This is topic Disneyland Resort Hotels in forum ســاحــــة الــسياحــه والـسفـــر at منتــدى الســالميــه.


To visit this topic, use this URL:
http://salmiyaforum.net/cgi-bin/ultimatebb.cgi?ubb=get_topic;f=16;t=000184

---

مرسلة من howtodeal (رقم العضويه 10339) on :
 
بما اني انشالله بروح باريس شهر يناير المقبل بعد
انقطاع طويل عن السفر في الأسابيع الماضية
كنت قاعد أشوف فنادق ديزني لاند.. وحبيت أحطلكم
صورهم يمكن حد يفكر يروح في المستقبل



---------------------------------------------


أول شي أحب أعطيكم معلومات عن الفنادق.. عددهم 7
وفيه فنادق ثانيه موجوده جنب الحديقة وتابعة لديزني
بس المسافه بينها وبين الحديقة أبعد شوي..
الفرق بين ان الواحد يسكن في فندق تابع لديزني
وفندق عادي برا عدة أشياء..
أولا .. المسافة تكون قريبة جدا.. فيه فنادق الواحد
يقدر يروح مشي منها للحديقة لمدة ما تزيد عن 5 دقايق.
ثانيا.. فيه باصات توصل الزوار مجانا لبوابة الحديقة وهذي الباصات تطلع من كل فندق كل ثلث ساعه.
أسعار دخول الحديقة تكون أرخص نوعا ما للي ساكنين بالفنادق..
وكل اللي ساكنين بالفنادق يقدرون يدخلون قبل بساعتين
من الموعد اللي تفتح فيه الحديقة أو بعد بساعتين من
الموعد اللي تسكر فيه الحديقة
الادارة تحدد اذا كانوا الساعتين الزيادة صباحا ولا مساء ..

برتب الفنادق حسب الأسعار من الأغلى الى الارخص..

أول فندق اسمه Disneyland Hotel







فيه صور أكثر.. بس اتوقع خذتوا فكره عنه
أسعار الفندق مبالغ فيها جدا جدا يعني هو
حلو وكل شي بس الليله بأكثر من 400 يورو

ثاني فندق اسمه Disney's hotel New York









المطعم

بعد شوي بحط الفنادق الباقية.. و سوري على الصور
الكبيرة جايز بس ما حبيت أحطها THUMB
لان برأيي الصورة تتشوه وايد بهالطريقة

[ سبتمبر 17, 2007, 03:15 PM: تم تحرير المشاركه من قبل: howtodeal ]
 

---

مرسلة من howtodeal (رقم العضويه 10339) on :
 
ثالث فندق اسمه Disney's Newport Bay Club
سكنت فيه قبل وأفكر أرجع أقعد فيه هالمره
راااائع جدا وستايله بحري وحلو









من بعد هال3 فنادق.. بتلاحظون ان المستوى بيبدا ينحدر شوي
بس الاسعار أرخص
الفندق الرابع اسمه Disney's Sequoia Lodge









[ سبتمبر 17, 2007, 03:13 PM: تم تحرير المشاركه من قبل: howtodeal ]
 

---

مرسلة من howtodeal (رقم العضويه 10339) on :
 
Hotel Cheyenne







اخر فندق اسمه Santa Fe .. مناسب جدا اللي مو حاب
يصرف فلوس زيادة عن اللزوم على الفندق..





انشالله يكون عجبكم الموضوع
والصور كلها مأخوذه من موقع

http://www.photosmagiques.com




[ سبتمبر 17, 2007, 03:16 PM: تم تحرير المشاركه من قبل: howtodeal ]
 

---

مرسلة من نــــــورة (رقم العضويه 144) on :
 
انشاء الله تروح وترج بالسلامه

وااااو صور رووووووعه
 

---

مرسلة من howtodeal (رقم العضويه 10339) on :
 
الله يسلم أختي نورة..
والحمد الله عجبتج الصور
 

---

مرسلة من miss Milano (رقم العضويه 37402) on :
 
ذكرتني بديزني

انا سكنت بنيويورك كان حده روعه خصوصا السكيتنق اللي ورا الفندق

بس الفندق اللي سكنت فيه طلينا عليه ماعجبني

كان ضيق وايد بس مادري عن الغرف.!

يلا ان شالله الله يكتبلي وارجع اروحلها السنه الجايه
 

---

مرسلة من نــــــورة (رقم العضويه 144) on :
 

رد مقتبس:

---

المرسل الأصلي هو howtodeal:
الله يسلم أختي نورة..
والحمد الله عجبتج الصور

---

رووعه الصور انا رحت قبل 3سنوات بس كانت رحلة لمدة يوم كامل خلصنا ويعدين رجعنا باريس
 

---

مرسلة من روح المحبـــة (رقم العضويه 12395) on :
 
امم الصووور حلوووة من برى

بس الغرف ما عجبوووني


يبغالي اروووح لباريس علي الطلب من سنتين والاقامة مدفوووعة الثمن بس انا أماطل أخواني


بس الحين غيرت رأيي ابغى اروح اشوووف ميكي ماوس


شكرا اخوي على التوبيك
 

---

مرسلة من Kuwaity (رقم العضويه 4) on :
 
تسلم ايدك على هالتمز وبانتظار جديدك
 

---

مرسلة من howtodeal (رقم العضويه 10339) on :
 
مس ميلانو..

نيويورك راااائع فعلا.. بس انا والسكيتينج مالنا
دخل ببعض.. خاطري أتعلم لكن كل ما أشوف اللي اعمارهم 9 و 10
سنين يطيرون بالهوا وهم يتزلجون .. أحس نفسي مب
مستعد أجرب
وانشالله ترجعين تزورينها قريبا

نورة..

اها.. يبغيلكم تروحون مره ثانيه فترة أطول ..

روح المحبة..

ومستنية ايه .. يله روحي..
بس بالصيف حر
كويتي

العفو أخوي ومشكور على الرد
 

---

مرسلة من «[.نجــ 5 ــوم.]» (رقم العضويه 12532) on :
 
how 2 deal
ما تبيني اروح وياك ..؟
 

---

مرسلة من طبيعي (رقم العضويه 11956) on :
 
رووووعه التقرير تسلم ايدك موضوع سياحي رائع
 

---

مرسلة من روح المحبـــة (رقم العضويه 12395) on :
 
لااااع بالصيف اوكي
ما اتحمل البرد انا بشهر يناااير بررررررررررد الله يعينك خخخخ
 

---

مرسلة من howtodeal (رقم العضويه 10339) on :
 
حسون..

زين لو بتي لاني لحد الان مب محصل حد أسير وياه
اللي عنده دوام واللي طلعتله دورة مادري من وين
والاهل رافضين الفكره جملة وتفصيلا بسبب البرد ..

طبيعي

العفو حبيبي والحمد الله عجبك الموضوع

روح المحبة..

الله يهداج يا دليله.. ما صدقت تقبلت فكرة البرد بتخليني أرجع
أفكر من أول و يديد

 

---

UBB.classic™ 6.7.1