مطعم Coya .. هو مطعم يقدم أشهى الاطباق البيروفية.. و اللي يملك هالمطعم هو نفسه صاحب ZUMA و مطعم Roka اثنين من أفضل المطاعم اليابانية في العالم.
اللي بتلاحظونه نفس ستايل stations الطبخ - مطبخ يطّلع الاكل النىء نفس الceviches و مطبخ الشوي اللي يذكرنا بمطبخ الروباتا في ZUMA
الاكل اللذيذ جداً و غنى بالتبيلات و اللحوم و والدجاج و ثمار البحر ..
المقبلات جربنا الروبيان المقلي بالتمبورا مع صلصة الاجي الحاره اللي يختص فيها المطبخ البيروفي و هي عباره عن انواع فلفل مخلله.. جربنا اسياخ الدجاج المشوي و قلب الثور المتبله بصلصة الاجي بعد
الطبق الرئيسي كان ستيك حار مقطع و متبل و مطبوخ بحرفيه كامله لنفس جرحة الحرارة اللي طلبتها medium .. كان لذيذ و مليىء بالنكهات
الطبق الثاني كان عباره عن Chilean Sea bass مطبوخ ببطىء مع ريزوتو يقدم في صحن حديد مثل ماهو معروف في بيرو، طبق غني بالنكهات .. كان من الاطباق المفضله عندي.
للتحليه اخترت كيكة الفوندانت المطبوخه لمدة ربع ساعه و محشيه بافضل انواع الكاوكاو البيروفي النادر
Spicy Beef
Chilean Sea bass
Grilled ox heart
Chocolate fondant
الخبر السعيد انه المطعم بيفتح في دبي الأسبوع الياي و موقعه في فندق الفورسيزنز فجميرا
و أنشالله تكون زيارتي لهالمطعم عجبتكم و انتظروني في المزيد من الزيارات لمطاعم اخرى حول العالم
لمزيد من المطاعم زوروا صفحة انستغرامي __bodbod__
[ ديسمبر 15, 2014, 09:38 PM: تم تحرير المشاركه من قبل: يجيلك يوم ]
--------------------
المشاركات: 13760 | من: United Arab Emirates | تاريخ التسجيل: مايو 2003
|
لكن بلندن لا , رغم اني ازورها بالسنة مرات عديدة لكن ما ابحث في مطاعهما ولا يهمني اركب تاكسي واطق مشوار عشان مطعم معين ,,,ليش؟
لانه بالكويت ماعندي شي ولا في شي اسويه فيصير المطاعم من اولوياتي
لكن لندن عندي مليون شغلة اسويها فيصير المطاعم اخر همي لذلك اكل من اي مطعم اشوفة صدفة جدامي مثل بايرون اكل منه وايد ليش؟ لانه بكل مكان في منه
المشاركات: 44721 | من: الـكـويـت | تاريخ التسجيل: أكتوبر 2003
|
مرسله في
بدور انت ما تحب الأكل كثر الشمحلال و ما عندك مشكله تاكل فاي مكان .. انا بصراحه اذا سافرت لازم اكل فمكان اعر انه اكله حلو و اتعنى للمطاعم لو كانوا بعاد.. المطعم اللي تقصده فنايتس بريدج اتوقع امايا..
ريسكس : عادي حبيبي حياك دبي فتح هو و نصرت فنفس المكان لول
عيون : مشكور بو مره عالرد.. لازم تجرب المكان
--------------------
المشاركات: 13760 | من: United Arab Emirates | تاريخ التسجيل: مايو 2003
|