|
الكاتب
|
الموضوع: قالت .... اتحبني شكثر ...
|
the shadow
عضو جديد
رقم العضويه 64450
|
مرسله في
 
دقات الساعه تمر …
تك تك تك …
اتخير انواع العطر …
اليوم يوم العمر …
ما هو عرسي ولا جاني ولد …
اليوم أحلى بدر …
اليوم موعدها معاي …
وقاعد جالس انتظر …
دشت معاها الأوراق …
دفترين وقلم حبر …
ابتسمت يا حر الأشواق …
جنها هلال الفجر …
شلونك …
بخير رديت الأمر …
وخدي من الخجل احتمر …
كنها هي الرجال …
وانا من بنات العذر …
قالت يا فلان بصراحه …
سمعت انك فارس خطر …
تصيب بسهم النباله …
والقلوب بحبك تأسر …
قلت يا فلانه والله بريء …
شويه اشاعات وغدر …
شوفي عيني وتعرفين …
شكثر البرائه تنتشر …
قالت حلفتك … تحبني …
صرخت أي .. وربي المقتدر …
قالت زين قول … صارحني …
اتحبني شكثر …
غمضت عيني …
قلت تسالين الطفل …
يحب أمه شكثر …
تسالين اللي يموت ظميان …
تحب الماي شكثر …
احبج … كثر حب كل البشر …
كثر حبات المطر …
كثر اوراق الشجر …
كثر ضو الشمس …
وأعداد النجوم … ونور القمر …
كثر حبات الرمل …
وكثر امواج البحر …
شفتي الخيال … احبج اكثر من الخيال …
اللي على بالي ظهر …
فتحت عيني … وكانت تكتب …
قلت لها شتسوين … قالت شي … وعلى بالي خطر …
قالت مشكوره وقامت بسرعه …
قلت وين … قالت لازم امشي … لازم اروح المختبر …
قامت وهي تركض … كأنها رايحه مؤتمر …
ورحت انا امد النظر …
واتامل اوراق الزهر …
نسيت القلم … ورديت للمكان الأغر …
كانت قاعده … وبنفس المكان … وبنفس الممر …
هو مغمض عيونه … وهي تكتب في الاوراق السمر …
تكتب … وبسرعه … ولا تخطر سطر …
قامت … ونفس الطريقه … اتكلم … وبنفس الطريقه تعتذر …
رحت له … سألته … اتعرفها … قال وهل يخفى القمر …
تسوي بحث عن الحب … وتختار … منو يغلب قيس … ومنو يغلب عمر …
ومنو اللي يصدق الأحلام … ويعيش بسهر …
انصدمت …
انتظرت ابوي يطقني … يقول قوم … صلي الفجر …
وحطيت ايدي على خدي باقرصه … زلقت ايدي …
اثاري الدمع على خدي انحدر …
واثاري الطفل …
بسرعه كبر …
وضو الشمس غاب … والنور انكسر …
ومعاه … شي ثاني انكسر …
في داخلي … احسه انشطر …
نصه مات في قبره … ونصه انتحر …
وعدتها بأحلى الاماني … وعدتها باغلى مهر …
بالحب والصدق والوفى … طول الدهر …
ياني كنت فعلا عبيط … آه يالقهر …
مسحت الدمع والحزن … وشلت من وجهي الأثر …
ومرت الأيام … اسبوع اسبوعين وشهر …
شافتني تقول يا فلان … وينك … قلبي عليك انفطر …
وينك لا حس وصل منك … ولا خبر …
ولا تسلم … ولا يمنا تمر …
ابتسم الطفل الخجول … هلا باختي … تامرين أمر …
قالت اختك ؟؟؟!!! … اتحبني هالقدر …
قلت في احلى من حب الاخوه … احبه لكل البشر …
قالت هذا مو عشق وغرام… هذا حب الفقر …
وين ردك يوم سالتك … انت تحبني شكثر …
زادت البسمه الخجوله … ليش … البحث ماله صبر …
قلتها وبكل برود … وداخلي نار وجمر …
قلتها وزاد الجمود … كاني بالفرقى أقر …
قالت شتقول … بس كنت ابي اختبر …
كنت ابي اعرف … انت تحبني شكثر …
قالت وايدها ترجف … وعيونها تفر …
قالت يا فلان والله اني احبك … لا تزعل مني … ترى يمكن انتحر …
قلت انا حبيت اجاريج … واعطيج كلامي مختصر …
الحب احساس صادق … ماهو كلمات وعبر …
ماهو أغاني وأماني ... ونغزه بالصدر ..
لا تصيدين يا فلانه ... في الماي العكر ...
قفيت عنها وجفيت ... ولاني قادر افتكر ...
والدنيا تدور فيني ... وعقلي كنه منفجر ...
لحظه ...
تناديني ... يا فلان انا صج كنت ابعرف ...
انت تحبني شكثر ...
ونسيت نفسي ... اثاري عقلي انأسر ...
وخطواتي تبتعد عنها ... وصوتها في اذني قصر ...
احس ان جسمي ثقيل ... والخطوه بالف متر ...
ليت الارض تبلعني... وليته يطويني الدهر ...
وقلبي يردد انا احبها ...
وعقلي يقول .. لا تطر ...
مسكين يا قلبي الجريح ...
ما لك يا وفي ... الا الصبر ...
المشاركات: 7 | تاريخ التسجيل: مايو 2006
| 
|
|
بنوته الشرقية
عضو نشيط جدا
رقم العضويه 7508
|
مرسله في
كلام من الأعماااااق ..
وإحســــــــــاس صادق
.
.
لكن هالصراحه تجرح لو يات بوقت متأخر =(
.
.
عالعموم ..
إبداع
اختك
--------------------
إبتسمـ ..
فأن الله ماأشقاك إلا ليسعدكـ ّ!
المشاركات: 1297 | من: ksa | تاريخ التسجيل: مارس 2003
|
|
|
_ غـلا حصـه _
عضو فعال جدا
رقم العضويه 17970
|
مرسله في
![[Frown]](frown.gif) الكلمات حيل مؤثرة و في الصميم
تسلم ...
--------------------
,
يَ صبــر قَلبٍ ..
يـ ح ـلم بالتـخرج ,
كــل ليلـة ~
المشاركات: 9442 | من: ][ دنــيآ كــ..ــفـى الله شـــ..ـــرهــآ ][ | تاريخ التسجيل: أكتوبر 2004
|
|
|
إرسال هذه الصفحه لصديق!
لطباعه هذا الموضوع
