This is topic تعوذ بالله من الشيطان ترى يفرق محبينك ! in forum الســـاحـــــــة الــثــقــافــيــة at منتــدى الســالميــه.


To visit this topic, use this URL:
http://salmiyaforum.net/cgi-bin/ultimatebb.cgi?ubb=get_topic;f=11;t=002759

---

مرسلة من بنوته الشرقية (رقم العضويه 7508) on :
 
الشعر بصوت الشاعر
.
.

بعد ماكنت تهواها وحبك اقوى من زلزال
كيف ترضى على نفسك ؟! يموت الحب في عينك ..

غريبه كيف هي صارت .. في عينك اشبه بتمثال ؟
ابد لاتحسب إنها هي يا قاسي لعبة في عينك !!

تراها مثلك إنسانه !! لها تفكير و عندها بال ..!
وانا أحلف مشاعرها تنافس عطفك ولينك !
وإذا إنك كنت ماتدري تراها مضرب الأمثال ..!!
جميله والجمال أخلاق .. فكر الله لايهينك !

لاتتمادى وتتركها حرام تعيش على هالحال ..!
لاتهجرهـا ولا تذلهـا عشان العصمه بيدينك !!
ترى الله قادر يبدل حياتك من فرح لاهوال
لاتنسى دعوة المظلوم .. راجع نفسك ودينك !

لاتنسى إنها تحس مثلك .. ولاتنسى الحق بعد ينقال !!
تعوذ بالله من الشيطان ترى يفرق محبينك !
تبدل حبها في قلبك وصارت ماتساوي ريـال ..!
بعد ماكانت الدنيـا في عينك وأجمل سنــينك !

ابد لاتغرك الدنيـا.. ترى تتبدل الأحوال .. !
مثل ماتنسى احبابك بتلقى الكل ناسينك !
ترى المصطفى ذكـر وإذا إنك ماسمعته قال ..!
إظفر بس بذات الدين وخذهـا تربة إيدينك !!

حرام تعيش مستانس وإهي تبكي دمعهـا سال !
تبي تحيها مثل اي بنت وإنت الحل بيدينك !
تخيل لو تفاجأها .. تبدل غيبتك بوصـــال ..!
بتلقاهـا من الفرحه نست مابينهـا وبينك !

ويرد الحب يجمعكم كثير اقوى من الزلزال ..!
ويحيى من بعد ماكان ميت في وسط عينك !!

.
.
.
كلمات وإلقـاء الشاعر / طارق المحياس

.
.

[ عجبني وقلت أحطه لأعضاء الساحه ]
إختكم / بنوتة الشرقية




[ مايو 16, 2006, 10:22 PM: تم تحرير المشاركه من قبل: بنوته الشرقية ]
 

---

مرسلة من al_sosa (رقم العضويه 61517) on :
 
بنوته الكلمات وايد حلوة


فعلا كاتبها مبدع


ناطرين جديدج



 

---

مرسلة من MA'3RooR (رقم العضويه 15379) on :
 
نقل جمييييييييل

ليش ما قلتي بالاول ؟؟؟ انه رحلتناا قصيرة ..

مهما طال الحب فينا .. اعتبرنا ما ابتدينااا ..

اااااه لو قلتي بالاول .. قبل لا تغرق تعلم !!!!!

المحبة بحر داكن .. بحرها من غير مينااااا !!!!!!

شنو يعني انتهيناا ؟؟؟ بكل سهولة انتهينااا .. كلمة قالتها وراحت !!!!!


 

---

مرسلة من بنوته الشرقية (رقم العضويه 7508) on :
 
سووسه ..
تسلمين حبيبتي على المرور المتواصل ..
وفعلاً مثل ماقلتي كاتب الكلمات مبدددع !!!!


.
.
.

اختج
 

---

مرسلة من أجمل إحساس (رقم العضويه 9558) on :
 
يعطيج ألف عافيه على هالنقل الجميل
 

---

مرسلة من بنوته الشرقية (رقم العضويه 7508) on :
 
مغرور شكراً على المرور ..

والمقطع الي ذكرته ..

مااحب اسمعه =(

.
.
عالعموم ..

تشكرات اخي الكريم على مرورك =)

اختك
 

---

UBB.classic™ 6.7.1