أخواني المشرفين بخبركم اني أمس أنضميت للمنتدى واليوم الصبح كتبت موضوع عن عودة مسلسل فريج في رمضان وأخبار عن نوال الزغبي ونجوى كرم بالساحة الفنية
وبعد شاركت بردود ببعض المواضيع الفنية وكانت كلها ردود محترمة وماسبيت أحد ولا شتمت أحد بس اليوم ياني (أيقاف عضوية) وحظر من المشرف حمد ليش بلاني انا شمسوية؟ ماسيست أحد ولا شتمت فليش الأيقاف؟ أقسم ماسويت شي وكل الأعضاء شافوني وشافوا ردودي فليش يعني يمنعني حمد ويوقف عضويتي؟
أرجوكم ساعدوني وانا أنضميت من يديد ياترى هم بعد راح أنطرد وانا عاقلة ومو مسوية شي؟
وين المراقبين يساعدوني وجزاكم الله خير
[ أغسطس 11, 2008, 10:13 PM: تم تحرير المشاركه من قبل: أم خـمــــــاس ]
مرسله في
^ ^ ^ ^ انا مو قايله لك مليون مرة ماتجيب طارى اسمي مرة ثانية ؟
ومدام انا ام خماس يافهمي روح قارن مابين ال اى بي اردس والمشرفين يعرفون شغلهم ويقدرون يعرفون هاى الامور
بس اختى ام خماس مادام انطردتي من حمد عادى هاى اعتيادي يعنى وايدين انطردوا على ايده بسبب وبدون سبب واتمنى من المشرفين والمراقبين يوضوحون سبب طرد ام خماس لوولز
|
رد مقتبس:المرسل الأصلي هو Kuwaity CoOol: مستكه عارفين سوالفج كل يوم مسويه عضويه جديد وتسوين مشاكل بين الفانزات
هلا أخوي
أقسم بالله أني مو مستكة وربي ورب الكعبة وأنا ما احلف جذب وبعدين احنا مقبلين على شهر فضيل ومب حلوة اجذب بعدين أنا ماعرف منهي مستكة بس والله محترة يعني ماسويت شي وانت اذا تابعت ردودي ماتلاقيني سبيت احد او سويت مشكلة مع الفانز يبة روح شوف ردودي هناك ليش تظلمني عموما الله يسامحك بس والله ماعرف منهي مستكة واقسم بالله ماسويت مشكلة بردودي بالساحة الفنية حتى روحوا شوفوها اذا ما مسحها حمد
رد مقتبس:المرسل الأصلي هو مـــســـــــــتـــــكــــه: ^ ^ ^ ^ انا مو قايله لك مليون مرة ماتجيب طارى اسمي مرة ثانية ؟
ومدام انا ام خماس يافهمي روح قارن مابين ال اى بي اردس والمشرفين يعرفون شغلهم ويقدرون يعرفون هاى الامور
بس اختى ام خماس مادام انطردتي من حمد عادى هاى اعتيادي يعنى وايدين انطردوا على ايده بسبب وبدون سبب واتمنى من المشرفين والمراقبين يوضوحون سبب طرد ام خماس لوولز
هلا اختي مستكة وربي يا وخيتي مب عارفة شي يعني لحد الحين مادريت ليش انطردت؟.. كل اللي اعرفه اني دخلت المنتدى انضميت وكتبت موضوع وشاركت بردود وبعدها طلعت ودشيت لقيت رسايل انذارات من حمد وايقاف عضوية؟؟؟
حشى انا شمسوية يمّي؟؟؟؟؟؟؟؟
نسيت بقولك فرصة سعيدة
[ أغسطس 11, 2008, 10:46 PM: تم تحرير المشاركه من قبل: أم خـمــــــاس ]
رد مقتبس:المرسل الأصلي هو طبيعي: تغيرين مسار الموضوع كل شي تدشين بالمواضيع وتقولين لهم تعالوا موضوع ومادري شنو مايصير هالشي
هذا يعتبر تغير لمسار الموضوع
هلا أخوي طبيعي مشكور عيوني
بداية صدقت أنا اتفق معاك ماكنت أعرف لأني عضوة جديدة فكتبت تعليقين فيهم شوية تغيير مسار وأنت ماقصرت وحررت الرد وعطيتني تحذير وقتها وكان هالشي اليوم من صباح الله خير
بس ياخوي انا مثل ماقلت عضوة يديدة وماكنت اعرف بالقوانين حقتكم ولكن بعد التحذير اللي انت كتبته لي انا عرفت بس ياخوي انت على الاقل عاجل وذرب بدليل ماعطيتني انذار واحد ولا منعت عضويتي واكتفيت بس بتنبيهي وانا من بعد كلامك ماطلعت عن المسار
بس هذا اللي اسمه حمد طردني بدون سبب يا وخيي ارجوك تساعدني تراني احترمك
[ أغسطس 11, 2008, 11:04 PM: تم تحرير المشاركه من قبل: أم خـمــــــاس ]
مرسله في
اي شاركي وانشالله ماكو شي بس مثل ماقتلج ردودج خليها باطار الموضوع وبدون سب وتجريح وخلاص ماكو انذار او وقف
المشاركات: 44721 | من: الـكـويـت | تاريخ التسجيل: أكتوبر 2003
|