موضوع الجوائز السنوي .. وسوري على التأخير كنت بحطه من مهرجان البندقية بس ماكان عندي وقت .. طبعا كالعادة بذكر باختصار الأفلام اللي عليهم العين وخلال الموضوع نتكلم أكثر
هذي الأفلام اللي طرت على بالي وفي أكثر أكيد بس اتوقع البست بكتشر ماتطلع من هالأسامي .. وبالأضافة للأفلام اللي فوق في أفلام أوليردي انعرضت وكثير نجحت نقديا وجماهيريا مثل inside out و mad max وفي أفلام منتظرة ومهمة بس ماتوقع تكون افلام مهرجانات وجوائز مثل Star Wars: The Force Awakens و Spectre بس مايندرى يمكن بالجوائز التقنية ينافسون
في أشياء بكتب عنها لاحقا ,, يلا اخذوا راحتكم بالموضوع
[ فبراير 28, 2016, 07:10 AM: تم تحرير المشاركه من قبل: Angie_S ]
الفيلم مو كثير حبوه النقاد بس الأغلب حب تمثيل ساندرا وأنا متحمسة له عشانها .. صارلها مدة غايبة عن الأفلام , لها وحشة آخر فيلم طلعت فيه كان غرافيتي
About Ray
هالفيلم أنا ناطرته .. أحب سوزن سارندون ونايومي واتس وأتوقع بيكونون ممتازين مع بعض وأنا أصلا أحب سوزن أحس بمعته وأنا أشوفها تمثل مع إنه كثير تغير مستواها السنوات الأخيرة ( كافي فيلم تامي ) .. الفيلم عن بنت ( ايلي فانغ ) تقرر تتحول لولد ونشوف بالفيلم علاقتها بأمها وجدتها الـLesbian
Carol أكثر فيلم متحمسة له .. التريلر بروحه ممتع ومبين كيت مسويه شغل رائع ونفس الشي روني .. تود مخرج عبقري وللحين ماحس خذ اللي يستاهله .. عندي احساس روني بتفوز بالاوسكار ويمكن كيت بعد .. راح يحطون روني بفئة السبورتنج يمكن مع إنه دورها رئيسي المفروض .. الفيلم لما انعرض في كان خذا مراجعات رائعة وبعد عرض الفيلم النقاد وقفوا وصفقوا للكاست .. وكثير مدحوا اخراج تود وتمثيل كيت وروني ويقولون الـ cinematography مبهر
Spotlight القصة عن الفضيحة الجنسية في Catholic archdiocese في بوستن اللي تم فيها توجيه اتهامات التحرش الجنسي بالأطفال لعدد من الكهائن .. جريدة يومية معروفة في بوستن اسمها The Boston Globe حققت بالموضوع وعملت تغطية كبيرة في جريدتهم لدرجة شجعوا كثير من الضحايا انهم يطلعون ويتكلمون .. الفيلم يتكلم عن مجموعة من الصحفيين في الجريدة وشلون اشتغلوا عشان يثبتون تهمة التحرش وشلون حققوا بالموضوع ... متحمسة له عشان رايتشل مكادمز وأصلا الكاست كلهم موهوبين وحلو نشوفهم كلهم مع بعض بفيلم واحد
الفيلم انعرض في مهرجان البدنقية ومهرجان تيلوريود وتوه انعرض في مهرجان تورانتو وخذا كثير مراجعات ايجابية
Bridge of Spies فيلم اخراج ستيفن سبيلبرع وتمثيل توم هانكس .. الفيلم مستند على أحداث حقيقية صارت خلال الحرب الباردة بين الأتحاد السوفييتي وأمريكا .. أمريكا قبضت على جاسوس روسي في أمريكا لكن بنفس الوقت الأتحاد السوفييتي رموا طيارة حربية في حدودهم كان فيها طيار أمريكي .. فعملوا صفقة مع أمريكا .. طلعوا الجاسوس نسلم الطيار .. الـFBI وقتها كلف المحامي جيمس دونافون انه يحاول يدافع عن الجاسوس وبنفس الوقت يحاول ياخذ منه معلومات وبعدها ويروح برلين يحاول بطريقته يطلع الطيار المحجوز هناك ! بس شلون بتكون نظرة المجتمع الأمريكي للمحامي وهو يدافع عن جاسوس ؟
الفيلم راح يعرض في مهرجان نيويورك للأفلام قريبا وعرضه بأمريكا رسيما بيكون 16 أكتوبر القادم
[ سبتمبر 18, 2015, 08:55 AM: تم تحرير المشاركه من قبل: Angie_S ]
الفيلم حصل على وايد مراجعات ايجابية وخصوصا لبطلة الفيلم الممثلة الانجليزية Charlotte Rampling , النقاد طاروا فيها ويقولون أفضل أداء تمثيلي لشارلوت - فازت كبست أكترس عن الفيلم في مهرجان برلين للأفلام
[ سبتمبر 18, 2015, 11:14 AM: تم تحرير المشاركه من قبل: Angie_S ]
علوش اي صح كلامك the martian مش فيلم جوائز بس أحسه بيكون رائع وممتع كثير , كافي الكاست كلهم أحبهم وموهوبين جدا كرستين وييغ + جيسيكا جاستين + مات ديمون والمخرج ريدلي سكوت بس القصة صج عادية وتقليدية مافي شي جديد .. أتوقع له نجاح كبير بالبوكس أوفيس
وبخصوص البست أكترس في Blythe Danner (أم غوينيث بالترو ) كثير النقاد حبوها في فيلمها الاخير I'll See You in My Dreams .. الفيلم بسيط وصغير بس يقولون تمثيلها رائع وافضل شي قدمته بمسيرتها .. كل يوم اقول بشوفه وأنشغل - إن شاءالله الليلة اشوفه
. . .
وبعد نسيت ليلي توملين في grandma البز عليها للحين مستمر من شهور ومو غريب لو شفنا اسمها بالمهرجانات كمنافسة .. ليلي تمثل دور جدة ليزبيان بعد خخخ تنفصل عن صديقتها وبنفس الوقت تجيها بنت بنتها وتقولها انها حامل ومحتاجة فلوس فيروحون برحلة مع بعض عشان يدبرون الفلوس وخلال هالرحلة تتطور علاقتهم أكثر .. ليلي طالعه تهبل وخفيفة دم بالتريلر