أنا مثلج دايل آب .. تعودت بأمريكا على الكيبالت والسرعات الخيالية .. لما رديت الكويت رديت على الدايل آب .. بس بحط دي أس آل اكيد .. إنقطعت عن الانمي من ييت الكويت -__-
ننطرج لما تركبين علشان تشاركينا ^^
تنين
اي عفيه عليك يالذكي اسمي خالد ^^ ... انزين قولنا اسمك ؟
animesuki صح مايحط الأعمال المرخصة .. بس حتى الأعمال المرخصة تقدر تقلها بوايد أماكن وخصوصاً الـ MIRC اللي للحين ما أفهم عليه لآسف
والموقع ( شيراك تراك ) عجيب .. كل شي لقيته فيه .. حتى رحلة عنابة .. خخخ .. بعد عناء طويل لقيته ^^
ميس ميلانو
مشكورة أختى والحمدالله الموضوع أعجبج ^^
وماروكو له شعبية كبيرة باليابان .. مثل ماقلت حقق أكبر نسبة مشاهدة باليابان .. 39 بالمية .. هذا رقم خيالي .. لأنه الانمي إذا كسر الدنيا حقق نسبة 9 أو 10 .. بس ماروكو كسر هالقاعدة .. وهالشي للحين يعتبر إنجاز لنيبون ^^
ونساء صغيرات هو الجزء الأول لنوار .. وشفتي مديرة الملجأ ( نسيت أسمها ) هي نفسها جو بنساء صغيرات ^^
ليدي أوسكار أفضل انمي شوجو ( مخصص للبنات ) شفته .. والشركة اللي أنتجه هي Tokyo Movie Shinshaوهالشركية لها وايد أعمال ... بذكر اثنين تدبلجوا عربي علشان أعطيج فكرة عن أعمالهم^^
Doraemon - سلسة عبقور كلها ^^
Lady Georgie - ليدي جورجي
وليدي أوسكار ترى موجود كامل بالياباني بـ animesuki ^^
--------------------
Silkwood - 1983 The Greatest Living actress
المشاركات: 4930 | من: Q8 & QTR | تاريخ التسجيل: أكتوبر 2005
|
Voice of Love مشكوور على الموضوع الحلو فيه مسلسل أدور عليه كل مكان وللأسف مب قادر أحصله اللي هو 1987 -Grimm's Fairy Tales كان ينعرض مدبلج واسمه "في جعبتي حكاية" من أحلى المسلسلات اللي شفتها.. دورت على الحلقات في أغلبية مواقع التورنت وما لقيتها فلو حد منكم يعرف وين ممكن أحصله يقولي بليز.. وفعلا أغلبية المسلسلات اللي ذكرتها حلوة و كنا نتابعها لما كنا صغار
-------------------- [ المشاركات: 7335 | من: الامارات | تاريخ التسجيل: يوليو 2003
|
Baśnie Braci Grimm - Polish Cuentos de los hermanos Grimm - Spanish Fi Joabati Al Hakaya - Arabic Grimm Meisaku Gekijoo - Japanese Grimm's Fairy Tale Classics Raconte moi une Histoire - French في جعبتي الحكاية (Arabic) في جعبتي حكايا (Arabic) グリム名作劇場 (Japanese)
قصته بإختصار عن القصص الخيالية اللي الكل يعرفها .. مثل سنوايت وسندريلا وغيرها من القصص .. المسلسل من 24 حلقة وإنعرض سنة 1987 مثل ماقلت ودبلجته شركة الزهرة .. والدبلجة حسب ما أذكر كانت تعبانة .. كلها تقطيع بتقطيع وإعادة مشاهد .. حاولت أدوره بالنسخة الأصلية بس مالقيت .. بس بشوف يمكن موجود بالعربي .. ألحين بدوره مدامك ذكرتني فيه
--------------------
Silkwood - 1983 The Greatest Living actress
المشاركات: 4930 | من: Q8 & QTR | تاريخ التسجيل: أكتوبر 2005
|
ثانكس خالد .. عرفت اسمك بس صدقني قلبت عليه نص مواقع التورنت العربية ومالقيته للأسف أنا أتذكر لما كنت صغير كان على بالي انهم علشان ما يخسرون فلوس ويرسمون يعيدون المشاهد بس بعدين ربعي خبروني عن سوالف التقطيع..
مرسله في
إنتوا شفيكم تعرفون اسمي ولا تقولون أساميكم
وتوني أدري إنه له سيزن ثاني .. وناسة .. تصدق عاد أنا أحب هالأعمال .. اللي تكون كل حلقة قصة خيالية والرسم كان حلو حده .. صج ودي القاه ياباني .. يمكن ألقاه من المواقع الصينية اللي تبيع الانمي ( نسخ صينية ) .. يكون مترجم إنجليزي .. هذا إذا لقيته عاد .. وبشكل عام أخاف أشتري من هالسايتات
وعلى فكرة هم دبلجوه إنجلش يعني في فرصة كبيرة نلقها
لكن إذا تحب هالنوعية .. في انمي تدبلج للعربي اسمه حكايات عالمية .. هذا اللي غنت فيه أصالة .. وأظن موجود بالموقع اللي كاتبه بأحد ردودي فوق .. عربي .. بس هني بهالانمي .. الحوارات قليلة .. اكثر شي يتكلم الراوي .. وهالشي مايعجبني
--------------------
Silkwood - 1983 The Greatest Living actress
المشاركات: 4930 | من: Q8 & QTR | تاريخ التسجيل: أكتوبر 2005
|
خاااالد أنا اسمي مايد أو ماجد وممكن تقولي ميود أو مجود حكايات عالمية كنتت اتابعه وااايد وفعلا ستايله قريب وايد من هذا المسلسل.. بس هذا القصص اللي مختارينها أحلى.. من القصص اللي ما أنساها في حكايات عالمية قصة الولد اللي كان يريد يهدي ورده حمرا حق صديقته.. والورود كانت كلها بيضا.. فقررت صديقته العصفوره انها تذبح نفسها علشان تتلون الورده بالاحمر لا يمكن انساها.. انشالله بشوفه أول ما أرجع البيت لان عندي بالجامعة مسكرين كل مواقع التورنت والفايل شيرينج ثااااانكس خالد.. ولن نستسلم بندور على "في جعبتي حكاية" لين ما نلاقيه
-------------------- [ المشاركات: 7335 | من: الامارات | تاريخ التسجيل: يوليو 2003
|
حكايات عالمية تحس قصصها حزينة أكثر .. يعني مو كلها نهايات سعيدة مثل ( في جعبتي حكاية ) .. للحين ذاكر حلقة مسابقة الغزل .. تذكرها ؟ .. لما ثنتين يتباريون بالغزل وتفوز الطيبة على الشريرة وبعدين تصك بينهم هوشة .. وتنتحر الطيبة علشان حبيبها ( مو ذاكر الأسامي ) .. جد كانت تعور القلب .. نزلت دمعتي البريئة بذيج الأيام
حمووود
أنا بحاول أتعلمه .. مع إنه كل شي أبيه ألقاه بدون عقد الـ mIRC .. بس يمكن أستخدمه للمانجات النادرة .. لأنه وايد مانجات أبيها ما ألقاها بس تكون موجودة هناك ^^
و Guru Guru .. هو عبيط كله .. بس من أحلى الانميات العبيطة اللي شفتها .. يموت من الضحك .. وستايله كله يديد .. جرب شوف حلقة وحده وصدقني بيشدك شي فيه
--------------------
Silkwood - 1983 The Greatest Living actress
المشاركات: 4930 | من: Q8 & QTR | تاريخ التسجيل: أكتوبر 2005
|