This is topic استفسار عن أسواق دبـــي in forum ســاحــــة الــسياحــه والـسفـــر at منتــدى الســالميــه.


To visit this topic, use this URL:
http://salmiyaforum.net/cgi-bin/ultimatebb.cgi?ubb=get_topic;f=16;t=000695

---

مرسلة من zbo6t_elng3a (رقم العضويه 2390) on :
 
السلام عليكم

حبيت أسأل أهل دبي أو حتى أهل الكويت اللي لهم زيارات وايده حق دبي

آنا انشالله لي زياره لها عالاسبوع الياي و أبي اتسوق فـ بعرف شنو أحلى الاسواق اللي فعلا مميزه

أبي محلات ملابس رجاليه و نسائيه موجوده في دبي و حلوه و مو موجوده بالكويت

أهم شي ان ما يكون موجود بالكويت علشان اشتري اشياء مميزه مابي اشتري اشياء أقدر آخذها من الديره جني ما سويت شي

يالله همتكم وين تنصحوني
 

---

مرسلة من razan007 (رقم العضويه 233) on :
 

تبين مكان تضيعين فيه ؟؟

مالج غير مول دبي
عذاب عذااب عذاااب هالمووول
اذا مريتي صوب الماركات بتنتحرين

و على فكرة زبوووطة

ترى حتى لو المحلات عندنا .. البضاعة تختلف


و تروحين وتردين بالسلامة يا الغالية
 

---

مرسلة من طبيعي (رقم العضويه 11956) on :
 
طبعا اكيد الاماكن المعروفه دبي مول وامارتس مول

هذول خليهم اساسين لج لانه فيهم الف محل لول كل شي

اما محلات متخصصه انشالله الاعضاء يفيدونج انا تخصص لندن لول
 

---

مرسلة من Fisaal (رقم العضويه 31) on :
 
دبي مول
الامارات مول
فيستفال سيتي
بن بطوطه
سيتي سنتر
وافي سيتي
برجمان
 

---

مرسلة من «[.نجـــ 5 ـــوم.]» (رقم العضويه 12532) on :
 
هلا والله تنورينا ..

في جزئيه تقولين فيها اغراض مب موجوده بالكويت
صراحه ما اعرف وش الموجود بالكويت

بس ماشاء الله فيصل كفى و وفى


دبي مول
الامارات مول
فيستفال سيتي
بن بطوطه
سيتي سنتر
وافي سيتي
برجمان

و بعد في مركز يديد ممكن يكون فيصل ما لحق عليه
( مردف سيتي سنتر ) كثير حلو و رايق و يالله على قهوه الصبح هناك شي مو طبيعي

اذا كنتي تبين اقمشه فاخره
راح تلقينها بـ
الغرير مول
حلو بعد ، فيه محلات متنوعه

وافي انصح فيه بقوه مثل ما كتب فيصل
حق الماركات و هالشغلات
و المطاعم فيه حلوه مشكله و عالميه

مول دبي و مول اوف اميريتس
اروع الاماكن

وزياره موفقه
 

---

مرسلة من razan007 (رقم العضويه 233) on :
 


زبوطة

نصيحة مجرب
لاتضيعين وقتج بباجي المولات نهائياً
و لو تسكنين بالفنادق اللي عند مول دبي احسن لج .. احنا سوينا جيذي سكنا في ذا بالاس

مول دبي شامل كل المحلات اللي بباجي المجمعات و اكثر و اساساً يبيلج يومين عالاقل علشان تخلصينه .. حتى بوتيكات الماركات فيه

اللهم اذا اذا حبيتي تروحين وافي .. كله ماركات مكان راقي

+

خلي لج زيارة حق اتلانتس

لان باختصار هذي دبي مايحتاج تروحين مكان ثاني مضيعة وقت
 

---

مرسلة من M } (رقم العضويه 66801) on :
 
اذا على الوصف اللي وصفتيه لول مالج غير دبي مول
كل شي فيه لا اله الا الله

وتوصلون بالسلامة
 

---

مرسلة من miss Milano (رقم العضويه 37402) on :
 
مالج الا دبي مول الفاشن افنيو

عاد توهم فاتحيـــن بوتيك Herve Leger <3

[ يونيو 23, 2010, 12:06 AM: تم تحرير المشاركه من قبل: miss Milano ]
 

---

مرسلة من zbo6t_elng3a (رقم العضويه 2390) on :
 
الكل نصحني في دبي مول ..

خلاص عييل فرشولي زوليه حمراااا في دبي مول

ثانكيو كلكم ما قصرتووو
 

---

مرسلة من ليه الجفا (رقم العضويه 16303) on :
 
ساكس فيفث افينو في برجمان
 

---

مرسلة من [ الملكه نازلي ] (رقم العضويه 2150) on :
 
دبي مول فيه كل محلات الدنيا
ما يحتاي مول ثاني
بس روحي امارتس مول احب الدكاكين اللي بنص المحلات خخخخ

روحي تعشي بكفالي كلوب
 

---

مرسلة من يجيلك يوم (رقم العضويه 122) on :
 


اهلا و سهلا بزبوطه النقعه و تو ما نورت الأمارات فيييييج

دبي فيها وايد اماكن للتسوق و مثل ما قالولج قبلي دبي مول فيه كل شي تبغينه و انا باكد عليج فيه محلات عندهم اشياء مميزه و ما تتحصل الا فدبي مثل :

"مرامي"
و هذا موجود فالطابق الأرضي من دبي مول قريب من الأكواريوم

Sauce
دبي مول

Blooming Dales
واحد من اكبر الـDepartment stores في امريكا و اول فرع فتحه برع امريكا في دبي و اذا زرتيه روحي البيكريا و موجود بالطابق الأرضي و اسمه "Magnolia Bakery " و جربي الـVanilla Cupcakes مالهم الألذ

O boutique
في منطقه جميرا مقابل مجمع بالم ستريب و خلف مفروشات ذا ون "هذا بتلقين فيه اشياء ما تنباع الا فهالمحل و كله تصميم مصممين عالمين و اماراتيين

انشالله اكون فدتج و ما اكون تاخرت بالرد و اذا تاخرت خليها للزياره اليايه

 

---

مرسلة من razan007 (رقم العضويه 233) on :
 
^
^
^
^
^

صباح الخير عبوود البنية ردت من السفر بالسلامة
 

---

مرسلة من Dreamy Girl (رقم العضويه 82733) on :
 
يجيلك يوم

مشكوور على الرد الصراحة فدتني وايد صح هي سافرت بس انا للحين ههه
 

---

مرسلة من مهـاجـر (رقم العضويه 16752) on :
 
زبوطة النقعه ناطرين نسمع رايج بالمولات علشان الكل يستفيد
 

---

مرسلة من يجيلك يوم (رقم العضويه 122) on :
 
الظاهر اني بسوي موضوع خاص لكل المهتمين بالموضه و الـshopping في دبي

الـfashion scene في دبي وايد كبير و ما يعرف لبعض المحلات كل الناس و خصوصا انه فيه محلات فريده و خاصه بهالسوالف و اللي ذكرت بعضها فوق

اتوقع الموضوع راح يفيد اي حد مهتم بالتسوق يزور دبي لول

رزون : معليه لما تون المره الثانيه روحوا هلاماكن
 

---

مرسلة من razan007 (رقم العضويه 233) on :
 
اي اي ان شاء الله باييكم مانستغني احنا .. بس لما الجو يبرد شوي

بس هاااااا على حسااااااابك تررررى

تصدق عبود .. خالتي توها رادة من دبي .. تقولي انا قلت اليوم باجر بتدق علينا تقولنا انا بدبي

تقول طااافج السووووق
 

---

مرسلة من يجيلك يوم (رقم العضويه 122) on :
 
لووول رزون طافج الـsale الأماراتيين ما خلوا الشي خموا الخضر و اليابس حق السفر

يالله تعالي الشتاء احلى مكان الواحد يروح له "JBR" او ذا وك مثل ما يسموونه جد احلى جووو حق الشتاء و القعده برااااا
 

---

مرسلة من Fisaal (رقم العضويه 31) on :
 
انا انشاء الله يوم الاحد راح اكون في دبي ولمدة اسبوووع كامل

بس بصراحه انا مليت من المولات انا احب سياحة الاقامه بالفنادق خصوصا فنادق مارينا دبي ومدينة الاعلام

ناوي اشطب عليهم واحد واحد
 

---

مرسلة من ..Modmenat Diana.. (رقم العضويه 88536) on :
 


^
^
فيصل لول نشوفك هناك
انا رايحه الاحد



 

---

UBB.classic™ 6.7.1