This is topic زينب الضاحي تظهر في مسلسل عراقي حديث 2007 in forum ســـاحــة الفـــن العـــربــــي at منتــدى الســالميــه.


To visit this topic, use this URL:
http://salmiyaforum.net/cgi-bin/ultimatebb.cgi?ubb=get_topic;f=24;t=000034

---

مرسلة من نــــــورة (رقم العضويه 144) on :
 
مقطع لزينب الضاحي وهي فنانة عاشت بالكويت وقامت بالتمثيل بالكويت ولكن اثناء الأحتلال العراقي قامت بالتعاون مع الجيش العراقي والقيام ببعض الجرائم وقد حكم عليها بالسجن وبعد انتهاء مدة السجن تم ابعادها الي العراق موطنها الأصلي

http://www.youtube.com/watch?v=zj8xJ5_bS3M&NR=1
 

---

مرسلة من طبيعي (رقم العضويه 11956) on :
 
ادري شفتها لووووووووول ماتغيرررررررررت هذي اهي والله ولاتغير فيها ولاشيييييييييي شلون مادري


يالله ..غلطت وخذت جزاها
 

---

مرسلة من DaLaL Q8 (رقم العضويه 24) on :
 
حسبي الله ونعم الوكيل فيها هالمجرمة

عضت اليد إللي إنمدت لها بعد شيسمونها غير (جل...)
 

---

مرسلة من الصغيره (رقم العضويه 10056) on :
 
واي تخرع جنها ساحره
حسبي الله عليها الله فوقها ان شالله ماتستاهل هالساحره

اسمها الصجي زنوبه عاشور والله لايق عليها اسم زنوبه استغفرالله
 

---

مرسلة من دلووعة ابوها (رقم العضويه 10510) on :
 

اكثر شي يبط الجبد انهم قاعدين يتطنزون علينا بالفيديو و والاخت بلسانها تقول عندنا ترشيد

شقول عنها غير انها اكــبر ....
 

---

مرسلة من طبيعي (رقم العضويه 11956) on :
 
لحضه .... انا معاكم بكل كلمه قلتوها ..وانا معاكم انها غلطت ومعاكم انها عضت اليد اللي اتمدت لها ومعاكم انها خذت جزاها بالسجن


لكن

لاتنسون هالنقطه انها تابت وتحسفت وسو لقاء معاها مجله كويتيه كان 4 صفحات بسنه 1995 اعتقد كانت تقول شكثر اهي غلطت وانها كانت تدور حفلات سهر ووناسه للجيش العراقي الصدامي ..وقالت انها تعتبر جميل الكويت تاج وانها قامت تصلي وقالت كلام يبين انها غلطت

وفوق هذا هم خذت جزاها والعدل قال كلمته فيها وسجنوها 20 سنه

وبعدها راحت العراق ومثلت هناك

طيب ليش هالدعاوي القويه منكم لها؟ المره قالت انها غلطت وترى اهي ماذبحت كل اللي سوته انها كانت تسوي حفلات للجيش وكانت تقول للفنانين تعالوا سو حفلات وياي يعني ماذبحت احد وغلطها خذت جزاه
طبعا هذا اكبر غلط ومتعاونه بس لاتنسون انها عراقيه يعني موغريب عليها اهي موكويتيه

فماله داعي السب والشتم لسببين
خذت جزاها وراحت ديرتها
+
انها متحسفه وتابت وقالت بالمجله هالكلام الي فردو لها 4 صفحات واهي تعدد جمايل الكويت عليها
 

---

مرسلة من الصغيره (رقم العضويه 10056) on :
 
توني انتبه على الترشيد صج مايستحون عادي شنو نتوقع من هالاشكال الله فوقهم
 

---

مرسلة من DaLaL Q8 (رقم العضويه 24) on :
 
طبيعي يعني إللي يسوي حفلات يسجنونه 20 سنة!

بعدين وين الإحساس إللي عندها؟ الناس قاعده تموت وهذي تسوي حفلات وخرابيط؟ حجر مو آدميه

جان تابت الحين بعد ال20 سنة سجن و تحجبت وجابلت ربهامو قاعدة تتدلع والله لاعت جبدي

الحمدلله والشكر

[ سبتمبر 18, 2007, 05:06 AM: تم تحرير المشاركه من قبل: DaLaL Q8 ]
 

---

مرسلة من طبيعي (رقم العضويه 11956) on :
 
اكيد غلطت ومتعاونه واجرمت بس اللي ابي اوصله انها خزت جزاها

والفن والتمثيل رزقتها انا اقصد تابت عن اللي سوتها بالغزو فهمتي دلال

يالله ذلفت اول وتالي

[ سبتمبر 18, 2007, 05:09 AM: تم تحرير المشاركه من قبل: طبيعي ]
 

---

مرسلة من الصغيره (رقم العضويه 10056) on :
 
طبيعي زينب الضاحي انحبست 9 سنين بالسجن المركزي وطلعت من السجن بعفو اميري من الشيخ جابر الله يرحمه وعلى طول ردوها ديرتها

تابت ولا ماتابت حق نفسها واول مره اسمع ان مقابلينها بمجله اصلا انا مادريت انها عايشه الا من فترة كنت متوقعه انها ماتت
سبحان الله من كنت صغيره ماحبها

بس الممثل الثاني امبريج اللي طلع بمسلسل جحااللي مات صج موزين اتكلم عالريال وهوا ميت الله يرحمه مات عقب ماطلع من السجن بفتره قصيره
 

---

مرسلة من طبيعي (رقم العضويه 11956) on :
 
ايه مبيريج مات بالشارقه

واهي انسجنت من الغزو لين2004

وسوت مقابله مصوره مع الجريمه وقتها انشهرت المقابلة ...حتى انا انصدمت انه طلعوها توقعت اكثر
 

---

مرسلة من DaLaL Q8 (رقم العضويه 24) on :
 
أنا أقول ماصار 20 سنة عالغزو خخخخخخخخخ

وياليت تكون تايبه مو علشانها بس علشان الناس إللي بيتعذبون من تحت إيدها
 

---

مرسلة من Mak (رقم العضويه 5) on :
 

رد مقتبس:

---

وفوق هذا هم خذت جزاها والعدل قال كلمته فيها وسجنوها 20 سنه

---

طبيعي الغزو صارلة 17 سنه شلون انسجنت 20 سنه انا اعتقد انها ماتستاهل انك تتعاطف معاها تكونت بالكويت وصار لها اسم فني واشتهرت بعد ماكنت تبيع بط باسواق البصره مجرد دخول جيوش صدام قلبت وصارت تشتغل.....انت تعرف اكيد
 

---

مرسلة من الصغيره (رقم العضويه 10056) on :
 
ماتشوفونها بمسلسل كامل الاوصاف ظابطه الدور تسخن للغزو
 

---

مرسلة من طبيعي (رقم العضويه 11956) on :
 
ماك: اهي خذت 20 سنه لكن في بالسجون تعرفون عفو مادري شنو تطلع باقل بس حكمها 20 سنه

اناماتعاطفت معاها ولا اتعاطف مع اللي مثلها لكن المقابله اهي اللي حسستني انها عرفت غلطها وانها ندمانه وانها بالسجن كانت تطلب من اللي يزورها ايبلها الاعمال الكويتية اليديدة تشوفها بالسجن

يمكن لو انتوا قريتوا اللقاء عرفتوا ليش انا قلت جذي

انا مادافع ولا شي بس اقول انها خذت جزاها واكثر وطلعت بره الكويت

[ سبتمبر 18, 2007, 06:05 AM: تم تحرير المشاركه من قبل: طبيعي ]
 

---

مرسلة من J@sSoOoM_87 (رقم العضويه 3016) on :
 
غير هذا .. زينب الضاحي كانت تدل العراقيين على بيوت الفنانيين عشان ياخذونهم و يجبرونهم يتعاونون مع صدام
 

---

مرسلة من Dreamer78 (رقم العضويه 67446) on :
 
الصغيره :

( ماتشوفونها بمسلسل كامل الاوصاف ظابطه الدور تسخن للغزو )

لووووووووول اي والله صاجه


يا جماعه آنا من شفت الفيديو و يوم طبت فينا بموضوع الترشيد وانا قلت هذي ما يازت عن سوالفها قلبها للحين فيه حقد على الكويت .. لكن ما أقول ألا .. ولا اقول ماني داعي عليها لأني صايم لكن حسبنا الله ونعم الوكيل فيها وفي كل من يكره ديرتنا .. آنا سمعت اشياء وايد عنها إنها مو بس كانت تسوي حفلات بالغزو كانت تعذب بنات كويتيات في المعتقلات اللي سووها العراقيين في الكويت مثل المخافر و قصر نايف و كانت مسويه روحها شيخه على الكويتيين .. بعد عمري يا الكويت انشاء الله بتبقين شامخه و عاليه و حره أبيه ولا أحد من هالحبربش يقدر يأثر فيج طول ما روسنا تشم الهوا .. أحلا شي في ديرتنا إن من شيابنا و عيايزنا و شبابنا وبناتنا وأطفالنا كلنا ما نرضا أحد يقول نص كلمه بالسوء عن ديرتنا .. الحمدلله إحنا عيال أصل و خير و ما ننسى ديرتنا اللي علمتنا وكبرتنا .. وإذا راده على هالأشكال زينب الضاحي وغيرها خل تقعد تهوس هناك من الحين لباجر .. واللي ما يطول العنب شيقول؟


هى هى هى سوري يا جماعه بس خذتني الحميه الزايده و الوطنيه


تحياتي لكم
 

---

مرسلة من طبيعي (رقم العضويه 11956) on :
 
^
^
^
^
^
^
لحضه لحضه انا اسمع كلام مادري عنه!!
وهم كلام دلال الكويت انه في ناس يتعذبون من تحت ايدها

فاذا كان هالكلام صحيح انا اسحب كل جمله قلتها او اي معاتبه لكم لانكم شتمتوها

اذا فعلا هذي سواتها فتستاهل الموت لانه مجرمه ونذله

وماتستاهل قطره تعاطف من اي حقاني

انا ماكنت ادري جذي انا كل اللي اعرفه انها كانت تسوي حفلات طرب وسمر للعراقين بس هذا الي اعرفه عنها


بس لو هذي سواتها اقل مايقال عنها مجرمه والله عطاها حقه نفاها مره وحده من كل شي ..فعلا الله مايخلي الظالم
 

---

مرسلة من KHaLaF (رقم العضويه 12634) on :
 
يحليلها

موب هذي اللي كانت تلعب دور الطقاقه في مسلسل على الدنيا السلام ويا محضوضه ومبروكه

خخخخخخخخخ احيد سعاد عبدالله غنت وأدت صح خسفت فيها الأرض اما حياه يوم غنت بنشاز جبار هللت فيها وانطربت وياها

حسبي الله على كل إنسان أذى الكويت واهلها سواء كانت هي منهم او لأ
 

---

مرسلة من Kuwaity (رقم العضويه 4) on :
 
بصراحة هذه حثالة مو فنانة تسلمين نورة على هالمواضيع المميزة
 

---

مرسلة من Dreamer78 (رقم العضويه 67446) on :
 
اي طبيعي انا سامع عنها سوالف سوتها ايام الكويت وخاصه في سالفة التعذيب هذي والله لو تسمعها يشيب راسك ومره سمعت سالفه عن بنات في الجامعه يدرسون قانون أو شغله جذي راحو رحله ميداني ايام الجامعه حق السجن اللي هي مسجونه فيه عاد يوم مرو يمها شافوها داخل الزنزانه عرفوها جان تصرخ عليهم وتقولهم: شتبون تطالعون؟ وقامت تسبهم و تقط عليهم كلام مو اقدر اقوله اهني


يا طبيعي يا أخوي انسى تتعاطف مع اي انسان خان وطنك حتى لو كانت خيانته بكلمه صغيره فما بالك بأفعال كبيره؟ هذيله يوم خانونا ما كسرنا خاطرهم ولا كسرت خاطرهم ديرتك اللي انظلمت تحت رحمتهم 7 شهور وللحين نعاني من آثار الغزو


تحياتي لكم
 

---

مرسلة من (Afnan) (رقم العضويه 82002) on :
 
حسبي الله عليها المفروض يعدمونها موبس تنسجن لانها خاينه حسبي الله عليها ، الموضوع يبط الجبد ، وماشفت الفيديو لا ابي اشوفه مالي خلق انقهر زود

[ سبتمبر 20, 2007, 11:58 PM: تم تحرير المشاركه من قبل: (Afnan) ]
 

---

UBB.classic™ 6.7.1