This is topic THE GOLDEN GIRLS____________ in forum ســـاحــة الفـــن الغـــربــــي at منتــدى الســالميــه.


To visit this topic, use this URL:
http://salmiyaforum.net/cgi-bin/ultimatebb.cgi?ubb=get_topic;f=26;t=000127

---

مرسلة من طـبـيـعيـے (رقم العضويه 11956) on :
 


Golden Girls

هذا المسلسل الي أبدا مايموت منو فيكم يشوفة؟

تصدقون انه المسلسل كل ما اتغدى لازم اكل وانا اشوفة بدونة احس في شي ناقص

مسلسل عجيب واهم مايميزة الحميمية الي فيه

هالمسلسل اعده مثل توم وجيري مايموت ولا يمل منه



صور من سنة 1985 الى اخر سيزن 1991 وعددهم 7 سيزن

تقريبا 3 منهم توفاهم الله ووحدة للحين عايشة الله يطول بعمرها

حقيقة الي مايشوف هالمسلسل فعلا مضيع على نفسة كوميديا خفيفة وجو عائلة ممتاز


 

---

مرسلة من iDoc (رقم العضويه 74592) on :
 
المسلسل ما تابعته الا من ورا الدبلجة الكويتية هههه
 

---

مرسلة من طـبـيـعيـے (رقم العضويه 11956) on :
 
دوك تدري انه رفيجي الي مسوي الدبلجة؟ هه رفيجي مو مجرد اعرفة لا رفيجي الكلوز ايام الثانوية كل ويك اند نطلع مع بعض

تدري انه هو نفس الصوت كل الاصوات؟ كلهم هو

https://www.youtube.com/watch?v=2Seanb3Kj38
 

---

مرسلة من صـعـب (رقم العضويه 89958) on :
 


أكتشفته من قبل سنة ونص تقريباً من تلفزيون دبي
أول ما شفته قلت وش هالمسخرة بعدين حبيته
رغم أن الدبلجة مُحرّفة جداً جداً إلا ان طالع مُضحك جداً جداً
في أميركية تقول بلاليط وصب القفشة ودهن عداني

كان نفسي أشوفه بـلغته الأصلية بس طلع حلقاته كثيرة
رغم أن مدة الحلقة مو طويلة على حسب الي ينعرض بتلفزيون دبي يمكن 20 دقيقة بس
بس أنا والمسلسلات الأجنبية


+

رد مقتبس:

---

المرسل الأصلي هو طـبـيـعيـے:

تدري انه هو نفس الصوت كل الاصوات؟ كلهم هو

---

لا طبيعي الي ينعرض على تلفزيون دبي أصوات مختلفة عن الي بالفيديو
Bea Arthur المُدبلجة أمل عباس
Estelle Getty المُدبلجة عصرية الزامل
Rue McClanahan المصرية نور الهدى صبري مُدبلجة كرتون سابقاً
Betty White مُدبلجة في الأفلام والمسلسلات الهندية حاولت اعرف أسمها بس ما حصلته

أحلى شخصية الأم الي تدبلج عنها عصرية الزامل ملح المسلسل
أحس بالنسخة الأصلية تذبح ولسانها متربي منها



 

---

مرسلة من طـبـيـعيـے (رقم العضويه 11956) on :
 
صعب ماشفت النسخة الي تقول عنها ولا اتوقع بشوفها

كافي انهم محورين الكلام على كيفهم والمسلسل فيه حديث وايد عن صياعة اكيد شايلنا

لالا انا شفت الاصلي فقط

اما اللنك الي حطيته فهو كوميدي مايتعدي جم دقيقة


اما اشوف مسلسل كامل مدبلجينه كويتي استحالة
 

---

مرسلة من صـعـب (رقم العضويه 89958) on :
 

أي عشان جذي وقفته لان حبيته ما أبغى أحرقه على نفسي

صحيح الدبلجة تقتل العمل
بس هذا لأن كوميدي فمشت السالفة ينفع كمشاهدة ثانية أو كالقطات


 

---

مرسلة من طـبـيـعيـے (رقم العضويه 11956) on :
 
للرفع !!
 

---

مرسلة من Orphen (رقم العضويه 90094) on :
 

هالمسلسل من المفضلات عندي ودايما يوم اكون متضايج اشوفه يونس خصوصا ام دورثي وقصصها الـ+18

تابعته بالانجليزي وتابعته خليجي على دبي والاثنين يضحكون صح ان الخليج محرف وايد بس بعد حلو

وسووله جزء ثاني بس فشل وماستمر كان بدون دورثي

اول وحده ماتت دورثي بعدين امها بعدين بلانش
الوحيدة الي باقيه روز من كم سنه راسلتها وطرشتلي صورتها عليها توقيعها وكاتبه اسمي يحليلها



 

---

مرسلة من طـبـيـعيـے (رقم العضويه 11956) on :
 
ياحليلها وياحليلك وودي اسبك !! عيل تواصلت مع دورثي شلوووووووون

انا توني الحين كنت اكل جكن فليه واشوف حلقة من سيزن 6
 

---

مرسلة من [ oSama ] (رقم العضويه 51697) on :
 
تدري يا بدر إنه خلصت الـ 7 مواسم منه في أسبوع ونص؟! كانت كل الحلقات موجودة ع اليوتيوب بس انمسحت .. كل موسم أقوى من اللي قبله! أعشق هالعيايز

الكوميديا اللي فيه timeless .. ما عمري شفت حوار بـ هالابتكار!! وغير الكوميديا والضحك, المسلسل دايماً كان يعالج قضايا وقصص شاغلة الناس ..

لليوم ما أمل من حلقاته وعندي استعداد أحضره كل المواسم مرة ثانية ..
 

---

مرسلة من طـبـيـعيـے (رقم العضويه 11956) on :
 
اسامة حرام حارم نفسك من مشاهدة بكوالتي عالي خصوصا انه الدي في دي رخيص بما انه كلاسيكي سعرة منخفض

بالظبط مثل ماقلت يعالج قضايا محلية امريكية بشكل حلو والكوميديا فيه تقتل ومافيه تطنز وقله ادب لا كوميديا راقية
 

---

مرسلة من Orphen (رقم العضويه 90094) on :
 

رد مقتبس:

---

المرسل الأصلي هو طـبـيـعيـے:
ياحليلها وياحليلك وودي اسبك !! عيل تواصلت مع دورثي شلوووووووون

انا توني الحين كنت اكل جكن فليه واشوف حلقة من سيزن 6

---

وتسبني ليش حبيبي بدر ركز انا قلت تواصلت ويا روز مب دورثي
وين بحصل دورثي في جلست تحضير ارواح مثلاً ؟

هذا التوقيع شوف بنفسك عشان تصدق



 

---

مرسلة من One° (رقم العضويه 3946) on :
 
اموت على هالمسلسل! من يومي صغيره كنت اتفرج عليه وعلى ساينفلد مع بابا باخر الليل لما انام على حجره

الان كلما ابي انام اشغل حلقاته او حلقات ساينفلد و انام بسرعه!

ذكريات!!!
 

---

مرسلة من Angie_S (رقم العضويه 91565) on :
 

كنت بسوي موضوع عنه بس سبقتني وزعلت وقررت ما أرد LOL

غولدن غيرلز من الكلاسيكات اللي ماتموت وحافظة حلقاته من كثر ما أشوفه .. أحبهم كلهم بس أقل وحدة يمكن بلانتش

وعلى فكرة دور بلانتش المفروض كان يروح لبتي وايت اللي عملت دور روز بس غيروا بآخر لحظة وبدلوا الأدوار بينهم

ودورثي كانت ماتبي تسوي المسلسل لأنه كانت توها مخلصة مسلسل خاص لها ( عندها مسلسل ناجح جداً قبل غولدن )

كانت ماتبي بس الايجنت مالها ( وبلانتش) قنعوها تسوي البايلوت على الأقل وفعلا لما سوته حبته وكملت وياهم

وبي أرثر ( دورثي ) كان في اشاعات انها ماتداني بتي وايت ( روز ) وصج روز بعد وفاة دورثي أكدت هالشي

قالت انها تحب دورثي وتحترمها ودورثي كانت بروفشنل بوقت التصوير بس ماكانت تحبها وتحسها ثقيلة دم

وعلى كلام روز انه بي ارثر شخصيتها براكتل وجدية وكانت تتنرفز من شخصية بتي وايت المتفاءلة اللي كله تضحك

وأول وحدة ماتت فيهم هي صوفيا , توفت سنة 2008 وبعدها دورثي وبعدين بلانتش وبتي وايت ماشاءالله للحين

تشتغل وتعتبر كنز أمريكي

وترى صوفيا أم دورثي عانت وايد مع المرض واعتزلت من زمااان قبل وفاتها مع انها مو كبيرة .. ترتيبها الثالثة

كعمر بين الأربعه .. وكانت تموت خوف من الموت وماتحب تقول نكت موت بس غصبنا عليها تقولهم مرات

وكان المكياج اللي يحطونه لها مع الباروكة ياخذ تقريبا ساعتين مادري أكثر كل يوم تصوير , والمضحك

بتي وايت قالت سالفة .. انه بعد سيزون ون ايستلا قيتي ( صوفيا ) سوت شد ومال المكياج لما

شافها عصب LOL لأنها بينت أصغر بكثير

+

هذا Reunion للمسلسل سنة 2003 بعد مرور 11 سنة على آخر حلقة نزلت لغولدن غيرلز



كثير ممتع البرنامج وتكلموا عن كثير أشياء وطبعا كلهم شاركوا بالبرنامج ماعدا صوفيا ايستلا قيتي

صوفيا كانت معتزلة وقتها , استلا اختفت عن الأضواء من سنة 2000

وفي بعد دوكيمنتري لكا فنانة من الغولدن غيرلز .. وموجودين باليوتوب .. يتكلمون عن حياتهم من الولادة لحد غولدن غيرلز

كثير ممتعين بعد

وبالنسبة للجوائز المسلسل خذا كثير جوائز وكل وحدة من الأربعة من الغلودن غيرلز عندها ايمي لدورها بالمسلسل

ومن كثر مانجح المسلسل .. سنة 1988 الملكة اليزبيث قدمت لهم دعوة خاصة عشان يمثلون حلقة لايف على

الـRoyal Variety Performance بحظور الملكة الأربعة انصدموا من حب الناس لهم في بريطانيا

وأذكر وحدة منهم قالت انصدمنا لما وصلنا هناك من الفانز والجمهور , حسينا نفسنا البيتلز مو أربع عجايز

هنا العرض كامل


 

---

مرسلة من Orphen (رقم العضويه 90094) on :
 

اذكر شفت مقابلة بيتي وايت ماقالت انها تكرهها تكرهها يعني بالمعنى بس ان دورثي ماتحب سذاجتها وانها طول الوقت مبسوطه جنها متعاطيه شي


بعدين سووا The Golden Palace مثل تكمله للمسلسل بس مانجح ودورثي طلعت ضيفه فيه حلقتين اظن

اذكر اول مره شفته كان في المستقبل بس للاسف ماكملوا
اكثر شخصيتين احبهم صوفيا + روز

من فترة شفت فيديو مقابله ل بيتي مسويتلها مثل حديقة حيوانات صغيرة فيها زرافات وقرود وحيوانات وقاعده معاهم تتأمل الطبيعه , احسها وايد بسيطه وعلى نياتها


احس محمد حارب سارق فكرة فريج من هالمسلسل



[ مايو 16, 2015, 05:11 PM: تم تحرير المشاركه من قبل: Orphen ]
 

---

مرسلة من Angie_S (رقم العضويه 91565) on :
 
LOL اي أحمد بتي تحب الحيوانات وايد .. دايما تقول أكثر شيين أحبهم في الدنيا هم التمثيل والحيوانات

وبي أرثر على قولتك ماكانت تهضم بتي وشخصيتها .. بتي عاد ذكية عكس شخصبة روز بس هي مثل روز بالتفاؤل

كله تضحك وتحب الحياة مش جدية وماخذة الامور حياة وموت .. وبالنسبة للغولدن بالس فسخييييف جداً

ويقولون انه سبب ختام غولدن غيرلز بعد السابع هي دورثي كانت بعد كل سيزون تقول بطلع كافي فطلعوها وختموه

وعن فريج LOL ايه صح نفس فكرة الشخصيات .. ومش بس فريج عولدن غيرلز كان مثل inspiration لكثير أعمال

مثل سكس اند ذا سيتي و دسبرت هاوس وايفز و ديفييس مييدز

 

---

مرسلة من طـبـيـعيـے (رقم العضويه 11956) on :
 
واو انجي ردج بروحه يحتاج موضوع كامل كله مفاجأت بالنسبة لي

او شي شدني لما شفت حلقة الرويال بالمسرح الي طلعت بالنهاية اهي الملكة اليزابيث؟ ماتوقع الشكل كلش غيررر

لاحظت وايد من ردودكم انه بتي ارثر دعله الله يرحمها وماتنتحاجى و كلا مادة البوز

من سالفتها من بيتي و سالفة كل سيزن الا تبي تطلع وسالفة انه اصلا وافقت بالغصب تمثل

ياشين هالنوعية من الناس لوول

[ مايو 16, 2015, 05:34 PM: تم تحرير المشاركه من قبل: طـبـيـعيـے ]
 

---

مرسلة من Angie_S (رقم العضويه 91565) on :
 
bea شخصيتها حلوة بس جدية بشغلها وهي أصلا كانت تحب المسرح والغناء أكثر من التيفي عشان جذي اعمالها واايد قليلة

تاريخها كبير بالمسرح .. وهي كانت مترددة تسوي غولدن غيرلز لأنها كان مالها خلق مسلسل خصوصا انه قبل GG بكم سنة

خلص مسلسل بطولتها كان ناجح بعد اسمه Maude .. شوفه حلو ومعاها بلانتش , ودور بلانتش هني مثل دور روز

في غولدن غيرلز LOL مش مثلها بالضبط بس يعني شخصية ساذجة عشان جذي لما سووا غولدن غيرلز بدلوا الأدوار

+

وعن الملكة .. يمكن شبيهتها مدري

[ مايو 16, 2015, 06:01 PM: تم تحرير المشاركه من قبل: Angie_S ]
 

---

مرسلة من Orphen (رقم العضويه 90094) on :
 

رد مقتبس:

---

المرسل الأصلي هو طـبـيـعيـے:

او شي شدني لما شفت حلقة الرويال بالمسرح الي طلعت بالنهاية اهي الملكة اليزابيث؟ ماتوقع الشكل كلش غيررر

---

بدر
مب معقوله ماتعرفها
هذي الملكة اليزابيث الام وماتت سنة 2002
وهي ام اليزابيث ملكة بريطانيا الي موجوده الحين كانت تحب المسلسل وتتابعه وطلبتهم يقدمون عرض على المسرح الها

انجي
ماشفته مسلسلهم الثاني بس قريت انه سيئ ودورته وماحصلته لا على ديسكات ولا تورنت حتى
شفت من فترة هوت ان كليفلاند وماعيبني وايد مع ان بيتي وايد تضحك بس المسلسل مب لين هناك

بي ارثر قالت في مقابله سبب انهاء المسلسل انها شافت انهم وصلوا لمستوى حلو وانهم لو كملوا مابيكون الهم نفس الاصداء والناس بتمل منهم عشان جي طالبت انهم ينهونه بعد سبع مواسم

مره جون ريفرز عرضت حلقة كاملة تتمصخر على ملابسهم خصوصا بي ارثر حسيتها شوي حقيرة لان اللبس في هذاك الوقت كان جي


 

---

مرسلة من طـبـيـعيـے (رقم العضويه 11956) on :
 
اورفن اي اعرفها الام بس نسيت شكلها الي اعرفها عنها انها قشرة اكثر من بنتها لول


المهم

صج عاد ملابسهم كانت نكته هههه تفشل خصوصا بي ارثر خلاجيييين لول


حتى الممثلات الكويتيات بنفس الوقت ذاك كانوا احس ارقى
 

---

مرسلة من Angie_S (رقم العضويه 91565) on :
 
أحمد

شفت كم حلقة من ذا غولدن بالاس سنة 2000 مادري 2001 , كنا بامريكا كان يعرض على قناة بس ماذكر وين

وعلى طاري العرض .. آخر مرة رحنا أمريكا يمكن 2010 أو 2011 نسيت ,, المهم كان غولدن غيرلز ينعرض وايد

على هول مارك وقناة ثانية .. اذكر هول مارك كانوا يسوون مثل مارثون للحلقات لي 3 الفير .. كنت اقعد بالاوتيل

بس عشان أشوفه LOL تخيل للحين المسلسل مطلوب وناجح والأربع فنانات لي آخر حياتهم يوصل لهم تشيك

كل فترة من عرض المسلسل لأنه للحين مطلوب

+




 

---

UBB.classic™ 6.7.1