منتــدى الســالميــه إضافة موضوع جديد  إضافة رد
ملفي الشخصي | الدليل تسجيل الدخول | بحث | مســـاعدة | الألعاب | قائمة الإداريين | الصفحه الرئيسيه

  الموضوع الأقدم التالي   الموضوع الأحدث التالي
» منتــدى الســالميــه » القسم الـفـنـي » ســـاحــة الفـــن الغـــربــــي » UP — اليوم العرض الاول في الكويت .. التفاصيل ص 6 (الصفحه 6)

 - إرسال هذه الصفحه لصديق!   الموضوع متكون من صفحات: 1  2  3  4  5  6  7   
الكاتب الموضوع: UP — اليوم العرض الاول في الكويت .. التفاصيل ص 6
[ Bandar ]
عضو نشيط جدا
رقم العضويه 87608

This user is from Kuwait
أيقونه 1 مرسله في     Offline  الملف الشخصي لـ [ Bandar ]   البريد الإلكتروني [ Bandar ]   إرسال رساله خاصه جديده       تحرير/حذف المشاركه   رد مع إقتباس 


اخيرا الفلم بينزل عندنا اليوم الساعه 7 المغرب بسينما أجيال بمجمع أجيال بمنطقة الفحاحيل [super] [super]

اول عرض راح يكون بهالسينما ..

يمكن الكويت اول بلد يعرضه قبل دول الخليج لأنهم بيعرضونه الخميس

حدددددددي مستانس و طاير من الفرحه

[dance] [dance] [dance] [dance] [dance] [dance]



[ يونيو 03, 2009, 12:25 AM: تم تحرير المشاركه من قبل: Bandar UP ]

المشاركات: 1070 | من: kuwait | تاريخ التسجيل: فبراير 2009  | أرسل ملاحظه لمشرف الساحه عن هذه المشاركه
[ L.O.V.E.R ]Administrator
سوبر مصمم
رقم العضويه 3004

This user is from Quatar
أيقونه 1 مرسله في     Offline  الملف الشخصي لـ [ L.O.V.E.R ]     إرسال رساله خاصه جديده       تحرير/حذف المشاركه   رد مع إقتباس 
^
^

حقدت عليييييكم

اكثر ناس يحبون اعمال ديزني بالخليج هم اهل قطر [Razz] .. رجاءاً محد يجادلني بهالنقطه .. لول

فليش تعرضونه قبلنا [Frown] .. مايصير ظلم [crying]

[ يونيو 02, 2009, 11:37 PM: تم تحرير المشاركه من قبل: [ L.O.V.E.R ] ]

--------------------

 -

 -



المشاركات: 27170 | من: ~ NeverlanD ~ | تاريخ التسجيل: يوليو 2002  | أرسل ملاحظه لمشرف الساحه عن هذه المشاركه
Diva *
موقوف مخالف
رقم العضويه 37402

This user is from Quatar
أيقونه 1 مرسله في     Offline  الملف الشخصي لـ Diva *   البريد الإلكتروني Diva *       تحرير/حذف المشاركه   رد مع إقتباس 
^
^

لول right

عيال خالتي بأمريكا حضروه يقولون عجيب طبعا شي مب غريب [Wink]

ناطرين الفيلم والله يعينا عالبزران

--------------------
 -
و اللي مش عاجبووو يرجع ع بلدوووو [Embarrassed]


المشاركات: 4399 | من: Qatar <3 | تاريخ التسجيل: أغسطس 2005  | أرسل ملاحظه لمشرف الساحه عن هذه المشاركه
[ Bandar ]
عضو نشيط جدا
رقم العضويه 87608

This user is from Kuwait
أيقونه 1 مرسله في     Offline  الملف الشخصي لـ [ Bandar ]   البريد الإلكتروني [ Bandar ]   إرسال رساله خاصه جديده       تحرير/حذف المشاركه   رد مع إقتباس 
رد مقتبس:
المرسل الأصلي هو [ L.O.V.E.R ]:
^
^

حقدت عليييييكم

اكثر ناس يحبون اعمال ديزني بالخليج هم اهل قطر [Razz] .. رجاءاً محد يجادلني بهالنقطه .. لول

فليش تعرضونه قبلنا [Frown] .. مايصير ظلم [crying]

[ يونيو 02, 2009, 11:37 PM: تم تحرير المشاركه من قبل: [ L.O.V.E.R ] ]

حتى عندنا بالكويت .. عشاق ديزني وبيكسار اكثار [nut]

ترى هم انا حاقد عليكم لأن افلام ديزني DVD تنزل عندكم بسرعه واحنا تتأخر [Mad]

[ يونيو 03, 2009, 12:34 AM: تم تحرير المشاركه من قبل: Bandar UP ]

المشاركات: 1070 | من: kuwait | تاريخ التسجيل: فبراير 2009  | أرسل ملاحظه لمشرف الساحه عن هذه المشاركه
[ فـهـد ]
عضو فعال
رقم العضويه 2113

This user is from Kuwait
أيقونه 1 مرسله في     Offline  الملف الشخصي لـ [ فـهـد ]   البريد الإلكتروني [ فـهـد ]   إرسال رساله خاصه جديده       تحرير/حذف المشاركه   رد مع إقتباس 
هالاسبوع بروح فلمين UP اكييد وفلم ابراهيم الابيض لأحمد السقا [Big Grin] ..

مو نوعي عربي بس شكلا حلوو ..

واكيد اكيد آب لازم اشوفه بعدد اخر ابداعات بيكسار " والي [Big Grin] " ..

[ يونيو 04, 2009, 07:28 PM: تم تحرير المشاركه من قبل: [ بيبسي ] ]

--------------------

 -

[heartpump]




المشاركات: 5940 | من: K u W @ i T | تاريخ التسجيل: يونيو 2002  | أرسل ملاحظه لمشرف الساحه عن هذه المشاركه
*riskyModerator
عضو فعال جدا
رقم العضويه 14875

This user is from Quatar
أيقونه 1 مرسله في     Offline  الملف الشخصي لـ *risky     إرسال رساله خاصه جديده       تحرير/حذف المشاركه   رد مع إقتباس 
رد مقتبس:

اكثر ناس يحبون اعمال ديزني بالخليج هم اهل قطر .. رجاءاً محد يجادلني بهالنقطه .. لول

صادق يانصور بس شاقول بس [crying]

اليوم بروح السيتي سنتر وبشوف اذا بينعرض يوم الخميس ولا لا

واذا بيحطونه عرض خاص بشوفه [super]

--------------------


Click for fullsize image

- [heartpump] -



المشاركات: 15301 | من: Doha Qatar | تاريخ التسجيل: أبريل 2004  | أرسل ملاحظه لمشرف الساحه عن هذه المشاركه
[ L.O.V.E.R ]Administrator
سوبر مصمم
رقم العضويه 3004

This user is from Quatar
أيقونه 1 مرسله في     Offline  الملف الشخصي لـ [ L.O.V.E.R ]     إرسال رساله خاصه جديده       تحرير/حذف المشاركه   رد مع إقتباس 


بندر .. اطلع وبان عليك الامان !!

المفروض تكون شفت اب .. متشوق ابي اعرف شرايك فيه ؟



--------------------

 -

 -



المشاركات: 27170 | من: ~ NeverlanD ~ | تاريخ التسجيل: يوليو 2002  | أرسل ملاحظه لمشرف الساحه عن هذه المشاركه
[ L.O.V.E.R ]Administrator
سوبر مصمم
رقم العضويه 3004

This user is from Quatar
أيقونه 1 مرسله في     Offline  الملف الشخصي لـ [ L.O.V.E.R ]     إرسال رساله خاصه جديده       تحرير/حذف المشاركه   رد مع إقتباس 


بما انه بكره بيكون موعدنا اخيراً مع ابداع بيكسار الجديد

خاطري استرجع معاكم بعض المشاهد المميزه اللي محد يقدر يطلعها بهالصوره السينمائيه المتكامله غير بيكسار

طبعاً افلامهم كلها روعه من البدايه حتى النهايه

لكن تستهويني المشاهد العميقه اللي مادري شلون تنجح بيكسار بصناعتها .. بحيث انك تصدق المشهد اللي قدامك بكل جوارحك

ومثل ماراح تشوفون كل المشاهد اللي بذكرها مالها خص بالكوميديا

بالرغم من ان بيكسار تبرع بكوميديا الموقف اللي تفتقر لها باقي افلام الانميشن العاديه

بس في مشاهد عميقه عالقه بذهني .. بحيث اني كل ماسترجع الفلم واتذكره ماتذكر الا المشاهد اللي باكتبها الحين

لو في فلم ماشفتوه طوفوا فقرته عشان لايحترق عليكم

نبدا جولتنا البيكساريه مع اول فلم لهم :

 -

Toy Story 1

من اكثر المشاهد اللي احبها بهالجزء مشهد بز يطير لما يكتشف انه مجرد لعبه عاديه من خلال الاعلان التلفزيوني اللي شافه بالصدفه .. مشهد عميق وتعابير وتصرفات بز لما اكتشف انه كان عايش طول حياته بجذبه من اروع ماشفت ..

 -

a Bug's Life

مشهد اتحاد النمل ضد الجراد بأخر الفلم وكيف انهم تمردوا على وضع العبوديه اللي كانوا فارضينه عليهم الجراد وانتصروا لما حطو يدهم بيد بعض .. كل ما اتأمل بفكرة المشهد الاخير واتذكر وضع الشعوب المغلوب على امرها وكيف ان الفلم قدر انه يعكس واقعهم من خلال حياة حشرات صغيره مثل النمل والجراد يزيد اعجابي اكثر بهالفلم !!

 -

Toy Story 2

مشهد اللعبه جيسي وهي تسرد قصتها الحزينه لوودي وكيف ان رفيجتها اللي كانت بالنسبه لها كل حياتها تخلت عنها لما اكبرت .. الطريقه والاسلوب اللي اعرضوا من خلالها سالفة جيسي ابداع ماله مثيل على وجه الكره الارضيه .. مشهد يأثر بالصغير والكبير .. خصوصاً اللي عاشوا نفس تجربتها وعانوا من عدم وفاء اصدقائهم لهم ..

 -

Monster's Inc

المشهد الاخير لما حاول المارد انه يصلح الباب اللي يوصل لغرفة الطفلة بوو عشان يفرح رفيجه الوحش شلبي .. شوفوا لاي درجه الاخلاص .. تقطعت يده وهو يجمع كل ذرة خشب عشان يرجع الباب مثل ماكان بس عشان يفرح رفيجه .. وتكملة المشهد ايضاً مؤثره لما يكتشف الوحش انه يملك اخر قطعة .. ومشهد الختام لما يفتح الباب ويشوفها ويبتسم .. ابداع والله

 -

Finding Nemo

مشهد البدايه بكل بساطه واحد من اجمل المشاهد اللي تم عملها في بيكسار وغير بيكسار .. مشهد مؤثر وعميق وسوداوي بعض الشيء .. لاحظوا معاي الفكره شلون بسيطه لكن مليانه عواطف .. زوج وزوجته من اسماك البهلوان توهم ناقلين بيت جديد ومعاهم احلام وتطلعات لمستقبل حلو مع اطفالهم اللي مازالوا في بيضاتهم .. فجأه وبلمح البصر تختفي كل احلامهم لما يهجم عليهم سمك قرش .. وتموت الام بعد ماضحت بحياتها لانقاذ اطفالها .. ومايتبقى شي للزوج المنكوب غير طفل واحد بس .. شوفوا معاي جمال السرد والصوره والمشاعر الفياضه اللي تحطنا فيها بيكسار .. بذمتكم مب ابداع ؟

 -

The Incredible

من اروع افلام السوبر هيروز ويعجبني في بيكسار انها تنبأت بموجة افلام الابطال الخارقين قبل لاتطلع بهالكثافه من خلال هالفلم .. الفلم فيه مشاهد وايد حلوه .. لكن من اكثر المشاهد اللي حبيتها لما كانت العائله كلها تحارب يد بيد في الغابه ضد اعوان الشرير ..

 -

Cars

المشهد اللي يعرض ذكريات مدينة الرادياتير اللي كانت عامره بالحياه بالستينات والكل يزورها قبل لاتغير الحكومه الطريق اللي يمر عليها بهدف اختصار الطريق على المسافرين .. المشهد جداً حزين ويعور القلب ويخلينا نتأمل بالتطور الرهيب اللي قاعد يصير كل يوم وكيف ان هالتطور بالرغم من انه يوفر علينا الوقت لكن يفقدنا متعة انجازه ..

 -

RATATOUILLE

من المشاهد المهمه بالفلم واللي كل مارجع اشوفها انبهر بطريقة اخراجها وصياغة الحوار فيها .. مشهد ريمي وابوه لما كانوا قدام المحل المخصص لقتل الفئران .. طموح ريمي وثقته بموهبته ماخلته يشوف مستقبله مثل ماكان موضح قدامه على زجاج المحل .. ميت بمصيدة فيران .. طموحه كان يقوله انه مستقبله بيكون غير اللي يشوفه قدامه .. بإختصار مشهد ملهم .. حبيت العمق والفلسفه اللي فيه ..

 -

WALL-E

ابداع ماله حدود .. كل مشاهد الفلم رهيبه وتنبض بالحياه .. لكن اكثر مشهد حسيت انه عالق براسي مشهد رقصة الحب اللي كانوا يرقصونها والي وإيف بالفضاء .. السينماتوغرفي بهالمشهد يخطف الانفاس من روعته ..

_____________________________

تسع افلام .. تسع تحف

تسع اعمال شفناها وبنتم نشوفها وبنتم نضحك ونتأثر ونستمتع فيها

بيكسار ماتقدم اعمال عشان تعيش يوم ولا اسبوع ولا شهر ولا سنه وينسونها الناس ..

بيكسار تقدم اعمالها للتاريخ ..

مع كل فلم لهم يزيد احترامي لابداعهم واخلاصهم بتقديم ماده ممتعه ومفيده للمشاهد

ياترى شنو بيكون مشهدي المفضل بتحفتهم الجديده UP !!

بكره انشاءالله بعرف الاجابه [Big Grin]



[ يونيو 04, 2009, 01:04 AM: تم تحرير المشاركه من قبل: [ L.O.V.E.R ] ]

--------------------

 -

 -



المشاركات: 27170 | من: ~ NeverlanD ~ | تاريخ التسجيل: يوليو 2002  | أرسل ملاحظه لمشرف الساحه عن هذه المشاركه
joeymaniaa
عضو نشيط
رقم العضويه 18802

This user is from Kuwait
أيقونه 1 مرسله في     Offline  الملف الشخصي لـ joeymaniaa   البريد الإلكتروني joeymaniaa   إرسال رساله خاصه جديده       تحرير/حذف المشاركه   رد مع إقتباس 
نصور حرام عليك هالموضوع الحلو تخليه رد ..
يليت تفتح موضوع خاص بهالرد التحفه و الكل يستمتع فيه ..

--------------------

 -
My Gallery


المشاركات: 699 | من: kuwait | تاريخ التسجيل: نوفمبر 2004  | أرسل ملاحظه لمشرف الساحه عن هذه المشاركه
[ عبـد الـعزيـز ]
عضو فعال
رقم العضويه 17637

This user is from Quatar
أيقونه 1 مرسله في     Offline  الملف الشخصي لـ [ عبـد الـعزيـز ]   البريد الإلكتروني [ عبـد الـعزيـز ]   إرسال رساله خاصه جديده       تحرير/حذف المشاركه   رد مع إقتباس 


UP اليوم بالدوحه ..

يعني لوفر مارح يبين هالاسبوع [Razz] فأحرقوا أحداث أي فيلم تبون ..

سمعت انه صالة العرض حاجزها شخص برووحه اليوم [Razz]



--------------------

 -






مـن يـومها شـو عـاد صـار ..؟
مـا صـار شـي كتـيـر ..!







المشاركات: 6796 | من: عــيون فــيروز | تاريخ التسجيل: سبتمبر 2004  | أرسل ملاحظه لمشرف الساحه عن هذه المشاركه
علوووشModerator
عضو متميز
رقم العضويه 17300

This user is from Lebanon
أيقونه 1 مرسله في     Offline  الملف الشخصي لـ علوووش     إرسال رساله خاصه جديده       تحرير/حذف المشاركه   رد مع إقتباس 
عأساس نازل عنا اليوم بعدد من الصالات وكذا صالة تابعين لشركة

الشركة الأولى سحبت الفيلم من العرض والتانية أجلتو ل11 [Mad] [Mad]

--------------------


 -



المشاركات: 37006 | من: Australia | تاريخ التسجيل: أغسطس 2004  | أرسل ملاحظه لمشرف الساحه عن هذه المشاركه
*riskyModerator
عضو فعال جدا
رقم العضويه 14875

This user is from Quatar
أيقونه 1 مرسله في     Offline  الملف الشخصي لـ *risky     إرسال رساله خاصه جديده       تحرير/حذف المشاركه   رد مع إقتباس 
شفته شفته شفته شفته شتفه شفته

توني جاي منه [Eek!]

--------------------


Click for fullsize image

- [heartpump] -



المشاركات: 15301 | من: Doha Qatar | تاريخ التسجيل: أبريل 2004  | أرسل ملاحظه لمشرف الساحه عن هذه المشاركه
Dreamer78
عضو مستمر
رقم العضويه 67446

This user is from Kuwait
أيقونه 1 مرسله في     Offline  الملف الشخصي لـ Dreamer78   الموقع المفضل للعضو   البريد الإلكتروني Dreamer78   إرسال رساله خاصه جديده       تحرير/حذف المشاركه   رد مع إقتباس   عنوان المسنجر the_dreamer78@live.com
اكيد بروح له .. ثانكس على الموضوع الحلو ناصر
المشاركات: 2197 | من: kuwait | تاريخ التسجيل: يوليو 2006  | أرسل ملاحظه لمشرف الساحه عن هذه المشاركه
7aMoOoOoD
عضو فعال جدا
رقم العضويه 68050

This user is from Iraq
أيقونه 1 مرسله في     Offline  الملف الشخصي لـ 7aMoOoOoD   البريد الإلكتروني 7aMoOoOoD   إرسال رساله خاصه جديده       تحرير/حذف المشاركه   رد مع إقتباس   عنوان ياهو ماسنجر MH_ALAZZAWI@YAHOO.COM
شفت الفلم اليوم

الفلم بالبدايه يكون كللش حلو والفكره خرافيه
بالنص يصير شويه ممل
وبالنهايه يقلب فلم هندي [Frown] [Frown]
ماحبيت الصراحه [Frown] مع انه جان عندي امل جبير بالفلم

Ratatouille و Wall - E احلى بهووووووووووووايه

يلله ان شالله خيرها بغيرها

--------------------



 -  -

You Are The Only Exception

 -
اروحــــــلج فـــــدوه


المشاركات: 14403 | من: iRaQ | تاريخ التسجيل: يوليو 2006  | أرسل ملاحظه لمشرف الساحه عن هذه المشاركه
[ L.O.V.E.R ]Administrator
سوبر مصمم
رقم العضويه 3004

This user is from Quatar
أيقونه 1 مرسله في     Offline  الملف الشخصي لـ [ L.O.V.E.R ]     إرسال رساله خاصه جديده       تحرير/حذف المشاركه   رد مع إقتباس 


 -

"Up" الفلم اللي يحلق بمشاعرك "فوق" !!

لاجديد مع بيكسار .. الابداع عندهم مثل النهر المتدفق اللي ماله نهايه .. Up يعتبر امتداد لسلسلة ابداعات هالشركه اللي ماتعرف معنى الفشل او كيف تصنع فلم رديء .. بجديدهم أب تركز بيكسار على المعاني الانسانيه الجميله مثل العائله والحب والاخلاص والتضحيه .. الفلم يقدم سيل من اللحظات المؤثره والمشاهد الكوميديه الراقيه اللي تعتمد على كوميديا الموقف .. كل الاشياء اللي يحب يشوفها المشاهد عالشاشه راح يحصلها بسهوله بالفلم .. مغامره مثيره وسط غابات الامازون بين التلال الصخريه وشلالات الجنه تذكرنا بأجواء مغامرات انديانا جونز .. رومانسيه ومشاهد حب صادقه ومؤثره بين زوجين يحبون بعض .. كوميديا خفيفه ومرحه ونظيفه ومافيها اسفاف وتصلح لكل العائله .. موسيقى اخاذه وساحره تأسر المشاعر وتاخذنا لاجواء افلام هوليوود بعصرها الذهبي .. بإختصار فلم ممتع ومؤثر ومحكم الصنع من البدايه للنهايه ..

يستعرض الفلم حياة كارل فريدريكسن من الطفوله للشباب واخيراً للكهوله بالربع الساعه الاولى من الفلم على طريقة المونتاج .. مشاهد صامته تتخلها موسيقى ساحره من المبدع اللي قدم لنا موسيقـة راتاتوي .. بيكسار قدمت في افتتاحية الفلم خلاصة خبرة سنوات طويله من الابداع وصنعت افتتاحيه جميله وساحره .. تضحك وتحزن فيها بنفس الوقت .. بيكسار تلعب بمشاعرنا بهالوقت البسيط مثل مايلعب الرسام برشيته .. يغير ويحول ويطرطش على لوحة الرسم مثل مايبي .. وكأنه مشاعر المشاهد لعبه سهله بيدهم .. حرفيه عاليه مادري من وين يجيبونها !!

 -

الافتتاحيه كانت روعه .. من منا لما كان صغير ماكان عنده بطل طفوله ؟ .. كارل نفس الشي .. بطل طفولته كان المستكشف المغامر مونتز .. طريقة اظهار اعجاب الطفل كارل ببطل طفولته والبرائه اللي بحركاته شي ماينوصف .. لما يرفع يده ويقلد حركة صبعه .. او لما يركض عالرصيف ويقفز فوق الحصى ويلف عن جذع الشجره ويتخيل انه يقود طيارته الخاصه .. برائه مالها حدود راح ترسم على وجوهكم ابتسامه عريضه وتاخذكم لعالم طاهر ومليان حب .. او لما يلتقي بالطفله ايلي ويتعرفون على بعض مثل اي طفلين عايشين بعالم غير اللي احنا عايشين فيه .. شي ماينوصف والله .. وكيف اخر شي تزوجوا واشتروا البيت اللي كانوا يلعبون فيه بطفولتهم وعدلوه وعاشوا فيه حياة سعيده ومثاليه .. وبعد كل هالمشاهد المليانه حب ياخذنا الفلم لمنعطف سوداوي .. حزين ومؤثر .. عظمة الفلم كلها تكمن بعرض هالمشاهد بدون حوارات .. وقدرتها على التأثير فينا .. مجرد مشاهد صامته مع موسيقى جميله .. عالعموم بيكسار تبرع بهالشي مثل ماشفنا بتحفتها السابقه والي .. فهالشي مب غريب عليهم !!

من الاشياء اللي اثارت اعجابي فعلاً الحبكه القصصيه المبهره والسيناريو الرائع اللي صاغوه أنامل المبدعين في بيكسار .. فمثلاً التحولات اللي مرت فيها شخصية كارل والتغير اللي طرأ عليه بعد ماتعرف على الطفل راسل كانت بإختصار من اروع الاشياء بالفلم .. وبعدين تخيلوا الوضع الغريب اللي انحط فيه كارل .. رجل عمره 78 سنه مع طفل اصغر منه بـ 70 سنه بمكان واحد معلق بالسما وماعندهم مفر .. جيلين مختلفين اجبرتهم الظروف انهم يتعاونون عشان كل واحد يحقق حلمه .. كارل يحلم بالوصول لشلالات الجنه .. وراسل يحلم بشارة مساعدة المسنين .. بتكون رحله صعبه اكيد بس الاكيد بعد انه راح يتخللها مواقف غير متوقعه ومضحكه بسبب الفارق العمري الكبير بينهم ..

 -

من اجمل الاشياء واللي تركت فيني اثر ان هالطفل كان بمثابة الملاك الصغير اللي دخل بحياة كارل عشان يحرره من سجن الذكريات اللي كان عايش فيه ويخليه يشوف الدنيا بمنظور ثاني تماماً .. صار كارل بالاخير بمثابة والد لهالطفل اللي علمه اجمل درس بالحياة وهو التضحيه وعدم تخلينا عن الاشخاص اللي نحبهم مهما كانت الظروف .. من المشاهد الجميله والمؤثره بعد مشهد كارل لما حقق حلمه وحط البيت بشلالات الجنه وبدا يتصفح كتاب مغامرات ايلي .. واكتشف ان الصفحات البيضه اللي كانت المفروض تعبيها بتفاصيل وصور مغامرة العمر اللي كانت تحلم فيها بشلالات الجنه .. عبتها بصور زفافها وحياتها مع كارل .. انصدم كارل وعرف ان ايلي كانت طول هالوقت تشوف حياتها معاه على انها اجمل واحلى من اي مغامرة ثانيه تحلم فيها سواء بشلالات الجنه او غيرها .. المشهد قوي ويترك اثر كبير وغريب بنفسية المشاهد .. وبعدها تجي اللحظه الاهم لما يحذف كل اثاث البيت ويروح ورى راسل .. عظمه على عظمه يا بيكسار !!

خلونا نتكلم شوي عن البيت .. الشخصية الصامته وبطلة الفلم الاولى مع كارل .. الرائع بالموضوع انه طول الفلم خلونا نشعر بأن البيت مش مجرد بيت عادي .. كنا نحس ان روح ايلي موجوده بكل جزء فيه .. كأنها كانت معاهم بكللل هالرحله .. وطبعا من اجمل مشاهد الفلم كانت مشهد تحليق البيت لاول مره .. الموسيقى روعه وطريقة ارتفاع البيت رهيبه .. والغريب اني صدقت فعلاً ان البالونات استطاعت انها تجلع البيت من مكانه وتطيره .. سحر غريب تملكني بمشهد التحليق ..

 -

الفلم غني بالشخصيات المحببه والقريبه للقلب .. مثل الكلب الاهبل الظريف دوق .. والطائر الملون كيفن اللي يعشق الشكولاته .. والمستكشف مونتز وقلبه الاسود وحبه لمصلحته وبس .. وكلابه الغريبه اللي حتى لو كانوا كلاب مميزه وتتكلم بس يبقون بالاخير كلاب ويلحقون اي كوره يشوفونها .. بشكل عام الفلم يحتوي على توليفه جميله من الشخصيات اللي تخلي المشاهد يندمج معاهم من اول مشهد يظهرون فيه وكأنه يعرفهم من فتره طويله ..

اكثر جمله اعلقت براسي ( ذا ادفنتشر از أوت ذير ) وكل ماتذكر الجمله اتذكر ايلي وهي تقولها بطريقتها الهبله وهي صغيره بالمشهد اللي تسللت فيه لغرفة كارل .. تقول الجمله بطريقه خبله وتضحك وهي رافعه صبعها بثقه .. ايلي تجنن وفعلاً ماحسيت اني افتقدتها لانها كانت موجوده بكل جزء من البيت .. اخيراً اقول ان Up فلم رائع ويترك اثر عميق برسالته اللي يقدمها .. تعلمت من الفلم امور وايد وعرفت ان المغامره الحقيقيه واجملها على الاطلاق هي اللحظات اللي نقضيها بحياتنا مع الناس اللي نحبهم .. بالنسبه لي اعتبر Up بلا شك واحد من اجمل وامتع افلام لبيكسار .. واحطه بالراحه بين اهم ثلاث افلام بتاريخهم ..

من المشاهد المفضله :

* الافتتاحيه الجميله والمونتاج اللي بأول الفلم * مشهد تحليق البيت * مشهد دخول راسل البيت * مشهد راسل والجي بي اس * مشهد كارل لما يتخيل انه ينزل راسل * مشهد كارل وراسل لما كانوا قاعدين تحت المطر وكان راسل يتكلم عن ابوه بتأثر وكيف ايقظ مشاعر كارل وخلاه يحس فجأه بالمسؤوليه اتجاهه * مشهد الاسر لما دخلوا بين التلال الصخريه والموسيقى العجيبه المصاحبه للمشهد .. حسيت اني اشوف فلم لانديانا جونز * مشهد احتراق البيت * مشهد تصفح كارل لكتاب المغامرات الخاص بإيلي لما وصل شلالات الجنه * مشهد هواش الشيبان كارل ومونتز ولما يسدد كارل الضربه القاضيه بطقم اسنانه [Razz] * مشهد سقوط البيت والجمله اللي قالها كارل بأنه مجرد بيت * مشهد حضور كارل لاحتفال تسليم شارة الكشافه لراسل * واخيراً وليس اخراً .. مشهد النهايه لما البيت حط رحاله عند شلالات الجنه ..



[ يونيو 06, 2009, 04:25 PM: تم تحرير المشاركه من قبل: [ L.O.V.E.R ] ]

--------------------

 -

 -



المشاركات: 27170 | من: ~ NeverlanD ~ | تاريخ التسجيل: يوليو 2002  | أرسل ملاحظه لمشرف الساحه عن هذه المشاركه
  الموضوع متكون من صفحات: 1  2  3  4  5  6  7   

رد سريع
الموضوع:

Icon 1
  أيقونه 1     أيقونه 2     أيقونه 3     أيقونه 4     أيقونه 5     أيقونه 6     أيقونه 7  
  أيقونه 8     أيقونه 9     أيقونه 10     أيقونه 11     أيقونه 12     أيقونه 13     أيقونه 14  
  أيقونه 15     أيقونه 16     أيقونه 17     أيقونه 18     أيقونه 19     أيقونه 20     أيقونه 21  
  أيقونه 22     أيقونه 23     أيقونه 24     أيقونه 25     أيقونه 26     أيقونه 27     أيقونه 28  
  أيقونه 29     أيقونه 30     أيقونه 31     أيقونه 32     أيقونه 33     أيقونه 34     أيقونه 35  
  أيقونه 36     أيقونه 37     أيقونه 38     أيقونه 39     أيقونه 40     أيقونه 41     أيقونه 42  
  أيقونه 43     أيقونه 44     أيقونه 45     أيقونه 46     أيقونه 47     أيقونه 48     أيقونه 49  
  أيقونه 50     أيقونه 51     أيقونه 52     أيقونه 53     أيقونه 54     أيقونه 55     أيقونه 56  

كود HTML مفعل
كود المنتدى مسموح به.

الوجوه الفوريه

إرفاق ملف من
   


إضافة موضوع جديد  إضافة رد إغلاق الموضوع   تثبيت الموضوع   نقل الموضوع   حذف الموضوع الموضوع الأقدم التالي   الموضوع الأحدث التالي
 - لطباعه هذا الموضوع
إذهب إلى:


إتصل بنا | منتدى السالمية دوت نت

Powered by Infopop Corporation
UBB.classic™ 6.7.1