أنا حماسي وصل أبعد عن حده ودي اشوف الضجة الكبيرة الي صايرة في دبي يستاهله الفيلم و لا لأ أنا حبيت كارز الجزء الاول ما عاد انه ما كان لي حماس له بس الفيلم كان كيوت وغيرت فكرتي فيه 360 درجة..
لفانز الامارات او الي في دبي اليوم أو الليلة بيكون في احتفالية كبيرة لفيلم كارز 2 في دبي فستيفال مول بالتعاون مع تويز آر اس و بيجيبون كل الشخصيات وتقدرون تصورون معاهم بعد بامكانكم تحصلون على تذاكر مجانية مجرد تشترون اي لعبة لكارز 2 في تويز آر أص للمول نفسه ..
و في دبي مول تقدرون تستمتعون باكبر بوستر انعمل لفيلم و الفيلم هو كارز 2 و في بريمير بعد اليوم في ريل سينما دبي مول بس للاسف الحجز بيكون عن طريق موقع ريل سينما دبي مول ..
دبي ما عندها شي غير كارز 2 من خلال زيارتي الاخيرة لها سواء من ألعاب بوسترات اعلانات شدني المنظر حتى انه ربعي الا ما لهم علاقة بديزني اتحمسوا للفيلم أول مرة اشوف حملة دعائية ضخمة في مدينة كاملة لفيلم من أفلام ديزني أنا بحضر الفيلم باجر في سينما أربيان سنتر في قاعة VIP و هذا اول انيمشين ينعرض في القاعة الخاصة
ماشاءالله سعووود والله مدلعينكم دلع بالامارات يا فانز ديزني .. مب احنا مالت على حظنا اقول
نشرت الخبر بصفحة كارز عالفيس بوك حق اللي حاب يحضر ..
----------
الجميع مدعوا الليلة للمشاركه في الحدث الضخم الذي تنضمه إدارة دبي فيستفال سيتي مول Dubai Festival City Mall بالتعاون مع محلات تويز آر أص في دولة الامارات العربية المتحده لمشاهدة العرض الاول لفيلم ديزني وبيكسار الجديد "سيارات 2" والمشاركه في جميع الفعاليات الضخمه المقامه على شرف العرض الاول حيث يمكنكم الإلتقاء بشخصياتكم المحبوبة من فيلم "سيارات" شخصياً وإلتقاط مجموعه من الصور التذكاريه معهم قبل بدء الفيلم .. سيبدء عرض الفيلم الليلة في دولة الامارات العربية المتحده في الساعة الثانية عشرة ليلاً .. مشاهدة ممتعه نتمناها لكم بصحبة ماطم وبرق بنزيق والعميل السري جن مصور.
--------------------
المشاركات: 27170 | من: ~ NeverlanD ~ | تاريخ التسجيل: يوليو 2002
|
توني راجع من السينما .. للاسف الفيلم سيء سيء سيء .. القصه ضعيفه وتكاد تكون معدومه .. مجرد شوية مطاردات وحركات سخيفه طفوليه من ماطم عشان يضحك الاطفال الصغار .. وحتى الاطفال بالسينما ماسمعتهم يضحكون على افيهاته مثل ما المفروض يكون .. احلى ما بالفيلم مستوى الانميشن وتفاصيل المدن اللي ظهرت .. واحلى مافيه شخصية فن ماكميسايل وبداية الفيلم لما قدموه للمشاهدين .. غير كذا الفيلم عبارة عن كتلة من ثقالة الدم والفضل يرجع لماطم اللي حتى لو شربت فوقه ستين كوب ماي ماقدرت ابلعه .. اللي يحب ماطم وشخصية الصعيدي او البدوي اللي بايعها يمكن يحب الفيلم لكن انا ابداً مانزل لي من زور ..
مشاهد كثيره ماكان لها داعي .. والفيلم بكبره عبارة عن هدر للمال والوقت .. كارز الاول بالمقارنه مع هالجزء كأنه gone with the wind .. خاطري افهم بيكسار شكانت تفكر فيه لما قررت انها تنتج جزء ثاني لكارز ؟؟ وجزء فاشل مثل هذا ؟؟ قسماً بالله عمري ماحسيت اني محبط من عمل لبيكسار قد ماحسيته اليوم وانا قاعد اشوف كارز 2 .. بعد اول نص ساعه كنت ابي اطلع لكن كنت اصبر نفسي واقول اقعد شوي عشان نشوف اخرتها .. حتى اخوي الصغير لما خذته معاي ماحب الفيلم ابداً وظل ينتقده ويقول انه أسوء فيلم لبيكسار .. بالرغم من انه هو المفروض المشاهد المستهدف للفيلم !!
للاسف لكل شيء اول مره .. وهذا اول فشل حقيقي اشوفه لبيكسار .. على الرغم من اني كنت دايماً اعتبر باقز لايف وكارز الاول اقل فلمين بمسيرتهم من ناحية المستوى .. الا انهم عالاقل ممتعين والقصه حلوه والشخصيات مقبوله .. لكن كارز 2 الاسوء على الاطلاق .. تقيمي للفيلم 3 من 10 .. وهالدرجه بس عشان مستوى الانميشن وشخصية فن ماكميسايل ..
اذا في شي خلاني ما اندم اني تعنيت من البيت وحجزت تذاكر وجيت الفيلم .. هو فيلم توي ستوري القصير .. متنا متنا من الضحك .. ياحلاتهم وودي وباز وباربي وكين .. يونسووون .. فرق السما والارض بينهم وبين كارز .. الفيلم القصير ممتع وفكرته حلوه والشخصيات منسجمه مع بعض انسجام رهيييب وكأنهم فعلاً عايله وحده .. تقدر تصدقهم .. مش كارز اللي كل شي فيه غير صادق بالمره .. ما افكر ارجع اشوف الفيلم مره ثانيه بالسينما ولا حتى اعطيه فرصه ثانيه .. بانتظره ينزل على بلو راي بس عشان اشوفه مع الدبلجة المصريه كيف بيطلع وعشان ارجع اشوف فيلم توي ستوري القصير ..
للاسف كارز 2 خيب ظني لابعد حد .. فيلم يعاني من فوضى عارمه .. هارد لك بيكسار .. وناطرين ابداعكم ومستواكم الحقيقي اللي عهدناه منكم من خلال ذا انكريدبلز وفايندنق نيمو وراتاتوي ووالي واب وتوي ستوري السنه الجايه مع بريف ..
--------------------
المشاركات: 27170 | من: ~ NeverlanD ~ | تاريخ التسجيل: يوليو 2002
|