مرسله في
ناصر أنا كالعادة شفت مراجعة حبيبة الشعب غريس .. تقول انها حبت الفلم و تنصح الكل يشوفه لكن المراجعة 70٪ منها سب و انتقادات للفلم .. الفلسفة الزايدة عن اللزوم بدمها
-------------------- [ المشاركات: 7335 | من: الامارات | تاريخ التسجيل: يوليو 2003
|
رحت الامس صوب الكورنيش وقعدت قدام البحر وشغلت نسخة الايتونز وانفصلت عن العالم اللي انا فيه .. حسيت نفسي قاعد بجزيرة موانا .. بشكل عام حبيـت اللي سمعته .. طبعاً مو لازم تكون عندنا اغنية ضاربة بشكل واضح والباقي صفر عالشمال مثل فروزن .. الاغاني اغلبهم بنفس المستوى وحلوين .. هالالبوم وضعه مثل وضع ساوندتراك مولان واحدب نوتردام .. اغاني هالفلمين روعه وخدموا الاحداث بشكل ممتاز .. لكن وقتها اعتبروهم اقل من عادي وشي مخيب للامال .. حتى رفلكشن اللي اليوم نعتبرها شي قوي وقتها مرت مرور الكرام وماترشحت حتى للاوسكار بينما افلام ديزني كلها اللي قبل وبعد هالفلمين كانت اغانيهم تنال ترشيحات اوسكار ..
فإذا حبينا اغاني مولان واحدب نوتردام راح نحب موانا .. لان الاغاني فعلا جيده وتستاهل تاخذ فرصه .. بس بدون شك نجاح ساوندتراك فروزن الاستثنائي راح يظلمه ..
.........
اكثر اغنية حبيتها هي اغنية اوليئي How Far I'll Go .. روعه وهادية ومختلفة .. نسخة ارضية من بارت اوف يور ورلد
اغنية We Know The Way روعه .. واعادتها اروع .. احب ديزني لما تقدم اغنية تتعلق بثقافة مجتمع معين ..
اما اقل وحده حبيتها Shiny .. يمكن تطلع حلوه بالفيلم
Know Who You Are سمعت بدايتها وطوفتها .. احس فيها حرق قوي ..
.........
احلى شي بالساوندتراك هالمره ان ديزني رجعت تتعامل مع الكورال والمجاميع الضخمة بنفس فخامة تعاملها معاهم بالتسعينات .. الكورال هنا تسعيني بامتياز .. كأني اسمع احدب نوتردام .. الاسد الملك .. بوكاهونتاس .. اقصد نوعية الكورال اللي تعطي هيبه ورهبه للمشهد .. هالشي افتقدناه في اخر 10 سنوات بافلام ديزني .. ومع موانا رجع هالتقليد اللي نحبه ..
.........
بس الالبوم كله على جنب والموسيقى اللي لحنها Mark Mancina على جنب ثاني
النجم الحقيقي للساوندتراك بالرغم من حلاوة الاغاني هي الموسيقى التصويرية نفسها .. شي خرااافي .. يعني شنو كنت اتوقع من ملحن فيلم طرزان غير هالابداع؟ .. اعطى الفيلم بصمة رهيبه من ناحية الايقاعات الاجنبية والاجواء اللي خلقها .. شي بمستوى اللي كان يتقدم قبل .. بنظري افضل موسيقى تصويرية من ايام فيلم كوكب الكنز .. كل مقطوعه تشرح حدث معين .. من غير حتى لا اشوف الفيلم الموسيقى قاعده تتكلم .. من زمان ماجاني هالشعور اني احط الساوندتراك بس عشان اسمع "الموسيقى" مخصوص مو عشان الاغاني .. احلى من موسيقة فروزن وتانجلد والاميرة والضفدع ورالف وهيرو .. اللي ساعد مارك بعد هو انه تدرب على هالنوعيه من الموسيقى التصويرية قبل لا يشتغل على موانا .. مارك اشتغل مع هانس زيمر بقسم الموسيقى في الاسد الملك .. وبعدها مسك طرزان من البداية للنهاية .. وكلهم نفس الجو .. موسيقى غابات وقبائل بدائية .. هالشي وايد اضاف لموانا ..
--------------------
المشاركات: 27170 | من: ~ NeverlanD ~ | تاريخ التسجيل: يوليو 2002
|
فعلاً ناصر مثل ماقلت الأغاني جداً رائعة وراح تخدم الأحداث وبغض النظر عن هالشيء أنا فعلاً حبيت حبيبت، وحالياً وصلت لأغنية يور ولكم، وماخلصت الألبوم كامل قاعد أتمزمز فيه خلال هالأسبوع لحد عرض الفيلم يوم الخميس، وعفكرة واايد واايد مبهور من مستوى الأغاني سو فار، فعلاً شيء راقي وبمستوى أغاني برودواي ولو كانت مسرحية جان عادي خمت كل جوايز التوني للأغاني والسكور، هذا غير أول تراكين اللي ماكانوا أغاني لكنهم كانوا عبارة عن آهات ودق طبول بشكل جداً مبهر ويدخلك مباشرة لجو بولينزيا وأجواء جزرهم، والله شيء خيالي صراحة ونحن جداً محظوظين إن قاعدين نعيش حالياً في وسط هالنجاحات الديزناوية وأتمنى كل التوفيق للفيلم في البوكس أوفيس هذا غير صدى الفيلم على الناس والأطفال
مرسله في
سمعت الساوندتراك أمس على راحتي ومخمخت بالأغاني عدل.. How far I'll go أغنية ضخمة هي واعاداتها و هي بروحها رفعت من مستوى الساوندتراك والأغاني بالفلم .. و مع اني ما شفت الفلم بس فهمت شخصية موانا أكثر من بعد ما سمعتها.. الممثلة الصغيرة روعه وصوتها حسيته قريب وايد من صوت ماندي مور بس بعد أقوى منها .. اختيار رائع .. الأغاني التراثية مالتهم صراحة ولا وحدة علقت معاي .. كلهم مروا مرور الكرام وياريت استبدلوهم بأغاني تعرفنا أكثر على شخصيات الفلم و أحداثه.. Shiny حبيتها وحسيتها مفاجأة الساوندتراك.. بالمره مالها دخل لا بأفلام ديزني ولا برودواي ولا بيئة موانا .. ما أعرف منو يغنيها بس متحمس أشوف موقعها بالفلم
مقارنة بساوندتراك فروزن اللي كان هيت ورا هيت ورا هيت أشوف ساوندتراك موانا أضعف بمراحل... اذا فيه أغنية بتنجح أعتقد بتكون How far I'll go وناصر معاك انه قريب وايد من ساوندتراك مولان ..
-------------------- [ المشاركات: 7335 | من: الامارات | تاريخ التسجيل: يوليو 2003
|