This is topic . . أيــة مهموم وبقـى لحبـك بقايـا . . in forum الســـاحـــــــة الــثــقــافــيــة at منتــدى الســالميــه.


To visit this topic, use this URL:
http://salmiyaforum.net/cgi-bin/ultimatebb.cgi?ubb=get_topic;f=11;t=003138

---

مرسلة من بنوته الشرقية (رقم العضويه 7508) on :
 
مرحبا اعضـاء ..
هذي القصيدة عجبتي وحبيت انقلها لكمـ ..
وهي للشاعـر / غشام . . اخليكم معاها

.

.





أية مهموم وبقـى لحبـك بقايـا
بالخفوق اللي طعنتة في صميمـة

ماقدر ينسى غرامـك والخطايـا
ولاقدر ينساك رغم أنك خصيمـة

كل ماشفتك تضيق بـي الزوايـا
وكل ماحاكيتك أشعـر بالظليمـة

البيوت اللي ماهي بحبـك عرايـا
من لباس الصدق لوكانت عظيمة

رغم هجرك لي! وطعنك في قفايا
مابغيت فراقك وصـارت غنيمـة

يوم جيت تقول لي أبغـا النهايـا
مبغضن زولك وذكـراك الأليمـة

شفت شيء حطم ظلـوع وحنايـا
وكن نفسي بالهوى صارت يتيمة

دمعتي سالـت وحملتـك وصايـا
يوم أنا حسيت في طعم الهزيمـة

قلت لك تكفى لاتلحقنـي زرايـا
بعـد ماكنـا نديـمٍ مـع نديمـة

يـوم ودعتـك تذكـرت الهديـا
والقصايـد والمراسيـل القديمـة

قامت همومي تعجـل فـي ندايـا
وعشت بالدنيا حريمة في حريمة

عايش(ن) فرقـاك لكنـك معايـا
أقرب من ظلالي ولك قدرٍ وقيمـة

مانسيتـك باقـي لحبـك بقايـا
بالخفوق اللي لقى منك الظليمـة

يوم أشوفك ترتجف كـل الزوايـا
لأن عندي صورتك صورة عظيمة




[ أغسطس 09, 2007, 06:16 PM: تم تحرير المشاركه من قبل: بنوته الشرقية ]
 

---

مرسلة من MA'3RooR (رقم العضويه 15379) on :
 
جميـــل .. والله جميل !!! .. فعلا قصيدة حلوووة وفيها معاني قوية

الهم يا غشام غطى ســـمايا
ليت الهموم تفارق اليوم غيمه


كن الجروح بموق عيني مرايا
مثل النديم اللي يخاصم نديــمه

من وين ما وجه وهمي معايا
سـلمت وأستسلمت له بالـــهزيمه

سلمت قلبي للهوى من وفايا
وما للوفاء في ميت القلب قيـمه

سوت بي اللوعات عقبه سوايا
في عالم العـشاق قـصه أليـمه

غشام تكفى كيف حل القضايا
وش حيلة اللي صار خله خصـيمه


اتمنى تتقبلي مرووري
 

---

مرسلة من بنوته الشرقية (رقم العضويه 7508) on :
 
كل يوم تعال

.
.
.

مغروور .. يافنان !

كلمات روعه =(

سلمت قلبي للهوى من وفايا
وما للوفاء في ميت القلب قيـمه !!

وصدققت !!
غشام تكفى كيف حل القضايا
وش حيلة اللي صار خله خصـيمه !! =(


.
.
.

اختكـ
 

---

مرسلة من عموووور (رقم العضويه 67816) on :
 
سيدتي ورقيقتي
اهلا بكِ مرة اخري
قصيده منقوله رائعه
والاروع هي ناقلتها
سيدتي تقبلي تحياتي
ومودتي
من عمووووور
 

---

مرسلة من أجمل إحساس (رقم العضويه 9558) on :
 
رووووعه يا بنوتة الشرقية...


تسلم ايدج على النقل وعلى الذوق الحلو
 

---

مرسلة من بنوته الشرقية (رقم العضويه 7508) on :
 
عموور .. ياهلا والله
نور المنتدى بعودتكـ ..

شكراً لمروركـ

.
.
.

أجمل إحساس
تسلمين ياقلبي .. ومن ذوقج فديتج

.
.

بنوتة
 

---

مرسلة من بـقـايـا**انـسـانـ (رقم العضويه 82159) on :
 
تسلم ايد اللي نقلتها..
وصح لسان من قالها..كلمات ولا احلى..
 

---

UBB.classic™ 6.7.1