وأخيرا شفت الفلم اليوم.. 10 على 10.. بالضبط نفس كمية الخيال والسحر اللي كنت مترقبنها من أول ما أعلنوا عن الفلم من سنتين.. فلم بمستوى أفلام ديزني اللي كانت تنزل في التسعينات لين الحين مب قادر ألاقي أي شي سلبي بالفلم.. كل شي بالنسبة لي كان بيرفيكت.. - تيانا صارت من شخصيات ديزني المفضلة عندي في نص الفلم كنت حاس انه تيانا بتصير مملة وبتكون هي العاقلة وبتقضي باقي الفلم تنصح نافين و لويس.. لكن أبدا ما صار هالشي.. تحسونها دخلت بالاجواء بنفس الليلة وصاروا لويس و نافين أصدقائها بسرعه.. - نافين.. تعجبني ثقته بنفسه حتى وهو ضفدع بعض أمراء ديزني ما يعجبوني.. خاصة اللي على ستايل ايريك و أمير سنووايت وسندريلا.. الواحد يحس انه مالهم دور والتركيز كله يكون عالبطلة.. بس نافين غير, أساسا الفلم اسمه الاميرة والضفدع و دوره بنفس اهمية دور تيانا..
- لويس.. دمه خفيف وكل ما يكون عالشاشة ألاقي نفسي أضحك عليه.. حتى لو ما كان يسوي شي يضحك.. - راي.. هالشخصية كانت مفاجئة بالنسبة لي.. توقعت انه يكون نسخة ثانية من لويس.. يعني مثل تيمون و بومبا.. لكن طلع شي ثاني تماما.. حسيته مثال للشخص اللي يكون حكيم و دمه خفيف في نفس الوقت.. نصايحه كانت دايما في محلها و الحلو انه ضحى بحياته علشان ينقذ أصدقائه - ماما أودي.. مينووووونة أغنيتها روعة وأول ما خلصت الأغنية فيه بنت صغيره تحت قالت وااو - شارلوت.. فاااصلة.. من الحين أفكر منو الممثلة اللي بتمثل صوتها بالعربي.. فيه ممثلة اسمها نشوى مصطفى تتكلم بسرعه دايما.. احسها بتبدع في هالدور.. بس عاد دبلجة ديزني كالعادة بيحطون ممثلة أول مره نسمع فيها طلعت في فلم تنة و رنة ولا سانتا باديز.. ( مجرد توقع ) - فاسيلييه.. مشهده الاخير مع تيانا كان يخوف.. الطريقة اللي مات فيها عجبتني.. مع انها سريعه بس تعلق في الذاكرة
أرجع وأكرر فلم ممتاز.. اللي ما شافه لازم يشوفه اليوم قبل باجر
-------------------- [ المشاركات: 7335 | من: الامارات | تاريخ التسجيل: يوليو 2003
|
تقرير سريع عن البوكس اوفيس.. أولا بشكل عام هالفترة الأرقام من أول ما بديت اتابع البوكس أوفيس ما شفت مثلها أرقام خيالية واللي يقول انه شركات انتاج الأفلام تعاني من الازمة الاقتصادية أقوله كزاااااب كل الافلام اللي نزلت هالفترة قاعده ادخل ملايين للشركات.. خاصة أفاتار.. بالنسبة للاميرة والصفدع.. بما انه ما نزل ولا فلم هالأسبوع , الفلم بعده بالمركز السابع.. بس بسبب العطلات في أمريكا قدر الفلم يدخل أرقام أقوى من الويك اند الماضي.. وأساس الفرق بينه وبين الفلم السادس والخامس بسيط جدا.. واذا ما حسبنا الويك اند الفلم بكل سهولة بيكون في المركز الرابع.. مجموع الأرباح في امريكا لين الحين وصل $86,085,000 قفزة قوية للفلم من بعد الاسبوع الماضي والحين نقدر نقول انه تغلب على Brother Bear و أتلانتس و جزيرة الكنز و Home on the Range بالنسبة للأرباح .. يعني هذا بحد ذاته انجاز ونجاح للفلم.. وأكيد بعده قدامنا كذا أسبوع قبل ما ينسحب الفلم من السينمات في امريكا.. وناطرين أرقام الأرباح من الدول الثانية.. بريطانيا وأستراليا و اليابان ممكن انهم يرفعون أرباح الفلم للسقف..
[ يناير 04, 2010, 06:03 AM: تم تحرير المشاركه من قبل: howtodeal ]
-------------------- [ المشاركات: 7335 | من: الامارات | تاريخ التسجيل: يوليو 2003
|
الفلم فاتن بكل معنى الكلمه وكل مارجع اتذكره ابتسم .. الفلم فيه سحر غريب .. من اول لحظه يدخلنا الفلم بجو ساحر على ضوء نجمة ايفانجلين ..
ديزني قدمت عمل فاتن ويضاهي افلامها القديمه .. وهالشي ابداً ماتوقعته يصير بهالألفيه .. ياتني فتره فقدت ايماني بديزني وانها تقدر تقدم اعمال ساحره مثل علاء الدين وحورية البحر والجميله والوحش .. لكن بعد الاميره والضفدع تطمنت على الشركه الصراحه .. والله يا ماجد متحمس حدي للفلم عشان اشوفه للمره الرابعه !!
كل ماقرى اسم الاميره والضفدع اتذكر على طول مشهد الشرفه لما تيانا تكلم الامير نافين على اساس انه ضفدع عادي مايفهم .. مثل حال افلام ديزني الثانيه اللي لها بصمتها .. مثلا لما يمر علي اسم فلم علاء الدين اتذكر عالسريع واول شي يخطر ببالي مشهد الرحله بالبساط السحري .. والجميله الوحش مشهد قاعة الرقص .. احس الاعمال اللي تترك فيني هالاثر اعمال عظيمه وخالده ..
لجنة الاوسكار استبدعت ترشيح موسيقة الفيلم لراندي نيومان لافضل موسيقى اصليه
Statement regarding the Original Score of “The Princess and the Frog”
Beverly Hills, CA (January 12, 2010) — After nominations ballots and reminder lists for the Original Score category were mailed to members of the Academy’s Music Branch (on December 28), questions were raised regarding the eligibility of the score of “The Princess and the Frog.”
On Monday, January 11, the Music Branch Executive Committee met to discuss the score’s status. Based on the committee’s interpretation of the rules, it was determined that the film is not eligible in the score category, though four songs from the movie remain eligible for consideration.
The relevant language is contained in Rule 16, Section II, Paragraph E:
...scores diluted by the use of tracked themes or other preexisting music, diminished in impact by the predominant use of songs, or assembled from the music of more than one composer shall not be eligible.
The tabulators at PricewaterhouseCoopers have been instructed to disregard any votes cast for the Original Score of “The Princess and the Frog.” The movie remains eligible in all other categories for which it qualified.
تم ترشيح فيلم ديزني the princess and the frog في فئة أفضل رسوم متحركة Best Animated Feature Film
متحدياً عدة أفلام منها فيلم UP و Cloudy With A Chance Of Meatballs و Coraline و يعتبر الفيلم الوحيد من بينهم المرسوم باليد ويعتبر عودة قوية للأفلام الكلاسيكية المرسومة باليد بعدما أجتاحت أفلام الـ 3D عالم السينما