتها بها
بشكل عام الكاست و الكتابه في المسلسل دائما قمه و هالبريميير كان ناجح و مبهج و مفرح بعد موسم 2 قاتم و سوداوي
[ سبتمبر 20, 2012, 06:57 PM: تم تحرير المشاركه من قبل: ´Zak ]