This is topic الموضوع الرسمي ل Burger King [على مزاجك انت] in forum ســـــاحـــــة مــــشــتـــريـــاتــــي at منتــدى الســالميــه.


To visit this topic, use this URL:
http://salmiyaforum.net/cgi-bin/ultimatebb.cgi?ubb=get_topic;f=21;t=000011

---

مرسلة من Zyood (رقم العضويه 90699) on :
 



العشق الممنوع


بداية عشقي لهالمطعم بدأت بناجتس,حسيت انه هالناجتس غير عن ناجتسات باقي المطاعم!

و تطورنا و كليت افضل برجر بالتاريخ:



الوابر...مشوي على اللهب

لذاذة,و حجم مناسب,و لذاذة مرة ثانيةّ
اللحم المشوي على اللهب مع المخلل و البصل و الطماطم و الخس,و لا ننسى الجبنة السايحة و الخبزة اللينة و الطازجة!
و فرايسهم الرهيب اللي خربوه من كم اسبوع(بنرجعله بعدين)

منيوهم متعدد الأصناف
فيه مقبلات خرافية نفس:



تشيكن فرايس


أصابع دجاج ساخنة و متبلة و مبهرة و لذيذة
عشق

و على فكرة,من كم سنة برجر كنج وقفت بيع التشيكن فرايس في امريكا و الناس سوو حملات عشان يرجعوه
و رجعوه من كم شهر بسبب هالحملات




الفرايس

فرايس برجر كنج كان بنافس ماكدونالدز بلذاذته و قرمشته!
و في يوم من الأيام,برجر كنج غيرو فرايسهم لفرايس سميك مثل ما تشوفون بالصورة
و صار من اسوء الفرايسات للأسف


هالموضوع بيكون خاص لبرجر كنج و الوجبات الجديدة و رايكم عنها

[ ديسمبر 26, 2014, 04:53 AM: تم تحرير المشاركه من قبل: Zyood ]
 

---

مرسلة من طـبـيـعيـے (رقم العضويه 11956) on :
 
وابر من احلى البرجرات بس مو بالكويت

بالكويت حاليا برجر كنج موحلو او يمكن الفروع الي جمب بيتنا موحلو لكن

بلندن مثلا اعشق شي اسمة برجر كنج من احلى الساندويشات

كان بالكويت بالزمانات حلووو بس بعدين مادري شصارر فيه واخترب
 

---

مرسلة من *risky (رقم العضويه 14875) on :
 
انا اخر سنتين وقفت الفاست فود واذا نفسيتي جات عالفاست فود

على طول اروح كنتاكي لول

المهم مب هاي موضوعونا انا عن نفسي احب في برجر كنج شي واحد

الroyal chicken رووعه هالطلب وسوو نفسه سبايسي بس ماحبيت

احلا شي لما اطلبه واحط معاه مايونيز الحار يمي ومعاه الجكن فرايز

واحد من ربعي يحب الصاندي مالهم يقول غير عن الباقي! لول
 

---

مرسلة من Zyood (رقم العضويه 90699) on :
 
عاد التشيكن رويال كلاسيك
السبايسي من كم سنة كان الدجاج نفسه سبايسي،اما الحين صار دجاج عادي و يحطون فوقه صوص سبايسي

و على طاري الصنداي

فيه شي خراافي كان في برجر كنج و شالوه من كم سنة



كيكة هرشيز
تعريف الفخامة و اللذاذة،كان من الذ الكيكات

[ ديسمبر 04, 2014, 02:51 AM: تم تحرير المشاركه من قبل: Zyood ]
 

---

مرسلة من ::Modmenat Diana:: (رقم العضويه 88536) on :
 





^
اووووف انا غرامي chicken royal
من عمر بس اطلبها


 
 
 
 
 

---

مرسلة من *risky (رقم العضويه 14875) on :
 
زيووود انا ولا مره جربت سويتات فمطاعم الفاست فوود غير الاسكريم

كان شكل الكيكه مايونس كللللش

برقر كنق اوروبا احس له طعم غير خصوصا الدياي جي منفخ انا اللي عندنا مصعوي
 

---

مرسلة من يجيلك يوم (رقم العضويه 122) on :
 
Risky

جربت كريسبي تشكن فأوروبا؟ لذييييذ نزلوه عندنا فتوه ما نجح وشالوه من المنيو
 

---

مرسلة من *risky (رقم العضويه 14875) on :
 
عبود اييي هاي اللي اقصده لووول
 

---

مرسلة من طـبـيـعيـے (رقم العضويه 11956) on :
 
على طاري الكرسبي في امريكا في بكنتاكي

صمونة اسمها دبل كرانشي يعني دبل قرمشة جكن فليه

احسها دمار شامل موموجودة بكل بلدان العالم الا امريكا
 

---

مرسلة من يجيلك يوم (رقم العضويه 122) on :
 
كنتاكي فامريكا عنده دياي مشوي لول
 

---

مرسلة من Zyood (رقم العضويه 90699) on :
 
كنتاكي امريكا عندهم هذي



شكلها خرافية
 

---

مرسلة من يجيلك يوم (رقم العضويه 122) on :
 
Omggggggg
 

---

مرسلة من [ L.O.V.E.R ] (رقم العضويه 3004) on :
 
اوه ذكرتوني بالكرسبي تشكن .. احلى ساندويش بتاريخ برجر كينج

خساره انهم شالوه من المنيو ..
 

---

مرسلة من طـبـيـعيـے (رقم العضويه 11956) on :
 


تقصدون الي عاليسار؟؟؟؟ ماتذكر نزلت الكويت !! ماعرفها
 

---

مرسلة من طـبـيـعيـے (رقم العضويه 11956) on :
 
على فكرة نازل عرض يديد الحين



بس ماحس فيه شي مميز
 

---

مرسلة من Zyood (رقم العضويه 90699) on :
 
ايه بدر هي اللي عاليسار,و كان اسمها يوم نزلت هني تشيكن فليكس(على وزن كورن فليكس )



كانت جيدة لا بأس فيها,بس مرات تجي مغرقة بالزيت وتحس انك تاكل زيت مقرمش

-

و بالنسبة للأكستريم تشيز
شي جدا خرافي لعشاق التشيز
جربتها و كانت لذييذة و تشيزية
بس كالعادة,الأشياء اللذيذة بيحطونها لمدة محدودة و بيشلوها

 

---

مرسلة من طـبـيـعيـے (رقم العضويه 11956) on :
 
زيود عشانك اكلت برجر اليوم

الساندويش الجديدة عادية

بس الجكن فرايز فاجأني لذيذ

[ ديسمبر 05, 2014, 10:46 AM: تم تحرير المشاركه من قبل: طـبـيـعيـے ]
 

---

مرسلة من حمـزة (رقم العضويه 82337) on :
 
^
^

بدور الصورة الي حاطها زيود نازلة عندنا بالكويت!!!
اخاف انت خلطت بين جكن سوبريم وبين هذي
 

---

مرسلة من ماله داعي (رقم العضويه 35520) on :
 
يا زيين برجر كنج

اول ما عرفته وحبيته يوم كانوا يحطون ألعاب "بوكيمون" مع كل وجبة اطفال سنة 1999م
هههههههههههههه كنت كل يوم اطلب وجبة اطفال بس عشان العاب البوكيمون

وكننا بالمتوسطة نتحدى منو عنده العاب اكثر
وكنا احيانا نتبادل الالعاب مع بعض
يازينها هالايااااااااااااام
 

---

مرسلة من *risky (رقم العضويه 14875) on :
 
حسبي الله على بليسك زيود خليتني اكل فاست فود اليوم

والحين كوابيس اليقضه
 

---

مرسلة من طـبـيـعيـے (رقم العضويه 11956) on :
 

رد مقتبس:

---

المرسل الأصلي هو حمـزة:
^
^

بدور الصورة الي حاطها زيود نازلة عندنا بالكويت!!!
اخاف انت خلطت بين جكن سوبريم وبين هذي

---

رد مقتبس:

---

المرسل الأصلي هو *risky:
حسبي الله على بليسك زيود خليتني اكل فاست فود اليوم

والحين كوابيس اليقضه

---

حتى انا هههههههههههه شهالساحة الي عفستنا
 

---

مرسلة من حمـزة (رقم العضويه 82337) on :
 
لا بدور مو نازلة عندنا من صجك؟ علشان جذي سألتك.. المفروض دول الخليج يتوحودون بالوجبات اليديدة تنزل بالامارات وما تنزل عندنا ليش
 

---

مرسلة من [ L.O.V.E.R ] (رقم العضويه 3004) on :
 


حمزه اتوقع نزل بالخليج كله لفتره محدوده وبعدين خلاص شالوه

عاد كان حده لذيذ ويقرمش

التشكن فرايز بعد روعه .. اكثر شي احبه لما اكل الطبقه الخارجيه اللي تغطي الدجاج بروحها وبعدين اكل الدجاج لول

احلى مطعمين فاست فود عندي برجر كينج وكنتاكي

اما ماكدونالدز الله يعز النعمه احس لحومهم كأنها بلاستيك!!!


[ ديسمبر 06, 2014, 01:57 AM: تم تحرير المشاركه من قبل: [ L.O.V.E.R ] ]
 

---

مرسلة من حمـزة (رقم العضويه 82337) on :
 
ناصر

لا والله كلش ما نزلت بالكويت لو نزلت كنت اول واحد رحت وجربتها..
حمستوني على الجكن فرايز ولا عمري ذقته مادري ما اشوفه يشجع بس راح اطلبه اليوم
 

---

مرسلة من طـبـيـعيـے (رقم العضويه 11956) on :
 
لوفر للاسف كنتاكي الكويت طعمه متدني وصار معروف انه لعوار البطن وبس

حتى يقولون نكته اذا ماتبي تروح الدوام باجر اطلب كنتاكي

ههه يقصدون التسمم منه

يمكن فروع منطقتنا موحلو مادري لي عموما بالكويت صرت مو وايد مع كنتاكي لما اسافر اي اطلبة

بس استغربت رايك بماكدونالدز احبه واثق فيه احسة انظف مطعم فاست فود كافي وانت تطلب تشوف العامل يسوي كل شي جدامك بقمة النظافة

بالكويت الدرجة الاولى فاست فود ماكدونالدز

بعده مادري كنتاكي او هارديز

برجر كنج يجي بالمرتبه الثالثة
 

---

مرسلة من [ L.O.V.E.R ] (رقم العضويه 3004) on :
 


بدر كنتاكي عندنا وعندكم خير .. بعد ماتاكله على طول لازم تروح الحمام

غير ريحته اللي تبط الراس

بس مع ذلك ماقدر اقاومه احبه وطعمه لذيذ

ماكدونالدز صح انظف مطعم فاست فود بس بأخر فتره صرت ماطيقه ..

بدر انا عندي مرض اسمه النقرس او داء الملوك .. من اكل لحوم على طول ريلي الله يعزك تنتفخ وماقدر امشي فيها من الالم

المطعم الوحيد اللي من اكل منه ثاني يوم على طول ريلي تنتفخ وتعورني هو ماكدونالدز ..

وهذا سبب ثاني يخليني ابتعد عن لحومه خير شر

عكس برجر كينج وكنتاكي مهما كلت منهم ما اتألم ثاني يوم

حمزه نصيحه جرب التكشن فرايز وااايد بيعجك ..


[ ديسمبر 06, 2014, 04:11 AM: تم تحرير المشاركه من قبل: [ L.O.V.E.R ] ]
 

---

مرسلة من طـبـيـعيـے (رقم العضويه 11956) on :
 
سلامتك يابعد قلبي

بس انا متاكد كنتاكي قطر احلى طعم من الكويت لانه البحرين والامارات كان لذيذ جدا

سويت جولة على برجر كنج هه عشان اعرف هالصمونة شوفوا شنو حصلت



مو هذي الصمونة المقرمشة؟

موجود هالعرض حاليا اسمه فاملي بوكس في برجر كنج الامارات معناته مانقطعت زيود؟

من موقع طلبات حطيت الامارات وشفت المنيو
 

---

مرسلة من *risky (رقم العضويه 14875) on :
 
امس كلت ماكدونالدز

وكان استغفر الله مالح بشكل موطبيعي الدياي ! خلاني كل شوي اقوم اشرب ماي وارد انام

وطعم اللحم للحين فحلحي لثاني يوم!

اصلا مشكلتي مع ماكدنالدز ان المطعم الوحيد اللي اتسمم منه لول يمكن بطني وصخ

وبخصوص برجر كنج تلاحظون ان ماينيزهم غير عن باقي المطاعم لول
 

---

مرسلة من M.I.N.I.S.T.E.R. O.F. E.V.I.L (رقم العضويه 89162) on :
 


مطعمي الفاست فود المفضل

مطاعم الفاست فود بصوب و هالمطعم بصوب بالنسبة لي

اكثر مطعم وجبات سريعة احس براحة نفسية اذا اكلت فيه و ماحس اني تضايقت ابدا

و السبب لذاذه طعمه و مكوناته الصحية

اولا معروف عن البرجر انها نوعين مشوي و مقلي

و مطعمين بس اللي يقدمون لحم البرجر مشوي بمطاعم الفاست العادية

برجر كينج و هارديز

البرجر المشوي افضل بكثير من المقلي لانه يصفي اغلب الدهون غير طعم الشوي اللذيذ بالبرجر

ماكدونالدز مثلا لحمتهم مقلية و اعتبره من اسوا المطاعم و لحمتهم احسها مطبوخه بالمايكرويف

غير كذا احسها تلصق بالمعده و ما تنهضم و فيها كمية دهون !!

المهم برجر بي كي عشق لا ينتهي غير لحمته المشوية عندكم مكوناته الطازجة اللي ولا مرا حصلتها بماك

بصل يقرمش .. خس فريش .. طماطم حمرا ياقوطه

باختصار ORGASEM

غير كذا فرايزهم اعتبره افضل فرايز بكل المطاعم مش بس الفاست فود

و اذا رحت اي مطعم ثاني اتمنى لو يقدمون فرايز بي كي مع الوجبة لووول

غير طبعا اضافات الطلب الاخرى مثل التشيكن تيندرز و التشكن فرايز و حتى الموزريلا ستيكس

وجبتي المفضلة عندهم الدبل ووبر كبيرة و تشبع و طعمها كلاسيك

امس كليت بي كي









 

---

مرسلة من M.I.N.I.S.T.E.R. O.F. E.V.I.L (رقم العضويه 89162) on :
 
بخصوص وجبة التشيكن فليكس ترا انزلت عندنا بعد و الساندويش بروحه كان سعره 5 ريال بس

ظلت شهر تقريبا و بعدين شالوها للأسف بس كانت جيدة والله مش بطالة
 

---

مرسلة من SA3OOD (رقم العضويه 88565) on :
 

رد مقتبس:

---

المرسل الأصلي هو [ L.O.V.E.R ]:
اوه ذكرتوني بالكرسبي تشكن .. احلى ساندويش بتاريخ برجر كينج

خساره انهم شالوه من المنيو ..

---

موضوع رسمي للبرجر كينغ
حتى هني

حتى انته نصور

عالعموم يمكن الفروع الي رحتها الاستاف
مالها ما كانو زينين لكني من تجاربي مع برجر كينغ
اعتبره من التوب سيء بالنسبة لي
الي ممكن اتقبله من عندهم الوابر جونير بس الفرايز عندهم ما يعجبني و انا من فانز ماكدونالدز
السموحة بس هذا مجرد رايي يمكن في فروع ثانية أفضل

 

---

مرسلة من M.I.N.I.S.T.E.R. O.F. E.V.I.L (رقم العضويه 89162) on :
 
موتي قهر ميثوه يالعنصرية

حتى نصور يفضل بي كي
 

---

مرسلة من SA3OOD (رقم العضويه 88565) on :
 
منو ميثوه
شكلك ماكل برجر كينج يا الطيب
 

---

مرسلة من A M I R (رقم العضويه 90355) on :
 


انتحري مث مث

هههههههههههههه حبيت الموضوع ولي رجعة بس اخلص


 

---

مرسلة من SA3OOD (رقم العضويه 88565) on :
 
what happened in whatApp stays in whatApp

بعدين تذكرون شخصية من ورا ظهرها هذا يعتبر شي غير
"كويس" ههههه

و بعدين مسألة أختلاف الاذواق مش غريبة
أو جريمة أنا قلت برجر كينغ مطعم بشع حاله
حال كينتاكي و اذا صادف اني اضطر اكله باكله بالنهاية نعمة الله ..
 

---

مرسلة من iDoc (رقم العضويه 74592) on :
 
من سنيييييييييييييين ما أكلت منهم سوقهم طااااااح و بقوة و اكلهم أي شي
 

---

مرسلة من H.A (رقم العضويه 91370) on :
 
المكان الفاست فود الوحيد اللي ممكن اكل منة لحم ...البيج كنج عجييب
 

---

مرسلة من Zyood (رقم العضويه 90699) on :
 


حد جربها؟
امس جربتها,في منها مشوي و مقلي
لذييذة و الخبزة لينة و ساخنة
و الهوني مسترد ضاف لطعم البرجر,و مع البصل المقرمش و الخضروات الطازجة
انصحكم فيها جدا
 

---

مرسلة من M.I.N.I.S.T.E.R. O.F. E.V.I.L (رقم العضويه 89162) on :
 
لا زيودي ما جربتها للحين

انا جربت وجبتهم الجديدة جامبو 175 و للأسف انصدمت

اول مره يخيب ظني بي كي بوجبة هالكثر

طبعا اول شي استغربت حجمها و سعرها لما شفت الصور كل هالحجم الساندويش بروحه ب 9 ريال ؟

بس لما جربتها عرفت ليش





اللحم شي غريب !! اول مره اكل برجر اللحم يقرش كانه طماطم !!

استغفرالله كانه جد كنت اكل بلاستيك

مدري على اي اساس منزلها و ليش ؟ بس عشان حجمها و سعرها يعني يضحك على منو

بس بجرب وجبتهم الجديدة بعد رايك عسى يعوضوني عن هالتجربة السيئة

انا فيني عاده اني ما احب اجرب شي جديد و اللي متعود عليه اخذه

بس مدري شصاير اذا جيت اجرب شي جديد اخر فترة اتوهق و ما يعجبني لول
 

---

مرسلة من طـبـيـعيـے (رقم العضويه 11956) on :
 
ساندوش الهوني ماستر ماجذبتني يمكن لاني ماحب الماستر و سانودش جامبو 175 اول مرة اسمع فيها
 

---

مرسلة من ZoLiTo. (رقم العضويه 10437) on :
 

رد مقتبس:

---

المرسل الأصلي هو Zyood:


حد جربها؟
امس جربتها,في منها مشوي و مقلي
لذييذة و الخبزة لينة و ساخنة
و الهوني مسترد ضاف لطعم البرجر,و مع البصل المقرمش و الخضروات الطازجة
انصحكم فيها جدا

---

حد يبعت لي بـDHL
 

---

مرسلة من طـبـيـعيـے (رقم العضويه 11956) on :
 
زلتوا المفروض تسون ثورة لافتتاح المطاعم العالمية
 

---

مرسلة من «[.MASTER.]» (رقم العضويه 12532) on :
 
ياللللله اخر مرة كليت من برجر كنج من سنه او سنه ونص

اجمالا بالامارات كنت احبه بس حاليا لا

و كنت احب


mushroom and swiss burger
 

---

مرسلة من Zyood (رقم العضويه 90699) on :
 





كينج صب

انه الطعم الملكي, قطعتين دجاج طرية و مقرمشة, لحم عجل مقدد شهي
خس يقرمش, و جبنة الشيدر السايحة و المايونيز
و مغطى بالخبزة المحمصة بكل عناية!

انها سندويشة الملوك!

بجربها قريبا

[ فبراير 21, 2015, 11:25 AM: تم تحرير المشاركه من قبل: Zyood ]
 

---

مرسلة من [ L.O.V.E.R ] (رقم العضويه 3004) on :
 
والله خايف عليك يا زيود من كثر ماتاكل من هالبرجر كينج

فطورك وغداك وعشاك من عندهم
 

---

مرسلة من Zyood (رقم العضويه 90699) on :
 
^

لا مو بهالدرجة
انا بالعادة آكل وجبة وحدة باليوم، و الباقي يكون سناكس خفيفة
و برجر كنج مليت منه، صرت بالكثير مرة وحدة او مرتين بالأسبوع آكل منه
 

---

مرسلة من طـبـيـعيـے (رقم العضويه 11956) on :
 

رد مقتبس:

---

المرسل الأصلي هو Zyood:





كينج صب

انه الطعم الملكي, قطعتين دجاج طرية و مقرمشة, لحم عجل مقدد شهي
خس يقرمش, و جبنة الشيدر السايحة و المايونيز
و مغطى بالخبزة المحمصة بكل عناية!

انها سندويشة الملوك!

بجربها قريبا

---

حسافة مومخربها الا لحم عجل , حان خلوه بيكون بقري
 

---

مرسلة من Zyood (رقم العضويه 90699) on :
 
الظاهر انهم يبون ينافسون الزنجر سوبريم من كنتاكي




 

---

مرسلة من طـبـيـعيـے (رقم العضويه 11956) on :
 
زيود على فكرة احنا مانزلت عندنا

احنا نزلت تشكيلة يديدة اسمها " معبوج"








 

---

مرسلة من Zyood (رقم العضويه 90699) on :
 
روعة التشيزي بايتس
 

---

مرسلة من (..khaled..) (رقم العضويه 90174) on :
 
الكنج صب لذيذة والدجاج رقيق وطري مو سميك

أما آخر ساندوتش جربته فهو : كواترو فورماجيو




حبيته وفيه أربع أنواع من الجبنة : جبنة شيدر ذائبة، جبنة موزاريلا، شريحة جبنة سويسرية، شريحة جبنة أمريكية مع وابر
يعني حلو لعشاق التشيز

واللي لاحظته غيروا عندنا نوع البطاطس بالسعودية
يعني خلوه اسمك كانه حق بوفيهات مو مثل أول
 

---

مرسلة من طـبـيـعيـے (رقم العضويه 11956) on :
 
الظاهر كل بلد خليجي عروضة غير

مانزلت عندنا ياخالد هالساندويش
 

---

مرسلة من «[.MASTER.]» (رقم العضويه 12532) on :
 
ببريطانيا مافي اي شي يديد
هم هالاربع انواع و بس
 

---

مرسلة من Zyood (رقم العضويه 90699) on :
 
جربت الكينج صب

مثل ما توقعت، نفس الزنجر سوبريم بس فيليه
حتى نفس الطعم و نفس الخبزة، شكيت اني آكل من كنتاكي
بس طبعا مش افضل منه

اقيمها: 6.5/10

[ فبراير 24, 2015, 11:54 AM: تم تحرير المشاركه من قبل: Zyood ]
 

---

مرسلة من طـبـيـعيـے (رقم العضويه 11956) on :
 
زيود كليت عجل عادي تحبه ؟
 

---

مرسلة من «[.MASTER.]» (رقم العضويه 12532) on :
 
اليوم كليت من برجر كنج
و ابي ارجع الحين الاكل خياااااااس
من زمان قاطع الفاست فود
اليوم لاني الصبح بس تريقت و مشغووووووووول لين الساعة 8 المسا و قدامي هالزفت برجر كينج
وععع
اخر مره
 

---

مرسلة من *risky (رقم العضويه 14875) on :
 
هذا اخر ويك اند قبل الرجيم

كلت من يومين وطلب جديد دبل جيز برجر شي خياااالي!!!!

احلى طلب في برجر كنج الصراحه

اللحم فضيع طعمه واللحمه متينه شوي ماجنها مصنعه

حبيت لايطوفكم
 

---

مرسلة من la princesa _ (رقم العضويه 88536) on :
 





امس مارتهم ابي اطلب وبر ولا اقول
ماك رويال
وتقولي ماعندنا ماك رويال اهني






[ مارس 27, 2015, 05:30 PM: تم تحرير المشاركه من قبل: la princesa _ ]
 

---

مرسلة من [ L.O.V.E.R ] (رقم العضويه 3004) on :
 
مثل حالتي فجور .. كل ماروح لهم على اساس اطلب تشكن فيليه لازم قبلها اقول ماك تشكن خخ

ماكدونالدز مأثر علينا كلنا

[ مارس 28, 2015, 01:59 AM: تم تحرير المشاركه من قبل: [ L.O.V.E.R ] ]
 

---

مرسلة من la princesa _ (رقم العضويه 88536) on :
 




اشوه مو بس انا
لمن عطتني الطلب قعدت اجيك اشوف صح ولا لا




 

---

مرسلة من Zyood (رقم العضويه 90699) on :
 


بيج داينامايت

إستمتع بالمذاق المتفجر في هذا البرجر الشهي!
قطعة من اللحم الطري تعلوها قطع الهالابينو بومبرز الغنية بجبنة التشيدر و الهالابينو
و تتوج بطبقات من الهالابينو، المخلل، جبنة البيبر جاك،الطماطم الطازجة، الخس المقرمش
و المايونيز في خبزتنا الثلاثية الجديدة!


--





داينامايت تشيكن فرايز


أضف بعضاً من اللهيب لأطباقك الجانبية و ذق الداينامايت تشيكن فرايز الجديدة!
مبهرة بالفلفل الأحمر، قليلاً من الحرارة، و كثيراً من اللذاذة.


[ أبريل 16, 2015, 03:28 PM: تم تحرير المشاركه من قبل: Zyood ]
 

---

مرسلة من طـبـيـعيـے (رقم العضويه 11956) on :
 
مالتكم عجيبة

شوف احنا شمنزلين عندنا مقاربة بس عااااادية




 

---

مرسلة من ZoLiTo. (رقم العضويه 10437) on :
 

 

---

مرسلة من طـبـيـعيـے (رقم العضويه 11956) on :
 



هاليومين صاير مدمن جكن رويال


بس اطلبها بدون شبس ولاشي مجرد زيادة جبن بدون كوكاكولا ولا شبس امس طلبت معاها كوسلو سلط

المهم اقص الساندوش نصين واحط داخلها فايري صوص

تصير شي خيالي
 

---

مرسلة من la princesa _ (رقم العضويه 88536) on :
 




تشيزي فرايز حبيته وهبيت فيه
وامس يوم رحت ابي ماكو





 

---

مرسلة من (..khaled..) (رقم العضويه 90174) on :
 


عاد أنا أعشق الموهيتو
مين جربهم ؟!
 

---

UBB.classic™ 6.7.1