|
الكاتب
|
الموضوع: ¨'*•~-.¸¸,.-~* ][ CinEma CaFe][ ¨'*•~-.¸¸,.-~*'
|
randomly
Smart Star 2
رقم العضويه 13811
|
مرسله في
 
New Movies This Week In UAE
Transformers
( Action / Adventure )
Starring: Shia LaBeouf, Josh Duhamel, Tyrese Gibson, Jon Voight, Megan Fox
.
Miss Potter
( Drama )
Starring: Renee Zellweger, Ewan McGregor, Emily Watson, Perdita Weeks, Bill Paterson
.
Fast Food Nation
( Drama / Thriller )
Starring: Catalina Sandino Moreno, Wilmer Valderrama, Ana Claudia Talancon, Greg Kinnear, Bobby
--------------------
المشاركات: 7100 | من: || Dubai || | تاريخ التسجيل: فبراير 2004
| 
|
|
7aMoOoOoD
عضو فعال جدا
رقم العضويه 68050
|
مرسله في
مس بوتر نزل؟؟؟؟؟؟؟؟؟؟؟؟؟؟؟؟؟؟؟؟
زين مع انه liMited
يلا انطونه عود رأيكم بي
--------------------
 
You Are The Only Exception
اروحــــــلج فـــــدوه
المشاركات: 14414 | من: iRaQ | تاريخ التسجيل: يوليو 2006
|
|
|
رقية مرقدي
Salmiya Star
رقم العضويه 16397
|
مرسله في
</font><blockquote>[qb" s>
<font size="5] New Movies This Week In UAE
Miss Potter
( Drama )
Starring: Renee Zellweger, Ewan McGregor, Emily Watson, Perdita Weeks, Bill Paterson
.
[/qb]</font><hr /></blockquote><font size="2" face="Tahoma, Verdana, Arial, Helvetica, sans-serif;">سخييييييييف سخييييف حق صغار مثل حموود ![[Razz]](tongue.gif)
تصدقون ماكملته من الممل ![[Frown]](frown.gif) هي وارانبها ![[Mad]](mad.gif)
[ يوليو 05, 2007, 04:07 PM: تم تحرير المشاركه من قبل: رقية مرقدي ]
--------------------
المشاركات: 7198 | من: مـملـكـة الانـسانـية | تاريخ التسجيل: يوليو 2004
|
|
|
randomly
Smart Star 2
رقم العضويه 13811
|
مرسله في
حشـــا مملكـة الحيوانــات مش مـس بوتــر لووووول
كنت ناطر نزوله هو وفاست فود نايشن بس كنسلت
إن شــاء الله بشـوف Transformers يوم السبت الصبح ![[Smile]](smile.gif) بعد الزحمـة والمحمة
--------------------
المشاركات: 7100 | من: || Dubai || | تاريخ التسجيل: فبراير 2004
|
|
|
7aMoOoOoD
عضو فعال جدا
رقم العضويه 68050
|
مرسله في
شنو ادعييييييييييييييييييييييييييلج روكي خربتي واهس العالم
خلي يشوفوه ويحكمون
--------------------
You Are The Only Exception
اروحــــــلج فـــــدوه
المشاركات: 14414 | من: iRaQ | تاريخ التسجيل: يوليو 2006
|
|
|
علوووش
عضو متميز
رقم العضويه 17300
|
مرسله في
انا عرفت انو drive توقف وسحبوا عليه لوووول
--------------------
المشاركات: 37008 | من: Australia | تاريخ التسجيل: أغسطس 2004
|
|
|
Kuwaity^Cool
عضو فعال
رقم العضويه 10667
|
مرسله في
بالعكس والله حلو مس بوتر
احلى شي الأرانب والحيوانات اللي تتحرك واهي ترسمها لوول
--------------------
المشاركات: 6194 | من: k u w a i t | تاريخ التسجيل: أغسطس 2003
|
|
|
رقية مرقدي
Salmiya Star
رقم العضويه 16397
|
مرسله في
رد مقتبس:
المرسل الأصلي هو علوووش:
انا عرفت انو drive توقف وسحبوا عليه لوووول
انا استغربت .. يتكلمون فيه ويمدحونه واذكر المسلسل توقف عند الحلقه 5 او مدري كم ![[Big Grin]](biggrin.gif)
:
حمووود شسويلك علشان مايزعلون عليك صراحة فيلم سخيف وحق يهال
ويملل ويرفع الضغط ولا كملت الفيلم خخخخخ
لا تشووفونه الا اذا ماعندكم غيره ![[Embarrassed]](redface.gif)
--------------------
المشاركات: 7198 | من: مـملـكـة الانـسانـية | تاريخ التسجيل: يوليو 2004
|
|
|
يجيلك يوم
عضو فعال جدا
رقم العضويه 122
|
مرسله في
انا ابغي اشوف MISS POTTER ..
im a huge Renee Zelleweger FAN .. و مستحيل اضيع فرصة اني اشوف الفيلم
على فكره خليفه فيه فيلمين زياده نازلين ![[rofl]](graemlins/rofl.gif) لول
ايظن .. و Shark Bait
--------------------
المشاركات: 13760 | من: United Arab Emirates | تاريخ التسجيل: مايو 2003
|
|
|
randomly
Smart Star 2
رقم العضويه 13811
|
مرسله في
^
الأفلام المصرية وين أحصلها بوسترات شرات الأوادم لول
و Shark Bait كمان ماحصلـت له بوستر في ياهوو جان اسوي له أكبر أوووووووه
--------------------
المشاركات: 7100 | من: || Dubai || | تاريخ التسجيل: فبراير 2004
|
|
|
[Badrawy]
عضو فعال
رقم العضويه 17276
|
مرسله في
"M.Badrawy"
^
www.egyfilm.com
الافلام المصريه
--------------------
المشاركات: 7434 | من: | مــ Alex ـــصر | | تاريخ التسجيل: أغسطس 2004
|
|
|
[ L.O.V.E.R ]
سوبر مصمم
رقم العضويه 3004
|
مرسله في
والله لكم وحشه
شلونكم شخباركم .. انشالله كلكم بخير ؟
اول شي اشكر دريمر عزوز الدب لانه هو اللي حمسني ارجع .. فديته هو الوحيد اللي مفتقدني
مب انتو ياللي مافيكم خير
عاد بأخر فتره شفت افلام وايد وخاطري اقول رايي فيهم كلهم بس بتنكسر اصابعي وانا اكتب ![[help]](graemlins/help.gif)
وبعدين روكي حرام عليج مس بوتر روعه
اللي اعرفه انج ماتحبين الافلام الخياليه ولا تشوفين رسوم متحركه ومالج علاقه بهالنوع خير شر
ليش اتعبين نفسج وتشوفينه
الفيلم شفته من كم يوم .. وايد حلو وكيوت
طول الوقت نشوف الدنيا بعين مس بوتر .. عشان جذي نشوف ارانب وحيوانات خياليه تناقز بكل مكان
وكفايه رينيه حبيبت البي فيه
هالانسانه فيها جاذبيه رهيبــه .. تمثيلها يشدني طول الفيلم .. شالسر فيها ماعرف ![[heartpump]](graemlins/heartpump.gif)
اذا حد عنده صور او معلومه عن فيلمها الجاي ياليت يقولي
احس اني عورت راسكم ![[nut]](graemlins/nut.gif)
--------------------
المشاركات: 27170 | من: ~ NeverlanD ~ | تاريخ التسجيل: يوليو 2002
|
|
|
[ L.O.V.E.R ]
سوبر مصمم
رقم العضويه 3004
|
مرسله في
The prestige
فيلم يتكلم عن ساحرين يشتغلون بنفس العرض
تتولد بينهم منافسه لا اراديه بعد ما تسبب واحد فيهم بقتل زوجة الثاني
بإختصار من احلى افلام عام 2006
سيناريو مميز ومكتوب بطريقه ذكيه .. حوارات وجمل تبقى بالذاكره واجملها اللي انقالت في بداية الفيلم
هيو جاكمان وكريستان بيل مشكلين ثنائي رهيب
وبالرغم من اعجابي الكبير بالفيلم .. الا ان ظهور توأم فجأه بحياة كريستان غير منطقي !!
يعني معقوله مرته ماكانت تفرق بينهم ؟
وبنفس الوقت الشخصيه الثانيه اللامباليه اللي سواها هيو جاكمان كانت من احلى الشخصيات و اروعها
فيلم فلسفي وحلو .. اذا طاح بيدك لازم تشوفه
One true thing
لما تشوف One true thing
ماتقدر الا انك توقف تحيه لاداء العملاقه ميرل ستريب !!
فيلم سوداوي يعور القلب ويخلي عينك تدمع ..
يتكلم عن معانات ام كبيره بالسن .. روحها مرحه وسعيده وتحب الحياه
والابتسامه ماتفارقها
لكن بأحد الايام يصيدها مرض السرطان ويقلب حياتها فوق تحت
فيلم انساني فظيع يعيشنا لحظات تدهور عائله بكبرها بسبب مرض امهم الكبيره
والانعطاف القوي اللي يغير شخصيتها
لدرجة انها تطلب من بنتها انها تذبحها عشان تريحها من العذاب اللي هي فيه
فيلم فظيع يراوينا حجم مأسـاة مرضى السرطان
The queen
شخصيا ماحب الافلام اللي تتكلم عن السياسه
لكن مع ذا كوين الوضع يختلف
فيلم سياسي من الخارج وانساني وعميق من الداخل
تدور القصه حول الصراع اللي دار بين العائله الحاكمه في بريطانيا والشعب
اتجاه موقفهم البارد من وفاة الاميره ديانا
من ارقى المشاهد اللي شفتها ومازالت عالقه براسي
لما يقترب احد الغزلان من الملكه اليزابيث من غير مايخاف منها .. عيون الملكه بهالمشهد ماتنوصف !!
تشوف الغزال بإنبهار .. بطريقة مشيه .. بشموخه
بعدم خوفه من الاقتراب منها بالرغم من انها منطقة صيد !!
شافت صورتها منعكسه بهالغزال
لانها على كثر الانتقادات الجارحه اللي جاتها من الشعب .. ظلت متماسكه وشامخه مثله !!
مشهد رائع وصوره تعبيريه جميله من اروع ماشفت ..
اذهلني اداء هيلن ميرين الاسطوري اللي استحقت عنه الاوسكار بجداره
حبيت الملكه اليزابيث من ورا هالفيلم
City of god
من اروع افلام العصابات اللي شفتها
فيلم برازيلي يتكلم عن "مدينة الله" اللي تحولت في الثمانينات لمكان يسوده العنف وجرائم القتل
الفيلم يستند لقصه واقعيه
طريقة تصوير الفيلم مميزه و التمثيل مب طبيعي .. كأنك تشوف فيلم وثائقي لناس حقيقيين
مب كأنهم يمثلون !!
اللي بيشوف الفيلم بيحمد ربه الف مره على نعمة الامان اللي هو فيها
من المشاهد اللي تنحت وانا اشوفها
لما كان احد الاطفال ماسك المسدس .. في وجه طفل ثاني وهو ميت من الصياح .. ويطلق الرصاصه على اصابع رجله !!
المشهد دمااار .. يعور القلب !!!
الطفل اللي كان يصيح قريت انه ماكان يمثل .. كانو مخوفينه صج .. واصلا كان مبين عليه
افتتاحية الفيلم ايضا لازم اتوقف عندها
من اقوى واروع الافتتاحيات اللي مرت علي .. مشهد سلخ الديك وهروبه وطريقة الفلاش باك
احداث تحبس النفس وتخليك تشعر بالخوف والترقب بكل ثانيه
واحد من افضل الافلام اللي شفتها
Casablanca
شفته 3 مرات .. وناوي اشوفه مره رابعه
من الافلام اللي راح تبقى حواراته ومشاهده عالقه بذاكرتي لوقت طويل
واحد من اهم واروع كلاسيكيات السينما الامريكيه واحطه عندي بقائمة اهم عشرة افلام شفتها
كنت دايماً اسأل نفسي قبل ماشوفه
شنو سر اعجاب الناس فيه وتصدره لقوائم النقاد على مر العصور ؟
شنو سر الجمل والحوارات اللي انقالت بالفيلم .. وكنت دايماً اسمع عنها بأنها لا تنسى ؟
لما شفت التحفـــــه كازبلانكا عرفت الاجابه
كازبلانكا فيلم الامـل .. الشجاعه .. الرومانسيه بأحلى صورها وارقاها
وعلى الرغم من الامكانيات البسيطه اللي كانت متاحه لهم بعام 1942 وقت صدور الفيلم الا انه ظهر بصوره رائعه
من العبارات الرنانه اللي ظلت براسي
لما يقول بطل الفيلم ( ريك ) اول ماشاف حبيبته السابقه ( إلسا ) بالملهى الليلي اللي يملكه
(( من بين كل الحانات .. في كل المدن .. في كل العالم .. تأتي لتدخل حانتي ! ))
لما تشوفون المشهد اللي انقالت فيه هالجمله بتعرفون قصدي
والاغرب اني قريت ان السيناريو كان ينكتب بنفس يوم التصوير .. وكانت اللي تمثل دور إلسا محتاره
ماتعرف الرجل اللي راح تختاره في الاخير !!
ويمكن هالشي عطى اداء الممثلين واقعيه كبيره ..
Reign of fire
الفيلم وايد ضعيف وممل ..
يتكلم عن مجموعه من التنانين يسيطرون على العالم بعد عشرين سنه
الشي الوحيد اللي صبرني عليه تمثيل كريستان بيل
About schmidt
فيلم حلو وبسيط ..
عن شايب لقى نفسه وحيد بعد وفاة زوجته .. ومتقاعد بدون وظيفه !!
فيقرر يقوم برحله بسيارته
ومن خلال هالرحله يتكشف اشياء جديده عن نفسه والعالم حوله ماكان يعرفها
فيلم يخليك تفكر بنفسك
شتسوي اذا جاك اليوم اللي تكون فيه بلا وظيفه وبلا زوجه وبلا اهل حواليك ؟
جاك نيكلسن في دور رائع كالعاده
من وجهة نظري كان يستاهل الاوسكار اكثر من ادريان !!
It's a Wonderful Life
اذا شفت نفسك متضايق من حياتك
مالك الا تشوف اتس آ وندرفل لايف .. العلاج اللي بيخليك تعشق حياتك بكل مافيها
بحلوها .. بمرها .. بقسوتها .. بكل شي فيها
الفيلم فكرته بسيطه وخفيفه
لكن اللي خلاه يصير واحد من اهم علامات السينما هي رسالته اللي تخليك تتمسك بحياتك
يتكلم الفيلم عن شاب في بداية عمره
عنده طموح كبير
طموح بأنه يخلص دراسته ويرجع لمدينته ويبني فيها ابراج وسكك حديديه ويحولها من مدينة متواضعه لجنه
لكن ليس كل مايتمناه المرء يدركه !!
تمشي الايام ويتزوج .. ويظل حلمه بإكمال دراسته مجرد حلم
وتتغير نظرته الطموحه والمتفائله لنظره تشاؤميه .. لدرجة انه يتمنى لو انه مانولد !!
وعشان يحس بقيمة حياته .. حقق له الله هالامنيه !!
واحد من روائع الكلاسيكيات القديمه
وواحد من اقرب الافلام لقلب الشعب الامريكي لدرجة انه صار عرف سائد عندهم بكل ليلة كريسمس يشوفونه
وترى فيلم كليك ماخذ فكرته من هالفيلم ..
Just my luck
احب افلام لينزي لوهان .. خفيفه وحلوه
وهالفيلم مايختلف عن باقي افلامها .. عن بنت تفقد حظها
الفيلم زين بس الاخراج كارثه في اغلب المشاهد
Gandhi
يحتل عندي المركز الاول بأفلام السيره الذاتيه
بختصار تحفه فنيه !!
هالفيلم خلاني اعشق مهاتما غاندي .. هالانسان الرائع !!
اللي كان يحلم بعالم مثالي خالي من الحروب ويعمه السلام .. يوم خلصته تميت اقول
معقوله في انسان عاش بينا من فتره قريبه بهالروح الملائكيه ؟
بن كينغسلي قدم اداء اسطوري بهالدور .. استحضر روح غاندي بطريقه رهيبه !
فيلم اوسكاري بكل معنى الكلمه ..
The deer hunter
فيلم حلو ..
يكشف لنا عن حالة الجنود النفسيه بعد مايرجعون من الحرب
وشلون هالتأثير ينعكس عليهم وعلى زوجاتهم وعوائلهم ..
من المشاهد اللي لايمكن انساها لحظة اسر الجنود الامريكيين بيد الفيتناميين
ولعبتهم الخطره بالمسدس !
الفيلم كان الانطلاقه الاولى لميريل ستريب في مشوار الاوسكار
عيبه انه طويل
Amelie
شقول عن هالفيلم
اسرني بجماله و روعته .. خلاني اندهش من جمال السينما الفرنسيه !!
فيلم يسـرق وقتك بنعومه وياخذك لعالم ثاني
مبهر بطريقة تصويره .. مذهل بموسيقته الحالمه .. ملهم بطريقة سرده للاحداث
هالفيلم مازال يأسرني بكل مره استرجع مشاهده فيها
يتكلم الفيلم عن البنت ايميلي .. ايميلي بنت طيبه عايشه بعالمها الخاص
تتغير حياتها بعد ماتحصل صندوق صغير بغرفتها
يعود هالصندوق لطفل عاش بشقتها بالخمسينات .. فتقرر ايميلي انها ترجع هالصندوق لصاحبه
ومع الايام صارت ايميلي تعشق مساعدة الناس
وترسم الابتسامه على وجوهم
لكن في وسط هذا كله تنسى نفسها .. مع انها اكثر وحده محتاجه تكون سعيده !!
الفيلم يقول لنا .. ان الحياه بسيطه وحلوه .. بس نفهمها
احلى شي ان الفيلم بعيد عن التعقيد .. ويذكر تفاصيل صغييييره وتضحك تصادفنا بحياتنا اليوميه
مثلاً لما نمر جنب خيشة العيش ونحط يدنا داخل .. نستانس ونحس بشعور حلو ..
او مثلاً لما تتجعد اصابعنا واحنا نتسبح .. نتضايق !!
اذا تبون تعرفون المتعه الحقيقيه للسينما .. شوفوا ايميلي
--------------------
المشاركات: 27170 | من: ~ NeverlanD ~ | تاريخ التسجيل: يوليو 2002
|
|
|
7aMoOoOoD
عضو فعال جدا
رقم العضويه 68050
|
مرسله في
رد مقتبس:
المرسل الأصلي هو [ LOVER ]:
وبعدين روكي حرام عليج مس بوتر روعه
:
جيب راسك حتى ابوسه ![[kiss]](graemlins/kiss.gif)
منوووووووووووووووووور
--------------------
You Are The Only Exception
اروحــــــلج فـــــدوه
المشاركات: 14414 | من: iRaQ | تاريخ التسجيل: يوليو 2006
|
|
|
علوووش
عضو متميز
رقم العضويه 17300
|
مرسله في
رد مقتبس:
المرسل الأصلي هو علوووش:
حد يعرف شي عن نصور لوفر مختفي ![[crying]](graemlins/crying.gif)
لوفر
--------------------
المشاركات: 37008 | من: Australia | تاريخ التسجيل: أغسطس 2004
|
|
|
الموضوع مغلق
إرسال هذه الصفحه لصديق!
لطباعه هذا الموضوع
