وبعد اذا وقفتوا الاشتراك الرسيفر كله يتسكر حتى القنوات المفتوحة ..!
[ أكتوبر 15, 2015, 05:25 AM: تم تحرير المشاركه من قبل: @Mr.M ]
مرسلة من [عيارة وجمبزة] (رقم العضويه 11956) on :
جم اسعارها؟ بالنسبة لي انا مكتفي في غرفتي في ابل تيفي اأجر احلى واجدد الافلام واشتري احلى المسلسلات
وبين هذا وهذا في قنوات مجانية في ابل تيفي ساعات احطها بس اخبارية وفي قناة منوعات اي بي سي
طبعاابل تيفي يعتمد على الانترنت و كروت الايتونز لما تبي تعبيه فلوس
صارلي سنتين في غرفتي مافي ستالايت ولاشي الا ابل تيفي بس
مرسلة من @Mr.M (رقم العضويه 90141) on :
رد مقتبس:المرسل الأصلي هو [عيارة وجمبزة]: جم اسعارها؟ بالنسبة لي انا مكتفي في غرفتي في ابل تيفي اأجر احلى واجدد الافلام واشتري احلى المسلسلات
وبين هذا وهذا في قنوات مجانية في ابل تيفي ساعات احطها بس اخبارية وفي قناة منوعات اي بي سي
طبعاابل تيفي يعتمد على الانترنت و كروت الايتونز لما تبي تعبيه فلوس
صارلي سنتين في غرفتي مافي ستالايت ولاشي الا ابل تيفي بس
بدر ابل تي في ما ينفع معاي
سالفة كل شوي اشتري واجر افلام ومسلسلات ما تنفع كلش
لان اتابع مسلسلات وايد اذا كل حلقة بشتري ما راح اخلص
وهم بعد ماكو ترجمة في كل المسلسلات والافلام بالستور الامريكي
هذا اشتراك شهري ووايد اريح
افضل باقة بلاتنيوم ب ٢٥ دينار والبريمير تحتها ب ٢٢
وكل باقة فيهم قنوات معينة
+
ناطر باقي الاعضاء اللي عندهم اشتراك يكتبون عن تجربتهم معاهم
مرسلة من [عيارة وجمبزة] (رقم العضويه 11956) on :
اها اذا انت نوعك تنام على المسلسلات صح لازم لك اوسن
اوسن عجيب كل شي مترجم ومافي دعايات مزعجة واموت على قناة عندهم خاصة للسياحة كل مانزل تحت الصالة اشغلها
عجيبة
مرسلة من [ L.O.V.E.R ] (رقم العضويه 3004) on :
من افضل القرارات اللي اتخذتها بحياتي كان الاشتراك بالـ OSN
شبكة تلفزيونية رهيبة
تقدم مجموعة واسعة من الافلام والمسلسلات والبرامج الجديدة والقديمة
غير السوالف الحصرية اللي تنزل عندهم قبل اي مكان ثاني
الاسعار صح غالية .. لكن لان مالهم منافس عالساحة فمضطر ترضخ لهم
من المزايا اللي حبيتها:
1- قنوات ضخمة للافلام والمسلسلات HD مع الترجمة العربية
2- تسجيل البرامج ومشاهدتها بأي وقت
3- اقدر اعمل ستوب للمشهد بأي وقت .. واقدر اقدم او اطوف براحتي .. حتى لو المادة التلفزيونية تنعرض عالهوى مباشرة ..
4- عرض البرامج بالتزامن مع لحظة عرضهم برا مع الترجمة
5- قناة ديزني الشرق الأوسط لول
6- قسم خاص لمشاهدة انتاجات HBO و ABC و ديزني .. وهالقسم مواده تتجدد بين كل فترة وفترة
7- قناة HBO اللي راح تفتح قريباً بالترجمة العربية
8- أول قناة أفلام عربية تفتح قريباً بتقنية HD
9- مشاهدة جميع البرامج على اجهزة الكمبيوتر وتطبيقات الجوال
10- مساحة تخزين كبيرة لكل البرامج المسجلة والمحملة
11- خدمة OSN ستور اللي توها فاتحه وتقدم باقة مهوله من الافلام القديمة والجديدة المترجمة HD على غرار الايتونز ستور
نصيحه اشترك ولا تتردد
اللي ماجرب OSN معناته ماجرب المتعة التلفزيونية شلون تكون
مرسلة من [عيارة وجمبزة] (رقم العضويه 11956) on :
ماشوفها غالية مقارنة بالمميزات الي ذكرتها
بلس مستر ام حاول تدفع سنوي احسن وفك عمرك بالاقساط
جم السنة ؟ 250؟ جنها سعر تذكرة لندن بلاش لول
مرسلة من [ L.O.V.E.R ] (رقم العضويه 3004) on :
بدر بالنسبة لي مو غالية لول
بس حسب ما اقرا بمنتديات ثانية اشوفهم دايماً يشتكون من الاسعار
عشان جذي حبيت احطه بالصوره
بس والله يا بدر خدمتهم اشوفها ماتقل روعه عن الايتونز .. خصوصاً المتاجر العربية اللي فيها قحط من ناحية الاصدارات
OSN تدلع مشتركينها دلع!!
شفتوا الحفلة اللي سوتها بدبي قبل يومين لاعلان جديدها لعام 2016؟
جابوا باسم يوسف لتقديم الحفل وحضروا ابطال جيم اوف ثرونز وانطونيو بانديراس واحمد حلمي وحياة الفهد الخ
شي ترتيب الصراحه
+
اكثر حدث ناطره الحين هو تحويل قناة ديزني الشرق الاوسط لنظام بث HD
يقولون خلال هالاسبوعين راح يتم التغيير
مترقب بحماااس
مرسلة من [عيارة وجمبزة] (رقم العضويه 11956) on :
فعلا لوفر اكيد كلامك صحيح واصلا مافي مقارنة مع ايتونز
بس انا يصلح لي ايتونز امريكا ليش؟ لاني احب اشوف كل 3 ايام شي واحد فقط مسلسل او فلم
لذلك حرام احط اوسن "حاليا" بكون كلا لاهي عنه ماراح استفيد من محطاته وايد
يعني باختصار الاوسن حق الي مثلكم يتابع اشياء وايد
ابل تيفي حق الي مثلي بالسنة يشوف مسلسلين اثنين و5 افلام لول
مرسلة من itunes_q8 (رقم العضويه 91724) on :
شيين كنت ما استغني عنهم
و
اللي متوفر على التورنت من افلام و ملسلسلات انزله ابلاش و افك عمري ( مو مهم عندي الترجمه ) و اذا شي ما حصلته على التورنت اشتريه او أأجره من الأبل تي في
لكن هالسنه بالذات و تحديدا آخر جم شهر تفرغت شوي حق ال OSN اللي مشترك فيه من بداية الألفينات و مجابله 24 ساعه ما اشغل غيره بغرفتي ، لكن هالجم شهر بديت استفيد من كل مميزاته اللي ذكرهم لك LOVER
شي رهيب رهيب رهيب .. تحسفت قلت ويني عنه من زمان ما سجلت مسلسلات و افلام اشوفهم براحتي و استفيد من الخدمه ، كنت ادفع اشتراكات عالفاضي بس كنت ابطل التلفزيون و اشوف شنو يطلع بويهي و اتابعه .. أما الحين صرت اجيك على موعد كل مسلسل متى ينعرض و اسجله .. و حلوه ميزت انك تسجل المسلسل مره وحده بس و هو كل ما تنعرض حلقه جديدة يسجلها لك
سؤالك يا في وقت مناسب للرد عليه بالنسبه لي
اي نعم اقولك روح و انت مغمض و اشترك معاهم
يكفي بس نقاوة الصورة الخيالية و تخيل عاد انا تلفزيوني سامسونج سمارت 50 بوصه يعني مستمتع بنقاوة صورة و صوت مو طبيعيه
و الحلو في هالتلفزيون بعد ان اللي انزله باللابتوب من التورنت احطهم في فايل داخل هارديسك و اركبه على التلفزيون و اشغل و اطالع .. تعال شوف نقاوة الافلام و لا الحلقات اللي تكون محملهم بنقاوة عاليه أو بعض الافلام تحملهم بجودة بلو راي .. شي مو طبيعي
مرسلة من itunes_q8 (رقم العضويه 91724) on :
طبيعي انا مثلك الايتونز الامريكي ما استغني عنه و سمعت عن الايتونز الاماراتي بس ما افكر الصراحه اشترك بأي شي عربي خلني على الامريكي وايد احسن
و دام انت مثلي من فانز لندن .. انصحك لا تنغر و تسوي لك اكاونت بريطاني على الايتونز خايس و ما فيه شي كلش
اكبر مكتبة للافلام و المسلسلات و الاغاني هو الايتونز الامريكي
سوري شطيت عن الموضوع و دخلنا في سكة الايتونز .. لا تلوموني Huge fan
مرسلة من iDoc (رقم العضويه 74592) on :
الله يعز التورنت 3>
مرسلة من [عيارة وجمبزة] (رقم العضويه 11956) on :
رد مقتبس:المرسل الأصلي هو itunes_q8: طبيعي انا مثلك الايتونز الامريكي ما استغني عنه و سمعت عن الايتونز الاماراتي بس ما افكر الصراحه اشترك بأي شي عربي خلني على الامريكي وايد احسن
و دام انت مثلي من فانز لندن .. انصحك لا تنغر و تسوي لك اكاونت بريطاني على الايتونز خايس و ما فيه شي كلش
اكبر مكتبة للافلام و المسلسلات و الاغاني هو الايتونز الامريكي
سوري شطيت عن الموضوع و دخلنا في سكة الايتونز .. لا تلوموني Huge fan
طبعا مافكر ولا ستور غير الامريكي
ما أكذب لما اقولك اني انغر ساعات في الستور الاماراتي عشان انه مترجم كل شي عربي
لكن كافي انه مافي كروت ايتونز تعبئة للاماراتي ولازم تربطة بالفيزا ولما ربطته مرة اخذوا فلوس اكثر من المفروض سحبت نفسي ورديت للامريكي ومو الا ترجمه عربي , ترجمة انجليزي يكفي رغم انه في بعض الافلام القا فيها ترجمة عربي بالستور الامريكي لكن اكيد موكلهم
بس حاليا ومستقبلا ماتوقع اغير الستور الامريكي
رغم انه يحرني انه اغلب برامجة ماقدر استخدهم
حاط قنوات ديزني وحاط سي ان ان ومادري شنو مايشتغلون عندي
مايشتغلون غير 3 محطات سكاي نيوز واي بي سي نيوز وقناة ثالثة نسيت اسمها
بما انه بغرفتي مافي ولاشي حتى ستالايت عادي الا ابل تي في فاهتم لو في قنوات زيادة
مرة شغلت" بفلوس " قناة كوريا لول ضمن ابل تيفي لول خايسة قلت انا شمشغل هههههههه نص ساعة وطفيتها ومارديت جددت اشتراكها لانه تقريبا 5 دولار كل شهر شي جذي
مرسلة من [ L.O.V.E.R ] (رقم العضويه 3004) on :
ايتوووونز يوم عن يوم اكتشف اشياء مشتركه بيني وبينك لول
ديسبريت ولوست وواكنج ديد ووانس وايتونز واو اس ان
بخصوص الايتونز
اكيد مافي منافس للستور الامريكي .. كل شي فيه .. لكن بعد تظل الستورات العربية مهمة من ناحية المواد المترجمه والمدبلجة
اللي انجليزيته اوكي طبعاً ما اايد انه يكتفي بالستور العربي
لكن اذا انجليزيتك على قدك حرام تضيع متعة نص الافلام من خلال مشاهدتهم بلغه ماتفهم ثلاث ارباعها
وتمنع نفسك من انشاء اكاونت عالستور الاماراتي وغيره بحجة ان الامريكي كل شي فيه
على فكره انا مدمن برامج الرياليتي بشكل خيالي و مره دخلت الستور مالي بالايتونز اجيك على مشترياتي ولا اشوف فوق ال 150 حلقه منزلها من برامج تلفزيون الواقع الخايسه
بالنسبه حق الخدمات المتوفره على الابل تي في و ما تشتغل عندنا حارتني ودي استخدمها مثل خدمة abc و ديزني و غيرهم اللي تقدر من خلالهم تشوف حلقات ابلاش بس كل ما ادش يقولي الخدمه هذي مو متوفره في بلدك اتمنى يطلع لنا احد عبقري و يسوي طريقه تخلي اي احد برا امريكا يقدر يستفيد من الخدمه هذي
و مرات افصل اشبك اليوتيوب في الابل تي في و اشغل فيديوهات و اقعد اطالع ب هاي روزولوشن تطلع الصوره واو ولا كأن فيديو يوتيوب
و مرات بعد افصل على قسم التريلرز ادخل عليه واطفي ليتات الغرفه و اشغل تريلرات و اطول على الصوت واااااااو جني قاعد في سينما و سيمكن احلى من السينما بعد النقاوة مو طبيعيه
عندي طقوس و اجواء خاصه مع الايتونز يمكن ال OSN توفرها مثل اني اشوف الفيديوهات على الاجهزة الايفون و الايباد و غيره بس ما جربته مكتفي بهالناحيه بالايتونز و يكفي لما اروح النادي الايباد ما يفارقني ابد
و على طاري النادي و شلون الايتونز لعب دور بتحفيزي المواضبه عليه و الاهتمام بصحتي هذي بعض البرامج اللي لقيتها في الايتونز و شفتها و تاثرت فيها وايد و خلتني احب النادي و اهتم باكلي و صحتي
مرسلة من (..khaled..) (رقم العضويه 90174) on :
من أشتركت بالـ osn بطلت نهائياً أشوف قنوات عرب ونايل سات بس أتابع أحلام على mbc إذا طلعت بآرب آيدول وإلا بمقابلة والباقي ماادري وش برامجهم وأنا مشترك قديم بباقة الموفيز بلس واللي ألغوها من الأشتراكات الجديدة والباقة هذي فيها كل قنوات الأفلام والمسلسلات وقنوات الاطفال وياهلا العربية وبالنسبة لي مشترك عشان المسلسلات لأنهم يجيبونها بنسخها الكاملة ومترجمة صح وماتفرق عن مواعيد عرضها بأمريكا وانا ضد التورنت وسرقة الحقوق والتحميل ببلاش وماأحس بمتعة المشاهدة لما أشوف شي بكوالتي سيئ وترجمة هواه وأقعد أنتظر التحميل وبطئ النت لكن بالفترة الأخيرة صرت نادراً أتابع تلفزيون ويادوب قبل ماأنام أشوف مسلسل كوميدي ابو 20 دقيقة وانام يعني اذا انت راعي مشاهدة وتحب تتابع الحلقات ومن النوع اللي يشوف أفلام بكثره أنصحك تشترك فيها لأن محتواها يتفوق بسنوات ضوئية عن القنوات العربية لكن من عيوب شبكة osn ان سعر الإشتراك غالي وكل سنة أحسهم يرفعون أسعارهم عن العام اللي قبله والأفلام الجديدة بعد ماتخلص من السينما يعرضونها بفلوس اضافية على قنوات بوكس افويس موفيز وبعدها بـ 6 شهور يعرضونها على كل قنوات الافلام وأحياناً يكون فيه تكرار بعرض المحتوى خصوصاً بالمواسم اللي مافيها جديد من ناحية المسلسلات والأفلام وبالنسبة لخدمة OSN PlaY ترى ماتقدر تشوف منها القنوات على اللاب توب والآباد لا هي خدمة فيها المسلسلات والأفلام والبرامج اللي تعرض هالشهر على شاشاتهم وانت تختار الفيلم أو المسلسل وتشوفه وأسبوعياً يغيرون المتحوى ويعرضون الحلقات الجديدة والأفلام المضافة
مرسلة من itunes_q8 (رقم العضويه 91724) on :
أمس أول مره اجربت خدمة osn play على الايباد خالد
عجيب والله ما توقعته جذي صافي و مباشر البث حث قناة E! قناتي المفضله
و في وايد اشياء حلوه فيها
خاصه لما اسافر مرات اشتاق اشوف بعض القنوات و فكرة حلوه منهم تشوفها بث مباشر من اي مكان بالعالم على جهازك المحمول
مرسلة من @Mr.M (رقم العضويه 90141) on :
مشكورين يا شباب ويعطيكم العافية
+
بحثت عن مسلسلاتي واذا تنعرض بال OSN
لقيت بعضهم ينعرض وبعضهم لا
يعني التورنت ملاحقني ملاحقني
بس وايد شدتني ردودكم عن الاشتراك والخدمات اللي يقدمونها
اتوقع بشترك معاهم فتره بجربهم واذا ما عجبني الوضع راح اكنسل
مرسلة من [عيارة وجمبزة] (رقم العضويه 11956) on :
رد مقتبس:المرسل الأصلي هو itunes_q8: أمس أول مره اجربت خدمة osn play على الايباد خالد
عجيب والله ما توقعته جذي صافي و مباشر البث حث قناة E! قناتي المفضله
و في وايد اشياء حلوه فيها
خاصه لما اسافر مرات اشتاق اشوف بعض القنوات و فكرة حلوه منهم تشوفها بث مباشر من اي مكان بالعالم على جهازك المحمول
حتى قنواتهم العربية؟
يصير اسوي هالخدمة بدون ماشترك في اوسن للبيت ؟
يعني ابيه بس للايباد حق السفر
مرسلة من itunes_q8 (رقم العضويه 91724) on :
في بعض القنوات العربية مثل يا هلا اعتقد موجودة بدر
بس ما يصير تشترك بالخدمه بدون ما يصير عندك اشتراك رئيسي لل osn مع البطاقة اللي فيها الرقم لأن ما يصير تسجل في الخدمة و تدخل عليها الا لما تكون حاط رقم البطاقة مالت osn
مرسلة من Lady Fa (رقم العضويه 88536) on :
OSN
من زماااااااااااااااااااااااااان عندنا osn وكان ادمان خصوصا قنوات المسلسلات بس بعدين مع الضغط وجذي مو قعد اطالع تلفزيون مثل قبل بس الحلو ان اللي عندي أي فيلم حلو يسجلونه ولا يت ابي اطالع فيلم ادش واختار الفيلم اللي ابي اشوفه الحياه حلوووه وافلامهم حلوووه وصج صج اذا عندي وقت اروح اطالع لي فيلم
+ osn play هم خدمه حلوه منهم مرات مالي خلق اطالع تلفزيون او أساسا فاتحه لاب ادش اختار لي فيلم ابي اشوفه وكوالتي والصوت بيرفكت
انا عن نفسي انصحك فيه ولا جربته مااتوقع بتهده لان اذكر مره قلنا خلاص ماراح نجدد التلفزيون صار بايخ ماكو شي نطالعه