مرحبا شباب و بنات و السامعين و الحاضرين مهند قالي مليت من توقيعك ، متى الموضوع ،، و اليوم دي جي خالد شفت تقريرة و تشجعت كثير اني انزل الموضوع ..
الموضوع عن
رحلتي الي كانت قبل شهر تقرييا الى الصين مدينة كوانجزو ( كانتون قديما ) والله اسمها اول كان اسهل الحين الكل ممكن يقراها بس لما ينطقوها الصينيين ، تسمع شي ثاني لاااا و بعد ما ينكتب
نبدا الموضوع .. بداية الرحلة كانت على ما اظن تاريخ 14 ابريل و المعرض الي رايحين حقة خصوصي يبدا بـ 15 ابريل
انا و الوالد كالعادة ، بس هالمرة امي سافرت ويانا بس امي كان لها ظروري تسافر لان بعد الصين راح لـ تايلند للعلاج على اثر صدمة سمعتها من احد الدكاترة بالامارات الله لا يوفقه قال لها انتي بحاجة لقسطرة قلب ,, و اكيد قعدت امي ليالي تبكي على هذا الخبر و قاليها ابوي بياخذها من بعد الصين على تايلند المستشفى الامريكي و فعلا اثبتوا هناك ان الوالدة مافيها شي بس التوتر الفترة الاخيرة موتر عليها و هي بصحة و سلام و ما تحتاج الى اي عملية ....
نرجع لموضوعنا ...
اذن السفر كان 14 ابريل ... الناقلة كانت : طيران الامارات المسافرين انا و ابوي و امي الرحلة كانت 7 ساعات للروحة و الردة كانت 8 ساعات ( كان يمشينا الطيار بنص الجو ) الرحلة كانت الساعة 9 الصبح .. الحضور كان الساعة 7 الصبح ..
هذه مبنى الخاص لطيران الامارات اول مرة اسافر فيه لان رحلاتي الاخيرة كانت بشركات غير الاماراتية بس المبنى القديم
و هذه الصورة ، لعيون مغرم احلام
و طبعا الترفيه بطيران الامارات من النوع الفخم جدا .. اكثر من 400 محطة تلفزيونية و اذاعية و الالعاب ( اتاري ) و بقت عيوني و عورتني اذني لما شفت ام الصراخ
و بعدها على طووووول
بعدين حطو اغنية هيفا ،، قلت يا حسون صير بني ادم ، تخيل لو طاحت الطيارة و انا اشوف ارداف هيفا ... ياعمي خلني اغير احسن و انتقلت لـ شي خلاني افرط من الضحك .... عند العيايز ، كل شي يايز ..
___________________________________________________________________________________________________________________________________________________ وصلنا بلد الـ Ching Chong و نقول لهم ( ني هاو ) يعني مرحبا وصلنا الليل الساعة 8 على ما اظن و اكيد ما قدرت اصور شي بخصوص المطار الي يحب يشوفة يراجع موضوعي القديم عن سفرتي الاولى ( المطار حلو كثير و كبير ) بصراحة افخم من مطار دبي .. بس الاغراض كثير تاخرت ، يعني قعدنا وااايد انا شنطتي كانت حمرا لونها مون بلان يعني احمر بلاستيك فاقع و مميزة من تشوفها من بعيد تزغرد ( كلولولولوووش ) بس شنطة ابوي و شنطة امي ، يالله جلب على الشنط و شوف هاي ...؟؟ لا مو هاي و على هذا الموال .. لين اخر شي لقيناهم و الحمد لله
المهم رجعنا و كان مالنا نفس ناكل .. من وصلنا الفندق حطولنا سلة فواكة و الكمثرى مالهم حدها غريبة ( يعني طعمها مثل التفاح و الكمثرى و شكلها مثل الباذنجان و ملمسها خشن شي يديد انا سميتة كمثرى المهم حلو و اكلت منه وحدة ابوي و امي خذو السويت و انا خذيت له غرفة بالطابق الي تحتهم في صور للفندق راح اجننكم فيها في هذا الريبورتري
هذه بعض المانظر و احنا رايحين المعرض اعتذر عن رداءة التصوير كنت استخدم ايفوني للتصوير
البلد اسم الله كله عمااااار مافي بقعة خالية
و هذا الصرح المعماري الفخم
هذا الصرح قالت لي عنه وحدة صينية الي نتعامل وياها انه اطول برج بالعالم ، قت لها برج دبي اكبر قالت لي برج دبي اطول برج سكني بالعالم و هذا برج بس فيه مطعم و تتصورن فيه و تشوفون المدينة بكبرها نبي نطلع فوق امي ما رضت قلت لها على بالج بنطلع مشي .. و ما رضت بالمرة قالت ما احب ، و اذا طلعت فوق بعق ( برمي ) نفسي المهم موليه ما حبت و هونا عن المكان ..
و الفطور بالفندق كان شي حلو عكس الفندق الي نزلتة بالمرة الاولى يعني بوفيه من دبي لين الشارجة اولا الفندق الي نزنا فيه اكبر فندق بمدينة كانتون و فيه 700 غرفة و ماشاء الله بصراحة الخدمة عندهم واااو و الفندق 5 نجوم و راح تنصدمون من الاسعار بعدين ...
بعد الفطور حبيت اجرب الفاكهة .. شوفوها .. حد يعرف شو هذا الفاكهة الي فيها جدري ..؟ مافيها طعم موووليه بس ماي بارد طعمها ..
................ ............ ......... .... .. . بريك : يمب غرفتي كانو يشتغلون ليل نهار بالفندق و اقول شعندهم هذول طراخ طراخ و صوت دريل و تعب صج يعني ما قدرت ارتاح و رحت اشتكيك عليهم بس لو كنت ادري انهم قاعدين يشتغلون عشان شي انا وايد احبة كنت ما اشتكيت عليهم .. يعني كان همي الوحيد بالسفرة القط اكبر عدد ممكن من الهدايا عشان ولدي و يمب غرفتي مرة شوفوا شو فتحوا اي محل .. خمييييته كله و لا بقيت منه شي بس اكيد الازرق غير الالبومات و الاشيا الثانية بس من شافوني اصور على طول نطو علي و قالو لي ممنوع التصوير و ربحت صورتين
في تكملة اكيد و الجزء الثاني
[ مايو 30, 2009, 05:32 PM: تم تحرير المشاركه من قبل: «[.نجـــ 5 ـــوم.]» ]
--------------------
امــــــي A N N E
المشاركات: 40288 | من: U.A.E الامـــارات | تاريخ التسجيل: نوفمبر 2003
|
السوق و ما ادراك ما السوق الصيني .. كل شي فيه ، حتى لو تبون منتدى سالمية في بعد تبون شكل عمرو علي موجود .. عزووز موجود اجمل موجودة بعد
هذا اول سوق روحناه و هو بداية الشارع و اسمة بيجين لو .. و روووعه
بس المشكلة بـ أكلهم الخايس يعلهم ما يربحون .. اكلهم معفن والله اذا كنا بالشارع الثاني و في مطعم بالشارع الي قبالنا ، تشم ريحة اكلهم المعفن امي وايد تعبت من الريحة تقول شوي و تبي تبكي من الريحة بصراحة وايد مقرفين و الريحة محد يقدر يتحملها ..
و هذا سوق اخر خاااااص للهدايا اشتريت منه كثير اشيا توزيعات للمولود واكياس اشكلها حلوة كثير و بالونات غريبة غريبة جدا تنفخها يصير لها شكل لوووول عندي صور كثيرة بس اخذت جم صورة الحين ...
و هذول الي ينتظرون الناس عشان يدزونهم لووول تعرف عليهم اول واحد اسمة ربيع و الثاني اسمة عمرو علي و الثالث اسمه دي جي خالد و الرابع اسمة تاركان قلت يا سبحان الله ذكروتني بربعي
___________________________________________________________________________________________________________________________________________________ نرجع للفندق اسمه كان Dong Fang Hotel اكبر فندق بالمنطقة ، 700 غرفة ، 5 نجوم يعني أنا الغبي الي ما اخذت صور للغرف بالداخل الكلام حق 18 سنه و فوق.. بالغرف الي بالفندق الحمامات كلها زجاجية يعني لما اخذ شاور الي قاعد بالغرفة يطالع ، بس اكيد كنت بروحي و محد شافني ، بس تخيلوا واحد يسافر ويا ربيعة و يقعد بفندق نفس هالحالة ،، بل الزجاج كبير يعني اشوف الغرفة و التلفزيون و كل شي حتى البلكونة اشوفها ..
مكان الريوق ...
دوروا بهذه الصورة على شي غريب .. و خبروني من تلقونه ..
هالمكان الي صورت فيه نجوى حبيبي ما بخبي عليك
يهبل السمك
كنت اتمشى بالليل بهذا المكان ..
و هني المكان الي يعشقة طبيعي ... شمحلال
و هذه صورة اللوبي .. الاستقبال .. و الي يقول عن الفاندوم انه اقل مستوى ـ روحو و شوفوا لوووول
الحين من بعد الصور راح اخبركم على الاسعار الخيالية لكل فنادق الصين و بالذات مدينة كانتون ..
السعر الاصلي كان 500 يووان لليلة الواحدة ,, بمعنى 250 درهم اماراتي يااابلاش وين اصالة كلها تسمع .. و ايام المعرض ، 1000 يووان بمعنى 500 درهم اماراتي .. بعد وااايد رخيص نحن لانا قعدنا 5 ايام من ايام المعرض انحسبت لنا الغرفة 1000 يوان و يوم واحد من دون المعرض خذوا 500 يووان ...
و نكمل و لا شو .. ؟؟
[ مايو 30, 2009, 06:27 PM: تم تحرير المشاركه من قبل: «[.نجـــ 5 ـــوم.]» ]
--------------------
امــــــي A N N E
المشاركات: 40288 | من: U.A.E الامـــارات | تاريخ التسجيل: نوفمبر 2003
|
نكمل اكيد و هذا القسم ما قبل الاخير من المناطق السياحية الي روحناها عندي كثير صور بس حبيت اختصر قد ما اقدر عشان النت عندي وايد روووعة و هذا القسم راح يعجب الناس الي مهتمين بالاشياء القديمة تعالو في خفايا و اسرار و علوم حلوه ...
هذا المسرح الاثري بنوه قبل 200 سنه تقريبا و الامبراطور بوقته طلب احسن مهندس معماري ( قبل 200 سنه ) و طلب منه يبني له مسرح بشروط تعجيزية و اذا ما نفذها راح يعدمه ..
الشرط الاول كان يبي المسرح مكون من 3333 كرسي مرتبة بشكل ممتاز بدون خلل بالتركيب
الشرط الثاني ما يكون بالمسرح اي عمود يخرب شكل القاعة ،، تخيلو بايامها يعني الشرط جدا صعب
الشرط الثالث ما يكون بالقاعة في صوت صدى ,, يعني اذا واحد صفق لازم ما تنسمع صداها ..
بصراحة شروط صعبة و توفى المهندس و هو كان يفكر بالمبنى و شكله وقت البناء و بعض الرويايات تقول انه مات مجنون بسبب خوفه من الامبراطور مات و هو عمرة 30 سنه
و اليكم الصور للمبنى فعلا اقول للي بناه ( شابو بو )
هذه هي صورة الامبراطور .. جبح الويهه
و هذه من زاويه ثانية ..
و هذه صورة القاعة من داخل ..
........... ......... ....... .... .. . بريك .. : خذ قسطا من الراحة تمتع بالميراندا .. بنكهة العنب طعمة يجنن والله يا ناس بس للاسف ما يوصل الامارات منعش
و خلصنا من المسرح .. رحنا للتلفريك و انا عن نفسي اول مرة اركب هذه الي يسمونة التلفريك كنت خايف بس مبين حالي اني و جدع ,, و امي كانت كثير خايفة و طول الوقت قاعدة تستغفر و تتشهد ابوي قالها ركبتي اخص عن هذا الي بلبنان الحين ختيفة من هذا المطور ..؟ قال ارواحنا معلقة .. المهم حبيت التلفريك كثير و لكم بعض الصور ,,
هذه معبد صورتة و انا بالتلفريك ..
و هذه بنهاية التلفريك ، مكتوب ولكم تو مدري شنو ..
[ مايو 30, 2009, 07:49 PM: تم تحرير المشاركه من قبل: «[.نجـــ 5 ـــوم.]» ]
--------------------
امــــــي A N N E
المشاركات: 40288 | من: U.A.E الامـــارات | تاريخ التسجيل: نوفمبر 2003
|
و المكان السياحي الثالث ... المكان بعد انبنى من قبل 300 او 400 سنه و الامبراطور بوقتة كان ما يحبونة الناس لانه لعوب من الدرجة الاولى ، بنى اكبر قاعة عشان يسوي فيها حفلات كل يوم ( حسيته تربية ام القيوين )
المهم المكان خرافي و فيه كثير تماثيل و اشيا غريبة ان الريال اذا ما عنده حفل يشوف التماثيل ع باله ناس و يستانس وياهم شوفو التماثيل باعلى المبنة فوق الـ 5000 تمثال
هذا بيسو ...
و هذا عمرو علي متنكر بالحفلة كان
و كان في سوق داخل للاغراض الاثرية .. شاي صيني يبيعونة على الف او 4000 درهم حشى بشتري دهن عود ...؟؟؟
........... ........ ..... ... .. . بريك : للنساء فقط ... كنت بالمول و شفت هالمنظر و ضحكنا انا و امي و قالت لي اصورهم ... صورتهم ،، شو رايكم و شو قاعدين يسووون ..؟؟ . .. .... ..... ...... ........ ..........
بالنهاية رفيجة ابوي الصينية كانت بقمة الاحترام معانا و تعبناها كثير وحليلها بالنهاية ودتنا شقتها و كانت فخمة فخمة جدا و هذه 3 صور من شقتها ما قدرت اصور اكثر
منظر عام من الجهة اليمنى
منظر اخر من جهة اليسار
تحت شقتها .. رووعة المسبح ...
بالنهاية ان شاء الله تكونوا اسمتعتوا بالتقرير و اتمنى انه كان خفيف ظل عليكم ...
و اتمنى اقرا ردودكم مفصلة و جاهز لاي استفسار ..
و شكر كبير للغالي MaK على تثبيتة للموضوع .. و هذا ثاني موضوع تثبتة لي من بعد الموضوع الاول .. اكن لك كل الاحترام ..
لكم ...
--------------------
امــــــي A N N E
المشاركات: 40288 | من: U.A.E الامـــارات | تاريخ التسجيل: نوفمبر 2003
|
بس فكرة السفره هذي بالذات كفيلة انها تغير طعم الوناسه لمحاتاة
الحمدلله على سلامة الوالده وسلامتكم
انا حاب اروح الصين وكنت ناوي مع ربعي نروح بعيد الفطر الجاي بس فجأة طرالي طاري وقررت نروح تركيا والسويد وحمدلله تم اقناعهم وكثير متحمس لها يارب تتيسر الامور وتسير على اللي بخاطري
فكرة السفر على الاماراتيه رائعه
والصور حلوين جداً
بس هل تتحمس تروح لها مره ثانيه ؟؟
خصوصاً الصين تعتبر قارة ومتنوعه وانا من الناس اللي ما احب اطلع من بلد من دوون ما أفر البلد كله عاد حدي متحمس للصين وانشالله هالسنه اروح لها لو ماصار من السويد وتركيا
فنان بو جواد أبي نفاخات بعدين ممكن تحدد لي الاشكال
مـغـرم أحــــلام مرحبا حبيبي ، شحالك عساك بخير ... حبيت الحجز المسبق للرد .. و شكرا كثير على ردك و ان شاء الله تكون الصورة عجبتك من شفت المنظر والله طريت على بالي و قلت لازم اصوره لك ... .. و يااااا حيك والله ...
M a K شكرا جدا اخوي مراقب الساحات على الرد و على تثبيتك للموضوع .. الله يسلمك ان شاء الله و اتمنى يكون الموضوع عجبك ..
a m R a L i ازيك يا عم الحج شفت صورتك ، كنت متنكر ليه ..؟ حبيت ردك و مروروكـ للموضوع و ان شاء الله يكون عجبك ..
راح اكمل التعليق على باقي الردود من بعد ما ارجع .. تحياتي الكبيرة لكم ..
--------------------
امــــــي A N N E
المشاركات: 40288 | من: U.A.E الامـــارات | تاريخ التسجيل: نوفمبر 2003
|