This is topic توقعات مجلة Entertainment لأنجح عشر أفلام لصيف 2008 in forum ســـاحــة الفـــن الغـــربــــي at منتــدى الســالميــه.


To visit this topic, use this URL:
http://salmiyaforum.net/cgi-bin/ultimatebb.cgi?ubb=get_topic;f=26;t=000146

مرسلة من [ LOVER ] (رقم العضويه 3004) on :
 


توقعات مجلة Entertainment لأنجح عشر أفلام لصيف 2008 !!

 -

تعالوا نشوف الافلام اللي متوقعين لها مجلة Entertainment نجاح جماهيري كبير هالصيف [Big Grin]

بتنصدمون من غياب بعض الافلام اللي متحمسين لها [help]

_________________________________

1
Indiana Jones and The Kingdom of the Crystal Skull
 -
355.9 million

شي متوقع يكون منافس قوي .. نظراً لمعجبين سلسلة انديانا جونز !!

بس انا شخصياً مب هامني الفلم !!

_________________________________

2
The Chronicles of Narnia: Prince Caspian
 -
310.8 million

احلى شي ان بهالصيف بنرجع لعالم نارنيا [heartpump]

شكلها بتصير معركة تكسير رؤوس بينه وبين فلم انديانا جونز على ارباح شباك التذاكر [Big Grin]

ناطر هالجزء على نار !!

_________________________________

3
Hancock
 -
280.4 million

Hancock احلى وأخبل سوبر هيرو ممكن نشوفه [Big Grin]

من الافلام اللي ناطرها بحماس هالصيف ..

_________________________________

4
Wall-E
 -
280.3 million

والـــــي [nerd]

يعني ضروري اقولكم شكثر متحمس لفلم بيكسار الجديد [Big Grin] ؟

بيكسار وما ادراك ما بيكسار !!

شكلهم مجهزين لنا وجبه دسمه هالصيف !!

حبيت سياستهم هالسنه في الاعلان

مكثفين اعلاناتهم على شخصية والي .. من غير مايركزون على الاحداث والقصه اللي بيمر فيها

وكأنهم حابين ينشئون علاقه بين المشاهد ووالي

ناطر ابداعهم الجديد على نار [heartpump]

_________________________________

5
Iron Man
 -
267.7 million

شخصياً ما أتوقع ان هالفلم يتقدم على فلم باتمان الجديد !!

بس على العموم الرجل الحديدي من الشخصيات اللي تثير اهتمامي بعالم الكومك بوكس

ناطر اشوفه هالمره على الشاشه الكبيره !!

_________________________________

6
The Dark Knight
 -
255.0 million

الجزء اللي انعرض من 3 سنوات كان اسطوره ومحط اعجاب النقاد .. فهل هالشي بيتكرر مع ذا دارك نايت ؟

متحمس وايد للفلم

_________________________________

7
Kung Fu Panda
 -
244.6 million

بيكسار خذت كل حماسي لافلام الانميشن هالسنه وماخلت شي لكونغ فو باندا او غيره [Big Grin] فمب متحمس له !!

<---- أبو التعصب يا شيخ [rofl]

_________________________________

8
The Mummy: Tomb of the Dragon Emperor
 -
176.5 million

مادري شلون بيغطون على غياب ملح الفلم ريتشل وايز [Frown]

بس أكيد من الافلام اللي اترقبها هالصيف

_________________________________

9
The Incredible Hulk
 -
147.2 million

مب من معجبين افلام الرجل الاخضر [worried]

_________________________________

10
Tropic Thunder
 -
146.6 million

اخيراً فلم كوميدي ثاني بالقائمه

بعد الغياب المحبط لقيت سمارت وماما ميا [Frown]

الفلم شكله تحشيش من قلللب [rofl]

كفايه لما نعرف ان بن ستلر هو مخرج الفلم !!

يعني ضحك حتى الاشباع [bgrlaugh]

_________________________________


أخيراً حبيت أعرف رايكم شباب وبنات بالافلام اللي متحمسين لها من هالقائمه ؟!!

انا متحمس لهم كلهم .. إلا انديانا جونز وذا هالك وكونغ فو باندا  -



[ أبريل 24, 2008, 06:05 PM: تم تحرير المشاركه من قبل: [ LOVER ] ]
 
مرسلة من طبيعي (رقم العضويه 11956) on :
 
 -

[heartpump] [heartpump] [heartpump]


_________________________________

وااااو مومي متى ينزل بليز بليز انشالله هالجزء
يذكرون انه المخلوقات الفضائيه هي اللي بنت
الاهرامات [nerd]


[ أبريل 24, 2008, 06:16 PM: تم تحرير المشاركه من قبل: طبيعي ]
 
مرسلة من طبيعي (رقم العضويه 11956) on :
 
نصور تاخرت يالله رد علي [Mad] [check]

 
مرسلة من RISKS (رقم العضويه 14875) on :
 


وايد مستعيل نصنصيه للصيف [Razz]

<--- وراه امتحانات جايه ولايعه جبده من كل شي لول

انتظر كل الأفلام الا الرجل الاخضر

كلش كلش ما اهضمه [Confused]

وطبعا والي على راس القائمه افلام ديزني بيكاسر دايما لهم نصيب الاسد في القلب [heartpump]

وعكسك في انديانا جونز عندي الاجزاء الأولى وبقعد اشوفهم لما افضى

عشان مايجي الصيف الا وانا جذي متذكر الاحداث اول بأول [nut]

يعطيك العافيه نصنصيه

وابي ينزل الدب بهالقتره احسه عبط

صج دريم وركس خمه بس عليهم كويميديا تحشيش


 
مرسلة من روح المحبـــة (رقم العضويه 12395) on :
 
Iron Man


نزلت هالفيلم بس مايشتغل غير دقيقة ويسكت لووول


ابغى اشوف انديانا جونز ولو اني ما شفت اللي قبله

ثانكس لوفر
 
مرسلة من [ LOVER ] (رقم العضويه 3004) on :
 


بدوور

اسمحلي كنت اكتب رد بالمشرفين [Razz]

استانست لما شفت صورة والي بردك

حشى والله احس اني صاحب شركة بيكسار [nut]

لهالدرجه قلبي عليهم لول

بدور لازم تشوف دعاية الفلم عشان تعرف انت مقدم على شنو [Eek!]

المناظر اللي فيه جــد شي مب طبيعـــــــــــــي

التفاصيل ودقتها تذبح يا بدور [Eek!]

غير الشخصيه والنواحي النفسيه اللي مشتغلين عليها !!

حاس ان احنا جدام فيلم عظيم والله [heartpump]

وبالنسبه لفلم ذا مامي .. مابي احطمك بدور لول

بس انت شفت غلافه قبل ؟ [Razz]

الفلم هالمره تدور أحداثه بالصين [Big Grin] مب في مصر عند الفراعنه والاهرامات !!

بس لاتخاف بيكون فيه قبور وموتى محنطين [Embarrassed]

ذبحتك هالسوالف لول

 
مرسلة من [ LOVER ] (رقم العضويه 3004) on :
 


احمد لا والله مب مستعيل على الصيف [Big Grin]

الرجل الاخضر مستغرب ليش أعادوا انتاجه مره ثانيه !!

نزل قبل كم سنه وفشل فشـــل ذريع !!

ومادري ليش ادوارد نورتن وافق على الفلم ؟

هالممثل عنده قدرات تمثيليه خارقه .. حرام يحرق نفسه بهالنوع من الافلام [Mad]

اما انديانا جونز .. انا مانكر ان الجزء الاول كان حلو !!

بس المشكله اني مليت من باقي الاجزاء !!

واذا بشوفها عادي ماعندي مشكله .. لكن ماتحمس وانطرها !!

وفلم الدب بحاربه بكل طاقتي لين اخر السنه [Mad] <--- خف علينا بس

مابي اي فلم ينافس والي [Cool]

 
مرسلة من [ LOVER ] (رقم العضويه 3004) on :
 


روح المحبه ..

متى نزل Iron Man [Eek!] .. كاتبين ان الفلم بينزل في 2 مايو !!

واذا مهتمه بإنديانا جونز .. عندج MBC 2

راح يعرضون جميع الاجزاء .. شوفيهم قبل ماتشوفين الجديد [Big Grin]

والعفو اختي روح المحبه

 
مرسلة من randomly (رقم العضويه 13811) on :
 

يعطيك العافية عالموضوع نصور [Smile]

ياخي في بعض أفلام من التريلر أنا ما أتحمس لها بالمرة

بس يصدموني ساعات إنهم يطلعون عكس التوقعات

أنا من النوع الي أتحرى عن أي فيلم قبل لا أدخله السينما من ناحية آراء النقاد وكلام الجمهور

فعشان أكون حقاني [Razz] وما أظلم الأفلام الموجودة باللستة

راح أحدد الأعمال الي لو شو ماصار أحضرها في السينما ألا وهم ......


_______________________


( Wall-E )

ولا مرة جد قدموا هالشركتين عمل باهت أو يقل عن متوسط كحد أدنى  -


_______________________


( Indiana Jones and The Kingdom of the Crystal Skull )

سنة عن سنة [help] مستوى أعمال ستيفن في تدني ملحوظ

ما أنكر إني من محبي هالسلسلة ومستانس إنه هاريسون فورد بعده مرتبط بشخصية إنديانا

والأهم من هذا كله إني ماإلتمست بشي سلبي في تريلر الفيلم

فـ أنا متحمس له كفكرة مبدأية ....


_______________________


( The Dark Knight )

الجزء الأول كان روعــــــــــــــــــــــــــــــــــــة [Big Grin]

ومن يومها وأنا متحمس للجزء الثاني, على أمل إنه يكون قد التوقعات ومايخيب ظني


_______________________


( The Chronicles of Narnia: Prince Caspian )

( The Incredible Hulk )

( The Mummy: Tomb of the Dragon Emperor )

( Iron Man )

حالياً [Roll Eyes] مب متحمس لهم بأي شكل من الأشكال وحتى التريلرر مايشجعون

يمكن أغير رايي لما أقرأ ردود والريفيوز


_______________________


( Tropic Thunder )

( Hancock )

( Kung Fu Panda )

إستلطفت هاللأفلام من التريلرز ويضحكون [Cool]

بس هم راح أنطر الريفيوز وبعدين اقرر .......!!

 
مرسلة من روح المحبـــة (رقم العضويه 12395) on :
 
لوفر

نزل بالتورنت [Smile]
 
مرسلة من Spark (رقم العضويه 10288) on :
 
مممم

ياخي اغلب الافلام اكشن او سوسبين
كم فلم كومدي و واحد انيميشن
الصراحة صايرة تستهويني الدراما والاشيا الي يبالها تمخخ و تركيز


ناصر مشكور على المجهود

The Chronicles of Narnia: Prince Caspian
و

The Mummy: Tomb of the Dragon Emperor

في امل اشوفهم و البافي ممم يعتمد على الريفيو لوقت نزول الافلام و راي الجمهور
 
مرسلة من طبيعي (رقم العضويه 11956) on :
 
رد مقتبس:
المرسل الأصلي هو [ LOVER ]:


بدوور

اسمحلي كنت اكتب رد بالمشرفين [Razz]

استانست لما شفت صورة والي بردك

حشى والله احس اني صاحب شركة بيكسار [nut]

لهالدرجه قلبي عليهم لول

بدور لازم تشوف دعاية الفلم عشان تعرف انت مقدم على شنو [Eek!]

المناظر اللي فيه جــد شي مب طبيعـــــــــــــي

التفاصيل ودقتها تذبح يا بدور [Eek!]

غير الشخصيه والنواحي النفسيه اللي مشتغلين عليها !!

حاس ان احنا جدام فيلم عظيم والله [heartpump]

وبالنسبه لفلم ذا مامي .. مابي احطمك بدور لول

بس انت شفت غلافه قبل ؟ [Razz]

الفلم هالمره تدور أحداثه بالصين [Big Grin] مب في مصر عند الفراعنه والاهرامات !!

بس لاتخاف بيكون فيه قبور وموتى محنطين [Embarrassed]

ذبحتك هالسوالف لول

وشناطر عطني لنكات الدعاية بسرعه بسرعه [Big Grin]
 
مرسلة من علوووش (رقم العضويه 17300) on :
 
لوول خليفة انا هيك بس ينزل فيلم أشوف اراء النقاد والجمهور والجيران والنس جنب البيت لووول

انا مدري ما كتيير بحب أفلام البلوكباستر بحب أكتر التانيينن عليهم القيمة ككل شي قصة وهيك

انديانا ولا جزء متابع فأكيد اذا لقيت بجيب بظن في وبحب تمثيل شيا وكيت

بيكسار من وراكم حبيتو لوول بعد رتاتويل بتوقع تابع الرجل الألي

باتمان تصدقو لهلق ما تابعته بس بدي أشتريه لان في كريستيان بال بس ما لقو غير البطبة يغيروها ويجيبو وحدة ماصلة ماغي بظن لووول

iron man نازل عنا الخنيس لجايي

ومعقول تابع مامي يونسون

انشا الله بدي أنزل موضوع عن الأفلام المتوقع تولع بالمهرجانات [Big Grin]

برسي نصووووووووور [kiss]
 
مرسلة من 'Hadoola (رقم العضويه 15440) on :
 
ماعندي ادنى خلفيه عن اي فيلم من الي فوق الحمدلله والشكر [Big Grin]

اول مره اعرف عنهم ..

 -

ماعرفته ابن اللذينا , متخفي عدل [Razz]

اسمه لحاله بيخليني انتظر الفيلم

وسجل بعد فيلم  - & فيلم  -

الباقي مو اهتمامي , يمكن واحد منهم يشدني بعدين لما ينزل وينجح

ميرسي لوفر

[ أبريل 25, 2008, 03:37 AM: تم تحرير المشاركه من قبل: 'Hadoola ]
 
مرسلة من howtodeal (رقم العضويه 10339) on :
 
مشكور نصور على الموضوع الحلو [super]
الموسيقى اللي حاطنها تقطع القلب [crying]
الناس بتسافر وبتستانس في الصيف وأنا بجابل هالجامعة القرف [Mad]
بس الأرقام اللي حاطينها وايد كبيره على فكره..
أشك انها بتصير في الواقع خاصة انديانا جونز [thinking]
الفلمين اللي كرهت دعايتهم هم انديانا جونز
و Iron Man .. أبدا مب متحمسلهم بس حاس اني
بشوفهم غصبا عني [worried]
نارنيا و والي و كونج فو باندا على رأس القائمة..
The Hulk الأول كان برايي تحفة سينمائية, ان شالله
ما يخربونه بالجزء الثاني.. وايريك بانا أنسب
لدور الhulk من ادوارد [Roll Eyes]

رد مقتبس:
مكثفين اعلاناتهم على شخصية والي .. من غير مايركزون على الاحداث والقصه اللي بيمر فيها
نصور في الدعاية الاولى هالشي صح, بس في الدعاية
اللي نزلت بعدين حاطيلك القصة كلها من البداية
للنهاية [help]

رد مقتبس:
Iron Man
نزلت هالفيلم بس مايشتغل غير دقيقة ويسكت لووول

دليلة الفلم بعده ما نزل بالسينما, يعني ولا يمكن
ينزل للنت [Big Grin] هذي نسخة مزورة ما فيها شي وممكن تكون فيروس [crying]
نصيحة أقري التعليقات اللي كاتبينها اللي نزلوا
الفلم لانه أحيانا فيه أفلام تكون بلغة ثانية أو
نسخ مب واضحة أو مزورة

رد مقتبس:
والأهم من هذا كله إني ماإلتمست بشي سلبي في تريلر الفيلم
خليفة متأكد انك تتكلم عن تريلر الفلم اليديد؟؟
يمكن بالغلط شفت واحد من الجدام في دعايات mbc [Razz]
بس المفروض ما أحكم على الفلم من التريلر بسوي
مثلكم.. بتريا الريفيوات وبحدد بعدين..



 
مرسلة من KHaLaF (رقم العضويه 12634) on :
 
بحط اول شي الأفلام اللي جد جد اترياها بلهفه [super]

Indiana Jones
Wall-E
Kung Fu Panda

اما الأفلام اللي اترايها بس موب وايد متحمس لها [Roll Eyes]

The Chronicles of Narnia 2
Hancock
Tropic Thunder <<< صدمتني دعايته السخيفه [Frown]

اما باقي الأفلام الصراحه موول موب متحمس لهم وخاصاً 3 افلام واللي هم

The Dark Knight
The Mummy 3
Iron Man

بس متأكد إني بشوف واحد من هالأفلام غصب ويمكن الرقم يزيد بعد [worried] .. الله يستر من ربعي [help]

ثانكس نصور عالموضوع [rose] .. ناطرين رد الغايب سايلور لأنه يحب وايد افلام الصيف [Frown]


[ أبريل 25, 2008, 01:42 PM: تم تحرير المشاركه من قبل: KHaLaF ]
 
مرسلة من randomly (رقم العضويه 13811) on :
 

^
لووول إيـه بسم الله ميود [Big Grin] شايف السلسلة وأطري تريلر الجزء اليديد

لما الحين مب مشتكي من شي بس كل ماأتذكر إخفاقات ستيفن الأخيرة في

The Terminal, War of the Worlds, Munich

حماسي للفيلم يخف [help] والفيلم بينزل في وقت بكون مشغول ببروجكت التخرج

فـ مالي حل إلا إني أنطر الريفيوز وأقرر ....

 
مرسلة من ALTENNEEN (رقم العضويه 42513) on :
 


Click for fullsize image

أكثر فيلم اترياه من بين كل الافلام ... الاول كان أفضل فيلم أشوفه مأخوذ من كوميك بالنسبة لي

ثاني فيلم متحمس له هو نارنيا و بعدين ايرون مان و هولك و والي

و الباقي يمكن ما أشوفهم أو ما أفكر أشوفهم لول [Roll Eyes]


 
مرسلة من a7la Kuwaity Cool (رقم العضويه 83838) on :
 
طبعا اكثر فيلمين متحمسلهم اهما والـــــــــــــي

وبعدين نارنيا [super]

بس اكيد راح اشوف كل الافلام اللي حاطهم

وبدايتها راح اشوف في الاسبوع الياي الرجل الفولاذي [battingeyelashes]
 
مرسلة من يجيلك يوم (رقم العضويه 122) on :
 


من الليسته هذي متحمس حق الأفلام هذي :

 -

الجزء الأول وايد حبيته و اتمنى بصراحه يكون

الجزء الثاني بمستوى الأول

اعرف وايد ناس نادمين انهم ما شافوا الجزء الأول

و نصحت واحد من ربعي اخيرا يستأجره

عشان لا نزل الجزء اليديد نحضره مع بعض [Big Grin]

 -

احب افلام Pixar .. و اتوقع هالفيلم بيكون وايد حلو

اكيد بأنتظــاره

 -

مثل ما قلت نصور .. فيلم شكله للضحك و الهبل

و احسه يونس مثل باقي افلام Ben Stiller

 -

اموت على افلام ويل سميث !! .. و مستحيل فيلم واحد من افلامه

اما باقي الأفلام .. فمبين انه صيف افلام الخيال العلمي

و الأبطال الخرقين و هالنوعيه من الأفلام ما تجذبني ابدا!

+ اني ما اطيق شي اسمه " Indiana Jones" بس ما انكر

انه السلسله ناجحه و لها جمهور كبيــر

شكرا مسيو ناصر [Razz]



 
مرسلة من يجيلك يوم (رقم العضويه 122) on :
 


KhsLiFa

خليفه صدقني بذبحك [Mad]

i loved " The Terminal & Munich "




 
مرسلة من هيـا-yasmino (رقم العضويه 66894) on :
 
mbare7 7dert movie esmo

Forgotten Sarah Marshall

allah ye2rifhom .. nos el movie w ana msakra 3ini ..w fi el akher tli3t minno abl ma yekhlas

[nut]

mesh brashe7 wla movie [Embarrassed]
 
مرسلة من miss Milano (رقم العضويه 37402) on :
 
يعطيـك الف عافيــه ناصر عالموضوع

توني اشــوفه [Big Grin]

بالنسبة للتوقعـات شي طبيعي انديانا جونز يكون الأول مانقدر ننكر انه بيحقق نجاح كبيـر لان فيه خبلان عالفلم شكثر مثل اخــوي [Embarrassed]

بس انا شخصيا احلى طاف للفلم [Razz]

نــارنيا بكل صراحه اكثر فلم متحمسه لـه انا للحين اشوفه لما يحطونه في شوتايم ولا اتملل [Big Grin]

الجزء الثاني ماتوقع يقل عن روعة الأول

والــــــــــــــي

ثاني فلم انطـره بعد نارنيا , كالعادة كل صيف نترقب انميشن بيكسار [heartpump] وهالمره شي مختلف مب حيوانات ولا سياير ولا ناس ,آآآليــن [Big Grin]

شي مختلف كليـا ومثل ماقلت ماعندنا اي خلفيه شلون بتكون قصة الفيلم ؟ هل بتكون شلون يندمج بهالعالم ولا شلون؟

وبينجح اكيد واكثر من راتاتوي حتى لو كان راتاتوي احلى لان الامريكان يحبون هالسوالــف

فيلم ول سميث هممم ما أدري صراحه [Confused]

بعد I am legend ولانه ماعجبني صرت متخوفه , بس يلا كفايه تمثيله بس بعد بينجح لانه محبوب امريكا بعد جوني اكيد [Razz]

فيلم بن ستيـلر

طبعا تدري بن ستلر وآدام ساندلر اكثر اثنين احبهم فالكوميديا وهالفيلم بصراحه ماشفت اي تريلر له بنطر اشوف واحكم [Big Grin]

king fu panda

اليوم بالصدفه شفت له تريلر شكله سخيف [Razz] وماتوقع ينجح [Razz]

بس جد Get smart ليش مب موجود فالتوقعات come on الامريكان يحبون ستيف كاريل [heartpump] والفيلم شكله عبيط وحلو يارب ينجح ويتفشلون [nut]

Mama Mia شي طبيعي مايكون موجود وانا اتوقع انه ماينجح بس بيكون حلو وبشوفه

ثانكس اجين نصور

 
مرسلة من miss Milano (رقم العضويه 37402) on :
 
يجيـــلك يوم

صح كلامك Terminal كان روعـــه [heartpump]

احلى شي السبب اللي رايحله ياشيخ مت من الضحك آخر شي

مبدع ولدهانكس [heartpump]

 
مرسلة من [ LOVER ] (رقم العضويه 3004) on :
 


الله يعافيك خليفه [Big Grin]

واكيد اتفق معاك بتدني مستوى ستيفن بأخر فتره

أحس يبيله سطل ماي بارد عشان يصحصح ويرجع يقدم أعمال عليها القيمه [Roll Eyes]

يعني لما نشوف مشوار ستيفن بالثمانينات والتسعينات

وهي الفتره الذهبيه له ..

بنشوف مجموعه اعمال مميزه اتركت اثر ليومنا هذا .. خصوصا بالمؤثرات البصريه اللي تطورت على ايده !!

الالفيه الاولى قربت تخلص وهو ماقدم الا عمل واحد جيد وهو ميونخ

لا و بعد ماترك أثر نفس اعماله السابقه [Embarrassed]

وبالنسبه لأراء ربعنا النقاد [Razz] انا ماحس اني تطورت وعرفت اميز بين الفلم الجيد من السيء الا بفضلهم

بس أكيد في استثنائات بخصوص بعض الافلام !!

المشكله تدري شنو خليفه

ان ربعي من كثر مايشوفوني اجيب طاري النقاد يظنون اني اقلد النقاد برايهم وكأنه شخصيتي ممسوحه خخ

فأنا استغرب من اللي يفكر جذي !!

يعني الواحد اذا يبي شغله معينه مب الأجـدر انه يسأل أهل الاختصاص فيها ؟!

وبالنسبه لفلم دارك نايت

انشاءالله مايطلع اقل من الجزء الاول .. واللي كان رهيب بكل المقاييـس [Eek!]

حبيت الواقعيه اللي اعرضوا من خلالها قصة باتمان .. يعني مب مثل باقي ابطال الكومك بوكس تحس فيه خيال وشلخ !!

يعني مثلاً ماطلعوه صاحب قدره خارقه

يطير مثل سوبر مان او يطلع خيوط عنكبوت من عروقه مثل سبايدر مان !!

كل الاسلحه اللي يحارب فيها عباره عن اجهزه آلـيه

واكثر شي حبيته تعمقهم في شخصية بروس وعرضهم للمراحل اللي مر فيها بطريقه حلوه وواقعيه

ومستانس وايد انك حاب والي وناطره معانا [Big Grin]

هالشي يزيد ثقتي أكثر بالفلم .. وصدقني هالكلام مب مجامله !!

بس انت فعلاً عندك نظره ماتخيب بالافلام  -


[ أبريل 26, 2008, 03:21 PM: تم تحرير المشاركه من قبل: [ LOVER ] ]
 
مرسلة من [ LOVER ] (رقم العضويه 3004) on :
 


روح المحبـــة

مثل ماقالج ماجد .. يمكن النسخه اللي نزلتيها مزوره [help]

وبعدين شوراج روحووه ؟ [Razz] انطري كم اسبوع وشوفيه بالسينما !!

هالنوع من الافلام اللي تعتمد كلياً على المؤثرات مكانها هناك

مب جدام شاشة الكمبيوتر [Big Grin]

 
مرسلة من [ LOVER ] (رقم العضويه 3004) on :
 


سبارك [Big Grin]

والله انا مثلج ماتستهويني افلام الصيف وايد .. بس ماعندي مانع اعطي نفسي راحه شوي

خاصه من بعد موسم الافلام الدراميه والاوسكار وعوار الراس [Razz]

وبعدين لاتنسين ان في افلام من اللي راح تدخل معركة الصيف راح تترك أثر بيمتد لموسم الجوائز

وانا حدسي يقول ان والي + دارك نايت راح يكونون بينهم !!

فأظن عالاقل لازم تشوفين هالفلمين [Big Grin] <--- انت لو الله يفكك من تسويق فلم والي [Embarrassed]

والعفو سبارك ومشكوره على الرد الحلو كالعاده

 
مرسلة من [ LOVER ] (رقم العضويه 3004) on :
 


علوووش .. شناطر للحين ماشفت باتمان [Eek!]

شوفه وصدقني ماراح تندم بتحب الفلم وايد مثلنا انا وخليفه !!

لانه أبداً مب مثل باقي افلام الكومك العاديه

مركزين اكثر شي على الجانب الدرامي من حياة باتمان

لدرجة انه بروس ماصار باتمان الا بنص الفلم !!

وياليت تفتح لنا موضوع شامل عن افلام المهرجانات علوش ..

في افلام وايد راح تنزل هالسنه عليها القيمه ودي اتكلم فيها  -

نزل الموضوع واحنا وراك [Cool]


[ أبريل 26, 2008, 03:19 PM: تم تحرير المشاركه من قبل: [ LOVER ] ]
 
مرسلة من [ LOVER ] (رقم العضويه 3004) on :
 


هديل .. قائمتج حلوه والله [Cool]

مع اني ماتوقعتج تحبين الكوميدي هالكثر .. لول

وفلم ويل سميث شكله رهيب

وشكله بالغلاف طالع نسخه كربونيه من ولده [Big Grin]

مادري ليش احس ان في افلام بتخالف راي النقاد هالصيف

وبتحقق نجاح كبير مب متوقعينه [thinking]

 
مرسلة من [ LOVER ] (رقم العضويه 3004) on :
 


ميوود

بما انك علقت على الساوند تراك فأكيد شفت الفلم اللي ماخذه منه

Soapdish <---- حاس انك شفته [thinking]

 -

ايييه ياتيري هاتشر .. ليت الشباب يعود يوماً [Razz]

لول الفلم قديم من 1991 .. فشكلها طالع غير عن الحين بوايد !!

ويالله هانت ميود

مب انت بروحك بتكرف هالصيف ويا الامتحانات [Frown]

معاك خليفه ..

واتفق معاك بخصوص تريلر انديانا جونز .. كلش ماحمسني أشوفه [Roll Eyes]

وبخصوص دعايات والي ميود انا ماقول انهم مانزلوا دعايات خاصه بأحداث الفلم

كنت اقصد الكليبات اللي يكون فيها والي بروحه !!

شوف كم كليب نزلوا لحد الان عنه هو بس .. الامس وانا منزل الموضوع نزلوا كليب والي والمغناطيس لول !!

فهذا اللي اقصده بتركيزهم على شخصية والي [Big Grin]

تدري ميود شنو احلى شي .. ان ديزني للحين قادره تنتج افلام تحقق اعلى ايرادات كل صيف

وتخيل انا من الحين متطمن انهم بيكونون بالصداره في صيف 2009

هذا واحنا مادخلنا للحين بصيف 2008 [bgrlaugh]

عندهم فلم ضخم اسمه Prince of Persia متوقع انه يحقق نجاح كاسح من قلب !!

وتعجبني ميود .. مب متحمس معاي لانديانا جونز [Cool]

 
مرسلة من Remy (رقم العضويه 9207) on :
 
ناطرة فيلم Ben Stiller و ويل سميث


شكرا لوفر على الموضوع
 
مرسلة من [ LOVER ] (رقم العضويه 3004) on :
 


والله خاطري اعلق على كل الردود بس نـط لي عرق وانا اكتب [worried]

خليفه وتنين وكويتي وعبود وياسمينو ومس ميلانو وريمي

نورتو الموضوع والله .. وكالعاده استمتعت وايد وانا اقرا ردودكم

بس انتو ملاحظين ان اغلبنا مب متحمس لأنديانا جونز [Razz]

لول احسن  - .. انشاءالله يفشل الفلم ويطيح بجبد ستيفن

يعيييش والي [bgrlaugh]

 
مرسلة من يجيلك يوم (رقم العضويه 122) on :
 


نصور .. هذي يزاتي راد رد شحلاته و مالي رد خاص [Mad]




[ أبريل 26, 2008, 12:23 PM: تم تحرير المشاركه من قبل: يجيلك يوم ]
 
مرسلة من KHaLaF (رقم العضويه 12634) on :
 
^

^

انا سوالي طاف لأني كتبت في ردي اتريا Indiana Jones على نااااار [nut]

حره يالعذال إن شاءالله ينجح ويكسر الدنيا فالبوكس اوفيس يا مغرورين [Razz] .. يا شريرين [bgrlaugh]


[ أبريل 26, 2008, 02:33 PM: تم تحرير المشاركه من قبل: KHaLaF ]
 
مرسلة من randomly (رقم العضويه 13811) on :
 

[ LOVER ]

ستيفن بس لو يتفرغ من الإنتاج ويصب تفكيره على مجال الإخراج .. في أمل إنه يتحسن

بيني وبينك أتمنى يكمل على هالمستوى [Razz] لوووول

مبدع ومن أهم مخرجي الفن السابع لكن ماأحب يوم الميديا تروجه كأفضل مخرج في العالم !!

لووووول [Big Grin] أنا عاد ماأقدر أييب طاري النقاد خو ربعي بيخلوني مطنزة إلين يوم الدين

فـ أحول كلمة النقاد للجمهور لأنه ربعي ماتستهويهم الأفلام الدرامية الثقيلة بإستثناء أعمال معينة

كلامك صحيح إحنا مانحاول نقلد النقاد بقدر إننا نتفادى ندخل فيلم فاشل من كل النواحي

يمكن غيري يقدر يطوف ويتسلي بس أنا يحل علي صداع سداسي [nut]

Batman Begins عجيــــــــــــــب حتى النخاع

جذي الأفلام التجارية-الدرامية المفروض تكون  - راقية, مسلية وواقعية

وأوافقك الراي ... الي حببني فيه أكثر هو بساطة شخصية باتمان, إنسان عادي حاله من حالك

وقوته ومهاراته يكمن في الأسلحة الي يستخدمها

شخصية أنا أفضلها على باقي أبطال الخرط والصواريخ الفتاكة [help] مثل سبايدرمان, سوبرمان وغيره

إن شاء الله عاد يطلع قد التوقعات ونستانس عليه نصور لووووول

وجان طلع بايخ [Razz] مستعد أسوي الصوم الكبير مال المسيح وماني داخل المنتدى إسبوع كامل


.


يجيلك يوم & miss Milano

أنا ماأقول إنه The Terminal بايخ [Big Grin] بس أشوفه عادي مقارنة بأفلام ستيفن السابقة

ماأنكر إني حضرت الفيلم بس عشان توم هانكس

أما Munich كان معقول لكنه ممل والقصة نفسها ماتحمس ... !!

 
مرسلة من [ LOVER ] (رقم العضويه 3004) on :
 


عبود جب [Mad]

حتى لو رديت عليك مب قايل شي جديد .. بعيد نفس الكلام اللي قلته حق غيرك [Razz]

خلف اشدخل اسويلك طاف [Razz]

خربطت بأساميكم انت وخليفه كالعاده وحطيت اسمه بدالك بأخر رد [rofl]

جد انتو الاثنين عقدتوني من الاسامي المتشابه [nut]

باجر اذا يبت عيال بسمي كل واحد اسم ماله خص بالثاني .. واحد بالشرق وواحد بالغرب

عشان مايبتلشون فيهم العالم [help]

 
مرسلة من ALTENNEEN (رقم العضويه 42513) on :
 
لول ... و أنا أقرأ الردود استغربت انك نصور راد على كل واحد بروحه .. و جان استانس لول

قلت أكيد لي رد خاصة بس .. بس ما توقعت انك بتكتب شي لأني ما كتبت شي أصلا لول

فحبيت انه نصور كتب اسمي في الرد و استغربت انه اسم خليفة موجود .. و رده تكرر أكثر من مرتين لول

المهم Iron Man بينزل هالاسبوع عندنا و تقريباً الكل متحمس له

بس التريلر ما فيه شي مميز أو يشد .. و هاللي متخوف منه

بس أعتقد انه بيكون حلو و ممتع لأنه في التريلر ما رونا شي أصلا

و زين انه في اثنين يعتبرون انه فيلم باتمان رهيب .. انا الاول كنت بشوفه في سينما و بس ربعي سبوا لي الفيلم سب لدرجة اني قلت انه بايخ

بس لما قريت راي خليفة و شفت الفيلم في التوب 250 في IMDB وايد تحمس له

فعلا ما تندمت اني شفته .. لأنه كان روعة روعة و اعتبره من أحلى أفلام اللي في الابطال و باقي الاشياء البايخة لول

و هالجزء ان شاء الله يكون من مثل الاول لأنه ضحكة الجوكر روعة

 
مرسلة من KHaLaF (رقم العضويه 12634) on :
 
^

^

شفت عاد [Roll Eyes] .. حتى ما تعنى الريال وحرر رده [Razz]

بعده مخلي اسم خليفه جنه مالي وجود [nut]

جرحت كياني يا نصور لا تكلمني خلاص [worried]

اقول تنينو انا بعد موول موب متحمس حق ironman لأنه الدعايه ما تشد ولا تحمس [nut]

بس نزلت من فتره دعايه ثانيه له وطلعت أحلى من الأولى بوايد [Roll Eyes]

بس شكلي بشوفه غصب لأنه ربعي بييروني للسينما مثلما يجر تيس عيد الأضحي للنحر [help]

 
مرسلة من ALTENNEEN (رقم العضويه 42513) on :
 
^
^

هيه انا بعد شفت الدعاية الثانية و حسيتها أحلى بس فوق كله هذا متوقع شي أكثر من هالفيلم

احس انه المشاهد اللي في التريلر كلها من بداية الفيلم .. محطي آمال عن هالفيلم .. و احتمال اسير له مع ميود و هو مب متحمس له لول

و زين يسوي فيك اربيعك لول .. عندك قرون عسب يشدك منها؟ [Razz]


 
مرسلة من KHaLaF (رقم العضويه 12634) on :
 
^

^

انا عندي قرون  - .. هذي اهانه [help]

شوف تنينو لا تخلني اقرقطك واخليك تضحك وتسوي زلزال فالساحه بضحتك [Razz] .. للحين ساكت عنك [nut]

انا شكلي اكيد اكيد بسيرله لأنه ما في افلام غاويه بتنعرض الأسبوع الياي غيره [worried]

 
مرسلة من Fat Free (رقم العضويه 68096) on :
 
لوول يا نصور،

اللستة غريبة شوي [Razz] , اللي لفت نظري من اللستة ومتوقع له نجاح ساحق دارك نايت وانديانا جونز، كثير متحمس لهم، ووالي متحمس له بس ما اظنه ينجح نجاح ساحق [thinking] ، فيلم بين ستيلر ما شفت التريلر بس احسه سخيف [help] ، اللي غريبة ان سكس اند ذا سيتي مو موجود، مع ان احس نجاحه بيكون كبير،
نارنيا بينجح، انا ما شفت الجزء الأول [thinking] ، يستاهل اشوفه؟
لسته حلوة يا نصور، الميوزك عجيب، الفيلم يعجبني كثييير لوول

 
مرسلة من علوووش (رقم العضويه 17300) on :
 
تنصحوني بايدينانا أول 2 لأن لقيتهم بالسوق بس قلت بسألكم قبل [Big Grin]
 
مرسلة من a7la Kuwaity Cool (رقم العضويه 83838) on :
 
ياجماعه منو يعرف متى بيحطون اجزاء انديانا جونز الثلاثه على mbc 2 ?

اشوفهم وايد يحطون دعايات مكثفه حق الفيلم ؟

ناوي اشوفهم لأني راح احضر الجزء الرابع
 
مرسلة من randomly (رقم العضويه 13811) on :
 

^
إنته إحضر Raiders of the Lost Ark وقرر من بعدها

إذا عجبك كمل [Smile] والحلو إنه كل فيلم غير متصل بالي قبله فما تضيع بالأحداث

سلسلة Indiana Jones ترفيهية حتى النخاع !!

 
مرسلة من randomly (رقم العضويه 13811) on :
 

Raiders of the Lost Ark

 -

السبت 3 مايو, 20:00 (غرينتش) - 11:00 مساءً (السعودية)


__________________________


Indiana Jones and the Temple of Doom

 -

السبت 10 مايو, 20:00 (غرينتش) - 11:00 مساءً (السعودية)


__________________________


Indiana Jones and the Last Crusade

 -

السبت 17 مايو, 20:00 (غرينتش) - 11:00 مساءً (السعودية)


 
مرسلة من HIDE (رقم العضويه 84793) on :
 
انا متحمسه مررررررررره لنارنيابس احس انه بااتمان هو اللي بينجح اكثر شىء علشان هيث ليدجر مات وبعضهم يقولون شخصية الجوكر سببت له اضطراب وصار يبلع بالحبوب ومات مسكيييين.<<<<ومشكووووووور
 
مرسلة من [ LOVER ] (رقم العضويه 3004) on :
 


شباب خلونا نشوف بعد مانعرض اول هيت لصيف 2008

Iron Man

 -

* تقيم النقاد ( B+ )

وايد حلو بالنسبه لفلم كوميك

* دخل الفلم لغاية اليوم :

أمريكا 200,067,000 دولار + باقي دول العالم 165,000,000 دولار = المجموع الكلي 365,067,000 دولار !

يعني فيلم صيفي بإمتياز  -


[ مايو 18, 2008, 03:03 PM: تم تحرير المشاركه من قبل: [ LOVER ] ]
 
مرسلة من Love Haifa (رقم العضويه 83426) on :
 
Iron Man نجح نجاح بااااااهر هالفيلم [super]

حطم الأيرادات [applause]

ودي اعرف نارنيا جم بيجيب هالاسبوع [thinking]

ناصر توقيعك روووووووعه [heartpump]

[ مايو 18, 2008, 03:10 PM: تم تحرير المشاركه من قبل: Love Haifa ]
 
مرسلة من [ LOVER ] (رقم العضويه 3004) on :
 


^
^

عيونك الروعه بندر [heartpump] .. تسلم والله [Big Grin]

وبخصوص نارنيا :

The Chronicles of Narnia: Prince Caspian

 -

* تقيم النقاد ( B- )

حطموني الله ياخذهم [Frown]

واحد منهم قال ان الفلم يعتبر اول احباط بـ 2008

____________________________________


* دخل الفلم :

الفلم ماصار له يوم واحد .. دخل بأول يوم 19,303,000 دولار

اقل من ارباح Iron Man في اول يوم واللي كانت 38,734,361 دولار

ناطر نهاية الويكند .. انشاءالله يتعدل وضعه [crying]


[ مايو 18, 2008, 03:29 PM: تم تحرير المشاركه من قبل: [ LOVER ] ]
 
مرسلة من Love Haifa (رقم العضويه 83426) on :
 
The Chronicles Of Narnia: Prince Caspian - كيف استقبله النقاد ؟

فيلم حربي للمراهقين

Boston Globe
Ty Burr


C

على الورق يبدو خياليا , أما على الشاشه فمازال يملك ذاك الطاقم التمثيلي الضعيف , بالاضافة لسحر أقل من الجزأ السابق

Chicago Tribune
Matt Pais


B

الجزأ الثاني أضخم و أفضل من الجزأ السابق

E! Online
Matt Stevens


B

تجربة سينمائية أفضل من الأولى

ReelViews
James Berardinelli


C

واحد من أكبر احباطات هذا العام

San Francisco Chronicle
Mick LaSalle


C

مشكلة الفيلم الحقيقية هي قلة الواقعية

filmcritic.com
Bill Gibron
 
مرسلة من [ LOVER ] (رقم العضويه 3004) on :
 

اشدخل قلة الواقعيه [Confused]

مب مطلوب من الفلم انه يكون واقعي اصلاً

القصه كلها على بعضها خياليه !

 
مرسلة من Love Haifa (رقم العضويه 83426) on :
 



ناصر : wall-e طلع صجي شوف الفيديو [Eek!]

http://www.youtube.com/watch?v=As7UQtKX00c

ابي واحد نفسه [Big Grin]


 
مرسلة من [ P E P S i ] (رقم العضويه 2113) on :
 
لوول حدي حبيت [Razz]
 
مرسلة من [ LOVER ] (رقم العضويه 3004) on :
 


ههههههههه فديت روحه ياخي [heartpump]

طاحت نفسي عليه [Razz]

ترى اللعبه بتنزل بمحلات ديزني حسب كلامهم

انا واحد لازم احجز لي روبوت خاص

شكله وايد بريء وكيوت

خصوصاً لما يقرب منك ويخزك بعيونه الكبيره @@ ويسلم عليك [kiss]

وشوفوه لما يتنهد ههههه

تحسونها طالعه من قلبه [Big Grin]

جد هالشخصيه من اقوى شخصيات بيكسار لحد الان

مشتغلين عليه بطريقه حلوه


 
مرسلة من SAILOR (رقم العضويه 9889) on :
 


طيب نتكلم عن ترتيب الافلام الي نزلو الي الان...

الفلام الانجح الى الان
بلا منازع هو ... الرجل الحديدي [super]

 -

الانجح في شباك التذاكر و ايضا النقاد
بجد كان مفاجئة الموسم [Eek!]

--

والفلم الي فشل فشل ذرييييع في شباك التذاكر و من النقاد, هو ...

 -

اوكي, يمكن النص الاول من الفلم كان سخييييييييف
بس على النص الثاني كان جيد
زعلت لانه فشل كليا [Frown] !

--

يعني لاول اسبوعين عندنا رابح و خاسر

والحين للاسبوع الثالث نزل نارنيا [crying] ....

وهذا تقريره للويك اند من الياهو...

New "Narnia" film opens below box office forecast

For the second consecutive weekend, a major Hollywood film fell short of expectations at the box office on Sunday, providing a wobbly start for the lucrative summer moviegoing season in North America.
Walt Disney Co's "The Chronicles of Narnia: Prince Caspian," the second film in a series based on the "Narnia" books by C.S. Lewis, opened at No. 1 with estimated three-day sales of $56.6 million, the company said.
Industry analysts had expected an opening in the $80 million range, and certainly a figure above the $65.6 million start for the film's 2005 predecessor, "The Lion, The Witch and the Wardrobe."


The opening was nowhere near as disastrous as that for "Speed Racer" last weekend. Warner Bros. Pictures' $160 million kids flick crashed to a dismal $18.6 million during its first three days.
The summer season, which accounts for about 40 percent of the industry's annual sales, kicked off two weekends ago with Marvel Entertainment Inc's surprise smash "Iron Man," which has earned $222.5 million to date.
"Prince Caspian" stars newcomer Ben Barnes in the title role as a valiant warrior who joins forces with the four Pevensie children from the first film to battle an evil uncle. Both films were directed by New Zealander Andrew Adamson, a veteran of the "Shrek" series.
Critics were less enthused by the new film, with 66 percent of top reviewers giving their approval, according to Rotten Tomatoes (http://www.rottentomatoes.com), a Web site that collates reviews. The first one garnered a 78 percent rating.
The "Narnia" series is co-produced by Walden Media, a film company owned by Denver billionaire Philip Anschutz. Work is under way on a third film, "The Voyage of the Dawn Treader," with British documentary veteran Michael Apted stepping in for Adamson, who will serve as a producer.
Next up for moviegoers is director Steven Spielberg's high-wattage adventure "Indiana Jones and the Kingdom of the Crystal Skull," which opens on Thursday in time for the four-day U.S. Memorial Day holiday weekend. The film, long shrouded in secrecy, screened for excited journalists at the Cannes Film Festival on Sunday.
"Indiana Jones" will be distributed by Viacom Inc's Paramount Pictures, which is also handling "Iron Man" for Marvel. Warner Bros. is a unit of Time Warner Inc.


اخذ تقريبا 56 في الويك اند
اقل من الي اتوقعوه حول ال 80 مليون
واقل ب10 من الجزء الاول الي اخذ تقريبا 65 مليون
وكانه يقول ان النقاد مو مرة مع الفلم [Razz] !!!!!!

ما اقول الا الحمد لله اني شفت الفلم قبل ما اسمع كل ذي الخرابيط [dance]
النقاد ايش قالوا! ماااااااااهمني [iwantattention]
ماسمعت ايش قالوا في الجزء الاول , ما راح اسمعلهم الحين
انا صراحة اتوقعت انه يجيب حول الجزء الاول مو في الثمانينات!!!
انا اشوفه بداية جيدة وان شاءالله راح يحمل نفسه مع الايام
ومع ذالك عندي علامة استفهام, ليش جاب اقل من الاول,,, مع الايام راح تتوضح الصورة

باختصار اقول للي شاف الجزء الول وعجبه
يدخل للفلم وهو متطمن [Wink]
FOR NARNIA [super]

وترقبوا الموضوع قريبا

--

وشكرا لوفر على الموضوع [super]



 
مرسلة من علوووش (رقم العضويه 17300) on :
 
متوقعين 165 مليون دولار لانديانا جونز قولكم يوصلو [Big Grin]
 
مرسلة من SAILOR (رقم العضويه 9889) on :
 

165!!!
قصدك في الويك اند بس! او النتيجة النهائية!!!
اذا في الويك اند فمستحيييييل!
اذا ماني غلطان الاعلى كانت لسبايدر مان وجاب حول ال 150
صح يمكن سلسلة انديانا محبوبة عن الشعب الامريكي
بس ما اتوقع ياخذ شيئ خيالي!!!

انا عني ماني متحمسلة, ماني مخطط اشوفة [rofl]



 
مرسلة من علوووش (رقم العضويه 17300) on :
 
اه سيلور بس ويك أند لووول

مجانين

انا ما متابع ال3 الأول بس هون عاملينلو حوسة لوول

ناطر the dark knight
 
مرسلة من SAILOR (رقم العضويه 9889) on :
 

غريبة حتى في لبنان مسوينلة حوسة!!!

اما ذا دارك نايت, هذا حاجة ثانية [super]
لازم نسويلة احتفالية كبييرة في الساحة [Big Grin]



 
مرسلة من [ P E P S i ] (رقم العضويه 2113) on :
 

___WALL•E : Official Site___
 -



 
مرسلة من howtodeal (رقم العضويه 10339) on :
 
بعده فيه أمل انه نارنيا يجمع فلوس أكثر مع انه
النتائج صراحة محبطة وايد [Frown]
عمومااذا دخل نارنيافوق ال200 مليون بيكون شي قوي جدا [super]
انديانا جونز شكله بيكسر الدنيا الأسبوع الياي [Big Grin]
 
مرسلة من Kuwaity CoOol (رقم العضويه 83426) on :
 
اكيد مايبيله كلام اصلا

انديانا جونز راح يكسب ذهب هالصيف

ويحطم ايرادات افلام الصيف
 
مرسلة من [ P E P S i ] (رقم العضويه 2113) on :
 

 -

صج أهبل [crazy]

 -

حبيت [Razz]


 
مرسلة من [ P E P S i ] (رقم العضويه 2113) on :
 
شبااب نبي آخر أخبار الافلام والارقام القياسيه الصيفيه ؟

وشلون انديانا جونز مع دخوله هالاسبوع ..

شنو مصير نرنيا وآيرون مان ؟!!

وشنو موقف انديانا جونز من الافلام اليديده اللي بتنزل لسبوع هذا ؟؟

[super]

[ مايو 26, 2008, 03:24 PM: تم تحرير المشاركه من قبل: [ P E P S i ] ]
 
مرسلة من miss Milano (رقم العضويه 37402) on :
 
Premirere 23 Summer Movies We Want to See
[Big Grin]

وينكم عن الموضوع .. ترى الحين صيف [Razz]

 
مرسلة من يجيلك يوم (رقم العضويه 122) on :
 
امس ربعي حضروا private screening حق نارنيا .. يقولون الفيلم روووووعه .. مالت على ويهي [Razz] راحت علي نومه .. لول
 
مرسلة من _ غلا حصه_ (رقم العضويه 17970) on :
 

شكله فلم الباندا حلوو

يسلمو ع التوبك

 
مرسلة من [ P E P S i ] (رقم العضويه 2113) on :
 
up
 
مرسلة من Fat Free (رقم العضويه 68096) on :
 
لول الله يعافيك بيبسي رفعت الموضوع.. ودي اقارن النتايج المتوقعة بالحقيقية..

Indiana Jones.. So far collected 253 Million, I guess it was a little bit below the potential.

Narnia [help] .. lool 126 Million.. can I call it a flop?

Iron Man [Big Grin] .. Above the potential 289 Million.. !

Kung Fo Panda [help] .. It started with 60 Million.. lool

لوول باقي كم فيلم وتكمل اللستة.. بس لين الحين ما فيه الا فيلم واحد حقق المتوقع منه.. ولو اني اقول ان انديانا جونز عالميا حقق اكثر من المتوقع.. بس للأسف ما عندي النتايج وما لي خلق ادور عنها خخخ...

 
مرسلة من Dreamer78 (رقم العضويه 67446) on :
 
بالنسبه لأفلام الصيف آنا رحت آيرون مان و عجبني صراحه .. مو من عشاق انديانا جونز ولا أظن راح اشوفه .. و بالنسبه لنارنيا في احتمال اروح له .. و college road trip حلو عجبني يضحك .. و ناطر كونفو باندا ينزل علشان اروح له

ثانكس على الموضوع
 


Powered by Infopop Corporation
UBB.classic™ 6.7.1