This is topic [قصص أمريكية مرعبة] الموسم السابع ابتداء من ستمبر 2017 in forum ســاحــة الأفـــلام والمـسـلــســلات at منتــدى الســالميــه.


To visit this topic, use this URL:
http://salmiyaforum.net/cgi-bin/ultimatebb.cgi?ubb=get_topic;f=17;t=002220

مرسلة من طبيعي (رقم العضويه 11956) on :
 




 -

مسلسل الرعب الأول في العالم
american horror story
الجزء السادس

انطلاقة اليوم 14 ستمبر 2016





[ سبتمبر 05, 2017, 04:13 AM: تم تحرير المشاركه من قبل: طبيعي ]
 
مرسلة من طبيعي (رقم العضويه 11956) on :
 





[ سبتمبر 29, 2016, 07:55 PM: تم تحرير المشاركه من قبل: طبيعي ]
 
مرسلة من iDoc (رقم العضويه 74592) on :
 
بريمير سخيييييييييف
 
مرسلة من itunes_q8 (رقم العضويه 91724) on :
 


بداية رائعة .. و بريمير موفق


ما أبالغ اذا قلت أول بريمير حق المسلسل يعجبني .. و اعتقد السر في العناصر التاليه : ( اللي يخاف احرق عليه لا يقرا )


أولا لازم نوقف عن نقطة مهمه : مذكور ان هالقصه مستوحاة من قصة حقيقية .. للأمانه ما ادري اذا فعلا هي مستوحاة ولا اهما جذي يقلدون الافلام و البرامج التلفزيونية اللي تتكلم عن الاشباح و هيك !


1- قلة الشخصيات : فالحلقة الاولى ظهر فيها شخصيات قليلة .. واضحة و بسيطة .. ما فيها تكلف ما فيها كركترات تسوي هوالات بعمرها .. ابد .. ناس طبيعيين حيل .. و هذي نقطة مهمه في الافلام او القصص المرعبه .. عيب الاجزاء السابقه برأيي انها كانت مزحومة بالشخصيات .. كنا نتشتت شوي .. و يضيع التشويق و الرعب .. لكن هالجزء بداية مختلفة تماما حبيتها وايد


2- اللوكيشن الواحد : فعلا اللوكيشن الواحد دايما يثير الخوف و الترقب و يكون فيه الرعب اكثر .. فما بالك لو كان هاللوكيشن هو البيت اللي دايما يكون مسرح للاحداث في قصص الرعب .. حبيت جدا الاجواء القريبه من فيلم the conjuring حبيت الغموض و الالوان و الاجواء ..


3- تسارع الاحداث و تسلسل سرد القصة : استخدم كتاب المسلسل اسلوب السرد و كأن نشوف برنامج تلفزيوني .. بحيث خلو بعض الممثلين يؤدون ادوار الشخصيات الحقيقية و يروون القصة و ممثلين آخرين يمثلون القصة .. مادري شلون اوضح شوفوا الحلقة و تعرفون قصدي .. بس برأيي هالحركه عطت المسلسل اسلوب جديد بالطرح و السرد حبيته وايد


4- اداء الممثلين : اداء بسيط ما فيه تكلف لكن بنفس الوقت يشد و يخليك على اعصابك .. حبيت الكمبنيشن في الكوبل .. هو اسمر وهي بيضه و شلون هالشي ممكن يعرضك لتساؤلات و مشاكل في المجتمع الامريكي اللي يدعي الكمال و المساواة و اهما أبو العنصريه .. و يستمر مؤلف العمل في التركيز على العنصريه في كتاباته كما هو الحال في American crime story


انا عن نفسي تشوقت للعمل و حبيته حيل و متابعه بإذن الله بعكس الجزء اللي طاف مالت عليهم اسوء جزء ..


على فكرة جنه ليدي عاها مو معاهم هالسيزون ؟ شفت الاسامي طلعت بنهاية الحلقة و ما حطو اسمها معاهم ولا انا ما انتبهت مادري المهم ان ياليتها مو معاهم علشان يبقى للعمل ثقله و حلاوته


شكرا طبيعي على التغطيه .. مشكور بالزاف



 
مرسلة من howtodeal (رقم العضويه 10339) on :
 
رد مقتبس:
على فكرة جنه ليدي عاها مو معاهم هالسيزون ؟
لا موجودة بس دورها ما بيكون رئيسي.. لكن بتطلع في كذا حلقة.. نزلتلها صورة وشكلها فيها أعوذ بالله [worried]
أنا بعد شفت وحبيت .. من بين كل المواسم أحلى بداية هالبداية... على طول دخلنا أجواء السيزن وما حسيت بالملل أبدا وأنا اتابع.. يمكن السبب مثل ما قلت انه التركيز على قصة وحدة وما كانوا ضايعين ومتشتتين..
و اذا كمل المسلسل بهالبساطة أعتقد بيتميز هالسيزن..
ما بتسرع في الحكم لأني كنت مبهور بFreak show في أول ثلاث حلقات وكنت أقول انه
بيكون أحلى سيزن بعدين خبصوها واخترب ..
ان شالله هالسيزن يكمل بهالقوة ومتحمس للحلقة الثانيه [super]
 
مرسلة من itunes_q8 (رقم العضويه 91724) on :
 
تصدقون من امس مو راضيه تطلع من بالي الحلقه ؟


لهالدرجه حبيتها !


howtodeal


فعلا طلعت معاهم العاهه .. ياليتها تتفرغ لألبومها و بس


عموما في اخبار تقول ان الحلقات القادمة تخوف اكثر من الاولى


( سبويلر عن حلقه 1 )


ما لاحظتوا الخيوط المعلقه في البيت كأنها مستوحاة من بلير ويتش بروجكت ؟


أكثر لقطة خوفتني لما كانت بالهوت توب .. و لما كانوا في السرداب و ادخلوا الرياييل شايلين مشاعل النار يابووووووووي اهني حدي خفت
 
مرسلة من Lady Fa (رقم العضويه 88536) on :
 





وأخيرا مسلسل horror
انا بشوف S1 جود الحقكم بعد 10 أيام [Razz]





 
مرسلة من Orphen (رقم العضويه 90094) on :
 

اول مره تعجبني اول حلقة وتشدني
اجوائها روعه افضل افتتاحية في كل المواسم الي طافت
ان شاءالله يستمر على هالخط ومايخترب

اجوائه ذكرتني بلعبة outlast 2


 
مرسلة من *risky (رقم العضويه 14875) on :
 
ماحب الرعب كلش بس توني بديت بسيزن 1

كملت 3 حلقات ولا فاهم حاجه! [worried]
 
مرسلة من itunes_q8 (رقم العضويه 91724) on :
 
الحلقه الثانيه روعه من مستوى الحلقه الاولى


اكثر شي يميز المسلسل لحد الحين ان ما شطح بالخيال وايد و تحس انه قريب حيل من الواقع


حبيت التطور البسيط جدا بالاحداث و بنفس الوقت حبيت المفاجئات


و الاحلى و الاحلى ان المسلسل في حلقتين معتمد على 3 ابطال بس


وايد حاب هالسيزون
 
مرسلة من عاجِي (رقم العضويه 91430) on :
 
مساكم الله بالخير
حبيت اللي شفت اتمنى يستمر على هذا الحال
لحد الان الادوار متوظفه صح
- حبيت طريقة السرد ممتعة جدا
- من المشاهد اللي تروع مشهد الجاكوزي ومشهد يوم يدخلون عليهم بالمشاعل
- والممرضات شي مستفز سايكو بشكل

باين الموسم جميل مع اني حاب كل مواسمه لانه يعيشك الجو
 
مرسلة من طبيعي (رقم العضويه 11956) on :
 
بليز جيبولي ثيم السادس " المقدمة
 
مرسلة من itunes_q8 (رقم العضويه 91724) on :
 
الحلقه الثالثه حلوه مستمره على نفس التشويق و الرعب
 
مرسلة من طبيعي (رقم العضويه 11956) on :
 
توني خلصت الاولى

وتلوموني لما اعتبر أفضل مسلسل

الحلقة روعة لي درجة يوم خلصت ماني مصدق اقول شوية والا لما تاكدت من الشريط الي تحت في الايتونز فعلا مر الوقت كلا من غير ماحس

روعة واول دقايق مافهمت الي يتكلمون بعدين فهمت

شي مخيف خالص واورجنال
 
مرسلة من طبيعي (رقم العضويه 11956) on :
 
الي ذابحني انه ماكو مقدمة ليش جذي اختصروا اموت على مقدمات امريكان هيرور ستروي احسها جنها فيديو كليب
 
مرسلة من itunes_q8 (رقم العضويه 91724) on :
 
طبيعي هالسيزون مختلف تماما و مسوينه كأنه برنامج وثائقي عن قصه حقيقية
 
مرسلة من طبيعي (رقم العضويه 11956) on :
 
بس ماقدر على مقدماتهم العجيبة
ايتونز ماشفت بتويتر قبل امس؟ كان ahs theme
ترند الكل مشرع الحلج ويتحلطم ليش مافي
 
مرسلة من itunes_q8 (رقم العضويه 91724) on :
 
ميخالف بس هم التغيير حلو ... انا اشوفها خطوه حلوه انهم اطلعوا من ستايلهم المعروف و انتقلوا لمرحله جديده في طريقة عرض المسلسل و معالجته


قبل كان يعيب المسلسل شوية خيال غير منطقي ينرفز .. الحين نقدر نقول المسلسل فعلا صار مسلسل رعب قلباً و قالباً
 
مرسلة من طبيعي (رقم العضويه 11956) on :
 
الحلقه 2
نار وشرار شنو هالابداع تغير جذري عن كل امريكانات هيرورات القدم

اتابع وماني مصدق هذا امريكان هيرور شي خورافي الحبكة الدرامية

بروافوا اخخخخخخخخخخ بس لو جاسيكا موجودة ااااخ

الكلبة لاهية من بار لي بار في بريفلي هيلز
 
مرسلة من عاجِي (رقم العضويه 91430) on :
 
لحد الان الحلقات ابداع
فعلا قدروا يدخلوني بجو الرعب
تقطيع المشاهد وطريقة السرد والموسيقى التصويرية شي جميل
المسلسل هذا متعه بصرية
______

بخصوص الادوار التوزيع خطير
والحلقة الثالثة
نهايتها تقهر
 
مرسلة من طبيعي (رقم العضويه 11956) on :
 
نزلت الحلقة 4 في ايتونز [eyelove] [dance]
 
مرسلة من howtodeal (رقم العضويه 10339) on :
 
جاجا في هالحلقة تمثيلها يسوى سيزن هوتيل بكبره.. أبدعت [heartpump]
يقولون الحلقة السادسة بيصير تغيير كبير في القصة و بيتحول المسلسل لشي ثاني تماما ..
 
مرسلة من itunes_q8 (رقم العضويه 91724) on :
 
مع اني ما ابلع قاقا في التمثيل بس نوعا ما كان اداءها مقنع في هالسيزون


بانتظار الحلقه السادسه ابي اعرف شنو التحول بالقصه اللي راح يصير ؟


لان نوعا بدا المسلسل يدور في نفس الدائره
 
مرسلة من طبيعي (رقم العضويه 11956) on :
 
كأنه الحلقة 5 الاخيرة [Confused]

مادري كانه نهاية قصة العايلة الي شرت بيت وطلع يما مكان سحره

ممم عالعموم حلقة نارية طبعا بس موعارف الياي شنو
 
مرسلة من itunes_q8 (رقم العضويه 91724) on :
 
لا ما اعتقد الاخيرة تو الناس للحين في حلقات وايد .. خنشوف شيصير لهم الحين عقب ما اطلعوا من البيت .. اتوقع في وايد احداث يايه ..


بس جد الحلقه 5 قويه قويه قويه
 
مرسلة من طبيعي (رقم العضويه 11956) on :
 
ايتونز في عضو قال انه بيصير تغيير جذري للحلقة السادسة الظاهر هذا قصدة

اتوقع عايلة يديدة يسكنون البيت بس منو! كل الممثلين طلعوا مممممم
 
مرسلة من itunes_q8 (رقم العضويه 91724) on :
 
هالمسلسل توقع منه الغير متوقع


عادي كل شي جايز
 
مرسلة من howtodeal (رقم العضويه 10339) on :
 
الحلقة الياية بتفسر وايد أشياء.. اللي أعرفه انه راين ميرفي قال انه هالسيزن ينقسم لثلاث أجزاء..
الجزء الأول من الحلقة الأولى للخامسة و الثاني من السادسة للتاسعه و الحلقة الأخيره
العاشرة بتكون الخاتمة وبتربط بين الجزئين الأول والثاني..
وقال لا تصدقون كل شي شفتوه للحين [Big Grin] أنواع الحماس... [dancer]

[ أكتوبر 14, 2016, 02:36 PM: تم تحرير المشاركه من قبل: howtodeal ]
 
مرسلة من itunes_q8 (رقم العضويه 91724) on :
 
واو


شكله هالسيزون بيكون قنبله
 
مرسلة من طبيعي (رقم العضويه 11956) on :
 
شكلة المسلسل ماله فانز بالمنتدى متابعين له غيري انا وايتونز

المسلسل روعة وافضل وايد من سيزن 5 الزبالة

خلصت حلقة 7 ..الحلقة حلوه بس مقارنة بالحلقات الي قبلها اشوفها اقل حلاوة

بس توتلي انا داش جو مع المسلسل وناطر اعرف نهاية هالبيت والسحره
 
مرسلة من howtodeal (رقم العضويه 10339) on :
 
رد مقتبس:
المرسل الأصلي هو طبيعي:
شكلة المسلسل ماله فانز بالمنتدى متابعين له غيري انا وايتونز


و أنا يحليلي أكتب و أحلل و أتعب و آخر شي انت وايتونز؟؟ [Razz]
 
مرسلة من طبيعي (رقم العضويه 11956) on :
 
سوري هوت توديل لول

منو شاف الحلقة 10 ؟

شفته وحسيت صار فيني لحسة مخ

والله بديت اضيع مع القصة الغريبة
 
مرسلة من itunes_q8 (رقم العضويه 91724) on :
 
ههههه هاوتوديل


طبيعي والله المسلسل يلحس المخ و كل شوي يتحول من برنامج الى لقاء الى ريالتي شو


بس حلو ادمجو واقع الاعلام و السوشيال ميديا في امريكا مع القصه


اخر الحلقات خفت الصراحه في لقطات كانت حيل تخوف و تقعدك على اعصابك
 
مرسلة من (..khaled..) (رقم العضويه 90174) on :
 
موسم أسطوري بكل معنى الكلمة [applause]

وكان مثير وممتع واحداثه غير متوقعة ابدا

وكل شي فيه بطل من اخراج وتصوير واداء ممثلين وقصة

والحلو هالمره ماشتتوا المشاهدين بكثره القصص والشخصيات وكانت الاحداث مركزة وموزونه

وكان معطين كل دور حقه حتى لو كان مدته قصيرة بغض النظر عن اسم الممثل

بأول حلقتين ماعجبني رتم المسلسل وحسيته مختلف كليا عن الاجزاء الماضية

لكن بعدين حبيت التغيير وفعلا لو ماغيروا من ايقاع المسلسل كان صار رتيب وممل ومتوقع زي اخر جزئين

حتى عدد الحلقات فاجأني بعد ماخلو المسلسل من 10 حلقات بدل 13 حلقة

بصراحة اعتبر الموسم السادس الاكثر رعب ودمويه بين المواسم السابقة خصوصا الحلقة التاسعة

وفيه لقطات داعشيه مثل الحرق وخلع الاسنان وكأنه رايان مورفي طلع كل عقد الناس بهذا الجزء

باختصار : الموسم السادس جاء محبوك ومركز ومافيه تمطيط وحشو وزحمة شخصيات وقصص

ومبروك التجديد للموسم السابع يستاهل [heartpump]
 
مرسلة من itunes_q8 (رقم العضويه 91724) on :
 
خالد برافو عليك فصلت الموسم هذا تفصيل


الحين خلاص الحلقه العاشره اخر حلقه ؟


انزين ما في اخبار عن الموسم السابع ؟؟
 
مرسلة من (..khaled..) (رقم العضويه 90174) on :
 
ايه آيتونز الحلقة العاشرة كانت الأخيرة

وحتى الآن مافيه أي أخبار عن الموسم السابع بإستثناء أن الحلقة الأولى راح تعرض بشهر سبتمبر 2017
 
مرسلة من itunes_q8 (رقم العضويه 91724) on :
 
يسلمو خالد ( باقة من الورود )
 
مرسلة من (..khaled..) (رقم العضويه 90174) on :
 
راين مورفي راح يعلن عن عنوان الموسم السابع بعد أسبوع وتحديدا يوم الخميس 20 يوليو

واحتمال يكون الموسم السابع مستوحى من الإنتخابات الأمريكية والأجواء السياسية

وفيه احتمال يكون متصل بموسم الفريك وعوده شخصية المهرج اللي ظهرت بالموسم الرابع حسب صور المهرج اللي غرد فيها مورفي بحسابه على التويتر

ومن الكاست تأكد مشاركة سارة بولسون وايفان بترز وممكن تنضم لهم أنجيلا باسيت وأدينا بورتر اللي شاركت لأول مره بالموسم الماضي والممثل شايان جاكسون

والليدي قاقا للأسف مو مشاركة بالموسم السابع
 
مرسلة من طبيعي (رقم العضويه 11956) on :
 
رد مقتبس:
والليدي قاقا للأسف مو مشاركة بالموسم السابع
احلى خبررررررررررررررر [heartpump] [heartpump] [heartpump]

قبست عالمسلسل ومشت

بس شنو انتخابات ؟ المسلسل رعب والانتخابات والرعب مممم شلون
 
مرسلة من iDoc (رقم العضويه 74592) on :
 
الموسم الفاضي سحبت عليه من ثاني حلقة لول
هالمسلسل بدون العيوز جيسيكا لانغ ما يسوى فرنك
 
مرسلة من طبيعي (رقم العضويه 11956) on :
 
دوك الموسم الاخير الي انعرض وااايد حلو احلى من الموسم التبن الخامس

غريبة ماشدك بالعكس ارتفعت اسهمه بالموسم السادس
 
مرسلة من itunes_q8 (رقم العضويه 91724) on :
 
احلى خبر ان ليدي عاها فارجت فرقاها عيد


نبي العجوز الشمطاء جيسيكا ترجع لملعبها و تبدع


يا حلوها في مسلسل Feud بدعت و احس اهي اساس الكاست في AHS
 
مرسلة من itunes_q8 (رقم العضويه 91724) on :
 
باجر الاعلان الرسمي عن عنوان السيزون السابع


و نشر بوستراته الرسميه ..... الخبر من اكاونت المسلسل على انستغرام
 
مرسلة من (..khaled..) (رقم العضويه 90174) on :
 
 -


2017/9/5




https://www.youtube.com/watch?v=u6khkZLCiqE




https://www.youtube.com/watch?v=ZcoAa-NO2gs


IMDb
 
مرسلة من طبيعي (رقم العضويه 11956) on :
 
احب تيلراتهم عجيبة

بس للحين ماشفت اقوى من تيلر سيزن 2

المهم المسلسل غامض للحين هالسيزن

علم امريكا ومهرجين ممم احس احتمال تكون عصابات اجرامية وقتل ودم وهيك
 
مرسلة من itunes_q8 (رقم العضويه 91724) on :
 
اليوم الحلقه الاولى بتنزل


حماااااااااس .... بدت تهل علينا المسلسلات اللي نحبها
 
مرسلة من طبيعي (رقم العضويه 11956) on :
 
اي نزل في ايتونز وراح تنزل حلقه حلقه ابتداء من اليوم وسعر المسلسل كامل 25 دولار
 
مرسلة من itunes_q8 (رقم العضويه 91724) on :
 

الحلقه الاولى


( سبويلر ألرت )


الحلقه كانت عائلية نوعا ما


التركيز كان على الزوجات الليزبيان .. و المهرج ككركتر مخيف و يسبب فوبيا لبعض الناس


الانتخابات الامريكية كانت حاضرة و بقوة و كانت نوعا ما السبب المحرك في الاحداث


شخصيات قليلة طلعت .. للحين في شخصيات ما ظهرت


الحلقة نوعا ما مرعبه و تمهيديه بس مادري توقعت تكون اقوى من جذي و فيها تحولات غير متوقعه مثل ما عودونا في الاجزاء السابقه


بالنسبة لي الحلقة الاولى من السيزون السابق كانت اقوى و تشد اكثر


لكن ننطر و نشوف شنو خاشه لنا الحلقات اليايه


هالسيزون مسيس نوعا ما ( تم توظيفه لتقديم رسائل أو نغزات سياسية )


و تبقى سارة بولسون هي ملح المسلسل اعشق تمثيلها تمثل من قلب [heartpump]


 
مرسلة من itunes_q8 (رقم العضويه 91724) on :
 
وينكم ؟؟؟؟


معقوله محد قاعد يشوف المسلسل غيري ؟؟؟؟


الظاهر للحين فيكم بيات صيفي [Smile]
 
مرسلة من طبيعي (رقم العضويه 11956) on :
 
انا من عشاق المسلسل بس بسبب ظروف صحية شوي لهيت عنه للحين ماشفت حتى الحلقة الاولى

الحلو بالموضوع راح ابدي اشوفهم صكة وحدة يمكن 5 حلقات ورى بعض
 
مرسلة من itunes_q8 (رقم العضويه 91724) on :
 
سلامات ما تشوف شر طبيعي
 
مرسلة من itunes_q8 (رقم العضويه 91724) on :
 
انتهيت من مشاهدة المسلسل كامل


نصيحة لريان مرفي : احذف هالسيزون من تاريخ المسلسل و قطه في اقرب زباله و تبرا منه نهائي


سيء سيء سيء ... من أسوأ مواسم المسلسل و فرق شاسع فرق السما و الارض بينه و بين السيزون اللي قبله


من أول ما عرفت ان المسلسل بيدمج بين السياسه و الرعب حسيت انه راح يطلع سخيف و فاشل
 
مرسلة من howtodeal (رقم العضويه 10339) on :
 
ايتونز..

معاك انه بسهولة أسوأ سيزن... الفكرة بنفسها أبدا مش بطالة وحتى لما تكلموا
عن ناس معينين سووا cults بالتاريخ الأمريكي فهمت ليش راين ميرفي اختار
هالثيم...
بعد ما خلصت أول حلقة كنت مصدوم و أقول بيني وبين نفسي حدي ثلاث حلقات
بالكثير.. بس بعدين بدا المسلسل يحلو وقدروا يصدموني بكذا تويست خلال
السيزن مع انه ٩٠٪ من التويستات خلاص عرفنا انها بتصير لأنا متعودين على راين..
سارا و ايفان شايلين المسلسل على أكتافهم مساكين لكن باقيالممثلين هل أنا
الوحيد اللي حسيت انه أغلبيتهم ربع راين وكله شغل مجاملات؟ [thinking]
أسوأ حلقة بالسيزن كانت حلقة لينا دانم .. هالقصة الفرعية ما كان الها داعي أبدا
و المشكلة كملوا فيها وربطوا نهاية السيزن فيها ... ما تصدق شكثر انقهرت لما
سارا لبست غطا الراس آخر شي ... [crying]
 
مرسلة من itunes_q8 (رقم العضويه 91724) on :
 
howtodeal


انا عكسك ابدا ما حسيت بأي تشويق و كنت اتابع المسلسل مغصوب و اجبر نفسي اكمل علشان محد يسألني عن المسلسل و اقول ما شفته .. يعني من باب العلم بالشيء مو اكثر


و على طاري المجاملات رايان مرفي مجامل بهالسيزون لين قال بس و الدليل ان ثيم المهرجين و الفتحات مالت خلايا العسل اللي تسبب نوبات هلع حق شخصية سارة بولتون في المسلسل هي اساسا نوبات هلع في حياتها الشخصية و هي اللي قالت حق ريان مرفي خل نوظفها في المسلسل


يعني باختصار ريان كاتب المسلسل على هوى و مزاج ربعه و بالنهاية طلع المسلسل تعيس ..
 
مرسلة من محبDHديانا (رقم العضويه 91878) on :
 
يا شباب انا ما بعمري تابعت مسلسلات امريكي وفيه صديق نصحني بمسلسل هhow to get away with amurder

فكيف بتنصحوني اشوفه او لا او ي مسلسل لطيف ممكن واحد يشوفه
 
مرسلة من howtodeal (رقم العضويه 10339) on :
 
المحب لديانا...

مش بطال المسلسل.. تابعت منه سيزنين ..
بس اذا ما تابعت مسلسلات أمريكية
قبل وتبي تبدا، فيه مسلسلات أحلى بوايد...


رد مقتبس:
و على طاري المجاملات رايان مرفي مجامل بهالسيزون لين قال بس و الدليل ان ثيم المهرجين و الفتحات مالت خلايا العسل اللي تسبب نوبات هلع حق شخصية سارة بولتون في المسلسل هي اساسا نوبات هلع في حياتها الشخصية و هي اللي قالت حق ريان مرفي خل نوظفها في المسلسل


يعني باختصار ريان كاتب المسلسل على هوى و مزاج ربعه و بالنهاية طلع المسلسل تعيس ..

أنا أشوف صريخها هالسيزن غير [Razz]
حتى في سيزن ٢ لما فجأة غنت جيسيكا لينج قال انه ضاف هالمشهد لأنه جيسيكا
طلبت منه انها تغني ويسويلها ميوزيكال نمبر...
بعد الممثلة اللي مثلت دور زوجة سارا بولسن، سارا هي اللي طلبت من راين انه
يعطيها الدور بس للأمانه تمثيلها كان قوي...
اللي مثلوا أدور الجيران هم مثال حي على مجاملات راين اللي مالها داعي .. ممثلين كوميديين وقت
الدراما خربوها وحولوا حتى مشاهد قتلهم لمشاهد عادية ما فيها احساس وبالعكس فيها كوميديا حسيت [Roll Eyes]
راين أحب فيه انه يعطي الأقليات فرص انهم يطلعون بانتاجات ضخمة..
يعني هالسيزن الكاست أغلبيته gays [Razz] سواء شباب أو حريم .. حتى الحريم
يحبون يشتغلون معاه لأنه مثل ما قلت يسمع لهم و يكتبلهم سيناريوهات تركز عليهم
وعلى موهبتهم.. بس أحيانا لازم يختار الممثل المناسب للدور المناسب بغض النظر
عن علاقته فيهم...
 
مرسلة من itunes_q8 (رقم العضويه 91724) on :
 
انا حاط كل أملي في السيزون الثاني من American Crime Story

واللي يتكلم عن جريمة قتل المصمم فيرساتشي


نزلت رد كامل عنه في موضوع ال Tv Talk


بس متخوف منه شوي خايف ما يضبطونه مثل ما ضبطو السيزون الاول
 
مرسلة من محبDHديانا (رقم العضويه 91878) on :
 
howtodeal

مشكور اخي ممكن تقترحلي بعض المسلسلات الامريكية الحلوة تعمل فيني خير لانو المسلسلات بشكل عام ما اتابعها مدري ليه هاليومتين حبيت اتابع .. لكن تكون فيها اثارة وغموض [kiss] [kiss]
 
مرسلة من itunes_q8 (رقم العضويه 91724) on :
 
محب ديانا انصحك تبتدي بمسلسل Desperate Housewives
 
مرسلة من محبDHديانا (رقم العضويه 91878) on :
 
ايتونز الكويت مشكور اخوي انا شفت النسخة التركية مدري اذا كانوا بنفس السياق لكن باخذه انشاء الله طيب ايش رايك بهذا pretty little liars لانو كمان نصحني فيه صديق ..
 
مرسلة من howtodeal (رقم العضويه 10339) on :
 
رد مقتبس:
المرسل الأصلي هو محبDHديانا:
howtodeal

مشكور اخي ممكن تقترحلي بعض المسلسلات الامريكية الحلوة تعمل فيني خير لانو المسلسلات بشكل عام ما اتابعها مدري ليه هاليومتين حبيت اتابع .. لكن تكون فيها اثارة وغموض [kiss] [kiss]

المحب ما أعرف شو ذوقك بالمسلسلات لكن من أحلى انتاجات السنة الماضية The Handmaid's Tale .. أتمنى يعجبك
 
مرسلة من itunes_q8 (رقم العضويه 91724) on :
 
محب ديانا


ما شفت منه الا جم حلقه بس ... حلو بس حق مراهقين
 
مرسلة من محبDHديانا (رقم العضويه 91878) on :
 
مشكورين انشاء الله باخذ الي قلت عليه howtodeal ..

ايتونز احسن انا ما احب مسلسلات المراهقين احب اكثر شي الي فيه احداث وغموض وتحليلات نفسية لووول اثارة
 
مرسلة من طبيعي (رقم العضويه 11956) on :
 
امبيه!!! انا ماحب اشوف فتحات العسل او خلية عسل احس بختنق وخوف معقولة المسلسل متكلم عن هالشي لازم اشوفه !!

وايد تأخرت فيه حسافة خلص السيزن عشان اشتريه كله؟؟

محب ظرطانا انت ليش مضيع حياتك مع ديانا وهالخياس معقولة للحين ماشفت دسبرت هاوس وايف؟ شوفه شوفه احلى مسلسل بالتاريخ هو ولوست
 
مرسلة من itunes_q8 (رقم العضويه 91724) on :
 
طبيعي اي متكلمين عن فوبيا خلايا النحل و الفتحات


و فوبيا المهرجين


المسلسل خلص تقدر تشتري كل حلقاته من الايتونز .. مع اني اشوفه ما يسوى .. نزله من التورنت و شوفه و حذفه بأقرب زباله .. حسافه عليه الدينار
 
مرسلة من طبيعي (رقم العضويه 11956) on :
 
انا ماعرف للتورنت مرة نزلت من تورنت وحاشني فايروس عفس الجهاز من يومها تعقدت ، والايتونز اشوف التلفون اما التونت بالاب توب
 
مرسلة من (..khaled..) (رقم العضويه 90174) on :
 
منقول من الاقلاع:

رد مقتبس:
عشاق الموسم الاول بيت القتل والثالث الساحرات
الموسم الجديد سيكون هناك كروس اوفر بين القصتين
لا اعلم التفاصيل لكن كاتب العمل اكد الخبر واغلب الممثلين سيكونون بالعمل الذي كان من المفترض ان يعرض العام القادم لكنه غير رايه وسيعرض هذا الخريف
لكن اهم ممثلة ليس هناك اي خبر عنها

 -

حبيت فكرة دمج قصتين الموسم الأول والثالث وهي المواسم المفضلة عندي على الإطلاق [heartpump]

لكن أحيانا أشوف الدمج إستغلال لنجاح المواسم السابقة وإفلاس من المؤلف والمخرج

وبعد فشل الموسم الأخير حبوا المنتجين يكرروا نجاح وجماهيرية الأجزاء القديمة والجوائز اللي فازت فيها

واتذكر فكرة ربط الاجزاء وعودة جيسكا كانت تطلع كـ اشاعة قبل كل موسم جديد

المهم ياليت القائمين على المسلسل ياخذوا بريك هذا الخريف لأنه مايمدي يحضرون للمسلسل بشكل صحيح ويرجعون بجزء محبوك السنة الجايه ان شاءالله

ويكون الموسم القادم هو الأخير زي ماصار بمسلسل جيم أوف ثرونز.

[ يوليو 04, 2018, 12:05 AM: تم تحرير المشاركه من قبل: (..khaled..) ]
 


Powered by Infopop Corporation
UBB.classic™ 6.7.1