ليش عامر؟؟ ديزني قاعدة تعيش عصر ذهبي يديد من أول ما استلم جون لاسيتير الاداره.. شوف بس نتائج البوكس أوفيس من بولت و طالع.. قاعدة تطلع فوق لحد ما وصلنا لمرحلة انه أفلام ديزني قاعدة ادخل بليون دولار... و مب بس نجاح تجاري .. ولا فلم لديزني نزل تحت ال80٪ في الروتين توماتوز.. بعكس الفترة اللي قبل ... من متى صرنا نشوف 3 أفلام أنيميشن لديزني تنزل بسنة وحدة ؟؟ قبل كنا كل سنتين نتريا هالفلم المرتقب .. الحين صاروا مدلعينا و أفلام كلها محترمة وعليها القيمة ... أعرف انا تناقشنا قبل بهالموضوع.. بس اذا جون لاسيتير طلع شو مواصفات الأفلام اللي تبونها مع المدير اليديد و بالأحرى منو المدير اليديد اللي ينفع ينحط بداله؟ ترا هالنقاش مب خارج الموضوع لأنه موانا فلم نزل تحت اشراف وموافقة جون لاسيتير
-------------------- [ المشاركات: 7335 | من: الامارات | تاريخ التسجيل: يوليو 2003
|
انا مع ناصر بكل حرف .... صح قاعدين نشوف افلام قوية وعلى قولك فلمين وثلاثة بالسنة ومكسرين البوكس اوفيس بس كـ قيمة فنية بالنسبة لي ماشوفها ذاك الشي ولاحظ الفرق بين افلام اول والحين وبتعرف مدري اذا صح او لا لكن بسببه سحر و وهج بيكسار راح وبنفس الوقت ما استهين بافلام الفترة الحالية نفس تانجلد وفروزن وبيج هيرو وزوتوبيا لانهم كلهم افلام ايرادات ضخمة جدااا بس انا للحين عند كلامي ان الثري دي ساعد في هالارقام والايرادات لوول عكس الاسد الملك وفديته ما احتاج لثري دي ولا خرابيط عشان يجيب رقم خيالي بفترة كان صعب الرقم اللي وصله !!
--------------------
المشاركات: 1978 | من: K.S.A - Jeddah | تاريخ التسجيل: أغسطس 2011
|
ناصر و عامر .. أولا لا تزعلون من ردي.. مجرد نقاش بين فانز ديزني وأنا مستمتع فيه..
رد مقتبس:ماجد اتوقع مشكلة الفانز مع جون لاستر هو انه حول استديوهات ديزني انميشن لبيكسار 2
فروزن و تانجلد و الأميرة والضفدع و ويني الدبدوب أبدا ما أحطهم في خانة بيكسار.. حتى زوتوبيا أقرب لأفلام ديزني القديمة من بيكسار ... موانا و جايجانتك و فروزن 2 ماشيين بالطريق الصح بعد و أشوف مستقبل ديزني مشرق ومتحمس لأفلامهم اللي بتنزل..
رد مقتبس: لكن منو الحين صار ينزل فيلم انميشن ومايكسر الدنيا؟
المينيونز حالة خاصة .. شوف أرباح دريم ووركس و أفلامها الأخيره وأفلام شركات ثانيه و قارنها بديزني وبيكسار.. بتشوف فرق كبير.. حتى هالسنه و السنه اللي طافت عندك Norm of the North,Kung Fu Panda 3 , Ratchet and Clank, Angry Birds movie, spongebob movie,hotel Transylvania كل هالأفلام انعرضت بالسينمات و سوولها حملات دعائية محترمة لكن ما نجحت مثل نجاحات ديزني الأخيره...
رد مقتبس:واذا على كثرة افلام الانميشن بالسنه الوحده
فديزني من قبل فترة رئاسة جون لاستر كانت تنزل اكثر من فلمين انميشن بالسينما
ناصر.. عيني فعينك كده... يعني تقارن دوري و زوتوبيا و موانا اللي سنين قاعدين يشتغلون عليهم بميزانيات ضخمة تفوق ال150 مليون دولار بأفلام ديزني تون اللي العالم كله شهد بضعفها و ركاكتها و ككواليتي لا تقارن أبدا بالأفلام اللي تنزل حاليا... مع اني ما أنكر انهم بعضهم الهم معزة خاصة في قلبي و ما عندي مانع لو كانوا ينتجونهم الحين بس قرار ايقافهم قرار سليم...
بالنسبة للقرارات اللي اتخذها مالي تعليق صراحة عليها لأني ما أعرف كواليسها.. بس أعمال رسامين ديزني و مخرجينها بتضل موجودة للأبد.. يعني ألحان ألين مينكين الأخيره ما بتلغي عبقريته في أفلام التسعينات ...
أكيد جون لاسيتير مب ملاك واله غلطات كبيرة سواء مع ديزني أو بيكسار ... بس بنفس الوقت غلطات لاسيتير ولا تمسك ديزني اداره فاشلة،... كلنا نحب أخي الدب و جزيرة الكنز و مزرعة في خطر و الخ الخ الخ بس ما نقدر ننكر انها كانت أفلام فاشلة سواء نقديا أو في شباك التذاكر والناس العاديين ما يعرفون هالشخصيات ولا تعلقوا فيها... واذا كملت ديزني مع هالأفلام عادي توصل ديزني لمرحلة توقف عمل قسم الأنيميشن أو تقلصه.. دريم ووركس الحين بعد كم سنه من الفشل وضعهم المادي صعب والشركة في خطر وقاعدين حتى يناقشون يرجعون فلم "شريك" بعد ما أعلنوا رسميا انهم ما بيسوون أجزاء ثانيه منه لأنه خلاص ما عندهم أفلام ناجحة...
ديزني كشركة قاعده تتخذ قرارات صحيحة مؤخرا و تحقق المعادلة الصعبة بين النجاح التجاري و النقدي.. مارفل ماشيين صح و لوكاس و ستار وورز بدوا بداية صحيحة، بيكسار و ديزني ناجحين وحتى أفلام الايف أكشن مثل سندريلا و كتاب الأدغال نجحوا نجاح كبير... اذا محتاجين يصلحون شيئين فبرأيي الشخصي هم
- كتاب و مخرجين بعض أفلام اللايف أكشن اللي عليهم مليون علامة استفهام وما عندهم خبره.. - سيكولات بيكسار اللي فجأة طلعوا مادري من وين..
رد مقتبس: عكس الاسد الملك وفديته ما احتاج لثري دي ولا خرابيط عشان يجيب رقم خيالي بفترة كان صعب الرقم اللي وصله !!
عامر أكيد أفلام التسعينات هاي قمة نجاح ديزني و عبقريتها... هالأفلام لا فروزن و لا تانجلد ولا غيره يقربون عليها... بس منو الشخص اللي بيمسك ديزني و بيرجع هالأفلام.. أضمنلك انه لاسيتير هو الوحيد اللي قادر على انه يقدملنا شي قريب منها والدليل اتجاهه لبرودواي و نجومهم عشان يلحنون ويكتبون أغاني هالأفلام...اذا استلم حد ثاني ف90٪ بتشوف مستوى اضعف...
اسمحولي عالاطالة بس مستمتع بالنقاش معاكم ...
[ يونيو 16, 2016, 11:04 AM: تم تحرير المشاركه من قبل: howtodeal ]
-------------------- [ المشاركات: 7335 | من: الامارات | تاريخ التسجيل: يوليو 2003
|
بالعكس ماصدقنا على الله نحصل حد يفتح مواضيع ونقاشات ديزناوية نفس قبل
رد مقتبس: ناصر.. عيني فعينك كده... يعني تقارن دوري و زوتوبيا و موانا اللي سنين قاعدين يشتغلون عليهم بميزانيات ضخمة تفوق ال150 مليون دولار بأفلام ديزني تون اللي العالم كله شهد بضعفها و ركاكتها و ككواليتي لا تقارن أبدا بالأفلام اللي تنزل حاليا... مع اني ما أنكر انهم بعضهم الهم معزة خاصة في قلبي و ما عندي مانع لو كانوا ينتجونهم الحين بس قرار ايقافهم قرار سليم...
وين قارنت افلام ديزني توون بدوري وزوتوبيا؟
كنت ابين لك ان ديزني من زمان كانت تنزل اكثر من فيلم انميشن واحد بالسنه
واذا تبي تقارن مقارنه عادله لا تخلط الاستديوهات ببعض
قارن بين افلام ديزني توون اللي انعملت مخصوص للسينما قبل وبعد فترة رئاسة جون لاستر وراح تلاقي اختلاف شاسع
انسى الافلام التجارية اللي كانت تنزل دايركت للديفيدي مثل بوكاهونتاس 2 واطلنتس 2 وهالفضايح ..
وقارن الافلام اللي تم تصنيعها لجمهور السينما مثل مغامرات بندق والمغامرة النمورية وقارنهم بتنة ورنة وطيارات
ولاحظ الفرق الشاسع بالمستوى
رد مقتبس: ديزني كشركة قاعده تتخذ قرارات صحيحة مؤخرا و تحقق المعادلة الصعبة بين النجاح التجاري و النقدي
ماعندي نقطة شك بذكاء لاستر .. هالانسان عارف من اين تؤكل الكتف وشنو الجمهور حاب ..
لكن مازلت مصر ان الشركة فنياً على ايامه قل مستواها ..
ما اتخيل نفسي بعد 20 سنه راح ارجع اشوف تانجلد او فروزن بنفس انبهاري اليوم بالجميلة والوحش مثلاً ..
عالعموم اهم شي الحين ان ديزني رجعت لها عافيتها مره ثانيه
طالما انها صايره حديث الساعه واي طعم تحذفه يبتلعه الجمهور وهو مستانس وراضي
معناته ممكن ديزني بالمستقبل تتجرأ وتعمل على تطوير صناعة الانميشن وتتمرد على ستايل افلام ال cg
وتقدم فيلم طويل مثل بيبرمان وترغم الجمهور على تقبله
وبعدها نبدا عصر ثالث بتاريخ الانميشن وتوحد نمط الرسم اليدوي وال cg مع بعض ..
--------------------
المشاركات: 27170 | من: ~ NeverlanD ~ | تاريخ التسجيل: يوليو 2002
|
اخواني وحبايبي سامحوني واسمحولي ادخل معاكم بهالنقاش شدني وجذنبي موضوع النقاش وحبيت اعطي رأيي بكل اختصار كل شخص يتذوق الفن بطريقة مختلفة عن الثاني على سبيل المثال انا اشوف ان فيلم مولان هو اعظم ما انتجته ديزني *مثال* وغيري يقول الاسد الملك وغيره يشوف فروزن هو الافضل بلا منافس القيمة الفنية تختلف من شخص لآخر وفي النهاية كل اللي يهم ديزني هو نجاح افلامها وانها تحقق ايرادات كبيرة كثر ما تقدر وانا اتفق معاكم بأن افلام ديزني التسعينات افضل بمليون مرة عن افلام الحين استمتع وانا اشوف هالافلام مثل علاء الدين ومولان والاسد الملك للمرة المليون بدون ملل وكأني اتابعهم لاول مرة بينما تانجلد وفروزن شفتهم مرة ، مرتين ، ثلاث واحس خلاص شبعت منهم. الاميرة والضفدع من احب الافلام عندي واقدر اقول اني انسبها مع افلام التسعينيات لان كل شي فيه عاجبني الشخصيات ، ، الرسوم ، ، الموسيقى ، ، الجاز , , القصة اشوف كل شي فيه ممتاز بالنسبة لي وانا انجذب للهاند درونق اكثر عن الـ CG لانها ديزني سحرها ما يبين كثر ما يبين في الرسم اليدوي
في النهاية كلنا نختلف بالآراء لكن في النهاية ديزني هي ديزني
عاد اسمحولي مرة ثانية دخلت عرض بينكم مع ان معلوماتي وايد متواضعة مقارنةً فيكم
--------------------
المشاركات: 161 | من: الإمـارات العـربيـة المـتــحــدة | تاريخ التسجيل: أغسطس 2014
|
رد مقتبس: وين قارنت افلام ديزني توون بدوري وزوتوبيا؟
المقارنة كانت بعدد الأفلام اللي تنزلها الشركة .. فيه فرق بين 3 أفلام واحد منهم عدل والباقيين نص ونص و 3 أفلام كلها قوية
رد مقتبس: قارن الافلام اللي تم تصنيعها لجمهور السينما مثل مغامرات بندق والمغامرة النمورية وقارنهم بتنة ورنة وطيارات
ولاحظ الفرق الشاسع بالمستوى
في هذي معاك 100٪ طيارات سقطة لديزني و مشروع عبيط يندرج تحت هوس لاسيتير بوسائل المواصلات
رد مقتبس: طالما انها صايره حديث الساعه واي طعم تحذفه يبتلعه الجمهور وهو مستانس وراضي
قريت كذا ريفيو مؤخرا عن بعض أفلام الانيميشن الفاشلة ،، وكانوا في مقارناتهم يكتبون انه هالأفلام ما بتوصل لمستوى ديزني و بيكسار... كم يسوى بس انه النقاد بدوا يذكرون ديزني و بيكسار ويضربون فيهم المثل.. لفترة طويلة كان اسم بيكسار بس اللي ينكتب .. الحين بدت ديزني شوي شوي ترجع الها مكانتها..
رد مقتبس: في النهاية كلنا نختلف بالآراء لكن في النهاية ديزني هي ديزني
عاد اسمحولي مرة ثانية دخلت عرض بينكم مع ان معلوماتي وايد متواضعة مقارنةً فيكم
بالعكس حبيبي دش عرض و ناقش على راحتك .. وفعلا ديزني هي ديزني و فترة التسعينات ما تتكرر أبدا.. المشكلة بالجيل اليديد اللي ما يحب هالستايل من الأنيميشن..
-------------------- [ المشاركات: 7335 | من: الامارات | تاريخ التسجيل: يوليو 2003
|
رد مقتبس: اتوقع مشكلة الفانز مع جون لاستر هو انه حول استديوهات ديزني انميشن لبيكسار 2 يعني هجنها وضيع سحرها وبصمتها الخاصه
ناصر ديزناوي قالوا زبدة الكلام واتفق معهم بكل كلمة وفيه ملاحظة مهمة ترى كل جيل يشوف افلام فترته هي الأفضل والعصر الذهبي لديزني حنا وعينا على افلام ديزني الكلاسيكية وانبهرنا بالرسم اليدوي ومهما قدمت ديزني ماراح نكرر شوفته زي علاء الدين وهرقل وسنووايت طول العمر مثلاً والجيل الحالي بعد 10 سنوات راح يشوفون فروزن وبيق هيرو وتانجلد وزوت وحتى كارز من ايقونات ديزني ومهما تطورت تقنية الرسوم والقصص راح يحنو لهذيك الأفلام ولرسم وتعابير السي جي لذلك أنا مع انه ديزني تنوع بأنتاجات افلامها وترضي كل الجمهور يعني مره ينتجوا فيلم بالرسم اليدوي ومره بالـ CG ومره يكون ملحمي زي احدب نوتردام ومره يكون طفولي ومره جزء ثاني وكذا ...
[ يونيو 17, 2016, 01:56 PM: تم تحرير المشاركه من قبل: (..khaled..) ]
المشاركات: 3077 | من: المملكة العربية السعودية | تاريخ التسجيل: يوليو 2011
|
الفيلم دة انا متأكد انه بأذن الله هيكون دبلجته في مصرية ميديا لآنه على حد علمي الفيلم دة غنائي ويارب تكون المفاجأة الكبيرة اللي هي عودة اللهجة المصرية طيب انا نفسي يجيبوا مطربة مشهورة تأدي في الفيلم مش بالضرورة تكون من الصف الآول لآ بس على الآقل نفسي تبقى زي نسمة محجوب في Frozen يعني ممكن ريهام مصطفى او كارمن سليمان او رنا سماحة انا نفسي جدا في الموضوع دة مين متفق معايا ؟ عايز ارائكم ياشباب
ناصر كيف جون لاستر ماسوا شي ؟ وقمصانه الاسطورية الي تنزل في ديزني ستور , في حد من المدراء الي قبله سواها خخخخخ
هو موضوع الارباح ماله علاقة بادراة جون ماعرف كيف اشرح الموضوع بس يعني مثلاً لو يتم تعديل المبلغ الي كسبه الاسد الملك مثلاً وتعديل قيمته لسعر فلوسنا حالياً بيكون عدا المليار من زمان , اصلاً كل الافلام القديمة لو يتم تعديلها بتعدي المليار او بتكون قريبه منه فما اشوف انه هو مسوي شي تاريخي لشركة عريقة مثل ديزني + انا عن نفسي افضل اني اشوف فيلم عليه القيمة وفيلم مسلي اي كلام مثل ايام ديزني تون فالسنة على اني اشوف الفنانيين متشتتين ويشتغلون على اكثر من عمل مهم في نفس السنة , يعني حتى الواحد مايلحق يتحمس لفيلم الا طلعله فيلم ثاني
رد مقتبس: هو موضوع الارباح ماله علاقة بادراة جون ماعرف كيف اشرح الموضوع بس يعني مثلاً لو يتم تعديل المبلغ الي كسبه الاسد الملك مثلاً وتعديل قيمته لسعر فلوسنا حالياً بيكون عدا المليار من زمان , اصلاً كل الافلام القديمة لو يتم تعديلها بتعدي المليار او بتكون قريبه منه فما اشوف انه هو مسوي شي تاريخي لشركة عريقة مثل ديزني +
أورفن كلامنا كله كان عن الأفلام من حياة الامبراطور و طالع.. اللي فشلت نقديا وجماهيريا... صح انا نحب بعضهم و للحين نتابعهم بس هالأفلام مالهم قيمه تاريخيا و الناس العاديين ما سمعوا فيهم.. جون طلع ديزني من أول ما استلم من هالفشل و بدت ترجع لنجاحها القديم.. تاريخ ديزني وعراقتها عمره ما بينفعها لو كملت بهالأفلام الفاشلة اللي تكلف فلوس و وقت و محد داري عنها... شو فايدتنا الحين لو في يوم من الأيام الأسد الملك و سنووايت كسروا الدنيا ونجحوا
رد مقتبس: اشوف الفنانيين متشتتين ويشتغلون على اكثر من عمل مهم في نفس السنة , يعني حتى الواحد مايلحق يتحمس لفيلم الا طلعله فيلم ثاني
يعني التركيز وايد ياب نتايج في هوم أون ذا رينج ولا تشيكن ليتل ؟
أحس جون لازم يتصل فيني شخصيا و يشكرني.. وايد شاد حيلي
[ يوليو 10, 2016, 11:54 PM: تم تحرير المشاركه من قبل: howtodeal ]
-------------------- [ المشاركات: 7335 | من: الامارات | تاريخ التسجيل: يوليو 2003
|
ردي عن النجاح المادي كان تعقيباً على ردك الاول الي تقول فيه ان الافلام تدخل ملايين ، وماقصدت ان في هالوقت الأسد الملك او سنووايت يكسرون الدنيا شو نبا فيهم كنت اقصد ان لو قيمة الفلوس تعادل هذا الوقت كانوا عدوا المليار ،، يعني كل زمان له قيمته ولو فروزن نزل هذاك الوقت ماكان حقق الربح المادي الي وصله في هذا الوقت ،،، يعني أبدا جون ماله فضل في هالشي كونه ماسك الادارة الحين،،، فشل فيلم او اثنين مايعني ان الشركه فاشله ماهم دخلوا العصر المظلم فترة وأفلامهم فشلت بس مع هذا استمروا ونجحوا بعدها
رد مقتبس: كنت اقصد ان لو قيمة الفلوس تعادل هذا الوقت كانوا عدوا المليار
معروف هالشي... زيادة عدد السكان + أسعار التذاكر .. تضخم inflation
رد مقتبس: يعني كل زمان له قيمته ولو فروزن نزل هذاك الوقت ماكان حقق الربح المادي الي وصله في هذا الوقت
هذا افتراض .. الواقع انه فروزن حاليا تاسع أنجح فلم في تاريخ السينما .. وأنجح فلم أنيميشن...
رد مقتبس:فشل فيلم او اثنين مايعني ان الشركه فاشله ماهم دخلوا العصر المظلم فترة وأفلامهم فشلت بس مع هذا استمروا ونجحوا بعدها
Dinosaur- Chicken Little - Home on the range - Emperor's new Groove- Atlantis- Brother Bear - Treasure Planet- Meet the Robinsons سلسلة أفلام فاشلة تجاريا و نقديا.. اذا كلموا ديزني ب 5 ولا 6 أفلام الشركة شوي شوي بيتقلص نشاطها ويمكن يسكرون قسم الأنيميشن.. ما كانوا ناجحين الا بأفلام بيكسار اللي نعرف منو مديرها سالفة العصر المظلم مب ضروري انه ديزني كل مره بتدخل وبتطلع منه بسلام.. لما الشركة كانت عليها ديون و كانت بتسكر ما كانوا حاطين ايدهم على خدهم و يقولون فتره و بنرجع نفس قبل .. كانت الشركة مهددة انها تسكر والناس بدوا يتفنشون ( أتكلم عن التسعينات قبل اصدار حورية البحر) .. حتى لما استلم جون مع انهم كانوا يقدمون أفلام حلوه لكن سمعة الشركة كانت زفت.. أول أفلامه معاهم كلها نجحت نقديا وفشلت تجاريا.. شوي شوي بدوا يستردون سمعتهم ورجع نجاحهم... أنا أشوف رئيس قسم الأنيميشن هو دينامو الشركة.. ما بتنجح أفلامها الا بشخص ذكي وفاهم شغله..
-------------------- [ المشاركات: 7335 | من: الامارات | تاريخ التسجيل: يوليو 2003
|
انزين انت ليش جي وايد شاد حيلك ومتحمس وتدافع دفاع مستميت عنه بديت أشك فيك
زين انك تعرف انه تضخم لان ردك الي فوق كان مبين انك مب عارف انا عن شو أتكلم
وادري انه افتراض انا ماقتلك هالشي صار بس فعلاً "لو" فروزن نزل هذاك الوقت كان حقق نجاح الأسد الملك وعلاءالدين ووو والعكس صح
ونجاح هالاافلام في هالوقت ونجاح فروزن ماشوف له علاقة بان جون ماسك الاستوديو ،،، حسستني ان الي كاتبين القصص و المخرجين وكتاب الأغاني والملحنين مالهم قيمة وجون هو الي أنقذ الموقف كفاية كارثة طيارات وسيارات وهالغباء الي مستمر فيه والي يعادل الأفلام الي انت ذكرتهم في ردك
رد مقتبس: انزين انت ليش جي وايد شاد حيلك ومتحمس وتدافع دفاع مستميت عنه بديت أشك فيك [crazy]
بديت؟؟ جون الحب من زمان.. يتني فترة قلبت عليه بس الحين خلاص طاح الحطب..
رد مقتبس: لان ردك الي فوق كان مبين انك مب عارف انا عن شو أتكلم
لا فاهم عليك.. علاءالدين و الأسد الملك وغيرها لو تقرا ردودي كنت بروحي أقول انها كأفلام ما بينزل مثلها... عصر ديزني الذهبي وهالأفلام اللي تنزل الحين أقل منها كمستوى برأيي.. سحر ديزني كان كله فيها.. مقارنتي مره ثانيه كانت بس بأفلام عصر الظلام على قولتك شوفوها من وجهة نظر اصبر على مينونك...
رد مقتبس: كفاية كارثة طيارات وسيارات وهالغباء الي مستمر فيه والي يعادل الأفلام الي انت ذكرتهم في ردك
لكل جواد كبوه.. وكبوة لاسيتير هو هوسه بالسيارات والطيارات و وسائل المواصلات . يوم يكون مخرج يخبصها شوي.. بس في شغلته الحين من بعيد لبعيد بس يشرف عالأعمال ممتاز... عقب هالرمسة كلها يا خوفي بس يفشلني و يطلع موانا أي كلام.. بذبحه..
[ يوليو 11, 2016, 11:53 AM: تم تحرير المشاركه من قبل: howtodeal ]
-------------------- [ المشاركات: 7335 | من: الامارات | تاريخ التسجيل: يوليو 2003
|
إرسال هذه الصفحه لصديق!
لطباعه هذا الموضوع
![[Big Grin]](biggrin.gif)
![[Embarrassed]](redface.gif)
![[Razz]](tongue.gif)
![[super]](graemlins/super.gif)
![[heartpump]](graemlins/heartpump.gif)
![[rose]](graemlins/40.gif)
![[crazy]](graemlins/crazy.gif)
![[Roll Eyes]](rolleyes.gif)
بس فعلاً "لو" فروزن نزل هذاك الوقت كان حقق نجاح الأسد الملك وعلاءالدين ووو والعكس صح![[battingeyelashes]](graemlins/battingeyelashes.gif)
