This is topic بودبود يزور مطعم Coya في لندن in forum ســـــاحـــــة مــــشــتـــريـــاتــــي at منتــدى الســالميــه.


To visit this topic, use this URL:
http://salmiyaforum.net/cgi-bin/ultimatebb.cgi?ubb=get_topic;f=21;t=000017

---

مرسلة من يجيلك يوم (رقم العضويه 122) on :
 



مطعم Coya .. هو مطعم يقدم أشهى الاطباق البيروفية.. و اللي يملك هالمطعم هو نفسه صاحب ZUMA و مطعم Roka اثنين من أفضل المطاعم اليابانية في العالم.

اللي بتلاحظونه نفس ستايل stations الطبخ - مطبخ يطّلع الاكل النىء نفس الceviches و مطبخ الشوي اللي يذكرنا بمطبخ الروباتا في ZUMA

الاكل اللذيذ جداً و غنى بالتبيلات و اللحوم و والدجاج و ثمار البحر ..

المقبلات جربنا الروبيان المقلي بالتمبورا مع صلصة الاجي الحاره اللي يختص فيها المطبخ البيروفي و هي عباره عن انواع فلفل مخلله.. جربنا اسياخ الدجاج المشوي و قلب الثور المتبله بصلصة الاجي بعد

الطبق الرئيسي كان ستيك حار مقطع و متبل و مطبوخ بحرفيه كامله لنفس جرحة الحرارة اللي طلبتها medium .. كان لذيذ و مليىء بالنكهات


الطبق الثاني كان عباره عن Chilean Sea bass مطبوخ ببطىء مع ريزوتو يقدم في صحن حديد مثل ماهو معروف في بيرو، طبق غني بالنكهات .. كان من الاطباق المفضله عندي.

للتحليه اخترت كيكة الفوندانت المطبوخه لمدة ربع ساعه و محشيه بافضل انواع الكاوكاو البيروفي النادر

Spicy Beef


Chilean Sea bass



Grilled ox heart


Chocolate fondant


الخبر السعيد انه المطعم بيفتح في دبي الأسبوع الياي و موقعه في فندق الفورسيزنز فجميرا

و أنشالله تكون زيارتي لهالمطعم عجبتكم و انتظروني في المزيد من الزيارات لمطاعم اخرى حول العالم

لمزيد من المطاعم زوروا صفحة انستغرامي __bodbod__


[ ديسمبر 15, 2014, 09:38 PM: تم تحرير المشاركه من قبل: يجيلك يوم ]
 

---

مرسلة من حمـزة (رقم العضويه 82337) on :
 
روعة عبود ناطرين تقاريرك.. تسلم الايادي
 

---

مرسلة من zinoucha (رقم العضويه 90879) on :
 


[ ديسمبر 18, 2014, 04:33 AM: تم تحرير المشاركه من قبل: zinoucha ]
 

---

مرسلة من zinoucha (رقم العضويه 90879) on :
 


[ ديسمبر 18, 2014, 04:26 AM: تم تحرير المشاركه من قبل: zinoucha ]
 

---

مرسلة من طـبـيـعيـے (رقم العضويه 11956) on :
 
تصدقون انا عندي مشكلة مع مطاعم لندن


انا بالكويت احب اتذوق المطاعم وعندي خبرة بكل جديد

لكن بلندن لا , رغم اني ازورها بالسنة مرات عديدة لكن ما ابحث في مطاعهما ولا يهمني اركب تاكسي واطق مشوار عشان مطعم معين ,,,ليش؟


لانه بالكويت ماعندي شي ولا في شي اسويه فيصير المطاعم من اولوياتي


لكن لندن عندي مليون شغلة اسويها فيصير المطاعم اخر همي لذلك اكل من اي مطعم اشوفة صدفة جدامي مثل بايرون اكل منه وايد ليش؟ لانه بكل مكان في منه
 

---

مرسلة من *risky (رقم العضويه 14875) on :
 
عبود ياحظك صارلي 3 مرات السنه رايح لندن وكله فل وانا عيزان احجز اه لول

بدور كلللش ماتعرف شي
 

---

مرسلة من طـبـيـعيـے (رقم العضويه 11956) on :
 
رسكو مرة طرشوني على مطعم هندي في النايسبرج عليه اطباق تقتل من جمالها

المهم المطعم هذا يسكر من 2 ونص لي 6 المغرب في لندن

انا مادري عن هالشي رحت المطعم والا يقولولي اسفين سكرنا نفتح 6 المغرب

جان اقول نعم؟؟؟؟

جان اطلع والقا يمة بار ايطالي جان ادخل واتشمحلل هههههههههههههههههههههههههههههههههههههههههههه

[ ديسمبر 18, 2014, 11:47 PM: تم تحرير المشاركه من قبل: طـبـيـعيـے ]
 

---

مرسلة من عيون (رقم العضويه 12679) on :
 
بدعت بدبد فالتقرير


شكل الاكل نار
 

---

مرسلة من يجيلك يوم (رقم العضويه 122) on :
 
بدور انت ما تحب الأكل كثر الشمحلال و ما عندك مشكله تاكل فاي مكان .. انا بصراحه اذا سافرت لازم اكل فمكان اعر انه اكله حلو و اتعنى للمطاعم لو كانوا بعاد.. المطعم اللي تقصده فنايتس بريدج اتوقع امايا..

ريسكس : عادي حبيبي حياك دبي فتح هو و نصرت فنفس المكان لول

عيون : مشكور بو مره عالرد.. لازم تجرب المكان
 

---

UBB.classic™ 6.7.1