انا سبق وطلبت الديفيدي من موقع ايطالي ماكان موفر الدبلجه العربية الا من خلال الديفيدي بس .. وهو نفسه اللي استعرضته معاكم وحطيت منه مشاهد حصرية قبل مايتسرب الفلم .. وتفاجأت لما قالي حمدان عن هالموقع وقلت خلني اطلب البلو راي والحق الجذاب لبيته .. وفعلاً وصلني اليوم الفلم وعليه شعار روتانا !!!
كيف وليش نسخة روتانا المخصصه للوطن العربي موجوده بالموقع قبل لاتنزل رسمياً ماعرف !! كل اللي اعرفه اني طرت من الوناسه اول مافتحت الظرف وشفتها ..
بما ان نسخة روتانا صارت عندي قبل لاتنزل بست ايام .. حبيت اصور لكم شكل الغلاف والقوائم كعرض اول .. خلونا نبدا :
الغلاف من الامام
نسخة كومبو ومعاها قرصين .. قرص البلو راي والديفيدي مع بعض .. يعني نسخة توفير قيمة وماتتفوت .. نسخة البلو راي تحطونها بسينماتكم المنزليه .. ونسخة الديفيدي تحطونها بالسياره او غرف الاطفال او اي مكان جانبي .. عشان تقضون وقتكم كله مع رابونزل .. في احلى من جذي ؟
على فكرة نسختنا افضل من النسخه اللي طلبتها من ايطاليا لانها كانت بلو راي بس وتقريبا نفس السعر ..
الغلاف من الخلف
صورة مقربة ..
شعار روتانا مع الدبلجات والترجمات المتوفره بالأقراص ..
شكل الاقراص داخل الغلاف ..
قائمة اختيار لغة القرص ..
القائمة الرئيسيه ..
طبعاً شكل القوائم كارثه بالمقارنه مع قوائم الفلم على الديفيدي .. مادري ليش بعض النسخ المخصصه للوطن العربي تكون قوائم البلو راي فيها كارثه بكل معنى الكلمه .. مثل الجميله والوحش والحين رابونزل ..
عالعموم الاهم من القوائم هو محتويات القرص .. الفلم نفسه حرام ماينشاف بدقة ووضوح البلو راي .. جد حرام .. تفاصيل كثيره راح تروح على المشاهد لو عنده تلفزيون كبير ومشغل الفلم على ديفيدي .. الجوده اقل ومشاهد الحركة ماراح يستمتع فيها بتطلع له مربعات ومادري ايش ..
الحمدلله اني صبرت ومسكت نفسي وماشفت الفلم على الديفيدي .. عشان استمتع فيه الحين بأحلى صوره وصوت !!
اخيراً وليس اخراً ..
اتمنى اكون ماقصرت معاكم بتغطية فلم تانجلد من لحظة دبلجته للعربية والاخبار اللي حاولنا نجيبها لكم .. لين لحظة صدور الفلم وعرض المشاهد الاولى لاول مره وحصرياً وقبل اي مكان ثاني .. واستعراض نسخ البلو راي والديفيدي اللي راح توزعها روتانا قبل ماتنزل بالاسواق ..
اذا كان في اي تقصير اتمنى تسامحوني ..
كلها ست ايام ويكون الفلم بين يدكم .. اتمنى من كل قلبي ان محد يستكثر على نفسه فرحة اقتناء النسخه الاصلية ومشاهدة الفلم وكواليسه وكل الامور اللي تتعلق فيه بأفضل شكل ممكن ..
يالله عاد اخليكم الحين ومب راجع الا لما اكون شفت الفلم وتمزمزت فيه
--------------------
المشاركات: 27170 | من: ~ NeverlanD ~ | تاريخ التسجيل: يوليو 2002
|
ومن الحين أقوولك ...خلاص من بعد ماعرفت هالموقع اطمن ..كل إصدارات ديزني بتوصلك أول بأول ...لأني أنا أعرف هالموقع من أكثر من 5 شهور وكنت أتابعه يومياً ولاحظت عليه أنه دومه ينزل الأفلام من روتانا قبل نزولها بالأسواق بيومين تقريباً وبعضهم قبله ب3 وبعضهم مثل تانجلد واللي نزل قبل 12 يوم من يوم إصداره..
-------------------- المشاركات: 348 | من: الإمارات العربية المتحدة | تاريخ التسجيل: أكتوبر 2010
|
اليوم الصبح كنت بروتانا كل اللي واصلنا الحين بالمخازن هي نسخ الدفيدي البلوراي لسه ماوصلنا والظاهر البلوراي مارح ينزل عندنا يوم 28 مدري عن الأمارات انشالله ينزل عندكم البلوراي بنفس اليوم
بس أكيد رح أروح و أصور و أشتريلي نسخة دفيدي ما أقدر أمنع حالي من البوستر
[ مارس 23, 2011, 12:59 AM: تم تحرير المشاركه من قبل: WasimoOoOoOo ]
مرسله في
كلولولولولولولوليش الفيلم وصل الصبح في كل العين و دبي الف مبروك لكل فانز الامارات الساعة 6 بتوقيت الامارات بسير صوب المحل يا فرحتي يا يوم سعادتي
مرسله في
النسخ موجودة بلو-ري و دي في دي .. ما فيني صبر على المشترى المشكلة اني بالكلية وما بظهر الا على الساعة 6 بس حالياً تاكدت من وجوده في 3 محلات والباقي اعتقد في نهاية الاسبوع لا اليوم مب مهم والله طبيته و ما كنت ادري انه نازل الصبح
الموضوع مغلق
إرسال هذه الصفحه لصديق!
لطباعه هذا الموضوع
![[rofl]](graemlins/rofl.gif)
![[Razz]](tongue.gif)
![[crazy]](graemlins/crazy.gif)
![[Big Grin]](biggrin.gif)
![[bgrlaugh]](graemlins/bgrlaugh.gif)
![[rose]](graemlins/40.gif)
![[heartpump]](graemlins/heartpump.gif)
![[Roll Eyes]](rolleyes.gif)
![[Embarrassed]](redface.gif)
![[Frown]](frown.gif)
![[Smile]](smile.gif)
