منتــدى الســالميــه: •.ॡ.•الموت اهــون من حياااتي بدووونك •.ॡ.•

»	منتــدى الســالميــه » القسم الـفـنـي » الســـاحـــــــة الــثــقــافــيــة » •.ॡ.•الموت اهــون من حياااتي بدووونك •.ॡ.•

إرسال هذه الصفحه لصديق!

الكاتب

الموضوع: •.ॡ.•الموت اهــون من حياااتي بدووونك •.ॡ.•

عـذاب
عضو نشيط
رقم العضويه 19662

This user is from Bahrain

مرسله في

المدخل

أجيك .. أسأل .. أحبك ! .. وإنت ماتدري
أشتاق / أوله عليك / و أكتم أسراري ,

( أراقبك ) من بعييد آحسّك بـ صدري !
أسولف لـ " صورتك " عن : آخر أخباري

أشاورك باللي يطري . و إللي مايطري .
- أشتتك – أجمعك – تتشتت أفكاري !

..... ساعات أزعل عليك و ينكسر صبري
و ساعات ..... أخطي بـ [ حقك ] و أنزف أعذاري ,

بيني وبيني . . . ولادة حبي . . . العذري
عني وعنك ؟ تسولف دايم / أشعاري

ما أبيك تدري بـ غلاك و : ينكشف أمري :
حلاته إني – عشقتك . وإنت مو داري !

المُحال / الصعب , يعني : وضعَنا
إنتثرنا . . . و الأوادم , يجمعون ..

يشهد الله , بس ( طمعنا فـ بعضَنا )
يوم خلق الله
بـ - كل شي يطمعون !

يا حبيبي .. هـ التعب , إن هزَّنا ؟؟
بلّغ { أسراب الغلا } ...... لا يجزعون

الفراق .. الضيق , الحظ .. العَنا ,،
- الجروح إللي تجي بليّا ( طعون ! )

.. الظروف , الموت , الحزن , الهَنا ..
الدموع .. الصوت / خلْهُم : يسمعون

دام ندري الـ " بُكى " ما فادَنا !
[ ليه ما نرحَم قلوبٍ يدمعون ؟؟! ]

إن بقينا ( ثنين ) . وكل شي – ضدَّنا !
: الصبر . . . كثر الأمل : ما ينفعون ..

النصيب / الناس / قسوة وقتَنا :
مو بـ إيدينا هـ الثلاثه , يخضعون

العواذل ........ { عيدهم } بـ فْراقَنا
" فرصة " أعدائي فـ غيابي / يطلعون

راقبونا . . و إتعبوا . . . في قربَنا
ومن يشوفـونا " تصدّق " يفزعون !

- صابنا إللي كاتِبَه [ اللـهُ ] لَنا -
لو مشاعرنا .. حبيبي يفجعون .. !

إنت ((( ضقت ))) فـ غيبتي لكن ,
:إنَّا للـه . . . وانا إليـهِ راجعون :

المخرج
:

في دنيتك غصبٍ عن [ الكـل ] : ببقى !
" الموت " أهوَن .... من حياتي بدونك .
خايف عليّ من قسوة الوقت / أشقى ؟!
- مافيه أقسى من ( مفارق ) عيونك

دمــــــتم بــود و حب

أختكم / عذاب

--------------------

الشعر لا يعترف بالسن

المشاركات: 949 | من: الخليج | تاريخ التسجيل: ديسمبر 2004 |

أرسل ملاحظه لمشرف الساحه عن هذه المشاركه

_ غـلا حصـه _
عضو فعال جدا
رقم العضويه 17970

This user is from Kuwait

مرسله في

النصيب / الناس / قسوة وقتَنا :
مو بـ إيدينا هـ الثلاثه , يخضعون

--

إيــه والله .. [applause]

جد أبــدعتـي .. كتابتج واايد حلوووة و الصراحه حيل شدتني و عشت وياج الجو [heartpump]

و طريقه تنسيقج للابيات بعد حلووة

حبيت حبيت ..

تسلم يمناج [rose]

--------------------

,

يَ صبــر قَلبٍ ..
يـ ح ـلم بالتـخرج ,

كــل ليلـة ~

المشاركات: 9442 | من: ][ دنــيآ كــ..ــفـى الله شـــ..ـــرهــآ ][ | تاريخ التسجيل: أكتوبر 2004 |

أجـمــل إحـســاس
Miss Golden
رقم العضويه 9558

This user is from Kuwait

مرسله في

رد مقتبس:
المرسل الأصلي هو _ غلا حصه_:
النصيب / الناس / قسوة وقتَنا :
مو بـ إيدينا هـ الثلاثه , يخضعون

--

إيــه والله ..

جد أبــدعتـي .. كتابتج واايد حلوووة و الصراحه حيل شدتني و عشت وياج الجو

و طريقه تنسيقج للابيات بعد حلووة

حبيت حبيت ..

تسلم يمناج