آخر مرة نزلت فيها الكويت كانت في التسعينات و كانت رحلة زيارة لمعارف بحتة ما قمنا باي نوع من السياحة ...
و اليوم ان شاء الله بكون في الكويت عندنا زيارة خطافية لمصممة أزياء بس بنفس الوقت حاب اشوف معالم مهمة فالكويت من تاريخ من تراث من ثقافة الي عنده معلومات عن اهم الاماكن السياحية فالكويت او شغلات لازم اسويها اذا زرت الكويت ..
مطاعم لازم أتعشى أو أتغدا فيها ؟ منتج مب موجود الا في الكويت ؟ الاسواق التراثية و الشعبية اساميها و اماكنها ؟ مسرحيات او فعاليات اماكنها و اوقاتها؟ سهرات عائلية ؟ أهم مول و أكبر مول فالكويت من بعد الافنيوز ؟ أفخم فندق ما عاد اني حجزت في جميرا خلاص بس حاب اعرف اذا لي نية فالمرة الياية ؟ مكان أقدر اشتري منه منوعات سامرية كويتية لا تفهموني غلط ما في ين في راسي ؟ وعندي سؤال مهم هل بيكون شكلي غلط انا في الغترة الاماراتية اقصد في طريقة العمامة ما أحب أكون ملفت للنظر في الاماكن العامة أو اني اكتفي بالكاب ؟
[ يوليو 02, 2013, 10:50 AM: تم تحرير المشاركه من قبل: ROO7 DISNEY ]
مرسلة من بعطوش’ (رقم العضويه 75) on :
اكيد الاعضاء الكويتيين ما يقصروا معاك .. لو بالامكان نزل لنا صور بعدين عن رحلتك, و بالتـــــــــوفيق.
مرسلة من يجيلك يوم (رقم العضويه 122) on :
انا عضو اماراتي بس اكيد ممكن اساعد
شوف يا حبيبي الأماكن التراثيه انصحك تزور سوق المباركية و لو انه الجو شوي حار بس لا تضيع الفرصة!
و اذا بغيت اي شي ثاني ما يردك الا لسانك! Life with Cacao
مرسلة من ROO7 DISNEY (رقم العضويه 88565) on :
انا اوردي حاجز في المسيله حبيت اختياراتك و اكيد لي تجربة معاهم و حبيت اعرف شغلات تراثية مثل سوق المباركية لين متى يفتح ؟
مرسلة من يجيلك يوم (رقم العضويه 122) on :
اللي اعرفه انه لين فالليل
الأفنيوز وايد بس حلو بس بعد يعيبني 360, وايد حلو!
مرسلة من ROO7 DISNEY (رقم العضويه 88565) on :
شو عن اهم الشوارع ؟ و وشو عن البحر ؟ و اهم المتاحف ؟ اسئلتي وايد بس ودي اكتشف الكويت السياحية
مرسلة من يجيلك يوم (رقم العضويه 122) on :
اهم شارع هو شارع الخليج العربي و اهناك يستوي كل القز و الناس تلف بسيايرها البحر لا تضيع وقتها و اسبح في حوض المسيله روعه سوينا تان بعد هاها + فيه بحر فالمسيله
المتاحف فحياتي ما سرت متحف في الكويت بس اخر مره كان خاطري اسير بيت القرين احس حلو تشوف المكان ( اذا شفت ساهر الليل)
مرسلة من طبيـ[ع]ـي (رقم العضويه 11956) on :
كل الشكر ليجيلك day على المساعدة
لاني ماعرف بالكويت غير بيتنا
مرسلة من يجيلك يوم (رقم العضويه 122) on :
خبرتك بريطانيه ادريبك بالكويت ما تدل غير فحيحيل و خيطان
مرسلة من طبيـ[ع]ـي (رقم العضويه 11956) on :
فحيحيل وخيطان !!! نسيت شكل الكوت وخيطان مادشيته الا يوم ادور صعيدي حق مخيم الخراب
مرسلة من يجيلك يوم (رقم العضويه 122) on :
ما اصدق نسينا ما كلينا؟
مرسلة من ROO7 DISNEY (رقم العضويه 88565) on :
يعطيك العافية ولد بلادي انا احب التراث و خاصة تراث الكويت ودي اغوص في أسراره و اعرف أكثر عنه
يلا بسير و بخبركم عن الأماكن الي سرت لها بإذن الله و الي عنده معلومات يضيفها بكون سعيد
مرسلة من طبيـ[ع]ـي (رقم العضويه 11956) on :
اذا تحب التراث تعال شوف شاليهنا ببنيدر ههههههههههه اقدم شاليه ستايل بيوت شاليهات فلم الجمعة 13، من كثر ماهو قديم امي واختي مايروحون هههههههه بعدها انا واخوي حرمنا ههه اخر شي صفى حق الشياب المخرفين
[ يوليو 02, 2013, 03:07 PM: تم تحرير المشاركه من قبل: طبيـ[ع]ـي ]
مرسلة من ROO7 DISNEY (رقم العضويه 88565) on :
^
ههههههههههه لا انا حالف هالمرة ما ادش بيوت كل مرة أروح فيها الكويت يا عزا يا عرس ابغي أشوف الكويت سياحيا أبا ادش مسرحيات أي شئ يخص الكويت ادري مب موسم بس خاطري اخطف على اهم المعالم مثل ما سويت بعمان و البحرين و قطر
مرسلة من Fisaal (رقم العضويه 31) on :
اتمنى ان تكون الصور معبره اكثر من الكلام
حياكم الله في بلدكم الكويت
مرسلة من Fisaal (رقم العضويه 31) on :
بخصوص الفنادق احدث فندق افتتح من شهرين تقريبا هو فندق الجميرا روووعه بس هو في منطقة المسيله بعيد شوي عن العاصمه
وفندق كورت يارد ماريوت رووووعه وفندق رايسون بلو جديد وفندق الريجنسي 5 نجوم جديد وفندق كوستا ديسول
بخصوص المولات بالكويت
الافنيوز ثاني اكبر مجمع بعد دبي مول خصوصا جراند افنيو وبرستيج روووووعه
مول 360 روووعه الحمرا مول بالعاصمه وهو الاحدث وبنفس برج الحمرا اعلى مبنى بالكويت 412 متر
مارينا مول سوق شرق (قديم بس مميز)
مرسلة من Fisaal (رقم العضويه 31) on :
مرسلة من ROO7 DISNEY (رقم العضويه 88565) on :
Wow تقرير وافي عن مدينة الكويت حبيت الافنيوز و قعدت هناك يوم كامل انا وهلي صح موجودة في دبي بس الجو يخليك تشتري غصب ' زرت سوق المباركية و ركزت عالشغلات الكويتية و بنفس اليوم نزلت في الكوت مول نشوف النافورة الراقصة لول
واليوم ع 360 مول و برج التحرير و شارع الخليج و يوم السبت راجع ع الامارات إذا في مقترحات أفيدوني ... شئ ثاني شعب الكويت وايد كلاس و كل شوي ناس ترحب فينا و يقولون لنا يا حلوكم و يا حلو الامارات حبيتكم يا هل الكويت من المطار و الترحيب ما موقف مجرد يعرفون انه من الامارات على راسي و الله نحبكم
مرسلة من Fisaal (رقم العضويه 31) on :
^^^^^^^
الحمدالله على السلامة ونورت الكويت ومشاء الله اخوانا الاماراتين عددهم كبير بالكويت
بخصوص الاقتراح انك تزور الحمرا مووول في برج حمرا بالعاصمه صراحه اكثر من روووعه وفخم جدا
واذا تحب الجو العائلي والمطاعم اللبنانيه روح مطعم ميس الغانم على البحر مقابل ابراج الكويت وبجانب السفاره البريطانيه
هذا برج الحمرا
واتمنى تعطينا انطباعك عن البلد والاماكن اللي زرتها خصوصا الافنيوز والسوق القديم اللي فيه وخصوصا المطاعم الكويتيه
[ يوليو 06, 2013, 08:34 AM: تم تحرير المشاركه من قبل: Fisaal ]
مرسلة من ROO7 DISNEY (رقم العضويه 88565) on :
حبيت برج الحمرا راقي و ناسبنا حتى المحلات الي فيه حلوة .. أهلي وايد استانسوا عليه و حتى السينما الي فيه هي شراتها الي متعودين عليها. في الامارات سينما جراند ... و زعلت على أبراج الكويت لقيناها مسكرة للصيانة ..
كل شي إيجابي هل الكويت مضيافين و ما قصروا معانا و الله و النعم فيك حبيت الشعب أكثر من أي شي الإعلام الكويتي و المسلسلات ظالمينكم الي ما حبيته فالكويت التدخين مسموح في كل مكان و بقعة المولات المطاعم و السينما و لوبي الفندق هالشي ضايجني و المطار خدماته شوي يحتاي لها تطوير و الأماكن الي تعبر عن تراث الكويت قليلة و محتاجة اهتمام لأني انا اليوم جيت أشوف تاريخ و حضارة لأني احب المتاحف و الأماكن الي تعبر عن التاريخ و الفن و عدا ذلك الكويت تستحق الزيارة و تطورت وايد عن التسعينات حبيتها و لي زيارة ثانية أن شاء الله
مرسلة من ROO7 DISNEY (رقم العضويه 88565) on :
عروس الخليج عن جد بتوحشني الكويت الحين فطريج المطار ... اشكر المصممة نجاة على الضيافة و الله كلج ذوق ع فكرة هي مشاركة معانا في السالمية استضافتنا في بيتها و ما رضت إلا بالزور أنها ترخصنا و نرد الفندق شعب ذوق و محترم و يحب الامارات مرسلة من يجيلك يوم (رقم العضويه 122) on :
ما قلتلنا اي مطاعم سرت وشو عيبك ؟
مرسلة من ROO7 DISNEY (رقم العضويه 88565) on :
سرت مطعم اوليف جاردن في الافنيوز و كافيه بزه و مطعم لبناني ما اعرف اسمه بس مشهور ههه و مطعم تركي في الافنيوز اسمه شين شوك اسمه غلج وايد و فريج صويلح حبيته و جوكليت فاكتوري و المطعم الهندي الي في 360 .. و طعم ايطالي في الحمرا بعدها حلينا ايس كريم في كافيه هناك
مرسلة من الشـقـردي (رقم العضويه 16752) on :
ألحمدالله على السلامه نورتو الكويت على اي طيران كانت الرحله
مرسلة من يجيلك يوم (رقم العضويه 122) on :
واللسته اللي فوق كاتبنها حق منوووووه انا خبرني حق منوووه :@:@:@:@
مرسلة من ROO7 DISNEY (رقم العضويه 88565) on :
الله يسلمك حبيبي الشقردي أكيد على طيران الامارات في دبي ..
يجيلك يوم
المشكلة مب بروحي ويا هلي و أغلبهم ما يحبون التجارب اليديدة و نباتيين لا لحم و لا دياي و لا عيشة غير السمج و أكيد ما قصرت فدتني وايد فديت خشمك لول
مرسلة من .. H a n i .. (رقم العضويه 89461) on :
رد مقتبس: شئ ثاني شعب الكويت وايد كلاس
حبيت الشعب أكثر من أي شي
شعب ذوق و محترم
اكثر شي محمسني ع الكويت هو شعبها ودي اروح عشان اشوف الشعب هناك
وبالعكس الاعلام مو ظالمهم ، لبى اهل الكويت
مرسلة من ROO7 DISNEY (رقم العضويه 88565) on :
رد مقتبس: وبالعكس الاعلام مو ظالمهم ، لبى اهل الكويت
أنا أقصد الاعلام مبين انهم شعب منفتح على العادات و التقاليد , لكني شفت العكس شعب متمسك بالعادات و التقاليد الخليجية البحتة و المنكر الي انشوفه في الاعلام مبالغ شويتين .. فديتهم هل الكويت
مرسلة من .. H a n i .. (رقم العضويه 89461) on :
اهاا اذا كان كذا ف كلامك مزبوط وانا فعلاً افكر انهم شعب جداً منفتح لسه ما رحت الكويت بس اروح ممكن تتغير نظرتي لهم بهالموضوع
مرسلة من يجيلك يوم (رقم العضويه 122) on :
هههههه قال نباتيين قال.. صح انه الأماراتيين عموما شعب سماج يحب السمج لكن هذا لا ينكر اني احب اللحوم بأنواعها بقري, عنزي, خروفي, دياي.. الخنزير لو حلال كليته لول
مرسلة من [ فـهـد ] (رقم العضويه 2113) on :
لووووووووووول ضحكتني عبود مرسلة من ::Modmenat Diana:: (رقم العضويه 88536) on :
رد مقتبس:المرسل الأصلي هو ROO7 DISNEY:
وعندي سؤال مهم هل بيكون شكلي غلط انا في الغترة الاماراتية اقصد في طريقة العمامة ما أحب أكون ملفت للنظر في الاماكن العامة أو اني اكتفي بالكاب ؟
انا ويني عن هالموضوع من زمان ياليت لو دريت وساعدتك
نورتنا روح ديزني والله وحبيت تقريرك واهم شيء استانستو وبخصوص سؤالك اللي فوق لووول عادي ولا تفكر تغيرها بيوم من الايام احنا نستانس لا شفنا اماراتين وانا استانس وايد اقعد اطالع جني مو شايفه خير لول بس الاماراتين يفتحون النفس والله
ومعاك حق المسلسلات مصورتنا فري والخ صج OPEN MIND بس مو لدرجه بعض المسلسلات
مرسلة من الجـوري (رقم العضويه 17) on :
رد مقتبس: وعندي سؤال مهم هل بيكون شكلي غلط انا في الغترة الاماراتية اقصد في طريقة العمامة ما أحب أكون ملفت للنظر في الاماكن العامة أو اني اكتفي بالكاب ؟
اشدعوى الكويتين متعودين على الاماراتين وكل الكويتين راحو الامارات وشافو العصاميه اللي يلبسونها شباب الامارات فديتهم مرسلة من [ولــد المــلــكــة] (رقم العضويه 11956) on :
رد مقتبس:المرسل الأصلي هو الجـوري:
رد مقتبس: وعندي سؤال مهم هل بيكون شكلي غلط انا في الغترة الاماراتية اقصد في طريقة العمامة ما أحب أكون ملفت للنظر في الاماكن العامة أو اني اكتفي بالكاب ؟
اشدعوى الكويتين متعودين على الاماراتين وكل الكويتين راحو الامارات وشافو العصاميه اللي يلبسونها شباب الامارات فديتهم
طبعا الغترة الاماراتية كلش عادي وخذ راحتك فيها
همسة" ماقصد اقلل من طريقتكم بالامارات احترمها كليا لكن لا تفكر بالكويت تلبس دشداشة وكاب " كبوس" نهائيا ماشفت بالكويت هالطريقة او احد يسويها , الكاب مع الهدوم الكاجوال تيشرت جينز شورت قميص اي اوكي
والدشداشة يا امه مفرع يعني بدون شي عالراس او غترة كويتية اماراتية قطرية كلش عادي
جذي المود العام بالكويت
توقعتك عارف هالاشياء كونك قتلي انك كثير تزور الكويت لانه لك اقارب
[ سبتمبر 16, 2013, 05:08 AM: تم تحرير المشاركه من قبل: [ولــد المــلــكــة] ]
![[bgrlaugh]](graemlins/bgrlaugh.gif)
لا تفهموني غلط ما في ين في راسي ؟![[Razz]](tongue.gif)
![[Frown]](frown.gif)
...![[Smile]](smile.gif)
![[heartpump]](graemlins/heartpump.gif)
![[Big Grin]](biggrin.gif)
![[Embarrassed]](redface.gif)
