طبعا انا مب غريب و اعرف الديره عدل و اسوق من غير لا اضيع " انا ما صدقت نفسي بصراحه "
ممكن تصفون لي اخر الأشياء الفاتحه في الكويت من مطاعم و مجمعات و اماكن حلوه تنشاف
مع اني متاكد اغلبيتهم رايح لهم بس لا مانع من المحاوله
علما انه زيارتي راح تكون لمدة يومين 15-17 من نوفمبر 2012 و مبدأيا ما حجزت فندق بس محتار بين الشيراتون او ميسوني يا ريت تقولولي ايهم احسن و اقرب لكل شىء انا اعرف مكان ميسوني بس الشيراتون ما عمري شفته بالكويت او يمكن شفته بس ما اذكر
تفضلووووووواااااااا
[ نوفمبر 18, 2012, 09:24 AM: تم تحرير المشاركه من قبل: يجيلك يوم ]
مرسلة من ::Modmenat Diana:: (رقم العضويه 88536) on :
مرحبا الساع وحياك في الكويت بتنورنا اكيد وماشاءالله اماراتين كل ويك اند اشوفهم قبل كل ويك اند سعودين اخر اماكن مفتوحه هي grand Avenues بالافنيوز روح شوفه وقولي شرايك للحين مارحت وفي ببرج الحمرا فاتحين سينما يديده ويقولون حلوه وفي مجمع اولمبياد بعد قريب من ميسوني مارحتله انت روحله اما الفنادق مادري ميسوني هذا جدام جامعتنا وفي ميسوني وسيفوني لوول دشيتهم فره سريعه وشيراتون من زمان مامريته بس اكيد حلوو
[ نوفمبر 13, 2012, 09:38 AM: تم تحرير المشاركه من قبل: ::Modmenat Diana:: ]
مرسلة من يجيلك يوم (رقم العضويه 122) on :
واو صراحه وايد فدتيني ادري جراند افنيوز فاتح! و بالفنادق ما قلتي شي مفيد ؟
نكستتتتتت
مرسلة من ::Modmenat Diana:: (رقم العضويه 88536) on :
اي شنو تبي بعد ينفتح؟ هذا اللي مفتوح مؤخرا واسال غيري قلت مااعرف وانا عبترك لان يمكن محد يعبرك
مرسلة من يجيلك يوم (رقم العضويه 122) on :
لا حبيبي بيعبروني اصدقائي في الكويت ما يقصرون فيني
ما حطيتي ولا اسم مطعم شكو ما تاكلين انتي؟ صراحه ياي حق البلعه
مرسلة من ::Modmenat Diana:: (رقم العضويه 88536) on :
دام جذي ليش تسألنا وتصدق خليتني افكر لوول برمضان كنت اكل وايد بس اللحين مع الجامعه مااكل وايد مااتريق نادراً بس اخذ من ستاربكس وغداء بالبيت وبعدين ادرس وبليل عشاي خفيف ومرات لمن عندي دوام لي بليل اروح اتغدا اب chillies وفي مطاعم حلوه واخر مطعم اكلت فيه Nino بالافنيوز كان حلووو وذكرني بدبي امارات موول في مطعم حق باستا وبيتزا اول مادش المول من صوب الفندق حبيته
مرسلة من يجيلك يوم (رقم العضويه 122) on :
من صدقج نينو ماكله بلأفنيوز؟
يبيلج طق
كل المطاعم اللي مسطره بلأفنيوز و نينو؟
اطلعي من موضوعي من غير مطرود
نينو؟
وين راحوا نابكيت؟ ايليفيشن برجر ؟ مليون مطعم ونينو يالظالمه؟
مرسلة من ::Modmenat Diana:: (رقم العضويه 88536) on :
والله والله مو انا اللي اخترته كنت طالعه مع البنات ووحده منهم تحبه وهيا حجزت مناك ورحنا وماكان مو زين حلووو
مرسلة من Fisaal (رقم العضويه 31) on :
حياك الله يجيلك يوووم
الجو روووعه حاليا بالكويت بخصوص الفندق فندق ميسوني افضل الانه يطل بشكل مباشر على البحر والفندق جديد وراقي ومن الفنادق القليله الموجودة بالعالم من نوع ارماني
فندق الشيراتون بالعاصمه وقبال الفندق مشروع وازعاج ماانصحك.
بخصوص الاماكن الجديدة برج الحمرا رووووعه معظم المحلات افتحت وفي باقه كبيره من المطاعم والمقاهي الحلوه
وبالليل عندك مطاعم شارع التعاون اللي بالبدع عند فندق موفمبيك البدع بس علشان الجو القعده برا غير
وحياك
[ نوفمبر 13, 2012, 12:55 PM: تم تحرير المشاركه من قبل: Fisaal ]
مرسلة من ::Modmenat Diana:: (رقم العضويه 88536) on :
ماقال فيصل شيء زود الا شغلتين مادري شغله كاه
مرسلة من Fisaal (رقم العضويه 31) on :
^^^^^^
[ نوفمبر 13, 2012, 01:12 PM: تم تحرير المشاركه من قبل: Fisaal ]
مرسلة من يجيلك يوم (رقم العضويه 122) on :
الف الف شكر يا فيصل ما قصرت
انا مصر اني اسكن في الشيراتون لانه عندي برنامج الـ spg
توني اكلم بنت عمتي تقول ويع من صجك بتسكن في الشيراتون هذا بالديره و وسط الخرابات اسكن بميسوني ابرك لك و عزموني عالغدا يوم الجمعه خخخخخخخ يحليلهم و الله لول
تعلمي يا فير هذي النصايح المفيده
مرسلة من ::Modmenat Diana:: (رقم العضويه 88536) on :
عشتو ترى لمن قريت كلام فيصل تذكرت الشيراتون صج ازعاج انا وين والدنيا وين مالي فاضيه
مرسلة من يجيلك يوم (رقم العضويه 122) on :
انتي شكلج ساكنه بالمهبوووله
مرسلة من ::Modmenat Diana:: (رقم العضويه 88536) on :
هههههههههه لا حرام عليك هذي وين لوول مناطق البعيده اللي مهبوله وام الهيمان والمناطق العاشره ولا مره رحت لهم
مرسلة من يجيلك يوم (رقم العضويه 122) on :
خخخخخخخخخخخخخخخخخخخ
مرسلة من بعطوش’ (رقم العضويه 75) on :
سلم على razan007 لو شفتها او كلمتها و رحلة موفقة ان شاء الله
مرسلة من AbdulAziz™ (رقم العضويه 2399) on :
واو ياحلو الكويت توسع الصدر واهلها خدومين حييل ويسون فيك يادهينه لاتنكتين بالنسبه للفنادق انصحك في ميسوني حيل حلو ومودرن وقريب من السالميه والشيراتون فندق احلام المفضل لول بنص الديره وزحمه واقدم من ميسوني وكلاسيك اكثر بس المطاعم الي فيه حيل حيل حلوه لاكن انت وذوقك لو تبي شي موردن ميسوني ولو تبي كلاسيك وفخامه الشيراتون ولو انا بختار ميسوني صراحه
وعلي سيرة الاكل
عبود انصحك في مطعم ايطالي بصفة المطاعم عند دوار البدع اسمه melenzane جنب رشا شيك
عموما السلاطتز عندهم مو لهناك اطلب المشروم ذي مع اني مو وايد مع المشروم وانا طلب رفايولي شي خطير حتي اذكر الشباب وصاحبة العزيمه عجبهم طبقي وكلو منه لول
بس يومين ماتسوي صراحه حلاتها خمس ايام
[ نوفمبر 14, 2012, 09:46 AM: تم تحرير المشاركه من قبل: AbdulAziz™ ]
مرسلة من يجيلك يوم (رقم العضويه 122) on :
ادري فيهم بداح ما يقصر هنااااااااااااك فديت خشمه! تصدق هالمطعم ما رحت له ولا مره بس قبل سنه رحنا سنور ساسي و عجبني و بعدين رحت له فلندن و بعد كان حلو بس انا ما يعيبني وايد الأيطالي اموت عالياباني و الصيني!
مرسلة من يجيلك يوم (رقم العضويه 122) on :
بعطوش انشالله يوصل
مرسلة من AbdulAziz™ (رقم العضويه 2399) on :
انا زيك اعشق الصيني واليباني وبعدهم المكسيكي بس حيل حلو المطعم لازم تجربه حيل حيل عجبني وخدمته تجنن
مرسلة من يجيلك يوم (رقم العضويه 122) on :
خلاص لا جيت دبي اعزمك على مطعم مكسيكي فظيعععع فيه اثنين منه واحد فنيو يورك وواحد فدبي و الياباني و الصيني هم فيه مطاعم فظيعه هني!
فيه ياباني في الكويت اسمه تاتامي عدال الوكالات الهمر و هذيلا الشيف فيه كويتيه دانا التورا انسانه وايد شاطره! السوشي مالها عجييييب
مرسلة من يجيلك يوم (رقم العضويه 122) on :
تاتامي
مرسلة من الشـقـردي (رقم العضويه 16752) on :
حياك الله ونبي تقرير عن زيارتك للكويت
مرسلة من يجيلك يوم (رقم العضويه 122) on :
صباح الخير
تقرير زيارتي للكويت
وصلت طبعا الساعه 9 و نص الصبح اجرت سياره من المطار بس قهرني انه ما في جي بي ار اس فالمطار لاني حتى لو كنت ادل في الكويت بس احتاجه يعني
وصلت الفندق سويت Check-in و نمت لمدة ساعه و نص يمكن بعدها التقيت مع بداح و صديقنا و بدت رحلة الأكل رحنا مجمع 360 و تغديت في لادوريه بعدين حلينا لايف ويذ كاوكاو بعدين تمشينا شوي و رحنا شيشة البقر قعدنا شوي و ثما ردينا لفندق شوي ريحنا و قعدنا شفنا تي في و اخر شي رحنا تعشينا في ubon مطعم تايلندي فظيع بالديره!
ثاني يوم رحت اتريقت في Early Bird مع رفيجي بالجابريه حيل عجبني المكان صغير و الريوق مالها لذيذ للي يحب الـAmerican Breakfast بعدين رحت خلصت كم مشوار و تغديت بيت عمتي في جابر العلي و استانست لانه صارلي فتره طويله حيل ما شفتهم لول
بعدين رحت سويت مساج في مكان اسمه Ten Spa وايد عيبني راقي جدا المكان! بعد الأسترخاء رجعت الفندق و ريحت شوي بعدين قررت اني ما اطلع لاني كنت ناش من الصبح شفت ذا فويس و طلبت من مطعم The Kitchenوتعشيت
المهم الحلو اني لما كنت قاعد بالفندق فتحت الأيباد مالي و طلعت محلات تسوي حلو كانوا موصيني اجربهم مثل Brownies Delight & swiss Le Gourmet طلبت من عندهم ووصلولي اياه لين الفندق الموضوع جدا سهل
ثالث اليوم و هو الاخير صحيت الصبح و رحت الأفنيوز و تغديت في Pei Wei عجبني بس مو وايد it was alright لول و تسوقت وايد من الـGrand Ave حيل عجبني!
و المحلات اللي عجبتني وايد و تسوقت منهم
COS H & M Harvey Nichols
خلصت و رجعت الفندق هناك ربعي كانوا دازين لي اغراض بقصم كويتي و قرص عقيلي من الوطن و رحت الفندق و خلصت رحلة الكويت
اي نسيت اقول قعدت بالشيراتون اللي عالدوار الفندق قدين حيل لكن السيرفس فيه فوق الرائع
جدا استانست صراحه و سوولي Free Upgrade لانه عندي كرت SPG على فكره المطاعم اللي بالشيراتون روووعه و كلهم فاتحين في الأفنيوز !
بس خلصت
مرسلة من ::Modmenat Diana:: (رقم العضويه 88536) on :
اليوم وانا يايه الجامعه طريت ع بالي قعدت اقول لنفسي شصار عليه الحمدالله ع سلامتك وحلوو انك استانست ورحت وبلعت بكل مكان وان شاءالله تكرر الزيارات
مرسلة من يجيلك يوم (رقم العضويه 122) on :
اسكتي عني طول ما انا اسوق يحطون اغاني ديانا كلها القديمه و اليديده لدرجت اني قلت ما تنلام تحبها من كثر ما يحطونها فالراديو خخخخخخخخخ
مرسلة من ::Modmenat Diana:: (رقم العضويه 88536) on :
اهم شيء تذكرتني + هههههههههههههه عاد اهني عندنا مو وايد بس سمعت ساكن لوول
مرسلة من طبيعي (رقم العضويه 11956) on :
زين انك استانست بالكويت ماتخيل اسافر ديرة مافي نايت لايف خخخخ المهم بداح ماقصر كنت ياي ركض بقولك عن مطعم باكينيج تراي بس خلصت رحلتك
مرسلة من يجيلك يوم (رقم العضويه 122) on :
وي مالت علي نسيت اروح هالمره
كل مره اروح ايب كوكيز مالها يجنن!!!! اشتري بوكسات و اشلهم معاي وايد قهر !!
المره اليايه اكيد!
مرسلة من طبيعي (رقم العضويه 11956) on :
صج المره اليايه عزيمة هالمطعم علي بليز
على طاري هالموضوع صدمني حلاوة بانكوك شنو هذا؟ انبهرت وانصعقت ولايطوفك في كلوب مسوي ايفانت وسهرت على سهرة ومصوريني وحاط صورتي بموقعهم كااااااااااك فضيحة تايم
بس جد جد عبود بانكوك غيرت فكرتي وايد عنها اصلا المرة الياية مابي لالندن ولا دبي الحين القلب بانكوكي
رحت نايت لايف ماذكرني الا اب نايت لايف دبي الفاخر القوي الي مافي منه بلندن بس شنو الفرق؟ السعر ولاشي عن دبي
مجمعات ماصارت سنتر ورلد وسيام براجون شي شي خطير
باستثناء الي يطبخون بالشوارع العربانات والا الديرة مافيه شي كلش وانا ساكن بمكان كلا انجليز واجانب وونااااسة
رحت فندق ليبيا ات دوما ياسلااااااااام
مرسلة من AbdulAziz™ (رقم العضويه 2399) on :
واو عبوط حمد الله علي السلامه وبديح مايقصر تشوفه شلون صار لووول الله يرحم بس مرسلة من Fisaal (رقم العضويه 31) on :
الحمدالله على السلامه
اول شي شرايك بالجو بالكويت؟؟؟؟ وشلون انطباعك عن فندق الشيراتون ؟؟؟ وعلى اي خطوط سافرت
![[bgrlaugh]](graemlins/bgrlaugh.gif)
![[battingeyelashes]](graemlins/battingeyelashes.gif)
![[nut]](graemlins/nut.gif)
![[rofl]](graemlins/rofl.gif)
"![[Razz]](tongue.gif)
بس لا مانع من المحاوله ![[Big Grin]](biggrin.gif)
![[girlie]](graemlins/girlie.gif)
![[Frown]](frown.gif)
امارات موول ![[heartpump]](graemlins/heartpump.gif)
![[gibe]](graemlins/gibe.gif)
![[Smile]](smile.gif)
![[Mad]](mad.gif)
![[crazy]](graemlins/crazy.gif)
قعدنا شوي و ثما ردينا لفندق شوي ريحنا و قعدنا شفنا تي في و اخر شي رحنا تعشينا في ubon مطعم تايلندي فظيع بالديره!