نـاوي هاليومين اعمل داونلود لأحد هالمسلسلات وبما انهم كلهم لهم علاقه بمصاصين الدماء قلت مبدئياً راح اكتفي بواحد منهم .. اذا عجبني السستم والمود تابعت الباقي لأن ولا مره سبق لي وحضـرت عمل يتكلم عن الفامبير
فياليت اللي تابعهم ينصحني بالأفضـل بينهم , واهم شيء النصيحه تعتمد بالأساس على المسلسل اللي يكون الأكـثر اقناعاً في اخـراجه , بالإضافه للحركه اللي بالعـمل يعني المود البارد او الرتم البطيء ما يمشي معي
بإنتظـار ارائكـم ..
--------------------
المشاركات: 10059 | من: R i y a dh | تاريخ التسجيل: فبراير 2008
|
مبارح شفت برفومرنس ليندزي بافو لاغنية skinny love اداءها كان جميل و مختلف ، ثان واحدة احب منها كوفر اغنية bon iver بعد الكتكوتة بيردي
-
كنت متوقع بايب يمثل تيم آدم في النهائي ؟ !! شطاري !!! لهالدرجة كان سيء في البرايمات !!
و كريستينا كأن الخسة كبرانه في راسها ، فاشلة و متعجرفة لول نفسنتها مع بزران the wanted و ابن لوكا مولعة مواقع التواصل الاجتماعي
في انتظار ايجاباتج ألما
-
ماجد كل ما اشوف حلقة من سماش ، بدال ما ادعي على الكتاب بدعي عليك كاثرن سمالله عليها شو البرود الأوسكاري !!!!!! و لا الانجذاب المغناطيسي بين الدرج Dev و Ivy الي مدري وش يبي و لا الاخ جاك الي سخفوا من شخصيته ، كل ما شاف ممثلة تؤدي مشهد لمارلين خق عليها قسما بالله صكوا بالتسطيح عن غوصب غيرل ، فوازير غلي و حواق شوندا رايمز !!
[ مايو 05, 2012, 03:02 AM: تم تحرير المشاركه من قبل: ´Zak ]
انا ماليش دعوة.. معاك انهم خبصوها بشرف من touch me وطالع .. بس لحد الان أشوف انه فقرات الحلقة اللي تتكلم عن المسرحية نفسها ومراحل انتاجها شي جديد كليا .. و الأغاني الأصلية خيالية.. يعني لحد الان ما فيه اغنية ضعيفة أو مملة كلهم مستواهم بين الجيد والممتاز .. فمسرحية مارلين اللي يشتغلون عليها بتطلع شي فظيع.. المسلسل محتاج شغل كثير على الشخصيات والكتابة بس فيه مجال انهم يطورون المسلسل وكارن ملح المسلسل .. جمال وأدب وأخلاق.. ما تطلعش منها العيبة فديتها عادي ترا فيه ناس مثاليين مثلها في الحياة.. تذكرني شخصيتها بآنا اللي في Downton Abby رووووووعة هالممثلة على فكرة.. بس سؤال.. جيمي فالون لما كان يتمصخر ليش حط مكان أختهم الثالثة ريال؟؟ على أساس انها قبيحة يعني؟؟ الحين لما ركزت بالمسلسل أكثر وتعرفت على الشخصيات أكثر تذكرت هالمشهد..
-------------------- [ المشاركات: 7335 | من: الامارات | تاريخ التسجيل: يوليو 2003
|
مرسله في
أوكي اغاني جيدة و ممتازة ما قلنا شي ، بس في غالب الأحيان توظيفها في الأحداث سيء ، نفس نظام فوازير شريهان و غلي بشكل عام اشوف الأحداث انزلقت منهم من بعد حلقة workshop ، صار التركيز على شخصيات مقززة و مستفزة و مواضيع جانبية ما لها داعي بالنسبة لخويتك ، تمثيلها يجيب المرض ساهية على طول الخط و ريلاكس زي ما تكون مدمنه على xanax ، الموضوع ما له خص بالمثالية و الأدب و الأخلاق و هذاك جبت سيرة الممثلة الي تؤدي آنا في داونثن آبي ، الاثنين كاركتر متشابه بس الفرق في الموهبه !! كاثرن ماكفي ينطبق عليها المثل - صوتك جميل فلا تمثلي - أحلى شي استمتع فيه بعد مشاهدة كل حلقة من سماش ، شرشحتنا - yazz & i - للعمل على التويتر
رد مقتبس: أختهم الثالثة ريال؟؟ على أساس انها قبيحة يعني؟؟
hedith
على أساس إنها أبشع بنات كروالي ، سِماوية ، نفسية و طايحة حظ
وجهة نظر واحترمها.. لكني انا بصراحة مستمتع بالعمل و عاجبني.. فيه نقاط ضعف لكن بنفس الوقت فيه أشياء تعوض عن نقاط الضعف هذي وأولها مثل ما قلت المسرحية اللي يشتغلون عليها ومستوى الموسيقى اللي فيها .. نصيحتي تكنسله واتابع الفينال..
وفعلا ايدث قبييييحة كشخصية وشكل.. أخر حلقة شفتها لما كانت تحاول اطلع معلومات من ديزي عن التركي اللي مات في غرفة ميري انا اللي لخبطني الشعر الأسود.. لانه سيبل شعرها أسود.. بس آنا المفضلة عندي .. أحس براحة نفسية لما أشوف مشاهدها.. ومتأكد انه لو ممثلة ثانية ماخذه الدور ما كنت بحس نفس الاحساس .. توماس يبط الجيد.. مقرف هو والعيوز اللي معاه.. مستر كارسون ومسز هيوز وايد عايشين الدور مسلسل فوق الممتاز صراحة وثانكس انك خبرتنا عنه زاك
-------------------- [ المشاركات: 7335 | من: الامارات | تاريخ التسجيل: يوليو 2003
|
مابقى عن الفينالي غير حلقة هالاسبوع لوول ، على العموم بعد الفينالي راح كنسله اذا المستوى هيك في اول موسم ، كيف لما GG's Boss بيصير showrunner لسيزن 2
بالنسبة لايدث لسه ما شفت شي ، بس في سيزن 2 بتخف نذالتها ، بتصير حبوبه و انسانية
رد مقتبس: توماس يبط الجيد.. مقرف هو والعيوز اللي معاه.. مستر كارسون ومسز هيوز وايد عايشين الدور
كارسون وايد ماخذ مقلب في نفسه ، كل ما اشوفه يجي في بالي ذكر البط اما اوبراين فعكسك أعشقها هي ملح المسلسل ، من الشخصيات الي الواحد يحب يكرههم الا صحيح ما اشوفك علقت على عمتهم كلهم - الملسونه فايلوت - -
بالنسبة لسؤالك في الصفحة الي قبل عن عمل JLD ، شفته و علقت عليه في التويتر بس اخر فتره ما عاد خلق اكتب ريفيوز مسلسلات جديدة فهالموضوع نبقى نحكي عن حلقاته الجاية في التويتر
مرسله في
زاك حرام عليك مو لدرجة فاشله ومتعجرفه .. و بعدين ماشالله مسرع قلبت عليها ؟ صحيح هي زودتها شوي مع توني لوكا اسبوع تمدحه وتوصله السما والاسبوع الي بعده ترجع تقلل من اهميته بطريقه غير مباشره .. وشكلها حاطته براسها من البدايه بس ترى هو كمان مش هين قاعد يستغل كل كلمه تقولها و يصرح اسبوعيا بالصحافه و يمثل دور المظلوم الي وحده من الكوتشز مستقعدتلي وماتبغاني اوصل مع ان شي طبيعي كريستينا تخاف من تيم ادم بالاخر هي منافسه و توني تقريبا اكثر واحد حاليا ينافس كريس مان في الحصول على اللقب خصوصا ان جمهور بريتني و جستن تمبرلايك معاه عموما توني مبدع وفنان واسبوع عن اسبوع يتفوق و يتميز عن الباقي .. ولو فاز يستاهل اكيد
رد مقتبس: كنت متوقع بايب يمثل تيم آدم في النهائي ؟ !! شطاري !!! لهالدرجة كان سيء في البرايمات !!
ايوه بيب من المرحله الثانيه ومستواه مدحدر .. ابدا مافيه شي مميز ويرتبك ع المسرح وكل اختيارات اغانيه فاشله وماتليق لصوته
- البرنامج خلاص قرّب ينتهي - هالموسم افضل بكثير من السنه الماضيه المشتركين اغلبهم كانو اقوياء خصوصا الي وصلو للسيمي فاينل , عملو جو حلو بالبرنامج
الاربعه الي وصلو للنهائي - بالتوفيق لكريس مان كريس معطي نكهة كلاسيكيه للبرنامج بغنائه الاوبرالي .. والحلو انو ما اقتصر ع الاوبرا اثبت نفسه بالوان غنائيه مختلفه
بمناسبة حديثكم عن الكوميديا السياسيه veep حابة اعطي رأيي عنه اشوفه من اروع المسلسلات الكوميديه خلال ال 3 سنوات الاخيره
- وقت ما نزل البايلوت شدتني الاراء الايجابيه و نويت اتابعه ماندمت اني اجلته ل 3 اسابيع كنت متأكده نص ساعه مع جوليا مارح تكفي - والبارح اخيرا شفت الحلقتين الاولى سوا + كويس الثالثه موعد نزولها اليوم اولريدي
- جوليا لويس مو غريب و لا جديد عليها الابداع يكفي انها من ريحة ساينفيلد تركيبة شخصيتها مجنونه و كل كلمه وكل حركه تسويها تموت ضحك / اكيد الايمي هالسنه مابياخذه غيرها بالحلقه الثانيه بانت نواياها ويافرحه ماتمت . فظيعه وهي تصلي لسلامة الرئيس بدون نفس
- الكوميديا الي بالمسلسل ممتعه و على مستوى عالي جدا
-الكاست رهيبين كلهم واهم حاجه انهم بعيدين عن التصنع - الي يميزهم كلهم تمثيلهم من النوع الارتجالي .. و كوميديين بشكل فيزكلي يعني حتى لو ماتكلمو . حركاتهم تكفي يوصلولك المشهد بسلاسه
- كتابة الحلقات يالله قد ايش ذكيه و محبوكه - الافكار والحوارات الي مو بس تنطبق ع السياسيين . ممكن اسقاطها على كل اصحاب المناصب في الحكومه والصحافه والاعلام - ماانسى اقول المسلسل جالس يتفنن بالـ curse words .. كيف يدخلوها بالكلام ويحوروها عشان تناسب اي شي .. ناس مختله