ملفي الشخصي | الدليل تسجيل الدخول | بحث | مســـاعدة | الألعاب | قائمة الإداريين | الصفحه الرئيسيه

» منتــدى الســالميــه » القسم العـــام » ســاحــــة الــسياحــه والـسفـــر » [مسافر?] يبلي معاك من هالمحل بليز ولاتنسى ابي عطر من هالمحل ماينباع عندنا!!

إرسال هذه الصفحه لصديق!

الكاتب الموضوع: [مسافر?] يبلي معاك من هالمحل بليز ولاتنسى ابي عطر من هالمحل ماينباع عندنا!! طبيعي مراقب رقم العضويه 11956 مرسله في                    السلام عليكم هالموضوع حبيت اتطرق له لانه كثير اتعرض له ودايم يشغلني عشان جذي قلت احطه واشوف رايكم واسالكم بعد اساله لما تسافرون اكيد تقولون للاهل والمقربين والاصدقاء واكيد جم واحد يقولك بليز ابي تيبلي هالغرض ولا اشتري ولما توصل اعطيك فلوسه ولا بليز ابي تيشرت تنباع بمحل بهالمكان ولما تروح تنصدم انه المكان بعيد ولازم تتعنى له ويروح يومك بس عشان تيشرت ولا واحد يطرشك على ايفون ولما تروح تنصدم انه لازم تصف دور طوييييييييل يالله تحصل عليه .وتخيل كل هذا وسفرتك مو اكثر من سبوع يعني عادي 3 ايام منها بس تطرش والباجي لك الصراحه انا عندي عقده من لما اسافر احد يطرشني ماحب ماحب لول باستثناء ادويه امي وابوي الشي الوحيد الي احرص ايبه بس لما احد يوصيني ويعطيني فلوس احس كانه مربطني بالسفره مادري ليش تصدقون انه لما امي تسافر لو شنو ماقولها ابي شي؟ كلا اقول كل شي عندي مابي شي حتى لو كنت ابي بس ماحب اعيشها بشعوري لما احد يطرشني مع انها امي اكيد ماراح تحس هالشعور بس انا اكره اطرش احد بالسفر كلا اقول استاااانسوا وبس ابس اسمع رايكم بهالموضوع ولما يطرشونكم اصدقائكم هل تتضايقون ولا عادي ولا تعتذرون بطريقه مودبه ولاشنو؟ خاصه انه الانترنت الحين صار فيه كل شي ويقدر الواحد يطلب اللي يبيه فليش تطرش المسافر؟ المشاركات: 44721 | من: الـكـويـت | تاريخ التسجيل: أكتوبر 2003  |  [ SaLeM ] عضو نشيط رقم العضويه 86127 مرسله في                    بالنسبه لي شي ينررفز انا مسافر استانس واغير جو مو اربط نفسي مع شغله فلان وشغله علان انا اعتذر بطريقه مؤدبه وفي بعض الناس ماينفع معاهم هالطريقه فتظطر تقوله انا مسافر ارتاح مو اشتري حقك وحق غيرك بجذيه تضيع سفرتي .. واذا زعل مايشوف شر ومثل ماقلت النت كل شي فيه يعني السوق عندك وانت بغرفتك -------------------- المشاركات: 209 | من: الكويت | تاريخ التسجيل: سبتمبر 2008  |  عـشـرة عـمـر عضو نشيط جدا رقم العضويه 86128 مرسله في                    بصراحه انا محتار .. ان حطيت نفسي مكان اللي مسافر .. بقول : صح ما ودي حط يطلب مني شي وان حطيت نفسي مكان الشخص الثاني .. ورفض لي طلبي ! بقول : شدعوه ؟! شسالفه ؟ شطالب انا !! لووول متناقض او اناني بشعوري ما ادري بس مع هذا ما عمره حد وصاني بـ شي وما جبته له خاصة ان كان احد عزيز علي كثير كثير لو اضيّع سفرتي كلها عشان اللي يبيه .. فدوه لـ عيونه [ سبتمبر 28, 2010, 06:09 PM: تم تحرير المشاركه من قبل: عـشـرة عـمـر ] -------------------- كلامك سيّدي طاغي وهو يطغى علي وانا من هولة المعنى خطر يغمي علي المشاركات: 1246 | من: دولة الكويت | تاريخ التسجيل: سبتمبر 2008  |  الصغيره miss salmiya رقم العضويه 10056 مرسله في                    اي اكيد هالشي ينرفز اذا امي وخواتي مخالف عادي لان ادري لو ماحلص لهم الشغل اللي يبونها مايزعلون بس باجي الاهل لا والله العظيم مايصدقون لو اقول لهم ماحصلته او شي جذي وانا عن نفسي ماحب اطلب من احد شي لما يسافر ماعرف ظروف الناس وليش اربطهم واخرب سفرتهم وترى موكل الناس تدل كل شي بالديره اللي بيروح لها رفيجيتي مره رايحه علاج مع امها تخيل رفيجتها شنو تبي قالت لها تبي لاب توب من Icity والله لو امي ماطلب منها هالطلب فشله بعد رفيجتي -------------------- سمو الامير الشيخ صباح الاحمد الجابر الصباح ( نبض القلوب) المشاركات: 18126 | من: بنت الكويت | تاريخ التسجيل: يوليو 2003  |  J@sSoOoM_87 عضو فعال جدا رقم العضويه 3016 مرسله في                    انا استحي اطلب .. و مرات استحي اعطي فلوس عشان اييبون لي لوول . يعني احس بيقولون لي شنو ناقصتنه فلوسك ? بس اذا كان من اهل بيتنا عادي اتشرط عليه لان اخرته بييب لي صوغه فاسهل علهي و اقول له اللي ابيه -------------------- || J@sSoOoM_87 || .: منتــدى الســالميــه :. D. By: Hadoola المشاركات: 9964 | من: k.U.w.@.i.t | تاريخ التسجيل: يوليو 2002  |  [ عبـد الـعزيـز ] عضو فعال رقم العضويه 17637 مرسله في                     أنا أتقبل هالشيء بالعكس أسأل وكثير أستانس لم حد يطلب مني شي << يحليلني ملاك بس تنطلب أشياء معقولة مو شي أقعد أدور عليه كل السفره .. ولا يجي أخر يوم قبل لا أرد الدوحه يطرش لك جيب لي الشي الفلاني ؟؟؟ عسى ماشر الشيخ ! -------------------- مـن يـومها شـو عـاد صـار ..؟ مـا صـار شـي كتـيـر ..! المشاركات: 6796 | من: عــيون فــيروز | تاريخ التسجيل: سبتمبر 2004  |  AbdulAziz™ عضو متميز رقم العضويه 2399 مرسله في                    انا اصلا لما اسافر ما اقول لحد غير اهل بيتنا لول ربعي مايصحون الا ثاني يوم يدقون علي وينك اقول لهم بالبلد الفلاني وان قالولي جب لنا الشي الفلاني اقول لهم بحاول لو علي طريقي خخخخ -------------------- المشاركات: 31670 | تاريخ التسجيل: يوليو 2002  |  }{}{ D a V i n c i™ }{}{ عضو فعال رقم العضويه 16665 مرسله في                 حلو انك ترجع وبيدك شي حق اللي يعزون عليك خصوصاً اذا كان شخص وايد قريب منك اصلا بدون ما يقول انا بروح وبتعنى واخذ الشي اللي اعرف انه يحبه بس انا بالنسبه لي وللي حولي كل ما اقولهم بسافر او بروح هالمكان تأمرون علي شي قالو لك سلامتك قليل اللي يتشرط واذا تشرط عليك وقال يبي شي يعني انا رايح السعوديه مب مسافر سفره جم يوم طبيعي عاد انت كل مطيح بلندن يعني يايب لهم كلشي من هناك بعد شطلبون منك اذا ما كان كلشي عند اللي تعرفهم من لندن استغرب روحاتك وايد حق لندن والمصيبه انه كل بروحك مادري متزوج هناك ومحد يعرف -------------------- المشاركات: 5859 | من: مملكة البحرين | تاريخ التسجيل: أغسطس 2004  |

لطباعه هذا الموضوع

إذهب إلى: إختر الساحة:   القسم: القسم الـفـنـي -------------------- ســـاحــة الفـــن العـــربــــي ســـاحــة الفـــن الغـــربــــي   القسم: القسم التقـنـي و الإداري -------------------- ســــاحـــــة الكمبيوتر وتقنية الإتصالات ســاحــة المراقبين والمــشرفين   القسم: القسم الإداري -------------------- ســــاحــــة المـحــذوفـــــــات

إتصل بنا | منتدى السالمية دوت نت


UBB.classic™ 6.7.1