مرسله في
ان شالله يكون قد التوقعات لأنه النقاد متخبلين عالفلم .. اللي حبيته في آراء النقاد انه نبرتهم اختلفت وايد عن أيام تانجلد و فروزن.. بدال ما نسمع عبارات مثل "أحلى فلم من أيام الأسد الملك" أو " أحلى فلم برا بيكسار" صرنا نسمع عبارات مثل "ديزني مكملة نجاحها" أو "ديزني تثبت مره ثانيه انها الأفضل" هالشي ما يا من فراغ.. الموضوع خذ سنين من الأفلام الناجحة عشان يرجعون ثقتهم للناس و موانا بيعزز هالثقة أكثر.. كفان لديزني، سنة 2016 يمكن تكون أحلى سنه بتاريخ الشركة.. زوتوبيا، موانا، دوري، Jungle book, Pete's Dragon وحتى أفلام مارفل كلها روعة كانت.. أليس و BFG مع انه فشلوا بس بعد كأفلام أحس مكانهم الصحيح شركة ديزني .. بس مستحيل يعني كل شي يكسر الدنيا
الأرقام الأولية لموانا في أمريكا تبشر بنجاح أقل شي يوازي نجاح زوتوبيا ديزني متوقعين 70 مليون بس ديزني في الفترة الأخيره صاروا ينزلون توقعات أقل من الأرقام الفعلية.. ننطر و نشوف..
-------------------- [ المشاركات: 7335 | من: الامارات | تاريخ التسجيل: يوليو 2003
|
مرسله في
حتى الرأي السلبي ناصر احتمال يتغير لأنه الناقد عطاه 2 ونص من 4 وما انتقد الفلم وايد.. يعني المراجعة تميل أكثر للايجابية من السلبية .. Fantastic beasts and where to find them متوقعيله أسبوع قوي لكن بعيد كل البعد عن الأرقام اللي بيدخلها موانا.. أنا كنت وايد متشائم وهالعطلة بالذات ما أحبها لأنه ما ينعرفلها.. الأميرة والضفدع و Good Dinosaure فشلوا فيها و انشانتيد نجح أول ويكند وعقب نزل نزله محترمه خاصة لما نزل فلم الchipmunks بس بنفس الوقت فروزن و تانجلد و بيج هيرو 6 نجحوا نجاح كبير فيها.. موانا أعتقد بيكون في خانة الأفلام الناجحة بس اللي يخوف هو فلم Sing اللي بينزل في عطلة الكريسمس .. مادري شو بيكون تأثيره على موانا لكن أكيد بياخذ نسبة محترمة من جمهور العوايل ...
-------------------- [ المشاركات: 7335 | من: الامارات | تاريخ التسجيل: يوليو 2003
|
انا لسة قدامي شهر بالضبطططط عشان اشوفه كنت بشوفه على اساس بعد الموعد الرسمي 8 ديسمبر باسبوعين عشان الحق اسوف افلام ثانية لما اسافر بس مدري شصار وخلوه 24 نوفمبر نحاااسة
الحماس اللي فيني لموانا صارلي فترة طويلة عنه ممكن اخر مرة حسيت فيه من ايام حكاية لعبة 3 و رابونزل وثقتي بنجاح الفيلم و قوة مستواه كل يوم بتزيد وهالشي يفرحني كثييير خصوصا اني كنت متابع اخبار الفيلم من بداية الاعلان عنه لحظة بلحظة
وبخصوص فيلم هاري بوتر الجديد .. للامانة المنافسة شرسة جدااااا لان العالم متوقعة ارقام مهوولة بالنسبة له وهذا غير قاعدته الجماهرية وهالشي ممكن ياثر بشكل بسيط على موانا
بس انا كلي ثقة ان موانا ما بيمر مرور الكرام وبيكون نجاحه ساحق
--------------------
المشاركات: 1978 | من: K.S.A - Jeddah | تاريخ التسجيل: أغسطس 2011
|
رد مقتبس: انا لسة قدامي شهر بالضبطططط عشان اشوفه كنت بشوفه على اساس بعد الموعد الرسمي 8 ديسمبر باسبوعين عشان الحق اسوف افلام ثانية لما اسافر بس مدري شصار وخلوه 24 نوفمبر نحاااسة
حاول تشوفه في أقرب فرصة.. بتستمتع فيه جدا
رد مقتبس: وبخصوص فيلم هاري بوتر الجديد .. للامانة المنافسة شرسة جدااااا لان العالم متوقعة ارقام مهوولة بالنسبة له وهذا غير قاعدته الجماهرية وهالشي ممكن ياثر بشكل بسيط على موانا
اللي يساعد انه فلم هاري بوتر نزل الأسبوع الماضي وخلاص دخل أرقامه الكبيره اللي كانوا متوقعين انه يدخلها.. بعده مكمل وبيدخل فلوس أكثر بس مب مثل موانا اللي افتتاحيته هالأسبوع..
-------------------- [ المشاركات: 7335 | من: الامارات | تاريخ التسجيل: يوليو 2003
|
ما تعرفون شكثر كنت متحمس أمس اني أشوف الفلم .. رحت السينما و القاعة كانت طبعا فاضية الساعه 11 فليل حسيتهم مسوين عرض خاص بس حقي .. شفت الفلم 2D وكانت تجربة ولا أروع.. أكثر شي شد انتباهي من أول لحظة من الفلم هو الأنيميشن..قفزة قوية جدا في رسم الشخصيات وتعابير الويه.. رسامين الCG من أول ما بدوا كانوا ممتازين في رسم الخلفيات والبيئة الخارجية لكن في نفس الوقت كانوا ضعاف في رسم الشخصيات الانسانية لدرجة انه الشخصيات صاروا يشبهون بعض.. ( آندي في توي ستوري كان فضيحة ) في موانا الوضع مختلف تماما وبتحسون في هالشي أكثر شي في أغنية How far I'll go ،، تعابير ويه موانا متنوعة و واضحة و مناسبة للكلمات اللي تقولها... الخلفيات و رسم الماي وانعكاس الشمس عليه بعد شي خيالي .. الممثلة اللي أدت دور موانا مستحيل أصدق انها ما عندها خبره وهذا أول دور الها.. أبدعت و صوتها عطى حياة و روح لهالشخصية.. القصة ما فيها فكرة يديدة أو موضوع جريء تناقشه.. مغامرة بسيطة و حلوة وشخصية شجاعة تحدت العادات والتقاليد عشان تنقذ جزيرتها و شعبها... الأغاني كلها تخدم القصة والشخصيات و ما حسيت ولا وحدة منهم حطوها بدون سبب .. يعني بعد ما تخلص الأغنية الأحداث تكون اطورت .. أويه أويه كانت روعه ما توقعت تطلع بهالفخامة و ما توقعت تكون مهمة هالكثر لأحداث القصة.. النقطة الوحيدة اللي ما حبيتها في الفلم هي علاقة ماوي و موانا خاصة في البداية.. وايد طولوا لين ما صاروا أصدقاء و لو كنت مكان موانا ما كنت بوثق بماوي هالكثر.. بس بشكل عام فلم رائع وما خيب توقعاتي وان شالله جون لاسيتير يقنع المخرجين ويخليهم يخرجون أعمال ثانيه لديزني....
الفلم القصير في البداية ستايله بيكساري أكثر بوايد من ديزني .. حلو و خفيف و حبيت الرسالة اللي وصلها و كيف ناقشوا الحرب الأزلية بين اللي يبيه قلبك و يقولك اياه عقلك
[ نوفمبر 23, 2016, 11:52 PM: تم تحرير المشاركه من قبل: howtodeal ]
-------------------- [ المشاركات: 7335 | من: الامارات | تاريخ التسجيل: يوليو 2003
|
مرسله في
في الكويت بينزل بعد في تاريخ 8 ديسمبر معاكم ناصر
متحمس للفيلم و بشوفه 2D مالي خلق نظاره و ثلاثي الابعاد بشوفه براحه و هدوء و بروح له ايام الاسبوع في سينما فاضيه و بستمتع بعالم يديد من ديزني و بعيش الرحله مع موانا مثل ما سويت مع دوري
--------------------
المشاركات: 547 | من: Kuwait | تاريخ التسجيل: أبريل 2015
|
ولا مثل فروزن وهالافلام الاخيرة اللي تمر عليك مرور الكرام بدون ماتترك بصمه؟
بصراحة ما مرت علي مقطوعه شدت انتباهي.. لو يستوحون الموسيقى التصويرية من بعض الأغاني بيكون الها أثر أكبر .. بس أغاني موانا مالها دخل بالموسيقى التصويرية أبدا...
س2: موانا كأميرة وين تحطها بين باقي الاميرات؟
يمكن قريبة شوي لميريدا ... نفس العمر و التصرفات و الحب والرومانسية آخر همهم... بس موانا أعمق بوايد كشخصية من ميريدا ومسؤولياتها أكبر ... الشجاعة و العزيمة والاصرار أهم صفاتها ، بداية الفلم كانت ضايعة شوي بين حبها للاستكشاف والابحار و دورها في القرية خاصة انها بنت القائد بس بعد حدث معين في الفلم الطريق اللي اختارته صار واضح وضوح الشمس بالنسبة الها ...
س3: الرسالة اللي حاب يوصلها الفيلم؟
عدة رسايل .. أهم شي انه -مثل موانا- الشخص لازم يوثق بنفسه و بقدراته حتى لو الكل كان يقوله العكس.. الانتماء بعد رسالة مهمة في الفلم.. موانا غرضها من الاستكشاف انها تغامر و تساعد قريتها و أهلها مب انها تروح تعيش و تستقر في مكان ثاني... عكس بيل و ايريل اللي كانوا يفضلون حياة ثانية..
س4: تاتو ماوي شرايك فيه بما انه متنفذ بطريقة الانميشن الثنائي الابعاد واللي راسمه ومحركه هو نفسه محرك جني؟
التاتو كان ضمير ماوي في الفلم... الشخصيات الثانوية ناصر ما كان دورها كبير.. التركيز كان على موانا و ماوي.. بس التاتو دوره خفيف و يضحك..
س5: شايف ان الفيلم عنده فرصه يفوز بالاوسكار على زوتوبيا وهل يستاهل ولا لا؟
س6: بين افلام الثورة الاخيرة من الاميرة والضفدع وطالع وين تحط موانا بينهم؟
صعب السؤال ... أقدر أقول أقوى من تانجلد و أضعف حبتين من فروزن .. بس كلهم كلاسيكيات و بالنسبة الي اضافات مهمة لعالم ديزني ...
س7: اكثر اغنية حبيت الشكل اللي ظهرت فيه بالفيلم
عادي أختار 3 ؟؟؟ لأنه جد الأغاني مهمة وايد وايد في هالفلم.. 1 - أويه أويه ،، ما أعرف شو اسمها.. ما بتكلم وايد عنها عشان ما أحرق أي حدث مهم.. 2- I am Moana قشعريرة طول هالمشهد... و عززت كل الرسايل اللي حاب الفلم يوصلها 3- How far I'll go اللي ما يحب هالأغنية وتصويرها ما أعتبره فان لديزني
[ نوفمبر 24, 2016, 07:24 AM: تم تحرير المشاركه من قبل: howtodeal ]
-------------------- [ المشاركات: 7335 | من: الامارات | تاريخ التسجيل: يوليو 2003
|