ملفي الشخصي | الدليل تسجيل الدخول | بحث | مســـاعدة | الألعاب | قائمة الإداريين | الصفحه الرئيسيه

» منتــدى الســالميــه » القسم العـــام » ســاحــة الـمجـتمــع و الـــصــحــة » مساعدة .. و باركولي

إرسال هذه الصفحه لصديق!

الكاتب الموضوع: مساعدة .. و باركولي موسيقي مراقب الساحة الفنية رقم العضويه 2114 مرسله في                    قوه شلونكم شخباركم شمسوين؟ اول شي حبيت اشاركم خبر وايد وايد مفرحني .. و هو ان زوجتي حامل الحمدلله .. و هي حاليا باخر الشهر الثالث .. نزلت هالموضوع لأن هالشي جديد علي و ساعات ابي اتعامل مع اكثر من موضوع باكثر من طريقة .. بس ماعرف لووول راح اطرح عليكم اي سؤال يخطر فبالي او مشكلة اواجهها عشان تساعدوني في حلها بحكم خبرتكم ((اللي متزوج او المتزوجة او اللي دارس هالموضوع )) .. احنا حاليا قاعدين نراجع مع دكتورة و الحمدلله كل شي سليم .. اخر مرة رحنا كان بتاريخ 28-11 و موعدنا الياي بعد يومين انشالله .. طبعا ليلحين ما بين جنس الجنين و انا ما يهمني لأن كل شي ايي من الله راح افرح فيه سواء بنت ولا ولد .. نروح للأسئلة: متى تروح أعراض الوحم زوجتي تعبت بالفترة اللي فاتت من الوحم .. هي بطبيعتها وايد حركية و تحب تشتغل و وايد هااايبر .. و اذا ما عندها شي تطلع شي عشان تسويه .. بس صارلها شهر و اسبوع تقريبا كله خمول و نوم .. و لما تقوم تحس بلوعة و شعور غير مريح .. طبعا انهيار بالبكي و عصبية على اشياء تافهه و ما تقدر تاكل شي يا ناس حتى الشوبينغ اللي هو حياتها .. كارهته (الشي الوحيد اللي مفرحني لول ) و من بلشت تاخذ حبه ( نسيت اسمها ) هي للوحم وصفتها لها الدكتورة ( OMNA or OMDA or NMDA ) شي جذي .. علبه فيها 15 حبه .. تاخذ وحده كل يوم بليل و سعر العلبة تقريبا 100 دولار .. ارتاحت كثييييير بس ليلحين ما رجعت طبيعية و من فترة للثانية ترجع لها اللوعة .. ما تتشهى اي نوع للأكل .. بالعكس كارهه الاكل بشكل عام ( هي من زمان ما تاكل كثير بس الحين اكثر ) .. عندها كره لريحة الأكل .. اي عطور قوية .. متى تروح الأعراض؟ و شنو الاشياء اللي ممكن تساعد انها تخفف من هالشي؟ سؤالي الثاني: في اكل لازم تركز عليه؟ واكل لازم تبتعد عنه؟ اللي عرفته ان اكل الاسماك البحرية مضر .. بس الاسماك النهرية ممتازة .. بهالفترة لازم تركز على الخضار و الفواكه و خصوصا الموز لأن جسمها يحتاج بوتاسيوم كثير .. حاليا تاخذ فوليك اسيد بس .. ساعدوني بليز تحياتي -------------------- المشاركات: 14289 | من: Kuwait | تاريخ التسجيل: يونيو 2002  |  Miso ( asma ) عضو رقم العضويه 19623 مرسله في                           طلال دموع الفرحة عشت وحشوفك اب >> امينة رزق لا جد مبروك مبروك نشالله تقوم بالسلامة المدام وحسب خبرتي بهالموضوع من خواتي الاربعة و اللي حواليي كل بنت الها تجربة بالواحم وهي مش قاعدة وتطبق عالكل يعني ما تسمع لاي حد تجاربهم كانت سيئة بالواحم لانه ممكن ينعكس عليها اهم شي انت تكون متفهم تتحمل هالفترة معها وبما انه واحهم اجا عالنوم ممتاز لانه في بنات العكس ما بعرفوا طعم النوم وبالنسبة للمدة عالاغلب بضل لاخر الرابع وعشان الاكل والتغذية ما تخاف اول ما بتخلص واحم رح تعوض لانه الشهية بتنفتح الله يقومها بالسلامة -------------------- بدر 😔😔 المشاركات: 34768 | من: من: من: من: من | تاريخ التسجيل: ديسمبر 2004  |  [ Lady Fa ] عضو متميز رقم العضويه 88536 مرسله في                    موسيقي مبروك ع حمل المدام ومااقول غير ان شاءالله البيبي يطلع بصحه وعاافيه هذا اهم شيء من شنو جنس البيبي انا مو متزوجه ولا شيء بس سألتلك توه وحده من فانز ديانا قالت ان الوحم يختلف عن وحده لي ثانيه في بعضهم اول 3 شهور وبعض طول الحمل وبعض اخر شهرين لذا كل وحده غير عن الثانيه ووبخصوص الاكل مايشتهون يأكلون والنفسيه وموتني ضحك مرتاح من الشوبينغ لول بس هذا شيء عادي رفيجتي 5 شهور وللحين مالهاخلق تأكل وتلوع جبدها ! بس لازم ماتهمل نفسها لانها تحتاج انها تأكل لان اهيا تأكل لها وحق اللي بطنها لازم تغذيه ومرتك شكلها عندها نقص بالحديد صح لانك قلت تأخذ فوليك اسيد ( انا أخذه وصارلي سنين وللحين ماصار الحديد عندي طبيعي لول ) لازم تلتزم بالحديد و كالسيوم وفيتامين D تشوف شنو مستواهم بجسمهم لان مهم خصوصا اهيا حامل .. يعني رفيجتي كانوا يعطونهاعشان يرتفع عندها وبخصوص نووم شوف مرتك كله تبي تنام وخمول رفيجتي مو تقدر تنام اصلا يعني امس قاعده وسهرانه اقولها نامي تقول مااقدر قاعدتلي تسمع ديانا بس صج متعذبه بنوم لي الفجر تحاول تنام ماتقدر لذا خلها تنام ترتاح وان شاءالله مرتك من الناس اللي من اول شهور وخلاص واهم شيء ديربالها ع نفسها هذا اول بيبي خل تحط بالها وانت ديربالك عليها المشاركات: 38759 | من: Kuwait | تاريخ التسجيل: نوفمبر 2009  |  •.NiN.• عضو رقم العضويه 21036 مرسله في                    الف مبرووك طلال الله يقومها بالسلامة ان شاء الله انا الي اعرفو ان العسل مفيد اعطيها تاكل عسل كتير و حليلها حليبها و كل مشرووباتها بالعسل لوول -------------------- المشاركات: 23512 | تاريخ التسجيل: فبراير 2005  |  موسيقي مراقب الساحة الفنية رقم العضويه 2114 مرسله في                    مشكورييين كلكم على الردود و التفاعل .. ميسو: الله يسمع منج .. و انشالله تخلص من الوحم قريب فجر: اقولج شي؟ تدري امس طول الليل ما قدرت تنام و انا شي طبيعي ماراح انام لأنها تسوي ازعاج و تبيني اقعد وياها ما جنه ورانا دوامات غصب قمت من النوم اليوم وااااااااع نسنس: امس بليل خليتها تشرب حليب خالي الدسم مع عسل .. عجبها الحين في سؤال ثاني: صارلها يومين تجيها نغزات فبطنها .. لما قريت بالانترنت لقيت ان بهالفترة الرحم يرتفع .. فهل هذا له علاقة بالنغزات؟؟ تحياتي -------------------- المشاركات: 14289 | من: Kuwait | تاريخ التسجيل: يونيو 2002  |  [ Lady Fa ] عضو متميز رقم العضويه 88536 مرسله في                    وي وي مانامت صارت نفس حال رفيجتي لوول عاد رفيجتي تخلي ريلها ينام وتقعد ساكته عكس مرتك بس قلتلك حالات وكل وحده تختلف وخلها تزعجك ان شاءالله بس جم شهر ويخف هالشيء لان تغييرات بجسمها وهرمونات ووجذي لذا لازم هالسوالف يعني في وحده بس تقعد وتبجي واي كلمه تبجيها ع طول وبخصوص سؤالك سألت وقالتي شلون يعني مثل عرج يطق حيل! قلتها مادري اهيا توها 3 شهور وبتدخل الرابع ولا تقول في ناس غازات في عرج حمال على حسب بس اذا عوار عوار لازم تراجع مو زين تأخذ مثبتات لذا عسى قدرت افيدك ومن سوالف الحريم تقول اذا العرج يطق حيل بالثالث هذا صبي لان الصبي يعطي نغزات من اول شهرين عكس البنت ثقيله ماتتحرك " ورفيجتي هذي نفس شيء من الثالث وفعلا ببطنها صبي بعد استشارات من فانز دندونيه من قدك المشاركات: 38759 | من: Kuwait | تاريخ التسجيل: نوفمبر 2009  |  الصغيره miss salmiya رقم العضويه 10056 مرسله في                    الف الف الف مبروووووووووووك طلال والله فرحتني عسى الله يتمم عليها يارب ويسهل عليها الولاده وااي كبرنا انا عندي خبره من رفيجاتي لوووول مساكين ويتشكون لي وعليه عليهم شوف النساة في في اخر الثالث وخلاص توقف وفي بنات لي انا اعرف وايد لي التاسع والله بس ان شالله مرتك لاء واهم شي اذا عصبت ولا تنرفزة ولا بجت انت حاول تهديها لان ياثر على نفسيتها وترى الياهل وهوا بطن امه يتأثر بامه وابوه من ناحية نفسيتهم وهالمعلومه انا سامعتها برنامج وتفاجاة فيها تخيل لو الام والابو يتهاوشون يتضايق الياهل سبحان الله يحس بالام والابو ومن ناحية الاكل ختركز عالخضاروالفواكه واهم شي الكالسيوم طلال لازم تكثر البان حتى لو تاكل روب عادي لان الياهل يسحب من الام كالسيوم بكمية كبيره انا رفيجتي تقريبا مع مرتك بالثالث وماتشتهي الاكل وتكرم ذابحها الترجيع دكتورتها قالت لها الصبح اكلي عالريج تفاحه تخفف اللوعه وتساعدج عالاكل لاتحاتي ان شالله خير وعسى الله يتمم عليها حمالها يارب المشاركات: 18126 | من: بنت الكويت | تاريخ التسجيل: يوليو 2003  |  عاشق الأسطورة نوال عضو فعال جدا رقم العضويه 19658 مرسله في                       الف مبروك -------------------- المشاركات: 13228 | تاريخ التسجيل: ديسمبر 2004  |  حــبوبہ عضو فعال جدا رقم العضويه 10456 مرسله في                       الف مبروووك موسيقي الله يتمم حملها ان شاء الله و يجعله من الذرية الصالحة يارب الله يسهل عليها و يفرحكم بالبيبي اليديد ما عليك الشوبينق الحين برد عدل هههههههههههه استعد للدفع اغراض البيبي و النفاس و الاستقبال و الولادة و و و و ماراح تخلص لوول -------------------- أبشرك قلبي نسى طعم الآلام .. نموت لكن ما تموت الكرامه دامك نويت الصد فالوعد قدام من يومنا حتى تقوم القيامه .... ياللي تقول في غيبتك حدي أيام .. و يرد قلبي يشتكي من غرامه بهديك للهجران عام ورى عام .. لا عاش راسي لو رجع في كلامه .. حــبوبہ .. المشاركات: 14858 | من: كو المحبة يـــت | تاريخ التسجيل: يوليو 2003  |

لطباعه هذا الموضوع

إذهب إلى: إختر الساحة:   القسم: القسم الـفـنـي -------------------- ســـاحــة الفـــن العـــربــــي ســـاحــة الفـــن الغـــربــــي   القسم: القسم التقـنـي و الإداري -------------------- ســــاحـــــة الكمبيوتر وتقنية الإتصالات ســاحــة المراقبين والمــشرفين   القسم: القسم الإداري -------------------- ســــاحــــة المـحــذوفـــــــات

إتصل بنا | منتدى السالمية دوت نت


UBB.classic™ 6.7.1