مبروك ألف مليار مبروك للشعب الجزائرى الصامد القوى و ألف مليار مبروك للأمة العربية
الجزائر سوف يشرفنا إن شاء الله فى كأس العالم
و بصفتى مصرى عايز أقول انى بعتذر بالنيابة عن كل المصريين لو سببنا أى مضايقة أو تخاذلنا فى واجبنا تجاه الشعب الشقيق الشعب الجزائرى بلد المليون و النصف مليون شهيد.
و رسالة إلى الشعب المصرى
إحنا (ما جيناش على نفسنا و استحملنا و احتضنا أى رد فعل يصدر من الجزائر الشقيق) بصفتنا الشقيقة الكبرى. كان لابد اننا نعمل اى حاجة نوقف بيها التوتر. لكن المسؤولين كثر عن زيادة الاشتعال بين الشعبين. كان المفروض احنا نيجى على نفسنا.
بنعتذر للجزائر و بنقولكم انتم مشرفنا و هتشرفونا ان شاء الله و الف مليون مبروك.
رسالة أخرى للشعب المصرى
قولوا الحمد لله ان ده حصل لان لينا اخوان و اخوات مصريين فى الجزائر الشقيق, كان ممكن تحصل ليهم مجزة لو كنا كسبنا, لاننا لم نحتضن كل ما يصدر عن الجزائر من ردة فعل. و حتى لو تمت مهاجمتنا من جانب الإعلام الجزائرى أو أى أى جانب آخر, كان لابد لنا من التسامح و الإحتضان لاننا الشقيقة الكبرى و كان يجب أن تحل الأزمة سريعاْ و لكن أتى قدر الله لنقول الحمد لله, و لنتعلم من الدروس و العبر.
انا لست حزين لان منتخبنا (لعب كرة كويس) و لان منتخب الجزائر منتخب شقيق و مشرف.
و بالنهاية هى دى الكورة اللى المفروض نفرق بينها و بين اى اعتبارات انسانية و لا ننسى دورنا كمصريين.
اتمنى التوفيق من كل قلبى للجزائر فى المستقبل
نعم انتم أثبتم أنكم الأفضل بصراحة و بلا جدال و بجدارة
ألف مبروك يا بلدى الثانى
يلا بكل روح رياضية و اخوية نقول الف مبروك للجزائر الحبيب