ملفي الشخصي | الدليل تسجيل الدخول | بحث | مســـاعدة | الألعاب | قائمة الإداريين | الصفحه الرئيسيه

» منتــدى الســالميــه » القسم التقـنـي و الإداري » ســـاحـــــة الكمبيوتر والانترنت » حكايه نصب اسمها ورشه دوت كوم محلicity

إرسال هذه الصفحه لصديق!

الكاتب الموضوع: حكايه نصب اسمها ورشه دوت كوم محلicity طبيعي مراقب رقم العضويه 11956 مرسله في                    السلام عليكم اولا موضوعي موجهه للكويتين او اللي داخل الكويت نصيحه لوجه الله لحد يفكر يصله اي شي يخص ماك او ايبود او ايفون في محل ورشه دوت كوم اللي يصير مع محل اي ستي الشويخ شارع الصحافه هالمحل عباره عن نصابين وحراميه متجمعين شوفوا اللي صارلي انا عندي ايبود مالي ليمت ادشن نزل فتره وانقطع يصير لونه اسود والدائره حمره الي صار بقوله لكم على شكل نقاط 1- الصوت اخترب في جهازي كان شغال مافيه شي بس ماكو صوت يعني خلل بسيط وديته يصلحونه قالوا 15 دينار 2- يوم خلص واخذته شغلت الايبود ماكو 3 اغاني جان يرد يروح الصوت رديته لهم وتاسفوا وقالولي ندق عليك بس نصلحه 3- دقوا علي ورحت اخذته لاحظت انه ماكو بطاريه شبه ميته قلت يمكن ماشحنوه اخذه البيت واشحنه 4-شحنته يوم كامل ويوم شغلته اكتشفت ساعتين ورد وقف وخلصت البطاريه ولاحظوا انا شاحنه يوم كامل 5- وديته لهم وبديت اعصب وصرخت وزفيت جان يقولولي احنا يوم اشتغلنا فرغنا الشحنات ومادري شنو قام يخربط علي قالي رد اشحنه وشوف 6- شحنته يوم كامل وتكررت نفس الحكايه جان اودي واهني انفجرت عليهم وطلعت كل حرتي جان يقولون خله جم يوم نشوف شفيه 7- دقوا علي قالوا الجهاز تمام شغال رحت اخذته ولا لاشغال ولاشي يشغل ماكسمام 50 اغنيه ويسكر طبعا 50 اغنيه بدون توقف 8- وديته وهددتهم وحالتي حاله قالوا دق على المدير هذا رقمه 9- دقيت عليه وكان معطيني الشمس بايد والقمر بايد وقالي جهازك مافيه شي روح اخذه!! 10- خذيته وللاسف مازالت سالفه البطاريه فيه لين كرهته 11- اليوم بالصدفه وانا اسوي ابديت للاغاني اللي نزلته بالايتونز اكتشفت الصاعقه 12- الجهاز طالع شكله بالايتونز غير عن اللي عندي طالع شكله الكلاسك الاسود بدون دائره حمره مع العلم انه كان اول يطلع بشكله بالظبط مع الدائره الحمره 13-السيريال نمبر طالع بالايتونز غير عن اللي في الجهاز نفسه مكتوب والقوطي مالي يعني الجهاز (الكوفر مال الايبود) و ( القوطي الكرتون مال الايبود ) اللي انا محتفظ فيه رقم سيريال نمبر معين واللي طالع ببرنامج الايتونز رقم ثاني غير عرفت انهم مغيرين الجهاز اللي داخل وحاطيلي واحد خربان مره وحده لو تشحنه سنه ساعتين ويخلص الحين موعارف شسوي؟ المدير معاهم صاف؟ اروح حمايه المستهلك ؟ اروح اي سيتي واطلب المدير واوريه اللعب اللي صاير مادري محتار ومنقهر الايبود لمت ايدشن وباقوه مني المشاركات: 44721 | من: الـكـويـت | تاريخ التسجيل: أكتوبر 2003  |  ,Bas Salmiya Dj رقم العضويه 83164 مرسله في                    روح للمدير واذا حسيت انه صاف معاهم روح للشرطة والعن والدي والديهم -------------------- المشاركات: 20397 | تاريخ التسجيل: ديسمبر 2007  |  هيـ حكي ــدا عضو فعال رقم العضويه 84913 مرسله في                    روح اغسل شراعهم وعلمهم ان الله حق انت عندك كرتون جهازك القديم وعندك الجهاز الخربان هددهم قولهم يا تردون لي جهازي يا اطلع من عندكم على الشرطة وانك عندك دليل يثبت ان هذا مو جهازك وانهم بايقين جهازك بواسطة السيريال نمبر وبرنامج الأيتونز وروح للمدير وقوله هالحجي احتفظ بأي شيء عطوك اياه من ورقة فاتوره و الجهاز الخربان لا ترده لهم إلا لما تستلم جهازك اتوقع راح يخافون ويردون لك جهازك واذا ما ردوه امرك لله مالك إلا الشرطة حسبي الله عليهم وجزاك الله خير انك علمتنا -------------------- ممتنـع حتى إشعار آخر المشاركات: 4615 | من: الكويــ عروس الخليج ــت | تاريخ التسجيل: مايو 2008  |  Fisaal عضو فعال جدا رقم العضويه 31 مرسله في                        صراحه مهزله الان موضوع السريال مختلف معناته الجهاز مختلف لكن السؤال ماعرفت جهازك من الشكل مثلا فيه شي مميز خدوش معينه او برنامج انت امنزلهم على الجهاز الحين الموضوع جدا بسيط ادخل على Setting بعدينGeneral بعدين About بعدين serial Number وشوف رقم السريل اهو نفسه المكتوب على القوطي ((العلبه)) اذا نفسه يعني الجهاز جهازك واذا السريال غير معناته امبدلين الجهاز اخذ الجهاز والعلبه وادخل على المدير وبعدين لازم يكون كاتبين رقم السريل على الوصل وعط المدير انذار نهائي ان الشي هذا خطير وراح تكون النتيجه كارثيه على الشركه واكيد انهم راح يخافون على الموضوع ما ينسكت عنه -------------------- المشاركات: 15562 | من: دار آل الصباح | تاريخ التسجيل: أبريل 2001  |  طبيعي مراقب رقم العضويه 11956 مرسله في                    مشكورين عالدعم المعنوي فيصل السيريل غير بس الجهاز من بره نفسه لانه السيريال اللي بغلاف الجهاز اهو نفسه مالي اهو نفسه الي على القوطي لكن داخليا الجهاز غير وهذا اللي بين بالجهاز لما شفت مواصفاته لما ركبته على جهاز الكمبيوتر عرفت؟ يعني ماله داعي اشوف لو في خدش او شي لانه اساسا من بره جهازي لانه مكتوب السيريال نمبر مالي الاصلي بس داااخل متغير يعني مغيرين المذر بورد وحاطين واحد مومالي اللي صار بعد الموضوع هذا انه اخذو الجهاز واوعدوني يردون المذر بورد مالي او يركبون وااحد يديد من الكرتون لي الجهاز وردولي فلوسي الحل نوعا ما مرضي لكن بعد ايش؟ تدرون جم مره رحت ورديت لهم فوق ال11 مره امس حسبته لعبوا باعصابي والله راح اقولكم شنو صار بكل يديد المشاركات: 44721 | من: الـكـويـت | تاريخ التسجيل: أكتوبر 2003  |  •.NiN.• عضو رقم العضويه 21036 مرسله في                    طبطب احسن شئ تروح و تاخد معاك احلام تلعن اصلهن ما تسكتلن هددهم و قلهن انك بتخبر الشرطة و بتفضحهن بالجرايد و بكل مكان لحتى يفلسو و يسكرو المحل روح عندن ما تعطل كلما تتتاخر كلما رح يتصرفو بالكذب -------------------- المشاركات: 23512 | تاريخ التسجيل: فبراير 2005  |  slmany4u عضو نشيط رقم العضويه 13259 مرسله في                     السلام عليكم حبيب قلبى طبيعى روح لحماية المستهلك بوزاره التجاره واشرح لهم الموضوع بالتفصيل واى مساعده بلغنى اقلب الدنيا على روسهم بحفظ الله -------------------- http://www.lovely0smile.com/2006/islamic/i-047.gif المشاركات: 486 | من: الكويت فى قلبى | تاريخ التسجيل: يناير 2004  |  طبيعي مراقب رقم العضويه 11956 مرسله في                    مشكورين ماقصرتوا والله سالميه فور يو حبيبي ماقصرت مسلسل النصب مستمر عندهم دقوا علي قالولي تعال اخذ الاييود سويناه وغيرنا كل شي وصار اميه بالاميه خذيته جان يقولي بس لازم تشحنه جان اقوله انتوا تستعبطون؟ تقولي تعال اخذه جاهز والخلل كان فيه البطاريه والحين تعطيني تقولي مايشتغل عشان البطاريه عيل شكلكم ماصلحتوه؟ قالي لالالا حبيبي روح البيت شحنه بس واهو تمام التمام رحت البيت من 6 ساعات وانا اشحنه وللحين لا اشتغل ولاشي ماجني قاعد اشحنه الزبد انهم مستمرين بالجذب واللعب علي المشاركات: 44721 | من: الـكـويـت | تاريخ التسجيل: أكتوبر 2003  |  [ Lady Fa ] عضو متميز رقم العضويه 88536 مرسله في                    ويه طبيعي ماتستاهل والله اشتك عليهم احسلك واخذ حقك دام انهم جذي مالت عليهم عشان لايسونه مره ثانيه في غيرك ‏ المشاركات: 38759 | من: Kuwait | تاريخ التسجيل: نوفمبر 2009  |

لطباعه هذا الموضوع

إذهب إلى: إختر الساحة:   القسم: القسم الـفـنـي -------------------- ســـاحــة الفـــن العـــربــــي ســـاحــة الفـــن الغـــربــــي   القسم: القسم التقـنـي و الإداري -------------------- ســــاحـــــة الكمبيوتر وتقنية الإتصالات ســاحــة المراقبين والمــشرفين   القسم: القسم الإداري -------------------- ســــاحــــة المـحــذوفـــــــات

إتصل بنا | منتدى السالمية دوت نت


UBB.classic™ 6.7.1