إلي بـ سبايدر مان هي كريستين دنتس القبيحه الثانيه لول
لومن مثلت مع مات ديمون في bourne supremacy الجزء الثاني من سلسلة أفلام جيسون بورن
--------------------
When the evening falls And the daylight is fading From within me calls ? Could it be I am sleeping For a moment I stray Then it holds me completely Close to home, I cannot say Close to home, feeling so far away
أموت في تمثيلها وإستغربت إنها ماربحت إيمي على دورها بالمسلسل
هي ممثله رائعه خصوصاً بأفلام الرعب مثل :
the exorcism of emily rose
quarantine
رووووعه تمثيلها خرافي
--------------------
When the evening falls And the daylight is fading From within me calls ? Could it be I am sleeping For a moment I stray Then it holds me completely Close to home, I cannot say Close to home, feeling so far away
مرسله في
ابتديت أشوف ديكستر من مع بداية شهر 12 كنت أجمع بكل المواسم علشان أشوف المسلسل على راحتي وبدون انتظار. شفت الموسم الأول والثاني والثالث والرابع واليوم انتهيت من الخامس وراح أبدا باجر أشوف الموسم السادس
الموسم الاول والثاني والرابع والخامس : روعة روعة روعة
الموسم الثالث: ماحبيته كلش واعتبره الأضعف لحد الأن
============
موت ريتا وايد أثر فيني لول
المسلسل جدًا رائع ماكنت أدري انه في مسلسل روعة جذي وانا طول هالمدة
رد مقتبس:المرسل الأصلي هو حمـزة: ابتديت أشوف ديكستر من مع بداية شهر 12 كنت أجمع بكل المواسم علشان أشوف المسلسل على راحتي وبدون انتظار. شفت الموسم الأول والثاني والثالث والرابع واليوم انتهيت من الخامس وراح أبدا باجر أشوف الموسم السادس
الموسم الاول والثاني والرابع والخامس : روعة روعة روعة
الموسم الثالث: ماحبيته كلش واعتبره الأضعف لحد الأن
============
موت ريتا وايد أثر فيني لول
المسلسل جدًا رائع ماكنت أدري انه في مسلسل روعة جذي وانا طول هالمدة
كسرت خاطري.. لول من الموسم الاول لحد الحين نهاية الموسم السابع ما حقدت على ديكستر كثر لما ضغط على ديب تذبح لاغويرتا..
صح لاغويرتا حقيرة في شغلها بس مالها ذنب..
=======================
انتهى الموسم السابع وانا اليوم راح أشوف الحلقة الثانية من الموسم الثامن والأخير.. مومصدق انه اخر موسم..
الحلقة الأولى من الموسم الثامن حلوة وماشية تمام مادري ليش ماحبيتوه!! يمكن ييبين مع الحلقات الياية
==========================
حق كل الي تابعوا المسلسل لاحظتوا شوية عيوب؟
1- ديكستر الي اهو مايكل هول مو على أساس فيه كانسر؟ وبأكثر من مهرجان كان طالع اصلع ولابس كاب. شلون بالمسلسل شعره موجود؟ حاط باروكة معقولة؟ يا ناس أحاول أحسبها صح واقلبها في بالي وادقق ماكو هذا شعر ديكستر. اذا كان باروكة ففعلاً مابين كلش.
2- التلفون. من الموسم الأول لحد الموسم السابع ديكستر لما يرد على التلفون يكون الفون مقلوب لول طبعًا هذي حركة مقصودة. كان مبلش في نوكيا ومع تطور السنوات استخدم الأيفون بس كان فيه شي جدًا غبي من المخرج. كان يسوي خلفية شاشة التلفون باللون الأزرق. لدرجة ان ديب وديكستر وكل الممثلين نفس الشاشة حتى مع الأيفون!! لما يتلصلون أو يوصلهم مسج. معقولة!! مع الموسم الثامن صار الوضع عادي وتخلوا عن هالشغلة. الصراحة مادري شنو الميزة بهالحركة انهم يلغون شكل الشاشة من داخل ويسوون تركيب عليها.
3- مع بداية الموسم السابع الألوان صارت حيل غامجة = داكنة. حتى فيس ديكستر مو باين من كثر العتمة ليش جذي!! أبدًا ماحبيت.. عكس المواسم الست كانت الألوان طبيعية. طفارتي لما يكون المسلسل كئيب وغامج.
4- افتقدت في الموسم السابع مكتب ميامي ما غيره. وخاصة لما يجتمعون ويتكلمون عن جريمة أو حركات ماسوكا الغبية وتلطيشاته الجنسية
5- ماسوكا في الموسم السابع كان يطلع بالقطارة!! ووجودة مشهد أو مشهدين. مادري شنو السبب الصراحة صح هو ممثل ثانوي مو رئيسي بس وجوده بالموسم السابع مثل وجود كومبارس بمشهد وهو يشرب عصير والكاميرا مو عليه.
6- لول ديكستر سوى علاقات جنسية مع 6 في المسلسل لول حاسبله:
1- ريتا: حبيتها على نياتها وطيبة 2- ليلا: جميلة بس من بدت تتعرى احتقرتها الوصخة لول 3- بائعة المتجر لما كان مسافر حق ولد قاتل الثالوث 4- لومن: تمنيتها تطول وتتزوج دكستر 5- هانا: حلوة بس ثقيلة دم ومو مرتاح له 6- بداية الموسم الثامن لما يتكلم ويقول عقدت صداقات جديدة وحطوا وحدة معاه بالفراش.
7- مممم اوكي في الموسم السابع درينا ان لاغويرتا بدت تشك في ديكستر لحد ما نهايتها على ايده لكن المستغرب. تتذكرون الموسم الأول وتصرفات لاغويرتا!! الي كان يشوفهم كان يحس ان ديكستر عنده علاقة مع لاغويرتا وهي كل ما تشوفه تضحك وتسبل بعيونها وتتلزق فيه!! ليش كانت تسوي جذي!! ولا أنا فاهم غلط!!
8- باتيستا عسسسسل. أما كوين ماقدرت أبلعه ويييييع دمه ثقييييل جان زين مات مكان لاغويرتا احبها
9- في الحلقة الأخيرة من الموسم السابع. كان ديكستر يتذكر بفلاش باك عن دوكس في شغلة مافهمتها ليليحن. كان دوكس طالع من مكتب لاغويرتا وعطته مفتاح صغير شنو سر هالمفتاح!! لاغويرتا ماتت بس مافهمت شنو سر هالمفتاح ممكن يبين بالموسم الثامن لما أخلصه؟ لول
10- مشالله اليهال في امريكا على افا من يشيل في يهال اشكالهم عسل وكيوت. أما هاريسون ولد ديكستر أنواع ثقل الدم والملاقة وييييييييع كريييييه ودي اسطره سطارات الدلوع >> مادري ليش قاهرني بس مع الحلقة الأولى من الموسم الثامن كأنه كبر وغيروه لول
11- هاري موغان لما يطلع في المواسم الأربع الأولى كان يصير مثل وميض ابيض حتى الصورة تصير بايخة بس اختفى هالشي مع بداية الموسم الخامس وصار بس يطلع يكون الوضع عادي.
======================================
لازم يعيدون فتح المسلسل مرة ثانية مابي ينتهي عند 8 مواسم باقي 11 حلقة واخلصه مو مصدق
===================================
شفتوا ديب لما اطلقت النار على لاغويرتا بعدين راح وحضنتها؟ شفتوا قعدتها وبجيها؟ أوسكاااااار عليه
حمزة
[ يناير 27, 2014, 12:03 PM: تم تحرير المشاركه من قبل: حمـزة ]
شلون جذي تموت!! مو مقتنع والي اعرفه صارت احسن شنو هالغيبوبة الغريبة الي طاحت فيها!! مو معقولة!! كنت أفضل لو تموت من طلقة المجرم مو جذي!!!
احد يفهمني لاني مو فاهم شغلة.. أخر دقيقية من نهاية الموسم الثامن شنو وضعها!! الحين مو ديكستر قرر يقط ديب في البحر وهو يتجه بقاربه نحو الاعصار ويموت بعد!! معقولة ما مات!!! لول انا شطيت عدل عبالي هاريسون كبر وصار نفس ابوه..
مابي جذي قلبي يعورني. بالمناسبة انا حبيت الموسم الثامن لكن اكيد مو بقوة المواسم الثامنة بس حلو. وايد طيحتوا حظه بس كان حلو ومنطقي عدا جزئية موت ديب وبنت ماسوكا ما اقتنعت فيهم...
بتضحكون علي عدل.. حاليا قاعد أشوف غوسيب غيرل لول تعودت على المسلسلات تخيلوا خلصت ديكستر من هني وشفت أول 4 حلقات من غوسيب غريل. اوووف فرق شنيع بكل شي
إرسال هذه الصفحه لصديق!
لطباعه هذا الموضوع
![[rofl]](graemlins/rofl.gif)
![[heartpump]](graemlins/heartpump.gif)
![[eyelove]](graemlins/eyelove.gif)
![[Big Grin]](biggrin.gif)
![[Smile]](smile.gif)
![[Razz]](tongue.gif)
![[rose]](graemlins/40.gif)
![[Frown]](frown.gif)
![[cleverman]](graemlins/cleverman.gif)
مادري ليش قاهرني بس مع الحلقة الأولى من الموسم الثامن كأنه كبر وغيروه لول 
