اول شي الحمدلله على كل حال .. و اللي قاعد يحوشنا اهون من كثثثثثييييير فيهم امراض مستعصيه ..
بقولكم القصة من طأطأ لسلامو عليكو ..
**
البداية:
قبل 20 يوم تقريبا .. بلش معاي صداع خيالي .. مهما اكلت بهالبنادول او اكسترا بنادول او اي دوا خاص بالصداع .. ما يفيد ..
رحت المستشفى و عملولي تحاليل دم فورية .. لان الصداع استمر 3 ايام متواصله و حتى ابرة الصداع ما فادتني !!
كان يبلش براسي من ورا .. و يصعد لين ياكل راسي كله .. طبعا مصاحب للالم تنميل و بروده بالاطراف .. عدم قدرة على التركيز .. و حتى النطق ما يكون طبيعي اللي احس اني اتكلم شي مو فاهمه .. مادري عن اللي قاعد يسمعني يفهم او لأ
و اكثر شي كان يخليني اموت .. حركة الاشياء من حولي بالسيارة او اي مكان لما الناس يمشون ..
و كم مرة بمرة احس اني راح اطيح من طولي بس امسك شي و اقعد عشان ارتاح ..
كان في اجهاد عااااام بالجسم .. عضلات كتافي مشدودين حيل و لوعة دايمه ..
نتايج تحاليل الدم كانت كلها طبيعية .. قام الدكتور قالي ان هالالم من عضلات الرقبه .. اكيد نايم بوضعيه خطأ و هالشيي سبب لك صداع .. وصفلي نوعين حبوب مع ابره يوميا مدة 3 ايام .. قالي لو ما فاد تعال مرة ثانية ..
استمريت عالعلاج .. و ماكو فايده ..
قمت ادخل النت و اشوف شالموضوع .. بس ما قدرت اوصل لنتيجة لان اعراضي تتشابه مع اكثر من مرض ..
قمت رحت لمستشفى ثاني .. و دخلت على دكتور انف و ادن و حنجرة .. قعد يسألني يسألني يسألني .. قام قالي اللي فيه احتمال من 2 ..
اما كانسر بالمخ او جيوب !!
شوفوا التشخيص والنفسية اللي صارت بالارض !!
قاموا طلبوا اشعة مقطعية للجيوب و للراس .. و عملتها طبعا اليوم اللي بعده .. و مع انتظار النتايج .. كنت حاس اني راح اموت من الالم و النفسية الزفت !!
طبعا طول هالفترة الصداع مايروح .. انام و اصحى على نفس الالم !!
كان صديقي الفكس .. اخلي وجهي عبارة عن قناع فكس .. يريحني شوي بس ما يوخر الالم !! و كله بسريري و مسكر الليتات و قاعد .. حسيت نفسي ناطر عزرائيل ياخد روحي و خلص .. انتهى وقتي بالدنيا ..
طبعا افكار عجيبة بدت تجيني .. شنو بسوي باخر ايامي و و و
رحت ثاني يوم .. ولا النتايج كل شي طبيعي .. فرحت كثيييييييييييييييييييييييييييييييييييير .. بس بنفس الوقت تضايقت ان ليلحين مافي احد عرف سبب الصداع !!
الدكتور قام حولني لاستشاري مخ و اعصاب .. و الاستشاري معروف كثير بالكويت .. و مواعيده تحتاج كم يوم عشان ادخل عليه .. قمت رحت الساعة 7 الصبح و قعدت عند عيادته .. صرت مثل الطرار عند السكرتارية عشان ادخل .. منظري كان مزري و بالفعل دخلت ..
شافني الدكتور .. شاف التحاليل و الفحوصات .. قام شو قالي؟؟
ابيك تمشي على خط مستقيم .. قلتله انا ماقدر اركز حاليا و في تنميل باطرافي .. تبي تضحك علي يعني؟ قالي لا قوم عملها ..
وقفت عملتها .. طبعا ما ضبط الوضع معاي ..
على طول طلب تحليل لفيتامين د و اشعة رنين لراسي .. قالي اشتباه ام اس !!!
احنا بالبيت عندنا حالة .. سو كان احتمال جدا كبير !! بس العجيب بالموضوع ان الصداع مو من اعراض الام اس !!
المهم رحت و عملت الاشعة اليوم اللي بعده (الصداع ما راح طووووول الوقت ) .. اول ما خلصت .. قام قالي الدكتور اللي عملي الاشعة .. ان كل شي طبيعي الحمدلله !!
مدة الاشعة نص ساعة .. بس حسيتها 300 ساعة .. يقعدونك بمكان ضيق و يثبتون جسمك كله و ممنوع حركة و اخر 5 دقايق ممنوع تبلع او حتى تعمل اي شي !! كانهم مكفنيني بتابوت !!
المهم .. قالي كل شي طبيعي الحمدلله .. اخدت نتايج الاشعة اليوم اللي بعده و دخلت على الدكتور ..
قالي فيتامين د عندك ناقص و هالشي سبب لك قلة التركيز .. و وصف لي ابر اخدها ..
و بنفس الوقت قام قالي .. بعد كل هالتحاليل قالي معك ....
صـــــــــــداع نصـــــــــــفي !!
طالعت الدكتور ابتسمت .. ابتسمت .. قلتله
عفوا بس .. معقولة الاعراض اللي قلتها ما وضحت لك من البداية انه صداع نصفي؟
قالي لازم نتأكد ان الاشياء الكبيرة مو فيك .. و بعدين نروح للاشياء الاقل خطورة !!
قلتله و نفسيتي اللي قتلتوها بمليونين مرض .. كان ناقص تقولي ايدز
قالي الحمدلله مافيك شي .. و اخد هالحبة اليوم و بكره .. و انشالله تلاقي فرق !!
طبعا لو كنت صارف كل شي من حسابي .. كنت صرفت اكثر من 1500 دينار على التحاليل و الاشعة و الفحوصات و المواعيد مع الاستشاريين .. بس الحمدلله عندي تأمين صحي تكفل بكل شي .. يمكن مجموع اللي دفعته 200 دينار و رحت خاص لان مستحيل انطر مواعيد المستشفيات الحكومية اللي كانت راح تنطرني 3 شهور !!
الحين سؤالي للي فيهم صداع نصفي .. شلون نقدر نقلل الهجمات العدوانية منه؟ انا احسه يجي فجأة و بدون ما ينبهني .. و ياكل راسي كله مو نصه بس !!
الحمدلله من بعد ما اخدت الحبوب ما جاني مرة ثانية .. و التنميل راح بعد يومين تقريبا و التركيز رجع طبيعي !!
بليز .. اللي فيه صداع نصفي يفيدني ..
طبعا كل هالرحلة كانت تضامنا مع طبيعي .. لازم انا بعد اروح مستشفيات و تحاليل .. بس الفرق بيني و بين بدر .. انه اقوى مني ماشالله .. طلعت انسان وسواسي و انا مادري
تحياتي
مرسلة من ([أمے آدمے]) (رقم العضويه 73925) on :
لا حول ولا قوة الا بالله سلامتك وما عليك شر.... بدايات الموضوع خوفتني...شباب زي الورده عم يمرضو الله يحميكم ويخفف عنكم... طلع بالآخر دلع والصداع النصفي ماهو مرض... كل شي من الله حياه الله....بس دير بالك على نفسك وحاول ما تحمل هم وتعصب لأنه اللي بعرفه انه العصبيه من اسباب الماجرين...
الف سلامة عليك... مرسلة من الصغيره (رقم العضويه 10056) on :
يمه بغيت اموت طلال وقف قلبي وانا اقرا تدري اني خفت اكمل الموضوع قلت بعد شفيهم عين ماصلت عالنبي
وهالدكتور شلون يقول لك احتمال كانسر الله لايقوله غبي مايفهم ماعرف يصك حلجه مايدري انه كلامه باثر على نفسيتك
اسم الله عليك حسبي الله عليهم هالدكاتره لعبوا بنفسيتك وخلوك توسوس الحمدالله انه صداع نصفي اتوقع اهوا من اسبابه قلة النوم ماتشوف شر يالغالي والله يشفيك ان شالله ويشفي طبيعي والله يشفي كل مريض ان شالله
ودير بالك على نفسك وامشي عالعلاج وان شالله خير يااارب
مرسلة من موسيقي (رقم العضويه 2114) on :
مش دلع والله يا نانا لان النوع اللي عندي من المتطورين .. مثله مثل البوكيمون جاني متطور و خالص ما مهل .. ياكل راسي اكل و تنميل و عدم قدرة على التركيز .. يعني حاله .. بس الحمدلله على كل حال
صدييييييييييقتي:
ايييي والله انا عشت ايام سوده الله لا يوريها لأحد .. لان كل مرض العن من الثاني !! بس الحمدلله اللي طلع فيني بسيط ..
مشكورين كلكم
مرسلة من الصغيره (رقم العضويه 10056) on :
الحمدالله انك طلعت بخير والله يبعد عنا وعنك الامراض يبيلك سفره تغير جو واخذ طبيعي معاك وانا بعد بروح معاكم حاشتني حساسيه من الغبار لازم اغير جو
[ يونيو 02, 2010, 01:01 PM: تم تحرير المشاركه من قبل: الصغيره ]
مرسلة من طبيعي (رقم العضويه 11956) on :
طلول وانا اقرى الموضوع ويهي جذي
لاني عارف النتيجه مسبقا وقايلياها انت
بس وانا اقرى فجاه صرت جذي وخفت
ياخي سلوبك خرعني وشككني بنفسي قلت اخاف ماقالي
الصج؟ بس الحمدالله ماطلع اقوى من صداع نصفي
وسلامات عاد انت صج ماتستاهل الا كل خير والله
حبوب وطيب ومحترم وانيق وسكسي لول ولد عايله
محترمه وكل مواصفات الشاب الرزين فيك تبارك الرحمن
فالله يحميك
مرسلة من ([أمے آدمے]) (رقم العضويه 73925) on :
شو بدر عم بتدورله على عروس؟
مرسلة من الصغيره (رقم العضويه 10056) on :
رد مقتبس:المرسل الأصلي هو طبيعي: طلول وانا اقرى الموضوع ويهي جذي
لاني عارف النتيجه مسبقا وقايلياها انت
بس وانا اقرى فجاه صرت جذي وخفت
ياخي سلوبك خرعني وشككني بنفسي قلت اخاف ماقالي
الصج؟ بس الحمدالله ماطلع اقوى من صداع نصفي
وسلامات عاد انت صج ماتستاهل الا كل خير والله
حبوب وطيب ومحترم وانيق وسكسي لول ولد عايله
محترمه وكل مواصفات الشاب الرزين فيك تبارك الرحمن
فالله يحميك
صرت خطابه مرسلة من طبيعي (رقم العضويه 11956) on :
ام ادم تقريبا خخخخخخخ والله احلى خبر اسمعه انه طلول يتزوج لاني ماودي ينجر معاي بالانحراف راح افرح لما يكمل نص دينه
مرسلة من M . i . s . O (رقم العضويه 19623) on :
يا جماعة يلعن شكلكم رعبوتني انا عندي بصير تنميل باصابع ايدي و رجلي و بضايقني و كان بسبب الحديد تعالجت و ااخدت ابر حديد
بس التنميل رجع .. رايحة للدكتور ركض
طلال سلامتك .. عين وصابتنا مشرفين الفنية
مرسلة من الصغيره (رقم العضويه 10056) on :
مشرفين الفنيه في احد ليل ونهار يدعي عليكم الله يحفظكم
مرسلة من dR• M (رقم العضويه 74592) on :
رد مقتبس:المرسل الأصلي هو الصغيره: مشرفين الفنيه في احد ليل ونهار يدعي عليكم الله يحفظكم
موسيقى ألف سلامـة عليـــــك مرسلة من v.e.l.v.e.t (رقم العضويه 87344) on :
لان كل الاعراض موجوده في محدثتكم .. بس انا ماروح للمستشفى ولا ارضى اخذ الابره ولقيت علاجي بنفسي
حسيت بحساسية ضد الضوء وودك تقعد في ظلااااام وابسط ضوء يدور راسك
حسيت ان الدنيا تدور تدور تدور كأنك في اللعبه اللي كنا نلعبها واحنا صغار اللي نركض وندفها وندورها وبعدين ننط فيها لين تدور خرايط راسنا وننزل
حسيت بغثيان .. واذا جيت تنسدح راسك دار بقوة واذا انقلبت ع اليمين ولا اليسار زاد في الدوران ودك تسمر روحك محلها علشان يخف الدوران وتلزق راسك بالارض على الله يركد خلاط راسك
حسيت انك ماتقدر تمشي سيده وودك تمسك اي شي وتقعد على الارض وتثبت نفسك
شوف اخوي العزيز / انا استعملت طريقه من سنوات وانا خاف عني الصداع بعدها وتركت البندول بعد ماكنت اكله كل يوم تقريبا
تعرف السويده " الحبه السودا" حبة البركة ؟ هذي عملت لي انقلاب في حياتي
خذ الحبة السودا وتبخر فيها وحطها عند راسك واستنشقها
ويبيعون في الصيدليات فكس الحبة السوداء
هذا رهيب امسح على جبهتك وخشمك وورا عيونك .. يعني مااعرف كيف ادليك بس شايف اذونك قدم شوي عند خدودك ارفع شوي .. هنا
امسح الفكس وربط راسك وتبخر بالحبة السوداء وادعيلي
^ ^ ترى هالخلطه مش معتمده طبيا بس انا مرتاحه عليها من اكثر من 15 سنه
بالسلامه ان شاء الله واسفه ع الاطاله
مرسلة من ZoLiTo. (رقم العضويه 10437) on :
الف سلامة عليك انا كمان خفت قلت ايش فيهم الشباب واحد ورا الثاني المهم انا زمان كان يجيني اصداع النصفي بمعظم الاعراض اللي انت قلتها و انا ما كنت اقدر اشوف احيانا" من الالم و اكيـــــــد ما اخللي (نتفة) ضو تدخل علي الغرفة بس الحين صار 5 سنين و الحمد لله ما حسيت فيه يعني انشاء الله شدة و تزول
[ يونيو 03, 2010, 01:03 AM: تم تحرير المشاركه من قبل: ZoLiTo. ]
مرسلة من موسيقي (رقم العضويه 2114) on :
مشكورين كلكم على التفاعل وياييييييي..
والله لو ادري جان كتبت الاعراض هني و شفت شتقولون ولا الحرب النفسية اللي شنوها علي الدكاتره عشان كم دينار ..
المهم .. الف الفففففففففف شكر لكم .. و فكس الحبه السوده عجبني .. و المكان اللي تقصدينه ورا العين .. شفتي لما تقولين ( كيفي ) .. المكان اللي تحطين فيه صبعج اهو اللي تقصدينه .. صح ؟
ايه ايييييييييييييييه .. بجربه .. عاد انا احب الحبه السوده بالاكل .. زين ما اكله
مساكين اهلنا زمان اول .. مادري شلون يوخرون هالالام عنهم
تحياتي
مرسلة من الصغيره (رقم العضويه 10056) on :
ترى من الصبح وانا ادور وين ورى العين مرسلة من موسيقي (رقم العضويه 2114) on :
قولي كيفي .. أشري بصبعج جنه لما كنتي ياهل ..
يبا تدرين شلون؟ شفتي تحية الشرطة .. يحطون ايدهم بمكان لما يحيوون .. يبا بين الحواجب و الزلف
ليلحين تدورين؟
مرسلة من ([أمے آدمے]) (رقم العضويه 73925) on :
رد مقتبس:المرسل الأصلي هو موسيقي: و المكان اللي تقصدينه ورا العين .. شفتي لما تقولين ( كيفي ) .. المكان اللي تحطين فيه صبعج اهو اللي تقصدينه .. صح ؟
تحياتي
مرسلة من [Basel] (رقم العضويه 83164) on :
عاد يوم قريت بالفيس بوك وقلتلك هذا أكيد نقص سكر ورح دانكن دونت ,,, فكرت انه صداع وراح
بس يوم قريت اخترعت ,,, ألف سلامة عليك طلول
الحمدلله على كل حال,,
وان شاء الله تقوم بالسلامة...
ورى العين ,,, قعدت تقريبا 5 دقايق وانا أحاول أشوف لين شفت رد طلال وعرفت مرسلة من الصغيره (رقم العضويه 10056) on :
رد مقتبس:المرسل الأصلي هو موسيقي: قولي كيفي .. أشري بصبعج جنه لما كنتي ياهل ..
يبا تدرين شلون؟ شفتي تحية الشرطة .. يحطون ايدهم بمكان لما يحيوون .. يبا بين الحواجب و الزلف
ليلحين تدورين؟
هههههههههههههههههههههههههههههههههههههههههه لي باجر بدور ورى العين صرت حوله
[ يونيو 03, 2010, 07:16 PM: تم تحرير المشاركه من قبل: الصغيره ]
مرسلة من mohamd UAE (رقم العضويه 87903) on :
انا وانا اقرى الموظوع ماخفت لأني عرفت انه صداع نصفي لأنه صار معاي اكثر من مرة
صج شعور زفت اللي يصير فيني .. صداع والم .. حتى ماقدر انزل راسي ولو شويه احس راسي بيطيح من الثقل كنت اصلي وانا قاعد وانزل راسي ..
اكثر من مرة رحت وكل مستشى يعطوني ادويه غير شكل اول مرة رحت عطوني ادويه قالو حقي لمدة 5 ايام خلصت الخمس ايام ولا فاد رحت مرة ثانية عطوني ادويه لمدة 3 ايام رجعت لأن مافادو عطوني ادويه لمدة 10 ايام خخخخخخخ نفس الشي مافادو ..
آآخر شي قريت على عمري قرآن وفكيت راسي لا ادويه ولا شي والله .. وحتى تحط ايدك اليمين على راسك اول المكان اللي يعورك وقول بسم الله 3 مرات وبعدين تقول: اعوذ بالله وقدرته من شر ما اجد واحاذر 7 مرات ..
وبس ان ماخاز الالم عنك روح مستشفى نا قمت جيه اسوي يوم امرض اول شي اقرا على عمري وان الالم بقى على ماهو بعدين اروح مستشفى ..
لأن يعورون راس الواحد عالفاظي ويخوفونه وهو مافي شي
هذي نصيتحتي بما اني مجرد الصداع النصفي لأكثر من مرة مرسلة من الصغيره (رقم العضويه 10056) on :
^ ^ ماتشوف شر ان شالله وين ورى العين مافهمت من موسيقي؟ مرسلة من v.e.l.v.e.t (رقم العضويه 87344) on :
رد مقتبس:المرسل الأصلي هو موسيقي: المكان اللي تقصدينه ورا العين .. شفتي لما تقولين ( كيفي ) .. المكان اللي تحطين فيه صبعج اهو اللي تقصدينه .. صح ؟
ايييييه اييييييه بالضبط كيفي كيفي وصلت خير
رد مقتبس:المرسل الأصلي هو الصغيره: ترى من الصبح وانا ادور وين ورى العين
^ ^ مرسلة من M . i . s . O (رقم العضويه 19623) on :
شو هالمنتدى اللي كلو مرضى الله يشفينا... نطلع كلنا نعمل عمرة و نحج ونتوب ونرجع نقلب الفنية للدينية واناشيد اسلامية لعل وعسى
طلال الف سلامة انسى الوجع والالم هو كمان بنساك
مرسلة من II_HaiFa_II (رقم العضويه 71453) on :
اولا سلامات وماعليك شر
ثانيا اكيييييد صرفلك سيبيليوم انتبه ترى فخلال شهر اذا مش اقل وزنك بيصير دبلين وزنك الان فاتح شهيه وما تحس على نفسك
عندي نفس اعراضك انت واصل للمرحله الاخيره منه تقريبا يعني اقوى شي
شخصيا اخذ بروفين مسموحلي بحبتين باليوم وبين كل وحده ساعه او ادفيل واوقات مايفيد معي ويكمل او يومين معي ويروح من حاله
الاهم بس يجيك الصداع ترتاااااااااح قد ماتقدر ولا تتعرض لاي عصبيه ولا ضغط وتتواجد بالاضاءه ماتكون قويه لانه يزيده وانتبه على اكلك ونشالله ماقدامك الا العافيه
مشرفين الفنيه عليكم عين لول
مرسلة من / Only Nouna / (رقم العضويه 83453) on :
alf salamatak taloool 3anjad khawafni el mawdou3 la w lamma 2olt enta cancer aktar chi
ma tchouf chae inchaalah مرسلة من Ziko Alami (رقم العضويه 37178) on :
الف سلامة عليك و ما تشوف شر ان شا الله.. يمكن انت ما بترفني بس لازم افيدك من خبرتي بما انو معي صداع نصفي و عانيت منه كتير بأول ما صابني.. عندي كم معلومة ان شا الله بفيدوك:
1- ابعد نهائيا عن المكسرات و خصوصا اللوز و البندق لانهم بزيدوا من احتمالية الاصابة بالصداع النصفي حسب تقرير قرأته قبل كم سنة.. كمان البرتقال حاول تبعد عنه خصوصا بفصل الشتا
2- في حال حسيت انو عندك بداية صداع خفيف (حتى لو صابك قبل النوم) على طول خد Panadol و غسل وجهك وشعرك بمي باردة و اقعد بمكان ما فيه انارة ولا ضجة نهائيا لمدة نصف ساعة .. كتير بساعد على تخفيف حدة الصداع و ان شا الله بروح كليا ازا عملت هالخطوة في بداية الصداع..
3- في الحالات المستعصية (لما ينزل الصداع على عينك و تتورم مثلا) على طول بانادول اكسترا و خد كاسة اعشاب فاترة و اقعد بمكان منعزل و بدون اضاءة و استعمل كمادات باردة على وجهك بشكل مستمر لحد ما تحس ان الصداع صار اخف
هالـ 3 اشياء انا مركز عليهم من اول ما صابني الصداع النصفي و الحمد لله حالتي تحسنت كتير و بطلت اعاني منه بشكل مزمن..
ما على قلبك شر.. قلت افيدك بالمعلومات البسيطة الي عندي
[ يونيو 06, 2010, 05:31 AM: تم تحرير المشاركه من قبل: Ziko Alami ]
مرسلة من [ GaGa ] (رقم العضويه 2150) on :
عمى بعين العدوو انشالله !
الصداع النصفي ملازمني من يوم كنت في المتوسط وهالحاله نمر فيها انا وامي واخوي بس امي اعراضه اقوى بشوي
![[Big Grin]](biggrin.gif)
![[Razz]](tongue.gif)
او جيوب !! ![[crying]](graemlins/crying.gif)
![[worried]](graemlins/worried.gif)
![[Frown]](frown.gif)
![[rose]](graemlins/40.gif)
![[Eek!]](eek.gif)
وخفت ![[crazy]](graemlins/crazy.gif)
![[nerd]](graemlins/nerd.gif)
![[bgrlaugh]](graemlins/bgrlaugh.gif)
![[thinking]](graemlins/thinking.gif)
![[battingeyelashes]](graemlins/battingeyelashes.gif)
![[rofl]](graemlins/rofl.gif)
![[nut]](graemlins/nut.gif)
بالضبط كيفي كيفي ![[Smile]](smile.gif)
![[girlie]](graemlins/girlie.gif)
![[Embarrassed]](redface.gif)
