مرسله في                      

رد مقتبس:

---

خالي من العيوب

---

رد مقتبس:

---

شون بيري حتى من كبر كانت له تجارب مع فرانسوا وانتاجاتهم اعتبرت من أفضل تعاون بين مخرج وممثل

---

هالمعلومة حمستني أشوف باقي شغلهم سوا بالذات اني لسبب أجهله كنت متوقع ان ما جمعهم غير هالفلمين

ذكرتني بارتباط بونويل بـ فيرناندو راي وفرانسوا اوزو بـ شارلوت رامبلينغ .. يعجبني المخرج اللي يلقاله ممثل خصب ويكمل معاه

بالنسبة لبقية الأفلام, لو في شي منهم أرشحه قبل الكل فهو The Wild Child لأنه جدا ممتع ويمر بكل سلاسة..

--------------------

المشاركات: 9563 | تاريخ التسجيل: أغسطس 2002  | 

مرسله في                      

رد مقتبس:

---

المرسل الأصلي هو ONLY-ME:
shutter island



تقيمي الشخصي

7 ونص

---

للأسف انا مادري ليش ماحبيته وانجبرت اني اشوفه كامل ، مابي اقيمه لاني بضلمه لول...

i think im a romantic comedy type

[ أبريل 02, 2010, 05:03 PM: تم تحرير المشاركه من قبل: MoodiiQtr ]

--------------------

T U M B L R

المشاركات: 2536 | من: Qatar | تاريخ التسجيل: فبراير 2010  | 

مرسله في                      

خليـفة

من حسن حظي ان عندي الثلاث أفلام اللي سميتها منه

بتكون ثاني مجموعة أحضرلها له انشالله (بدايتي كانت بـ بيرسونا و من بعده الثلاثية)

رد مقتبس:

---

حبيت كيف أهالي القرية تلجأ لقسيس يعاني نفسه من ضعف الإيمان بالتالي يواجه معركة نفسية داخلية

فيلجأ لربه عدة مرات وهروباً من المدرسة الي تقدم له جبها كتعويض لفقدانه إيمانه

---

العبقري في هالجزئية انه برغم من انه حدد الموقف بديانة معينة, لكن ظلت رسالة فيلمه كونية وما فيها اسثناء لأي مشاهد

هالشي هو اللي مجنني في شغله, كيف فيه عمق بس بدون ما يحسسك انه يبذل أي مجهود عشان يسحبك .. عبقرية فذة.

بالنسبة لـ سايلانس, نهايته كانت من أقوى النهايات اللي شفتها لفيلم S P O I L E R

اخر عشر دقايق بالتحديد لما نعرف ان شخصية انغريد تولن (فظيعة؟) بدأت تدخل في الاحتضار عن طريق تسارع صوت دقات الساعة

وتبدأ تهذي الين يجيها الطفل وتحاول تقنعه انها بتكون بخير وهو يهز راسه على اساس انه مصدقها والرعب مالي وجهه, شي غير طبيعي

الشي الوحيد اللي لسه ادور عليه هو محتوى الرسالة الأجنبية اللي عطتها الطفل, بالذات كيف طالع في أمه في القطار بعد ما قراها..

+ شغلة كثير لفتتني في الفيلم هي غياب الأب, هالنقطة وكيف تداولها في الفيلم حسيت ان المقصود من وراها هو رمزية عن غياب الرب..

بالنسبة لبيرسونا, مشهد الاحتواء فعلا كان ساحر, كمان مرة كيف يسحبك بدون لا تحس ان فيه شي غريب يحصل, تدخل مع الشخصية وتتابع بكل صمت!

الجزئية المشتركة بينه وبين مولهولاند درايف اللي أشرتلها هي بالضبط اللي جت على بالي وأنا أشوف الفيلم..

أبدا ما استغرب انه ينظرله على انه افضل مخرج مر في التاريخ, اذا بس 4 أعمال للان حسستني اني شايف ارشيف كامل بثراها.

ألف شكر لك على الفييدباك خليفة لان فعلا كنت حاب اتعمق اكثر في بعض النقاط والان احس اني ارتحت لول, ومشكور على ذوقك

--------------------

المشاركات: 9563 | تاريخ التسجيل: أغسطس 2002  |