حسيت في حماس حق الانمي ألحين بالسالمية .. علشان جذي قررت أكتب شي ^^ .. وبالأصح أحط شي كتبته من مدة .. هالموضوع أنا حاطه بمنتديين ثانين باسم khaloodish وأنا اللي كاتبه أكيد .. مو بايقة .. تراني متعقد من البوق .. نبدأ
المقدمة :-
حاب أتكلم اليوم عن أحد أهم شركات الإنتاج في عالم الرسوم المتحركة اليابانية او الانمي .. شركة أنتجت الكثير من الأعمال المميزة والخالدة .. وتميزت عن باقي الشركات .. ولها خط مميز مشت فيه وراح نتلكم عنه بالتفصيل من خلال الموضوع .. الشركة هي شركة Nippon Animation .. نيبون لها معزة خاصة عند محبين الانمي في الوطن العربي لأنه الكثير من أعمالها تدبلج للغة العربية .. وتقريباً معظمهم تدبلجوا في زمن الدبلجة الجميل .. ماعدا بعض الاعمال اللي تشوهت للآسف في استيديوهات الزهرة
نبدأ الموضوع
تاريخ الشركة :-
تأسست الشركة في عام 1975 .. يعني من اكثر من 30 سنة .. وبهالثلاثين سنة قدمت الكثير من الاعمال المميزة اللي كونت لها مكانة فريدة في مصاف شركات الانتاج .. واللي ميز الشركة أكثر إنه اي محب للانمي يعرف إنه هالعمل من إنتاج نيبون أو لأ من البداية .. والسبب هو الروح الموجودة بكل عمل من أعمالها مع إختلاف القصص وطاقم العمل .. وتشابه الروح أبداً مو نقطة سلبية للشركة .. لأنه التكرار المقصود هني هو تكرار روح العمل اللي دايماً مايكون هو احد أسباب بروز أعمال نيبون اللي تجمع البساطة والجمال بدون لا تعقيد او مثل مايقولون إبراز للعضلات .. لووول
نعود لبداية الشركة .. الشركة مثل ماقلت تأسست في عام 1975 في شهر يونيو بواسطة مديرها Koichi Motohashi .. وكان المكتب الرئيس في مقاطعة قينزا في توكيو .. وكان ستيديو الشركة يقع في مدينة تاما في توكيو وأول أعمال الشركة هو الانمي الكلاسيكي Dog of Flanders أو بائع الحليب كما تدبلج .. اللي عرض لأول مرة في قناة فوجي وأنتج لصالحها بالأساس ( القناة الثامنة في اليابان ) .. وهالانمي كان أول عمل من أعمال The Classic Family Theater أو سلسة المسرح الكلاسيكي العائلي ( اللي ضم 23 عمل من إنتاج نيبون ومقتبسة من روايات عالمية ) .. وبعد هالعمل كان أوعمل مشترك تقوم به نيبون .. وهو Maya the Honey Bee .. وكان بالإشتراك مع قروب ألماني اسمه Germany's Kirch Media Group
وفي عام 1976 إنتجت نيبون Dokaben .. وهو انمي رياضي من 163 حلقة كان بالأصل مانجا مشهورة في اليابان .. استمر عرضه سنتين وشهرين على قناة فوجي اليابانية وحقق نجاح أبرز الشركة أكثر .. وبعد سنتين .. 1978 .. انتجت الشركة أقوى أعمالها اللي حقق نجاح فظيع بكل دول العالم مو بس باليابان .. حتى في الوطن العربي كان ومازل واحد من أروع الإنتاجات في عالم الانمي الكبير .. بعد هالكلام أكيد عرفتوه .. هو Conan, the Boy in Future او عدنان ولينا مثل ماتدبلج .. هالعمل كان مميز بكل النوحي .. حيث كان أول عمل يتم إنتاجه لقناة NHK .. وكان بعد أول عمل من إخراج Hayao Miyazaki .. اللي أصبح ألحين من أشهر الشخصيات في عالم الانمي وعمله سبيرتد اواي كان أول انمي يحصل على الأوسكار .. في عام 1979 تم إنتاج الانمي الكوميدي الغريب Misha .. وبعدها توالت الأعمال الناجحة والمميزة اللي راح أذكر بعضها بتفصيل أكثر بالرد القادم
يتبع >>>
[ يونيو 04, 2007, 06:09 PM: تم تحرير المشاركه من قبل: Voice Of Love ]
--------------------
Silkwood - 1983 The Greatest Living actress
المشاركات: 4930 | من: Q8 & QTR | تاريخ التسجيل: أكتوبر 2005
|
بذكر بس عشر أعمال .. علشان بس أعطي فكرة عن أعمال نيبون للي مايعرفها ولا سمع عنها من قبل ... وإذا حبيتوا الموضع راح أكتب عن الباقي
Zukkoke Sannin Gumi
القصة :- القصة تتكلم عن ثلاث أصدقاء ( Hachibei ، Hakase و Mo-chan ) .. ثلاث أصدقاء قريبين حيل لبعض ودايماً مع بعض ومع ذلك مختلفين عن بعض لدرجة كبيرة .. حيث إنه Hachibei ولد وقح بس نشيط ويحب الحركة .. ومستعد يسوي اي شي علشان يجذب إنتباه البنات .. و Hakase واعي وذكي ويحب يعرف كل شي ويصلح يكون ليدر لما يتمتع به من صفات .. والمتين Mo-chan طيب حبوب متحرر ويحب الأكل من خلال المسلسل نشوف مغامرات هذول الثلاثة اللي من خلال الاحداث اللي يمرون فيها يعرفون معنى الحياة ويطورون من انفسهم .. والمغامرات اللي يمرون فيها مو بس تكون بالمدرسة .. في حلقات يروحون لجبال وحلقات لجزر وغيرها من الأماكن .. Zukkoke Sannin Gumi بالأساس نوفل للصغار كتبت بواسطة Masamoto Nasu .. ونشرت في 1976 وتعتبر ماستر بيس لما فيها من إبداع وتميز .. وقد بيع منها تقريباً 21 مليوون نسخة ..
color=red]Hungry Heart[/COLOR]
القصة :- Kyosuke عمره 16 سنة وهو في أول سنة له في ثانوية Jyoyo Akanegaoka high school .. وأعتاد أن يلعب كرة القدم من كان في المتوسطة .. بس لسبب من الأسباب توقف عن لعب الكرة نهائياً .. عموماً .. في أول يوم له في الثانوية الجديدة صار بالصدفة (ماأقدر أقول شلون لأنه راح يخرب عليكم شي من الحلقة الأولى ) رئيس نادي كرة القدم للفتيات .. وبعد هذا اكتشف إنه للحين يحب الكرة حيل .. Kyosuke أنضم لفريق كرة القدم في المدرسة ومن خلال المسلسل نشوف الأحداث اللي تصير والتنافس بين عشاق كرة القدم .. ونتابع Kyosuke اللي يحاول يكون أفضل هداف بالعالم Hungry Heart من تأليفYoichi Takahashi مؤلفCaptain Tsubasa أو كابتن ماجد
The Legend of Condor Hero
القصة :- القصة عن Yang Guo .. الشاب الطيب المتفائل .. وبنفس الوقت العنيف المحب للقتال .. يانق غيو كبر بدون أب وصار يتيم بعد موت أمه ، لما صار عمره 13 سنة قابل سيد الكونغ فو الشهير Guo Jing .. بالرغم إنه Guo Jing يعرف أبو Yang Guo عدل بس ماقاله أي شي عنه غير إنه كان مقاتل ممتاز وقوي Yang Guo حب يتعلم كل شي يخص الكونغ فو علشان يصير مقاتل قوي مثل أبوه .. فبدا يتعلم كل شي يخص الكونغ فو .. وأثناء تدريبه على القتال وتطوير نفسه بإدارة Xiao Long Nu ( وريثة مدرسة الضريح القديم للكونغ فو ) وقع بغرامها .. لوول Yang Guo يملك طير غامض يسمى God Bird او طير الآله يعلمه كل أسرار وتكتيكات الكونغ فو .. وبعد هالتدريب يصير Yang Guo أشهر ماستر للكونغ فو ومافي ولا مقاتل يقدر يجاريه .. بالاخير نشوف شلون يقدر Yang Guo يهزم Genghis Khan ويبعد الجيش المنغولي عن الصين ..
Romeo and the Black Brothers
القصة :- روميو عمره 11 سنة يعيش مع عائلته الفقيرة في أحد القرى الصغيرة بسويسرا .. بسبب أشياء تصير يضطر روميو لبيع نفسه كعبد لأحد الأشخاص علشان يساعد عائلته وبالأخص أبوه المريض اللي يحتاج لمساعدة طبية بأسرع وقت .. روميو أصبح عبد لشخص شرير يدعى Ruini اللي دفع لعائلة روميو وأخذه معاه لميلان .. بطريقه لميلان يتعرف روميو بـ Alfred اللي يصير أعز أصدقاءه .. بعد ما يوصل لميلان يباع لأحد العائلات ويبتعد عن ألفرد وعند هذي العائلة يجبر للعمل في تنظيف المداخن .. من خلال أحداث المسلسل نشوف شلون روميو يقدر يعيش في ميلان بروحه والأشياء الصعبة اللي يمر فيها وغيرها من المفاجآت اللي تنكشف من خلال حلقات المسلسل .. وكل هالأشياء يمر فيها مع صديقه آلفرد وأصدقاءه الآخرين من منظفين المداخن .. اللي يأسسون قرورب خاص فيهم يسمونه ( Black Brothers ) .. المسلسل مليء بالأحداث والمفاجآت والمواقف الإنسانية
Guru Guru
القصة :- في قرية صغيرة تسمى Jimuna في قارة Jamu Jamu تعيش فتاة صغيرة تدعى Kukuri .. كوكوري تعتبر آخر سلالة قبيلة Migu Migu والوريثة الوحيدة لهم .. كوكوري تربت عند ساحرة عجوز علمتها سر سحر قبيلتها( حيث كانوا من أبرع السحرة اللي يستخدمون السحر الأسود للخير ) .. لكن للآسف Kukuri مو من النوع اللي يفهم في نفس القرية يعيش ولد اسمه Nike .. نيك تربى من قبل والدين شديدين .. ويبون ولدهم يصير أقوى شخص بالقرية .. لكن نيك مايبي يصير بطل .. في يوم من الأيام يقرر رئيس القرية إرسال فرقة للقضاء على الوحش الشرير Giri اللي كان محبوس لآلف السنين لكنه تحرر أخيراً .. ولسوء حظ نيك تم إختياره ( أو إجباره .. لوول ) إنه يكون هو البطل القادم .. وراحت معاه Kukuri اللي أختيرت لأنها آخر شخص من قبيلة Jamu Jamu .. ومن هني تبدأ مغامرات الثنين للقضاء على الوحش .. المسلسل مترووس ضحك لأنه نيك وكوكوري مايعرفون شي وكل حلقة متوهقين بسبب غبائهم ...
يتبع >>>
[ يونيو 05, 2007, 01:23 PM: تم تحرير المشاركه من قبل: Voice Of Love ]
--------------------
Silkwood - 1983 The Greatest Living actress
المشاركات: 4930 | من: Q8 & QTR | تاريخ التسجيل: أكتوبر 2005
|
القصة :- بطلة القصة بنت بريطانية اسمها جاكي وعمرها 13 سنة تعيش مع عائلتها في كينيا بأفريقا بسبب ظروف عمل أبوها .. عند جاكي حيوان صديق قامت بتربيته والإعتناء فيه من كان صغير .. من خلال الحلقات الأولى من الانمي نشوف شلون تلقاه وتقرر تعتني فيه .. هالحيون من الـ Bushbabise ( جنه قرد صغير ) .. تسميه جاكي ميرفي ويكون معاها دايماً .. بعد مدة يقرر أبوها العودة إلى إنجلترا .. جاكي لما عرفت إنهم راح يردون إنجلترا تقرر إنها لازم ترد ميرفي لمكانه الأصلي ( الغابة ) فتبدأ رحلتها مع Tombo (شاب أفريقي صديق لأبو جاكي ) في غابات السافانا ويكتشون الكثير من الاشياء ويمرون بمشاكل كثيرة .. هذا مختصر القصة وحاولت ما أوضح كل شي علشان لا اخرب على اللي يبي يشوفه متعة المشاهدة .. وعلى فكرة القصة مقتبسة من رواية The Bushbabies للكاتب William H. Stevenson
Chibi Maruko Chan
القصة :- chibi Maruko chan او ماركو-جان الصغيرة هو لقب ماركو الطفلة البريئة اللي تكره قعدة الصبح وتحب تخدع جدها وتضحك معاه .. وتفكر لساعات بشنو تصرف مصروفها القليل وتكره تقعد يم الصبيان مثلها مثل أي طفلة .. هالانمي اللي أسر قلوب كثير من الناس وحقق نجاح باهر يعتمد على قصة بسيطة .. قصة حياة ماروكو الصغيرة والأحداث اللي تصير لها سواء بالمدرسة او بالبيت .. بسبب بساطته كان قريب لقلوب الناس وأي طفل يشوف ماروكو يقول هذي أنا ماروكو حقق نسبة مشاهدة عالية حيث حقق نسبة 39.9 ./. وهالنسبة تعتبر اكبر نسبة مشاهدة انمي في اليابان ( هذا الكلام لحد عام 2001 .. بعده ما أدري عاد إذا في احد كسر هالرقم أو لأ .. حسب معلومات لأ ).. انمي ماروكو بالأصل مانجا للمانجاكا ( مؤلفة مانجا ) Sakura Momoko
The Alps Story: My Annette
القصة :- بطلة القصة فتاة تدعى Annette تربت بعائلة فقيرة في جبال سويسرا ..Annette طيبة وتحب الخير للناس وتهتم وايد بأخوها الصغير Dannie ، و أعز أصدقاءها ولد بعمرها اسمه Lucien وهو دايماً يكون معاها .. يوم من الأيام يصاب داني برجله ويكون السبب بالحادثLucien .. تتأثر صداقة Lucien و Annette لكن شوي شوي ترد علاقتهم وصداقتهم مثل قبل وأحسن .. هالانمي مافيه قصة محددة أو علشان أكون دقيق مافيه قضية ننطر نهايتها هو له قصة بسيطة وفيه أحداث كثيرة وقيم مفيدة .. ومريح للعقل لا تعقيدات ولا شي ( قلت لكم هذا سر أعمال نيبون )
Daddy - Long - Legs
القصة :- القصة عن جودي الفتاة اليتيمة اللي تربت في ملجأ للأيتام في نيويورك .. بدون أي معلومة تدل على هويتها الحقيقية .. حتى اسمها تم اختياه من قبل مديرة الملجأ ..تربت جودي في الملجأ .. مع مجموعة من الأيتام .. وكانت اكثر الأظفال حباً لحياة ومتفاءلة دايماً .. جودي تتميز بالمرح وحب الحياة والنشاط .. وهي حنونة جداً .. لدرجة إنه كل أطفال الملجأ يحبونها يعتبرونها أم لهم ...و في يوم من الأيام تخبر مديرة الملجأ جودي بأنه أحد الأغنياء تكفل بالإعتناء فيها و بدراستها في أحد أرقى المدارس بأمريكا( مدرسة لينكولن ) ... تروح جودي للمدرسة الجديدة بالكثير من الحماس والفرح .. وبنفس الوقت الزن لأنها راح تخلي اصدقاءها اللي تعودت عليهم ..تصل جودي للمدرسة الجديدة وتتعرف على أصداقاء جدد لكن مختلفين .. من خلال الحلقات .. نشوف شلون جودي تتكيف مع بالمدرسة وشلون راح تخفي حقيقتها وإنها يتيم وماتعرف شي عن هويتها .. و جودي بعد تراسل اللي تكفل فيها أو صاحب الظل الطويل مثل ماتسميه وتقوله كل شي يصير لها من أحداث ومواقف بالمدرسة ... هالانمي ممتاز وفريد من نوعه وقصته مقتبسة من رواية Daddy Long Legs للكاتبة Jean Webster
Angie Girl
القصة :- أحداث الانمي تكون في القرن 19 بلندن وعن بنت بريطانية تدعى آنجي تنحدر من عائلة نبيلة وغنية جداً .. آنجي تتمتع بكل شي ممكن يحلم فيه اي شخص .. هي غنية وجميلة وفوق هذا تتمز بذكاء عالي .. يوم من الأيام تساعد آنجي الملكة في قضية ( سرقة مجوهرات الملكة ) ومن يومها تعينها الملكة كمحققة تساعد الشرطة في القضايا الصعبة ... ففي الانمي نشوف القضايا اللي تحلها آنجي ومعظم القضايا تكون سرقة .. يعني لا تتوقعون أشياء معقدة وقتل و ما أدري شنو مثل اللي بكونان .. تحقيق طفولي بحت .. لووول
يتبع >>>
[ يونيو 04, 2007, 07:35 PM: تم تحرير المشاركه من قبل: Voice Of Love ]
--------------------
Silkwood - 1983 The Greatest Living actress
المشاركات: 4930 | من: Q8 & QTR | تاريخ التسجيل: أكتوبر 2005
|
سبق وذكرت في بداية الموضوع إنه في شي ميز شركة نيبون أكثر عن باقي الشركات وإنه الشركة مشت في خط مميز جداً جذب لها الكثير من محبين الانمي .. كنت أقصد سلسلة أعمال الـ World Masterpiece Theater أو روايات الأدب العالمي .. حيث أنتجت Nippon عدد من الانيمز اللي مقتبسه قصصهم من ورايات عالمية ... وأستمر إنتاجها لهذي الأعمال لأكثر من عشرين سنة وكان العرض الأول لكل هذه الاعمال على Fuji Television
وعلى فكرة في عمل نزل من فترة وللحين مستمر من إنتاج نيبون .. وهو مقبس من الراوية الشهيرة ( البؤساء ) .. أنا شفت أول ثلاث حلقات وتركته لأنه القروب ما عجبني .. بس ألحين برد وأكمله .. اسمه Les Miserables
الخاتمة :-
حاولت بهالموضوع أعطي فكرة بسيطة عن شركة عريقة قدمت الكثير من الانميات المميزة والخالدة .. وأعتقد أي شخص محب للانمي يحب يشوف أعمال نيبون .. وأنا لحسن حظي شفت عدد كبير من أعمالهم سواء اللي تدبلج للعربي أو الأصلي .. وللأسف صعب إنك تحملهم من النت لانه وجودهم على النت كوصلات تنزيل نادر فاللي يبيهم ماعنده غير إنه يشتريهم مثلي .. وإذا تبون أحط لكم كل الوصلات اللي أعرفها قولولي وأنا حاضر
الموضوع بسيط وايد والتنسيق أي كلام والسبب السالمية .. متى يطور .. حرام منتدى مثل السالمية يكون جذي .. الواحد تلوع جبده علشان يضبط رد
أوكي أستمتعوا وكل شي حلو ياي بالطريج ^^
BTW يمكن أكمل كتابة عن باقي أعمال نيبون .. إذا حبيتوا النبذات اللي كتبتهم
[ يونيو 04, 2007, 07:32 PM: تم تحرير المشاركه من قبل: Voice Of Love ]
--------------------
Silkwood - 1983 The Greatest Living actress
المشاركات: 4930 | من: Q8 & QTR | تاريخ التسجيل: أكتوبر 2005
|
الموضوع .. روعه روعه روعه .. ما اقدر اوصفلك شكثر المشاعر و القلب قام يخفق .. تعرف لما طفولتك كلها اتمر جدام عينك .. شي روعه .. وصج للاسف صعب انك اتحصلهم .. اتمنى من كل قلبي لو اقدر احصلهم .. وخصوصا ..1988 The Space Sagittarius الي للاسف و قت عرضه كان قمة التعاسه .. الجزء الاول وقت الغزو .. و الجزء الثاني بعد التحرير يوم كانت الكهرباء تنقطع ..
و Daddy - Long - Legs والي للحين خاطري اشوف نهايته ..
و طبعا ما يحتاج اتكلم عن بومبو ولا فلونه و عدنان و لينا و.. و .. يعني صج تفاجاءت بالمجموعه الفظيعه كلها من انتاج شركه و حده .. و هم رانما الي بتوقيعك اذكر اني شفت جم حلقه منه و كان و ايد حلو .. اتمنى اتزودنا بطرقه شلون انلاقيهم فيها .. ويعطيك الف الف مليون عافيه على الموضوع الاكثر من روعه والي ولاكلمه توصفه ..
[ يونيو 04, 2007, 11:30 PM: تم تحرير المشاركه من قبل: joeymaniaa ]
الموضوع راح اظلمه لو قلت عنه رائع. الموضوع اكثر من رائع و يستحق النشر باكثر من منتدى, راح اقراه مرة ثانية لانه متروس معلومات. فعلا موضوع حلو و راح ينضاف للارشيف اذا قدرت لاني حاليا كل ما اغير بالارشيف شي تصير عندي مشكلة.
Anne Of Green Gables زريت منطقتها بكندا بعد عناء السفر الطويل من مقاطعة نوفا سكوشيا الى مقاطعة برنس ادواردز ايلاند, منطقة حلوة و راح انزل بعدين موضوع عن الفيلم باذن الله. و الانيمي شفته بس مدبلج بالعربي و النسخة القديمة لان في منه نسخة يديدة. اسمها (شماء) بالعربي.
بوليانا شفته مدبلج بالعربي فترة الحرب, بس تقريبا نسيت قصته, بس لو شفته راح اتذكره (يمكن).
كوندور هيروز مسلسل صيني مشهور بس للحين ما شفته, و ماشفت الانيمي .
صح كلامك .. هالشركة لها مكانة خاصة عندنا احنا بالذات لأنه معظم أعمالها كانت المفضلة عندنا واحنا صغار .. سبب دبلجة الكثير من أعمالها للعربي هو إنه معظم أعمالها عائلية ومافيها ولا شي
بخصوص The Space Sagittarius .... دورته شكثر بس ما لقيته
بس و Daddy - Long - Legs موجود ^^ موجود العربي بهالسايت .. أدخل ودوره بس ترى لازم تسجل علشان تنزل منهبس التسجيل مصكر ألحين .. لكن تقدر تستخدم الأكاونت مالي اليوزر نيم : khaloodish الباسوورد : 123456
بهالسايت .. في وايد أعمال يديدة وقديمية .. في جم انمس شفناه واحنا صغار بس بنسخته الأصلية مثل :- Future Boy Conan - عدنان ولينا Rose of Versailles - ليدي أوسكار Katri, Girl of the Meadows - فتاة المراعي .. بسمو كامل The Trapp Family Story - لحن الحياة .. ترجموا للحين أربع حلقات ومستمرين بترجمته للآخر .. هذا كلام القروب نفسه ووايد غيرهم بس كل شي يخطر عبالك تلقاه بالموقع الأول .. بس بالعربي ^^
بس بيني وبينك أنا أحب أشتري أكثر من إني أنزلهم بالنت .. جذي أدعم صناعة الانمي .. لأنه إذا الكل بيقعد ينزل من النت راح يعلنون إفلاسهم على الأكيد
تنين
هالأعمال تحسهم أعمال كلاسيكية وراقية مع إنهم من إنتاج أول التسعينات أو آخر الثمانينات .. بس روح نيبون مخليتهم صج أعمال خالدة .. بس أنا مستغرب شلون ماكنتم تعرفون إنهم من إنتاج نفس الشركة.. انا أعرف على طول .. أحس في شي مشترك .. جنها روح وحدة
وتنين ترى نساء صغيرات .. أو سيدات صفيرات موجود كامل بالعربي باللنك اللي حطيته فوق .. نزله ترى حلو .. ونوار ( الجزء الثاني منه ) كان حلو والحلقة الاخيرة أحلى حلقة عاد ^^ .. موجود بالعربي بنفس السايت .. نزله إذا فاضي .
اي صج تدري إنه أعمال نيبون دايماً تنجح نجاح غريب بأروبا .. يعني أكثر من عمل حقق نجاح مخيف بأروبا .. ودي أعرف شالسبب
والبؤساء .. واضح من أول الحلقات إنه مثل أعمال نيبون اللي مقتبسة من قصص عالمية .. وأكيد بشوفه .. بس القروب اللي كان ماسكه كان وااايد بطيء وبطيء بتنزيل الحلقات .. بشوف جم حلقة وصلوا للحين وبنزله .. وترى الانمي القديم اللي نزل له .. كان إنتاج مشترك بين اليابان وفرنسا .. ما ادري كان كرتون فرنسي بس .. ما أدري بس الاكيد إنه كان صج بائس وبايخ
المهند
صج زرت منطقة Anne ؟ وناسة .. أنا هالانمي أحبه وحتى طلبت النوفل مالته لكن للحين ماقريتها .. كنت مخطط أقراها ألحين بالصيف .. بس بسبة غبائي رديت الكويت ونسيت النوفل بشقتي بأمريكا .. الانمي يونس وشخصية Anne عجيبة متفائلة وحالمة .. أحب الشخصيات اللي جذي .. أنا شفته ياباني قبل ما أشوفه بالعربي وبالنسختين حبيته .. لكن الاسامي بالعربي تضحك .. عيل شما و منيرة .. مو ناقص اللى موضي و شيخة وفوزية .. يعني شوف المكان اللي هم قاعدين فيه بس .. شكو منيرة بالسالفة
مهند بوليانا موجود كامل بالسايت اللي أمشي وأوزعه .. لوول .. موجود بالعربي كامل على ما أظن ^^
وترى أنا ماشفت The Legend of Condor Hero .. كتبت عنه من المعلومات اللي لقيتها .. بس سمعت إنه حلو ويستاهل .. لكن للحين مالقيته تورنت .
[ يونيو 05, 2007, 02:04 PM: تم تحرير المشاركه من قبل: Voice Of Love ]
--------------------
Silkwood - 1983 The Greatest Living actress
المشاركات: 4930 | من: Q8 & QTR | تاريخ التسجيل: أكتوبر 2005
|
مرسله في
Voice Of Love يعطيك الف عافيه و ماتقصر .. انشالله بجرب السايت الي عطيتني اياه .. واول ما يفتحون التسجيل بسجل .. اتصدق قايل من فتره و دي اروح مركز الفنون .. قلت اكيد عندهم سهم الفضاء .. خصوصا بعد ما عرفت اسمه (; بس صج موضوع حلو و صاحبه احلى و احلى .. مشكور من كل قلبي ..
[ يونيو 05, 2007, 02:50 PM: تم تحرير المشاركه من قبل: joeymaniaa ]
إرسال هذه الصفحه لصديق!
لطباعه هذا الموضوع
![[dance]](graemlins/dance.gif)
.. علشان جذي قررت أكتب شي ^^ .. وبالأصح أحط شي كتبته من مدة .. هالموضوع أنا حاطه بمنتديين ثانين باسم khaloodish وأنا اللي كاتبه أكيد .. مو بايقة .. تراني متعقد من البوق ![[nut]](graemlins/nut.gif)
.. نبدأ ![[Smile]](smile.gif)
![[happy]](graemlins/happy.gif)
![[Razz]](tongue.gif)
![[Wink]](wink.gif)
) رئيس نادي كرة القدم للفتيات .. وبعد هذا اكتشف إنه للحين يحب الكرة حيل .. Kyosuke أنضم لفريق كرة القدم في المدرسة ومن خلال المسلسل نشوف الأحداث اللي تصير والتنافس بين عشاق كرة القدم .. ونتابع Kyosuke اللي يحاول يكون أفضل هداف بالعالم 
![[Big Grin]](biggrin.gif)
) .. تسميه جاكي ميرفي ويكون معاها دايماً .. بعد مدة يقرر أبوها العودة إلى إنجلترا .. جاكي لما عرفت إنهم راح يردون إنجلترا تقرر إنها لازم ترد ميرفي لمكانه الأصلي ( الغابة ) فتبدأ رحلتها مع Tombo (شاب أفريقي صديق لأبو جاكي ) في غابات السافانا ويكتشون الكثير من الاشياء ويمرون بمشاكل كثيرة .. هذا مختصر القصة وحاولت ما أوضح كل شي علشان لا اخرب على اللي يبي يشوفه متعة المشاهدة .. وعلى فكرة القصة مقتبسة من رواية The Bushbabies للكاتب William H. Stevenson
![[heartpump]](graemlins/heartpump.gif)
![[kiss]](graemlins/kiss.gif)
![[crying]](graemlins/crying.gif)
![[bye]](graemlins/bye.gif)
![[Frown]](frown.gif)
![[thinking]](graemlins/thinking.gif)
![[Mad]](mad.gif)
![[girlie]](graemlins/girlie.gif)
![[Confused]](confused.gif)
![[Embarrassed]](redface.gif)
