تحتفل هذا العام مدينة الملاهي الأكبر في اوروبا “ديزني لاند باريس” في هذا الشهر من السنة بعيد ميلادها العشرين، حيث تم افتتاحها في 12 أبريل 1992م على مساحة تبلغ 52 هكتاراً.
وتعد مدينة ديزني لاند أول وجهة سياحية في أوروبا وفي فرنسا قبل برج إيفل ومتحف اللوفر. كما تعد أكبر مدينة ملاهي في أوروبا.
ويزورها سنوياً ما يقارب 15 مليون سائح من مختلف أنحاء العالم، منهم من يأتي للمرة الأولى ومنهم من اعتاد على زيارتها بشكل دائم.
كما يعمل في ديزني لاند باريس أكثر من 15 ألف موظف، من 100 جنسية مختلفة .
وتوجد في ديزني لاند باريس الكثير من المطاعم والمحلات الغريبة والمتاجر التي تبرز شخصيات كرتونية شهيرة لدى الأطفال والكبار.
مرسلة من طبيعي (رقم العضويه 11956) on :
ماتشدني دزني كلش مادري ليش , عالعموم انا توني ياي من لندن بعد ماقضيت 22 يوم , وخلاص ماكو سفر لين بعد اولمبياد لندن اللي غثوني فيها كل شي غالي بلندن من شهر 6 لين اخر 8 عشان جذي ماكو خلاص لين اكتوبر يالندن ويتجدد الحب
مرسلة من Fisaal (رقم العضويه 31) on :
دزني باريس نموذج من دزني ولاية كاليفورنيا يعني لاباس مزيتها انها قريبه جدا من باريس تقدر تروح بالمترو وتقضي يوم كامل وترجع مره ثانيه
تخيل 20 سنه والزحمة وطبيعيه والسواح من كل بلدان العالم والشي الحلو انه ينباع كل منتجات دزني من حلويات وملابس والعاب
مرسلة من W.a.S.i.M.o.O.o.O.o.O.o.O.o (رقم العضويه 89162) on :
فديت ديزني بسسسسسسسسس
ديزني لاند باريس أنجح مدينه حول العالم بعد كاليفورنيا نجحت أكثر من هونج كونج و باقي المدن العالمية
سحر باريس لما يمتزج مع سحر ديزني عالم ثاني مرسلة من howtodeal (رقم العضويه 10339) on :
انا من أكبر فانز ديزني لاند باريس ..ومتابع أخبارهم أول بأول .. اللي في باريس احس انه الها طعم ثاني مع انه معجبين ديزني يفضلون اللي في أمريكا و طوكيو هالسنة من مفاجآت العيد العشرين عرض ليلي خيالي اسمه Dreams .. شفته لايف عالنت بأول يوم لعرضه.. قضيت اليوم كله أنطر العرض وبصراحة فاق توقعاتي.. استخدموا تقنيات وليزر ونوافير وأشياء أول مره أشوفها.. حتى حدائق ديزني الثانية ما قدمت شي بهالمستوى.. واللي أعرفه انه الحديقة احتفالا بالعيد بتسكر بوقت متأخر لانه هذا العرض ما يقدرون يقدمونه الا بالظلام.. علشان يبين تأثير الليزر.. بس نصيحة لوعندكم وقت شوفوه.. يستاهل وفيه بعد محل كبير بيفتح اسمه World of Disney store السنة الماضية كنت هناك في شهر نوفمبر (موسم الكريسمس) وقضيت أحلى 5 أيام وان شالله لو عندي فرصة برجع اروح هالسنة بعد.. ثانكس فيصل عالموضوع وكل عام وديزني بخير..
[ أبريل 30, 2012, 11:56 PM: تم تحرير المشاركه من قبل: howtodeal ]
مرسلة من [المــلــك اتـــحــداك ] (رقم العضويه 87305) on :
انا رحت ديزني هونغ كونغ للامانه رائعه متميزه بس خيبت ظني حيل صغيره وكانت للاطفال اكثر زيارتي لها كانت هم بمرور 5 سنوات على تدشينها وكانوا كاتبين انهم بيوسعونها ديزني باريس زرتها لما كان عمري 8 سنين ابي اروحها هالعام !!
مرسلة من [Basel] (رقم العضويه 83164) on :
ديزني كاليفورنيا روووووووووووووووووووووووووووووعة
رحتها السنة اللي فاتت
مش بعيدة عني كانت 5 ساعات سواقة
شكلي حروح هالسنة كمان مرة مرسلة من [Azooz ] (رقم العضويه 2399) on :
رحت دزني باريس الصيف الماضي صراحه حلوه مش بطاله بس انا اكره الزحمه ساعه لين تقص تكت للعبه وساعه عشان تصف طابور عشان تلعب ( دقيقتين اللعبه تقريبا ) شي يقرف
والالعاب الي بلاش حليوه بس حلاتها قروب معاك بتستمتع اكثر
ودزني امريكا رحت لها وانا عمري 12 سنه واهلي راحو دزني هونكونج يقلون احلي من باريس مع اني ما اثق بذوق امي ابدا اكيد انها صغيره ومحفوفه
[ مايو 04, 2012, 10:56 AM: تم تحرير المشاركه من قبل: [Azooz ] ]
مرسلة من howtodeal (رقم العضويه 10339) on :
بيسو..
يله روح روح.. لو انا ديزني بعيده عني خمس ساعات سواقة كنت رحت كل ويك اند صورلنا صور وحط الصور لو قررت تروح..
عزوز..
الألعاب كلها ببلاش.. بس تدفع تذكرة دخول للحديقة.. يمكن انت قصدك الfast pass ؟؟ بس فكرة الفاست باس انك تاخذ تذكرة وتقولك عن توقيت معين ترجع فيه لللعبة بدون ما توقف في الكيو.. بس نصيحة لا تروح وقت الزحمة.. انا لما أروح دايما أروح في نوفمبر.. لانه عروض الكريسمس تكون شغالة وبنفس الوقت اليهال تكون عندهم مدارس.. فالحديقة تكون فاضية دايما... فيها زحمة بس خفيفة
مرسلة من [Azooz ] (رقم العضويه 2399) on :
رد مقتبس:المرسل الأصلي هو howtodeal:
عزوز..
الألعاب كلها ببلاش.. بس تدفع تذكرة دخول للحديقة.. يمكن انت قصدك الfast pass ؟؟ بس فكرة الفاست باس انك تاخذ تذكرة وتقولك عن توقيت معين ترجع فيه لللعبة بدون ما توقف في الكيو.. بس نصيحة لا تروح وقت الزحمة.. انا لما أروح دايما أروح في نوفمبر.. لانه عروض الكريسمس تكون شغالة وبنفس الوقت اليهال تكون عندهم مدارس.. فالحديقة تكون فاضية دايما... فيها زحمة بس خفيفة
ماجد تصدق انا اروح فرنسا مرتين الي ثلاث مرات بالسنه وعندنا بيت في فرنسا بس دزني لاند ماجيتها الامرتين في حياتي غير تكت الدخول الحديقه في اللعاب بالمجان وفي اللعاب تكت بفلوس بكل دزني لاند العالم وبالنسبه للوقت انا باريس بعيده عن البلد الي عايش فيها انا في ديفون قريه صغيره فرنسيه علي حدود جنيف 17 كيلو
باريس بالقطار تقريبا 6 ساعات فمو مستاهله اني اضرب مشوار عشان دزني لول مع اني من عشاق باريس ولازم ازورها كل ماسفرت بس دزني لاند اذا ماخنتني الذاكره رحت لها مرتين بس واتوقع المره الثالثه بتكون بعد 10 سنين او اذا كان معاي ضيف او صديق لان الصيف الي راح رحت لها عشان اودي عيال خالي اول مره يزرون باريس وكنت مرشدهم السياحي ولا ماكنت ناوي اروح مرسلة من howtodeal (رقم العضويه 10339) on :
يا سلام عزوز.. من اسم المدينة حسيت انه اعصابي ارتاحت.. ديفووووون فعلا هالمناطق وايد ناس يعتبرونها أحلى من باريس.. لما كنت اخذ دروس فرنسي كانت المدرسة تستغرب لما أقولها اني ما أروح الا باريس وتقولي اوكي باريس حلوة بس غلط انك ما تروح الأماكن الثانية بفرنسا..
رد مقتبس: في اللعاب بالمجان وفي اللعاب تكت بفلوس بكل دزني لاند العالم
عزوز يمكن انت ملخبط بينها وبين حديقة ثانية.. أقولك انا شغلتي اتابع أخبار ديزني وحافظها زنقة زنقة تدفع تذكرة للدخول وتلعب على كيف كيفك ببلاش.. الفلوس يطلعونها من المطاعم والمحلات والفنادق وتذاكر الدخول طبعا.. بس المطاعم وايد غالية أذكر مره تريقت ب33 يورو
مرسلة من M.I.N.I.S.T.E.R. O.F. E.V.I.L (رقم العضويه 89162) on :
^ ^
المطاعم بأوروبا نار نار نااار
فيس يتذكر وجبه ماكدونالدز ب 25 يورو مرسلة من [Basel] (رقم العضويه 83164) on :
ماجد في عندي صور عالفيس بوك ,,
أنا رحتها ويكيند قعدت 3 ايام، اخر يوم صراحة مليت،،
ما بتستهويني أنا عادة هالاشياء، حروحها هالسنة عشان صحابي بدهم يروحوا،
فيغاس او نيويورك او رينو بيستهووني اكتر من ديزني لول
مرسلة من [Azooz ] (رقم العضويه 2399) on :
ماجد علي فكره الريف الفرنسي والسويسري جنه يعني جنه بكل ماتحمل هالكلمه من معني ومشكلت الخليجين الي يصيفون ب ارووبا عندهم لندن وباريس وجنيف هي الكشخه لول مارحو ل لقانو بورن لوزانو اوزيان ايفيان كارميير ان نسي وغيرها من المدن الفرنسيه والسويسريه لو يرحون لها صدقني بيحطون لندن الخايسه ( اكسفورد وهارتز ) العالم كلهم في هالمكانيين لول وباريس وجنيف حق ترزز وتكشخ وشوفني جالسين في كوفي ميلان بجنيف ولا كوفي لافوكيت في باريس الخليجيين كلهم نفس العقليه يروحون باريس شهر تقوله وين رحت غير باريس يقولك بس باريس خخخخخ وان غير جو وتمشي راح بالقطار جنيف (ديرة الشيبان والكئابه )
وعلي سيرة ديفوون البلد شي لايوصف قريه صغيره اغلب سكانها الدبلوماسيين حقين الامم المتحده وبيت عزوز احلام لول طبعا احنا ساكنين فيها من 20 سنه قبل لا يجي اي خليجي فيها وجنبها قريه اصغر منهااسمها ديجون ( اهل خردل ديجون ) فيها موظفين السفارات قريبه من جنيف تقريبا 12 دقيقه وانت عند بحيره جنيف بنص البلد وقريه هاديه صغيره وفيها بيت محمد عبده توه شاريه الصيف الي راح كنت اشوف عياله بالبقاله بقريتنا لول
بس الحين مشاء الله دلوها السعوديين والكويتين صارو اكثر من اهل البلد ( اهل البلد تقريبا 5000 نسمه ) وابد كلن شاري سياره اخر موديل ويتمشي ويقزرها تفرفر بكل الديره سبحان الله مايخلون طبعهم هالخليجين عندنا ولا عندهم تصدق جا علي بالي افتح موضوع عن فرنسا قلوب قلوب واتغزل فيها قال لندن قال وع
وعشان لانطلع بره الموضوع لا دزني فيها اللاعب بفلوس وتاكد صحيح انت فانز دزني متعصب بس انا متاكد اني لعبت بفلوس وماكنت خارج الخدمه ابدا لول ووقفت طابور ودخلت لعبه حقت باز يطير جلست ادور دقيقتين داخل قبه ونزلوني ماسويت علي هالساعه ونص بين طابور قص تكت وطابور انتضر دوري باللعبه
وطانكس
مرسلة من howtodeal (رقم العضويه 10339) on :
وسيم..
لو تشوف اللي طلبته بس.. بان كيك و كولا.. والصدمة 30 يورو كنت مجهز 15 يورو وانطر يرجعولي الباقي
باسل..
فيغاس و نيويورك روووعة... نيويورك من زمان ودي أروحها بس بعيييدة فيغاس أخوي عاش فيها 3 شهور و لين الحين يقول انها من أحلى المدن اللي زارها في حياته.. الحين يتمنى لو تطلعله فرصة ثانية يرجع فيها لفيغاس لمدة طويلة.. على فكرة بعد فيغاس راح شهرين الاسكا وكره حياته من الملل اللي فيها بس شو سالفة رينو؟؟ شو فيها؟؟ وللأسف ما عندي فيس بوك شكلي بفتح موضوع عن الحديقة وبطلب من الكل انهم يحطون صورهم..
عزوز..
رد مقتبس: جنه يعني جنه بكل ماتحمل هالكلمه من معني
ايه والله.. شفت صور على الجوجل وفعلا حبيت المناظر.. تفتح النفس ..
رد مقتبس: وباريس وجنيف حق ترزز وتكشخ وشوفني جالسين في كوفي ميلان بجنيف ولا كوفي لافوكيت في باريس
لا تذكرني.. أكيد أرحم بوايد من اللي لابسين قمصان سبونج بوب بس أحيانا أشكالهم مبالغ فيها
رد مقتبس: تصدق جا علي بالي افتح موضوع عن فرنسا قلوب قلوب واتغزل فيها
يسسسس افتح الموضوع لو سمحت وحطلنا صور بيتكم .. حمستني أشوف المكان.. وبالنسبة لديزني اتفقنا على ان لا نتفق على قولة الاجانب
مرسلة من T a L a L (رقم العضويه 381) on :
ديزني باريس و كالفورنيا ما يجون شي عند ديزني اورلاندو..
ديزني اورلاندو احتجت اسبوع كامل الين خلصتها بجد كاااانت تجربة رااااااائعة ..
مرسلة من [Basel] (رقم العضويه 83164) on :
ماجد رينو هي فيغاس مصغرة وعلى حدود كاليفورنيا ونيفادا
زي فيغاس بالضبط،، بس اهل كاليفورنيا (احم) بيحبوها عشانها قريبة لول
بس فيغاس شي تاني، خياااااال
ألاسكا وييييييع، ليلهم خمس ساعات بس والباقي كله نهار 19 ساعة , طبعا غير البرد القارص اللي ينهش عظامك خخخخخخخ
تركي: أنا صراحة ما رحت على اورلاندو بس اغلب الناس بيقولو انه ديزني كاليفورنيا غيييير عشانها اول ديزني تنبنى يمكن
مرسلة من Survivor-ish (رقم العضويه 43438) on :
رحت مالت أورلاندو شي خيااااالي متعة مابعدها متعة وعلى فكرة طريقة الألعاب تاخذ تكت وحده حق كل شي بس التكت أنواع أنا خذيت نفس الـvip اللي ماتوقف طابور يدخلونك على طول عن طريق الكواليس جنك سلبرتي خخخ ونفس الشي يونيفرسل ستيديوز نفس طريقة التكت بس يونيفرسل ستيديوز أحلى من ديزني لاند بوايد كل شي فيها حلو وترا مايكفى يوم واحد عشان تلعبون كل الألعاب يبيلهم جم يوم وبعد في ووتر وولرد حلوة بعد والعروض اللي فيها نااار وكلهم بأورلاندو وصج بيونيفرسل كانت بيتي بوب تتمشي مع البودي قارد مالها خخخ رحت أسولف معاها وسبتني الجلبه عايشة شخصية بيتي بوب صج وفي ديزني لاند صورت ويا سندريلا خخخ كانت حلوة مرسلة من يجيلك يوم (رقم العضويه 122) on :
![[heartpump]](graemlins/heartpump.gif)
![[eyelove]](graemlins/eyelove.gif)
![[Big Grin]](biggrin.gif)
وبصراحة فاق توقعاتي..![[super]](graemlins/super.gif)
![[rofl]](graemlins/rofl.gif)
![[help]](graemlins/help.gif)
ولا ماكنت ناوي اروح ![[worried]](graemlins/worried.gif)
![[Razz]](tongue.gif)
تدفع تذكرة للدخول وتلعب على كيف![[Confused]](confused.gif)
![[Frown]](frown.gif)
![[thinking]](graemlins/thinking.gif)
![[crying]](graemlins/crying.gif)
![[nut]](graemlins/nut.gif)
