$$انين الروح$$
عضو نشيط
رقم العضويه 84656
|
مرسله في
 
إيطاليا الحب
ياهيه التفت لي واسمع دعاي لك ياهيه
ترا عادك بتشبع من البعد وتواجه
دعيتك بصوتن ياصلك ليه ماتوحيه
وانا اسمع ضلوعك من صدى الصوت لجاجه
عليك الفواد اخلاج مصمّخ راعيه
خاف الله في راعيه ماتسمع اخلاجه
ترا العفو قد جاك اوّله واغتنم تاليه
وترا الحلم بحرٍ غير لاتامن امواجه
وترا الود ليلٍ مظلمٍ جيت لك ساريه
سراجه وصالك والجفا ينفخ اسراجه
وترا قصرْنا اللي كم سنه نجمع ونبنيه
هوى العذل طيح بابه العود وسياجه
لي ايام مدري وين دارك ولا ادري ليه
وانا خابر إني باب شفك ومزلاجه
غياب بلا سبه .. هجاد بلا تنبيه
وجفا العرب نار على الكبد وهاجه
نضج قلبي من البعد وشحاجتك تكويه
جفاك الجمر والصبر في بعدك الصاجه
وطبع حبك بقلبي والايام ماتمحيه
هذا هجرك يحاول يموجه ولاماجه
يموت الامل لكن ظنون الغلا تحييه
عروق الوفا ف الروح والقلب وجاجه
خبرتوا حدن يبكي على واحد يبكيه
وخبرتوا حدن مسجون ميابغي فراجه
احبه ولاابغضته على شي يسويه
ولازالت رقاب الرجا فيه منعاجه
عسى منزل ظمه حقوق الوسم تسقيه
وتضحك له الدنيا وهو يضحك احجاجه
فقد خاطري شي من الضيقة مسليه
وغدت روحي من الناس والليل هجاجه
اروح لمكان خابره خابره ياتيه
اسوق القدم صوبه وهي مالها حاجه
مكان نزيه واول مواجهيله فيه
وانا خابرن مارجل مثله بدواجه
لعل وعسى ماحدني للمجي يدعيه
واشوفه وانا ماودي اسبب احراجه
يحب الجريح اخر دروب اللقا ويجيه
وتحب القدم جيه مكان اول مواجه
$$$الشاعر:محمدبن فطيس$$$
--------------------
~~علمتني روما أن أري حريتي من غير حدود~~
المشاركات: 520 | من: ايطاليا | تاريخ التسجيل: أبريل 2008
| 
|
إرسال هذه الصفحه لصديق!
لطباعه هذا الموضوع
