---

مرسلة من Zyood123 (رقم العضويه 90699) on :
 
انا طلعت فالتلفزيون
الحماس واصل حده بكرا
 

---

مرسلة من // BanDar // (رقم العضويه 87745) on :
 
توني حجزت للفلم

متحمسسس وخصوصا حق the Blue Umbrella
 

---

مرسلة من ROO7 DISNEY (رقم العضويه 88565) on :
 
الليلة بحضره
متحمس له وايد
 

---

مرسلة من [ r@ig ] (رقم العضويه 88854) on :
 
فيلم الططططططفولة التريلر الاول حقه نزل الصيف الماضي !

قبل كم شهر شفته وتحمست بما إنه بالصيف ، بسرعه مرت الايام !

واليوم نازل بدول الخليج وامريكا !

طيب مافيه بو ؟!

ليه ؟!
 

---

مرسلة من [ L.O.V.E.R ] (رقم العضويه 3004) on :
 


النقاد مراجعاتهم له من متوسطه الى جيده .. الحمدلله مو مثل كارز 2 اللي خفس ببرستيج ابو بيكسار

الفيلم الاول كان تحفه فنيه

والنسخه المصريه منه كانت ولا اروع

هنيدي وحنان ترك والكدواني واللي عمل صوت شلبي قدموا احد اجمل الادوار الكوميدية بحياتهم حتى لو كان مجرد اداء صوتي

طبعا الجزء الثاني بيكون بالفصحى للاسف بسبب قرار ديزني الفاشل

بالنسبة للفيلم اليوم بدا عرضه

متحمس له كالعاده ..

افلام بيكسار لها جوها الخاص كل سنه واحس ان هالفتره جدا مقدسة لمحبين الانميشن عموما

طبعا انا بدخل الفيلم وبشوفه بالسينما وانا حاط في بالي انه ولا ممكن يوصل لمستوى الاجزء الاول

مش عشان مراجعات النقاد

لاني سبق وقريت ثلاث ارباع احداث الفيلم من خلال كتاب الريد الونج اللي نزلته ديزني قبل فتره للفيلم

الاحداث حلوه ومرحه ووناسه مش اكثر من كذا

مافيها شي مميز او مبتكر تخليني اقول هالفيلم بيكون اروع من الاول!!

مع ذلك متحمس .. كفاية عبط الشخصيات ومارد وشلبي وكل الشله المشتله العبيطه بنرجع نشوفهم

 

---

مرسلة من [ r@ig ] (رقم العضويه 88854) on :
 
والدبلجة بالفصحى !!! هلا والله !! ليه ؟!!!
 

---

مرسلة من [ L.O.V.E.R ] (رقم العضويه 3004) on :
 


^
^

قصه طويله عريضه

ادخلي هالصفحه واقري الموضوع من بدايته

http://forum.salmiya.net/cgi-bin/ultimatebb.cgi?ubb=get_topic;f=17;t=000566;p=474

 

---

مرسلة من [ r@ig ] (رقم العضويه 88854) on :
 

رد مقتبس:

---

المرسل الأصلي هو [ L.O.V.E.R ]:


^
^

قصه طويله عريضه

ادخلي هالصفحه واقري الموضوع من بدايته

http://forum.salmiya.net/cgi-bin/ultimatebb.cgi?ubb=get_topic;f=17;t=000566;p=474

---

معك ابو الوليد
ايه وقعت على الاعتراض والحملة بالعودة للهجة المصرية !

http://www.thepetitionsite.com/921/851/420/return-the-egyptian-accent-to-the-disney-movies/

هذا
 

---

مرسلة من علوووش (رقم العضويه 17300) on :
 
خبرونا اذا بيستاهل ثري دي او عادي
 

---

مرسلة من [ L.O.V.E.R ] (رقم العضويه 3004) on :
 


والنعم والله بو وليد

اسمحلي عالخطأ الغير مقصود

العريضه الحمدلله وصلت لمكتب ديزني الشرق الاوسط وقراها المدير بنفسه وبلغني اسفه عاللي صار

وقال بأنهم بيرجعون يدرسون القرار من الاول بعد مايرفعونه لمكتب ديزني المختص بالدبلجات العالميه ببريطانيا

يعني ان شاء الله خير

تسلم لانك بصمت فيها

 

---

مرسلة من [ L.O.V.E.R ] (رقم العضويه 3004) on :
 


ساوندتراك الفيلم نزل وصار بامكانكم تشترونه من الايوتنز



عن نفسي شريته ونزلته من شوي .. بحاول امخمخ عليه اليوم بجولتي المسائية بالسياره

يارب يطلع تحفه نفس ساوندتراك الجزء الاول بما ان نفس الملحن اللي اشتغل عليه راندي نيومان

الاغنيه اللي الفها راندي للجزء الاول فازت بالاوسكار

وكان هالفيلم وجه خير عليه بما انه كان طول عمره يترشح للاوسكار ويخسر ويوم اشتغل على مانسترز فاز

فيارب يطلع هالساوندتراك مميز بعد ..

 

---

مرسلة من ‘ TURKI (رقم العضويه 83573) on :
 
بالإنتظار اكيد رغم غياب Boo اللي اثر على حماسي للفيلم
 

---

مرسلة من [ r@ig ] (رقم العضويه 88854) on :
 

رد مقتبس:

---

المرسل الأصلي هو [ L.O.V.E.R ]:


والنعم والله بو وليد

اسمحلي عالخطأ الغير مقصود

العريضه الحمدلله وصلت لمكتب ديزني الشرق الاوسط وقراها المدير بنفسه وبلغني اسفه عاللي صار

وقال بأنهم بيرجعون يدرسون القرار من الاول بعد مايرفعونه لمكتب ديزني المختص بالدبلجات العالميه ببريطانيا

يعني ان شاء الله خير

تسلم لانك بصمت فيها

---

ماعليك زود ، لا ولوو
الحمدلله كويس .. لان الدبلجة المصرية الكل حبها اكثر من الفصحى او الفيلم نفسه اساساً !!

وان شاء الله رجعة المصري مع جامعة المرعبين وصوت هنيدي الفخم
بس عندي احساس يقول بالفصحى بيصير !

عموما الله يسلمك وانا كنت ال#1250 الموقع
وشكرا عـ خبر الساوند تراكز

رد مقتبس:

---

المرسل الأصلي هو علوووش:
خبرونا اذا بيستاهل ثري دي او عادي

---

+1

لإني بشوفه بكرا ان شاء الله

توني انتبه إن قصة هالجزء صارت قبل شركة المرعبين !
غريبة هالحركة
بس ماظنيت بينجح زي الأول دام مافيه "بو"


 

---

مرسلة من [ L.O.V.E.R ] (رقم العضويه 3004) on :
 


بالعكس شباب حلوه حركة البريكول

بوو قصتها انتهت لهالحد

حلو نرجع لماضي الشخصيات ونشوف علاقة مارد وشوشني وشلبي سلوفان كيف بدت

+

اول مره اعرف ان هلين ميرن تمثل بالفيلم لول .. حلوه هالمعلومه

بيكسار مع انها مقله بتعاونها مع النجوم المعروفين بس اذا اختارت احد مشهور تختار اسم جامد

توم هانكس .. بول نيومان .. بيتر اوتول .. صوفيا لورين .. هيلن ميرن .. مايكل كين .. كريستوفر بلامر .. كيفن سبيسي

هولي هانتر .. إلين ديجينرس .. بيلي كريستل ..

فنانين باختيار الاسماء ..

 

---

مرسلة من [ L.O.V.E.R ] (رقم العضويه 3004) on :
 

رد مقتبس:

---

المرسل الأصلي هو [ L.O.V.E.R ]:

رد مقتبس:

---

وان شاء الله رجعة المصري مع جامعة المرعبين وصوت هنيدي الفخم

---

لا خلاص راحت على جامعة المرعبين

معد سيناريو النسخه العربية الكاتب عمرو حسني يقول بأنهم طلبوا منه ان النص يكون بالفصحى

خساره والله

---

مارد وشوشني لماذا لم تأتي للصف ؟!
يععععععععع

حتى مارد وشوشني مايجي عالفصحى !
الجزء الثالث عندي أمل بـ بو ورجعتها
بيشوفون ردات الفعل اكيد
 

---

مرسلة من // BanDar // (رقم العضويه 87745) on :
 






توني راجع منه

الفلم فعلا حق ضحك وعبط مو اكثر وحسيت كلام النقاد عنه صحيح انه مافيه تميز وعمق مثل الاول ,, وفيه مشاهد حسيت بشوي ملل بس مع ذلك فلم ممتع وشخصيات حلوه وظريفه



فلم المظله الزرقا تحفففففففففففففه

حبيت اجواء الشتا والغيوم وزخات المطر

وحبيت اشكال الاغطيه والاشارات تتحول الى اشكال وجوه مبتسمه ومعبوسه

ومشاعر الحب بين المظلتين والتقائهم بآخر الفلم

فلم روووووووووووعه كالعاده حق افلامهم القصيره






[ يونيو 20, 2013, 06:20 PM: تم تحرير المشاركه من قبل: // BanDar // ]
 

---

مرسلة من [ L.O.V.E.R ] (رقم العضويه 3004) on :
 


^
^

تقريبا نفس انطباع اخوي الصغير

توه من شوي راجع من السينما هو وربعه .. يقول الفيلم يضحك ووايد حلو وكلهم استانسو عليه

لكن مايتقارن بالاول

ويقول انه في مشهد صغير بونز يعني ظهر بعد ماخلصت شارة النهاية

هو الوحيد من ربعه اللي قعد بالقاعه لين ماخلص الفيلم لول .. عارف حركات بيكسار

المهم يقول ان الفيلم مستواه احلى بمليون مره من السقطه كارز 2

وبنفس الوقت مو احلى من الاول

علوش

افلام بيكسار مش صحبه مع الثري دي .. لو انا منك بدخل التو دي من غير اي تفكير ..

بس المشكله ان كل عروض الفيلم عندنا ثري دي -__-

 

---

مرسلة من Mohamed Saed (رقم العضويه 87926) on :
 

رد مقتبس:

---

المرسل الأصلي هو [ L.O.V.E.R ]:



والكدواني

---

انهى دور ؟
BTW
اللى عمل دور شلبى سوليفان كان سامى مغاورى
 

---

مرسلة من Mohamed Saed (رقم العضويه 87926) on :
 
خلاص افتكرت
المنفى لول
 

---

مرسلة من A H M A D (رقم العضويه 87758) on :
 



الفيلم مهضوم وفيه ملل خصوصاً تسلسل الأحداث جداً بارد وبالغصب صار حلو بالنص تقريباً

لكن حبيت طريقة تعارف وشوشني على شلبي من البدايه

في أحداث حلوه وشيقه لكن بـ شكل عام الفيلم حلو أعطيه 6/10

لكن فيلم بلو آمبريلا بدعه بدعه بدعه 3 بدع

الرسم فضيع كان والقصه روووعه ومبتكره والإغنيه فضيعه بندر إذا عرفت الإغنيه بليز خبرني

بندر مالاحظ شي بالفيلم ؟! جامعة المرعبين قصدي , الكوالتي بالـ 2دي لوعه كأني أشوف ديفيدي خصوصاً بالمقاطع المتحركه السريعه

مادري هل الخلل في قاعة السينما عندنا ولا الكل بالخليج وبرا

عموماً أنا مو ناوي أدخله مره ثانيه لكن حرام لازم أعطيه فرصه ثانيه لأني للأمانه كنت مشغول مع أخوي الصغير جننـّي بالأسئله إلي يسألها وكل وي يبغي أكل ويبغي يروح الحمام لوول

ضحكني أخوي لما قال لي : قول للهندي يخليهم يتكلمون عربي مثل إلي عندنا فالبيت

هو إنصعق لما تغيرت عليه الأسامي كان متوقع يسمع مارد وشوشني وشلبي وأندل لكن إنصدم مسكين وحس بملل كل شوي قال متى يخلص

المهم هاذي صور التذاكر :





وهاذي صورة أخوي مع ستاند الفيلم صورته 4 صور ذبحني عليهم كل شوي يبي صوره لوول :





 

---

مرسلة من [ L.O.V.E.R ] (رقم العضويه 3004) on :
 


^
^

قلبي الصغير لا يتحمل

فديته احمد الصغير

الله يحفظه لكم يارب ويفرحكم فيه

 

---

مرسلة من // BanDar // (رقم العضويه 87745) on :
 




اخوك كيوت

يحليله استغرب انهم مايتكلمون عربي ليش ماقلتله من الاول قبل الصدمه

الفلم دخلته 3d والكواليتي كان حلو وواضح بس ماكو ولا مشهد حطوه 3d , مادري ليش يخدعون الناس

بس بلو آمبريلا باين مشتغلين عليه بالثري دي مثل هطول المطر وتساقط الماي

وحبيت الاغنيه كثير اللي تغنيها اسمها Sarah Jaffe



انشا الله تنزل بالنت قريب





[ يونيو 21, 2013, 11:45 AM: تم تحرير المشاركه من قبل: // BanDar // ]
 

---

مرسلة من [فاء] (رقم العضويه 81979) on :
 
من النوع اللي ماني متعب نفسي أشوف الفلم في السينما
بستناه ينزل Blu ray بالمرة
ماني متحمس له أبد
 

---

مرسلة من M.I.N.I.S.T.E.R. O.F. E.V.I.L (رقم العضويه 89162) on :
 

رد مقتبس:

---

المرسل الأصلي هو [فاء]:
من النوع اللي ماني متعب نفسي أشوف الفلم في السينما
بستناه ينزل Blu ray بالمرة
ماني متحمس له أبد

---

+1
معك قلبا و قالبا اخوي فاء
 

---

مرسلة من [Basel] (رقم العضويه 83164) on :
 
رايح أشوفه اليوم..
 

---

مرسلة من ™BLUE (رقم العضويه 21152) on :
 
جضرتو اليوم مع عايلة ضحكنا كتير
خصوصا على سكواشى وامها هههههههههه






 

---

مرسلة من ROO7 DISNEY (رقم العضويه 88565) on :
 

رغم الخوف الا انه فيلم رائع وممتع و صيفي

حبيت أجواء الفيلم و خلتني أكون متنبه على كل مشهد
الكوميديا الي فيه ثقيلة و بيكسارية .. بيكسار عودتنا على نوع كوميديا مستحيل نشوفه الا في أفلامها مستوى حلو طلعت فيها كل الشخصيات ما حسيت شخصية انظلمت ..
طبعاً كمستوى مستحيل يوصل مستوى الأول لكن عن نفسي حبيت الفيلم بكل ثانية فيه و لا غلطة أحسن بوايد من مستوى كارز 2 ..
كثري دي فاشل ولا ينصح به



 

---

مرسلة من [ L.O.V.E.R ] (رقم العضويه 3004) on :
 


الفيلم احتل المركز الاول بالبوكس اوفس الامريكي بأول اسبوع له وحقق 82 مليون دولار!!

اعلى ثاني افتتاحية بتاريخ افلام بيكسار بعد حكاية لعبة 3 اللي حقق بدوره رقم لايمكن كسره بسهوله 110.3 مليون دولار

مبروك فانز ديزني وبيكسار على هالانجاز المدوي للفيلم

 

---

مرسلة من // BanDar // (رقم العضويه 87745) on :
 
مبروك للفلم ولو انه عندي تحفظات عليه

ناصر ليش ماجفته للحين ؟
 

---

مرسلة من [ L.O.V.E.R ] (رقم العضويه 3004) on :
 


مع اني متحمس اشوفه بندر بس مادري ليش صاير كسول ومالي خلق اروح سينمات بهالفتره ..

اخر مره رحت كان ايام فيلم أوز

شكلي بنتظره ينزل على بلوراي مع باقي الشباب ..

 

---

مرسلة من Amir YF (رقم العضويه 90355) on :
 
^

بتكون مبادره جميله انك تنتظر لما ينزل البلوراي
عشان تشوف قد ايش نتعذب واحنا ننتظر لاي فيلم جديد بالسينما


 

---

مرسلة من A H M A D (رقم العضويه 87758) on :
 

رد مقتبس:

---

المرسل الأصلي هو [ L.O.V.E.R ]:


مع اني متحمس اشوفه بندر بس مادري ليش صاير كسول ومالي خلق اروح سينمات بهالفتره ..

اخر مره رحت كان ايام فيلم أوز

شكلي بنتظره ينزل على بلوراي مع باقي الشباب ..

---

ماصدق

ناصر شفيك

روح هالإسبوع تشجع وكمل إحسانك مو معورك قلبك ينزل فيلم فيه ريحة ديزني وماتروحه سينما

بتتحسف بعدين نويصر طيعني وروح ترى هو مطول ماراح ينشال من دور العرض إلا بعد شهر أقل الإيمان

يعني يمديك تعدل مزاجك للسينما وتروح له
 

---

مرسلة من {(Fabulous)} (رقم العضويه 90577) on :
 


اليوم الصبح حضرت الفيلم عشان أضمن هدوء القاعة أولاً وخلوها من الأطفال ثانياً بحيث أنهم أكيد راقدين وقتها لول , طبعاً أول شي انعرض الفيلم القصير (المظلة الزرقاء) واللي على طول خدرني بمخدر سحر بيكسار , فيلم ساحر شخصياته مبهجة فكرة أصلية وفريدة من نوعها موسيقى روعة يعني بكل بساطة هاذي بيكسار حبيت كيف أن الفيلم كأن شكله مزيج بين الرسوم المتحركة واللايف أكشن بشكل جداً حلو والفيلم نفسه مبهج ويعطيك طاقة نفسية ومعمول بطريقة جيدة جداً , أما عن الفيلم الأساسي فأحداث الفيلم كانت جداً سلسة وأساساً كقصة للفيلم كونها بريكويل أنا عن نفسي وايد حبيتها رغم أن بعض الأفلام من هالنوعية ماتنصبغ بالصبغة الصحيحة لها إلا أن هالفيلم تم صبغه بالطريقة المطلوبة , خصوصاً لما الواحد يفكر أساساً بوظيفة الشخصيات بالفيلم وكونهم يخوفون الأطفال عشان ياخذون طاقة الصراخ فمابالك لو كل هذا مايصير إلا بعد دارسة بالمدرسة والجامعة وتاخذ عليهم شهادات وحالة يعني شي فعلاً الواحد يتحمس أنه يشوفه وفوق هذا كل مقدم من شركة مثل بيكسار واللي تعتبر أفلاهم حالياً الأرقى في مستوى أفلام الأنيميشن رغم التخبطات اللي مروا فيها مؤخراً , وبعد حبيت الكوميديا اللي بالفيلم جد يعني الفيلم كان ضحك بضحك مع موازنة هالجانب بالأحداث الدرامية بشكل جيد , والفيلم عفكرة فيه مشاعر وأحاسيس الصداقة والحب والأخوية , وصراحة الفيلم كان جداً ممتع وماحسيت بممل نهائياً , لكن رغم ذلك صراحة مليت من الأجزاء الثانية اللي تسويها بيكسار وياليتها ترجعلنا بأفلام ذات أفكار جديدة وأصلية ساعتها بترجع لنا بيكسار اللي تعودنا عليها من صغرنا !! ومن المواقف اللي صارت وياي بمشاهدة الفيلم اليوم , مثل ماتعرفون بيكسار من عادتها تحط مشهد قصير بنهاية الفيلم من بعد الكريدتس , فأنا قعدت اتريا ويا ربيعي والناس كلهم طلعوا وماتم حد فالقاعة غيرنا وفجأة بدون سابق إنذار أشوفهم قطعوا الفيلم وبندوه وقتها أنا صدق عصبت وقلت مابسكت على طول رحت وكلمت العامل اللي بالقاعة وقلت له أنا يالس أتريا مشهد آخر شي وأنتو بأي حق توقفون العرض وشوي وبتضارب وياه وبعدها راح يأشر حق العامل اللي فوق عند جهاز العرض لكن الحبيب بند الجهاز وطلع من غرفة العرض فقلت للعامل اللي صوبي أنا مابطلع من هالقاعة إلا لما تكملون العرض وأشوفه لين النهاية ولا ترى ..ههه , فعلى طول راح ودور العامل الثاني مال جهاز العرض وخلاه يشغل الفيلم من المقطع اللي بندوه وقعدت أشوف على راحتي لين ماشفت المشهد الأخير وبعدها قمت هههه , مع أني أحياناً من النوع اللي مايسوي هالحركات بس هالمرة قلت ماعلي منهم هههههه , وعفكرة ربيعي اللي كان وياي مب من محبين ديزني ذاك الزود ويفضل الأنيمي الياباني أكثر , لكنه وايد أعجب بالفيلم وأستمتع فيه مع أنه ماتوقع هالشي وقال لي ياليته طول أكثر وماخلص بسرعة , فأكيد أن أي محب لديزني وبيكسار بيستمتع بالفيلم وبيحبه على طول ويستاهل الروحة للسينما , يعني فيلم لديزني وبيكسار نازل بالسينما وماروح أشوفه خير شالسالفة وفوق هذا يستاهل كونه المركز الأول فالبوكس أوفيس !!
 

---

مرسلة من ROO7 DISNEY (رقم العضويه 88565) on :
 

رد مقتبس:

---

مع اني متحمس اشوفه بندر بس مادري ليش صاير كسول ومالي خلق اروح سينمات بهالفتره ..

اخر مره رحت كان ايام فيلم أوز

شكلي بنتظره ينزل على بلوراي مع باقي الشباب ..

---

معقولة !!!
أنا اتوقعت انك اول واحد حاضره قبلنا كالعادة ..
بسم الله عليك انا لازم ايي قطر و أبخرك شياك

 

---

مرسلة من // BanDar // (رقم العضويه 87745) on :
 
لأول مره بتاريخ الدليل ناصر مايحضر فلم لبيكسار

لا يطوفك الابداع بفلم بلو امبريلا

[ يونيو 27, 2013, 12:11 PM: تم تحرير المشاركه من قبل: // BanDar // ]
 

---

مرسلة من Orphen (رقم العضويه 90094) on :
 
الفيلم الصراحه لايستحق الضجه الكبييره الي مسويتنها ديزني

يعني لو نزل دايركت للدي في دي احسن

الحسنتين الوحيدات فيه فيلم المظله وشخصية الام بس الفيلم بشكل عام عاااادي جداً وممل بعض الشيء

حاله حال رالف ينشاف مره وحده وتنساه


 

---

مرسلة من howtodeal (رقم العضويه 10339) on :
 
اليوم شفت الفلم.. فلم خفيف ومهضوم.. مايك ملمعين
صورته ومطلعينه شريف مكة بس حبيت شخصيته أكثر
بوايد في هالجزء وحبيت عزمه واصراره على النجاح..
سالي تطور شخصيته كان منطقي جدا .. هو ومايك يكملون
بعض و صداقتهم كانت المحور الأساسي في الفلم..
كنت أتمنى لو بوو كانت موجودة في هالجزء بس للأسف
شخصيتها أبدا مالها مكان في هالفلم ..
من الأشياء اللي تميز فيها هالفلم كرمهم في استخدام
الألوان .. كل مشهد من مشاهد الفلم مستخدمين فيه كمية
لا يستهان بها من الألوان الزاهية اللي أحيانا حسستني
اني قاعد أشوف تيليتابيز ..
وأعتقد هالشي مبين من بوستر الفلم اللي نزل من فترة..
الموسيقى التصويرية بعد عجبتني وحسيتها مناسبة جدا
لأجواء الفلم اللي أغلبها كانت كوميديه..
اللي ما عجبني في الفلم بساطته الشديدة.. كنت اتمنى
لو كان فيه عمق و تعقيد أكثر في القصة نفسها..
مع ذلك أستمتعت فيه واضافه رائعه لمجموعة أفلام
بيكسار..
فلم المظلة الزرقا رأيي فيه مثل رأيي بأغلبية أفلام
بيكسار القصيرة.. أبدا ماله معنى وبديت أمل من قصص
الحب الصامته هذي اللي مدتها 5 دقايق .. دوم أعتبرها
جزء من الدعايات اللي تنزل قبل الفلم
 

---

UBB.classic™ 6.7.1