مرسله في
السلام عليكم ورحمة الله وبركاته وبعد .... في الحقيقة لطالما أزعجني هذا الأمر وبسببه حصلت على إنذارين الله ياخذ أو يسامح عاد ربك وما أحد يقدر يقول له لأ وبسببه أيضا حذفت عضوية الأخ العزيز فيراري حرام يا ناس والله حرام حضرتة القضاة أعضاء ومراقبين منتدى السالمية الحين ما يصير الأعضاء يمزحون بين بعضهم رجاءا لا أحد يقول امزح بس بحدود ترى ملينا هالكلمة عاد المزح مزح وانتوا تعرفون يا قضاة انه المزح نوعان ثقيل وخفيف المهم لا أطول عليكم أبيكم تحكمون على هالموقف إما مقبول أو مرفوض وإذا مرفوض عطنا سبب مقنع
الموقف أمس رديت على موضوع عضو جديد المهم رحبت فيه وبعدين قلت اش تشرب وسكي ولا حشيش
هذا مزح طبعن وينعرف من سياق الجملة أما إذا كان الواحد مع احترامي تلخ ما يعرف يفرق بين المزح والجد هذا كلام ثاني وما أظن في واحد بالمنتدى تلخ لا سمح الله كلكم نبهاء ما شاء الله ولو انه بعضكم ساعات يخبطون شوي بس ما يصلون لدرجة التلاخه شاكر لكم تعاونكم أخوكم أنا
-------------------- الحكم/ إعــــدام المشاركات: 8756 | من: مو شغلك | تاريخ التسجيل: أغسطس 2002
|
********** حضرتة القضاة أعضاء ومراقبين منتدى السالمية **********
يغربلك ع عميرك شكلك كاتب في محكمة
شنو حضرة القضاة هذه واي محكمة اللي تفتح يووم الجمعة
********** الحين ما يصير الأعضاء يمزحون بين بعضهم **********
لا يصير ونص وتعال بص
ياخوك ان لي 6 شهور وووانا امزح واتمااازح بعد ما حاشني الا انذار واحد في بداياتي وشالوه ربي لا يحرمنا منهممم وكان بالغط الله لا يعوود ذاك اليوووم
وووالله انا شفت ردك ع الموضوع لاني رديت بعدك بث=بس بصررراحه بدون لا تزعل مني ردك عادي بث = بس لو حاط بجنبه ابتسامة والا شي يدل انك تهزر يا ابني كان يهوووون
ولا تنسى يا ابو ترفس انه الوسكي حلال في بعض دول الخليج وبقية دوول العالم بث عاد الطامه في الحشيش اكييد بوش تدخل في الموضوع والا كان ماصار لك شيء
ماعليناااا الحين ليه كل هذااا لا تقوول انه عطووك انذار ع هذاا الرد
واقوولك شيء يا حبيبي قلبي " طنش تعش تنتعش "
وانسى واتنااااسى ما يطقك الا اللي يحبك
مغسي بخووووووووو
سي يووو ليترززز
--------------------
إبــتــســم فــأنت مع ردودالمرجووووج
سبحــان الله وبحمــده ... سبحــان الله العظيـم
اللهم أرحم أمي وأغفر لها وأسكنها فسيح جناتك اللهم أجعل قبرها روضه من رياض الجنة اللهم آآآآمين
مررت من هنــ في27-07-2012 ــا
المشاركات: 4742 | من: مملكة آل سعود | تاريخ التسجيل: مارس 2004
|
مرسله في
بعد جبدي انت والله كلامك حلو تهقى الابتسامه لها دور يعني
لكن يبه انا بغسل شراع الخلق وبحط ابتسامه مثال ولا تزعل يبه انت حمار وما عندك سالفة الحين صارت مزح يعني
الصراحه كلام مو منطقي المزح معروف من سياق الكلام بالله عليك عضو جديد لا يعرفني ولا أعرفه وجالس اقول له هالكلام تهقى بيني وبينه عداوه بس حبيت ألطف الجوه المشكله مو في الكلام اللي اكتبه المشكله من كم شهر وانا العين مطاردتني وتتصيد علي ظفر النملة وطنش تعش ما تنفع يخوك مدام غيرك يتصيد لك الزلة الصغيره على العموم اللي حبيت اوصله للمراقبين بالذات وبالخط العريض
يبه انتبهوا لمنتداكم وإّذا بتحطوا مشرفين حطوا ناس كفو مو تجيبون لي حوش زي الاطفال ما صدق على الله رزيتوه مشرف وقام وأذى خلق الله يبه انا ما قاعد اقول هالكلام حقدن على احد بس جالس انبهكم لغلطات تنفر الاعضاء من حواليكم وعلى العموم عضويتي ما تسوى شي بالمقارنة مع ظلم عضو ما سوى شي لبسه مشرف تهمه ويحاول يثير غضبه علشان في النهاية يقول حجي سالمية ولا مدري منو تعال سوي دليت حق هذا شوف شقاعد يقول ويتمسكن ونظرات الطفل البريئ في عيونه شدعوه يخوك الحين إذا الواحد من سجل بالمنتدى ولا مشرف قال عنه شي ومن عينتوا كم مشرف ما نبي نذكر اسامي حد وإلا هالعضو كل معاديهم شدعوه ما عاداهم يوم هم اعضاء بالعربي الفصيح الحقيقة واضحة مثل الشمس ويشوفها الانسان الحقاني اما الانسان البطالي عاد ربك يتكفل فيه وعلى فكرة كذا مرة كلمة المراقبين أو بالاحرى مراقب بذاته وهو كل مطنشني شدعوه جاي اطر منك انا يبه انا ابي حقي
على فكرة يا جماعة لا احد يزعل مني انا انسان ما اعرف اسكت عن حقي ومهما كانت العواقب وإذا زعلتوا وملزمين ترى اطواف الله واسعه تحياتي انا
[ أغسطس 24, 2004, 09:58 PM: تم تحرير المشاركه من قبل: ابو رفسه ]
-------------------- الحكم/ إعــــدام المشاركات: 8756 | من: مو شغلك | تاريخ التسجيل: أغسطس 2002
|
********** يبه انا بغسل شراع الخلق وبحط ابتسامه مثال ولا تزعل يبه انت حمار وما عندك سالفة **********
يزاك الله خير شرايك تقوم تهفني طراق بعد
ياخوووك انت عندك يا اسود يا ابيض
اما تغسل خلق الله والا ما تمزح معهممم
******** الصراحه كلام مو منطقي المزح معروف من سياق الكلام ********
شوف حبيبي ابو ترفس اذ تبي صج كلام منطقي ولا تزعل روووح العامة واكتب اللي تبي
صح صح معرووف وع قولتك ثقيل وخفيف بث عضوو يدي شلوون تعرف انه يتحمل مزحك الثقيل اذ ما كنت تخبره
يعني يمكن يزعل ولا نشووف له وجود معنا بالمنتدى
********* وانا العين مطاردتني وتتصيد علي ظفر النملة *********
هذه عجبيه لا تقولي بعد يستخدمون مقراضه لاظافرهم
************ يبه انتبهوا لمنتداكم وإّذا بتحطوا مشرفين حطوا ناس كفو مو تجيبون لي حوش زي الاطفال ما صدق على الله رزيتوه مشرف وقام وأذى خلق الله يبه انا ما قاعد اقول هالكلام حقدن على احد بس جالس انبهكم لغلطات تنفر الاعضاء من حواليكم وعلى العموم عضويتي ما تسوى شي بالمقارنة مع ظلم عضو ما سوى شي لبسه مشرف تهمه ويحاول يثير غضبه علشان في النهاية يقول حجي سالمية ولا مدري منو تعال سوي دليت حق هذا شوف شقاعد يقول ويتمسكن ونظرات الطفل البريئ في عيونه شدعوه يخوك الحين إذا الواحد من سجل بالمنتدى ولا مشرف قال عنه شي ومن عينتوا كم مشرف ما نبي نذكر اسامي حد وإلا هالعضو كل معاديهم شدعوه ما عاداهم يوم هم اعضاء بالعربي الفصيح الحقيقة واضحة مثل الشمس ويشوفها الانسان الحقاني اما الانسان البطالي عاد ربك يتكفل فيه وعلى فكرة كذا مرة كلمة المراقبين
*************
يزاك الله خير رايتك ملووونه ياللي نصحتهممم انت قوول وادع ربك انه يحنن قلبهم عليك ويسمعون بنصايحك
بث=بس مو كانك خلط موووواضيع طافت باليوووم
********* أو بالاحرى مراقب بذاته وهو كل مطنشني شدعوه جاي اطر منك انا يبه انا ابي حقي *********
كم كنت مسلفه وانا مستعد اردهم لك وعفى الله عممم سلف
************* على فكرة يا جماعة لا احد يزعل مني انا انسان ما اعرف اسكت عن حقي ومهما كانت العواقب وإذا زعلتوا وملزمين ترى اطواف الله واسعه ************
شفيكممم عليه يا جماعة الولد يبي حقه عطووه حقه وفوقه بوووسه وو ورده
وانا اخوووك طالب بحقك وتهاااوش معهممم وبدل ما تشارك بمواضيع وتفرفش بتلاقي نفسك تدخل تتهاوش وتطل
نهايته اخت بدايته يبه احنا ضيووف عندهممم يعني شفت منهممم شيء ما ريحك اللزم ماعليك راحتك وانا خيك اعمل تسجيل خروووج واحذف المنتدى من الفضله واشتري راحة بالك وبداله مليوووووووووووم منتدى
بث=بس فيه مثل يقوووووووول امشي عدل يحتار عدوووك فيه جربه وخل عدوك المجهوول يحترق وهووو محتار
ابو ترفس بعد قليبي فكرتك وشكووواك وصلت للموراقبين من نزلت موضوعك وبعد حتى الموشرفين شافووه يعني ووووسع صديررررك واشرب لك كاس ماي باارد وتفضل بالصداااقه وغني وانطرب مع اغنية رمانه اللي بكره راح يغنوون لنا العراقين اغنية الموزه
مغسي بخووووووووووووو
سي يووووو ليترزززز
--------------------
إبــتــســم فــأنت مع ردودالمرجووووج
سبحــان الله وبحمــده ... سبحــان الله العظيـم
اللهم أرحم أمي وأغفر لها وأسكنها فسيح جناتك اللهم أجعل قبرها روضه من رياض الجنة اللهم آآآآمين
مررت من هنــ في27-07-2012 ــا
المشاركات: 4742 | من: مملكة آل سعود | تاريخ التسجيل: مارس 2004
|
مرسله في
احيي فيك هالروح الرياضية حجي مرجرج وبيض الله وجهك والله تصلح يحطونك في هيئة حقوق الإنسان على فكرة وين المراقبين وبقية الأعضاء صمن بكمن يعني خلاص ماكو حق ولا باطل عندكم الشره علي انا اللي كاتب موضوع على قول المثل مدري الشاعر واحد منهم لقد أسمعت لو ناديت حيا ولكن لا حياة لمن تنادي يالله أنا الغلطان وحقكم علي وانا راعي مشاكل وكله مني لو انا ما ادش المنتدى كان انتوا بخير لا عادي إذا تبون تطقوني طقوني استاهل
+++++> يبه خسي واحد يمد اييده علي اللي يقول رجال يقرب اييه على بالكم طوفه هبيطه
-------------------- الحكم/ إعــــدام المشاركات: 8756 | من: مو شغلك | تاريخ التسجيل: أغسطس 2002
|
مرسله في
هلا همس الشوق يبه ما كتبتي تعليقك على الموقف يالله ابي اشوف رايك وبعدين شدعوه انتي الثانية مسويتني مسكين يبه انا مو جاي اطر من عند احد يبه انا ابي كلمة الحق بس
هلا احساس ميت انا اعترض مو على الانذار اصلن هم ما عطوني انذار لكن ردي تحرر وهذي حالتي من كم شهر ردود كلها تتحر او تحذف ولما اجي اطالب بحقي يصكوني انذار لين وصل المجموع انذارين تخيل الواحد لما يطالب بحقه يصكوه انذار والله مسخرة يذكروني بقصة الحكم اللي عطا اللاعب كرت احمر علشان قال الله أكبر وأشكر لك شهادتك مع الحق ما قصرت رايتك بيضة
مختصر الكلام
شوفوا يا ناس انا ما بي منكم شي ابد بس اتركوني في حالي لا احد يعلق باله علي وحقي متنازل عنه بس يرحم والديكم اتركوني في حالي ما الحق اكتب كلمتين وإذا ردي محرر ولا محذوف على ايش هذا كله وايش الدافع يبه انا ما بقت احد وسطيت على بيت احد او سبيت احد كل اللي اقوله كلام صحيح انه ثقيل لكن معظم الاعضاء ما شاء الله عليهم صدرهم رحب وإذا العضو ما اشتكاني ما لاحد الحق انه يحرر او يحذف ردي اما إذا شكاني فلكم مطلق التصرف انذارين على اي اساس كلامي لا يخل بالدين ولا يتعرض لأعراض الخلق يبه وش الحل يعني ابطل أكتب ولا المطلوب مني اترك المنتدى علشان يرتاح قلب المعادي ولا إذا الطلوب اني ما امزح فمو من حق احد يمنعني عن المزح مع الاعضاء ومثل ما قلت لو العضو يضايقه كلامي كان شكاني لكن في الحقيقة هنالك من يضايقه وجودي هاهنا ويحاول ان يثير غضبي لكي يقع المحظور فيا مراقبين ما ادري تقدروا تساعدوني ولا شاطرين تنسخون كلامي وترسلون لي عليه انذارات ليش يعني أأصبح الحق كلامن غير مرغوبن فيه هاهنا أم ان الباطل التبس بالحق أم ماذا وماذا بعد ذلك ....
-------------------- الحكم/ إعــــدام المشاركات: 8756 | من: مو شغلك | تاريخ التسجيل: أغسطس 2002
|