اقدر اقول ان عامر كان احد ضحايا الهايب العالي اللي انعمل لفروزن وعلى اساسه دخل وسقف توقعاته كان واصل لأبعد من برج خليفه

وهذا اللي كنت خايف منه يصير مع الفانز

يهضمون حق الفيلم بس لانهم كانوا متوقعين شي خرافي ويحملون الفيلم فوق طاقته

رد مقتبس:

---

- الافتتاحية من رايي ماشفتها شبه الافلام القديمة ، بس ذكرتني بافلام باربي مدري ليش
فالبداية لما سمعت الجوقة النرويجية حسيت بشوف شي شبه افتتاحية بوكي للامانه لان الموسيقى كانه شبها تقريبا لكن شفت العكس يعني كانت عادية جدا
وزي ما ذكرت في ردي السابق مقارنته بافلام التسعينيات من رايي ظلم و اولها الافتتاحية

---

بما اني شفت افتتاحية الفيلم فأقدر ادلو بدلوي بهالنقطه

صدقنــي عامر الافتتاحية مالها علاقه بأفلام باربي خير شر .. شنو جاب الصين للطين لول

تراك تكلم واحد من اكبر المهوسيين بأفلام باربي وافلام ديزني

الافتتاحية سوبر ديزني كلاسيك .. من اول مايطلع شعار ديزني لحد ماتخلص اغنية سنو مان ..

سوداوية ومشاهد معتمه وبداية حزينة وتكسر القلب مع انا والسا وابوهم وامهم .. شي يشبه افتتاحية احدب نوتردام

بس هذا رايك واكيد اكيد احترمه

رد مقتبس:

---

- للاسف الشديد لا والشرير كان صدمة غير متوقعة !!!

---

حمستني اكثر

الشرير هو الدينامو اللي يحرك ويلخبط حياة الشخصيات بأي عمل

واشوف ان من الاسهل ان فريق العمل يحط شرير مطلق عشان يحرك الاحداث من خلاله .. لكن بدون شرير واضح؟ معناته تحدي كبير بالنسبة لهم

حبيت انهم اختاروا الطريق الاصعب بسرد القصه

رد مقتبس:

---

- السا باردة !!!
طول الوقت خايفة ومتردده وما جذبني فيها غير شكلها بعد ما تغيرت فقط عشان صارت مززززه

---

السا وايد يقولون انها من اكثر اميرات ديزني اثاره لول

احس ان هالشي نابع من شخصيتها البارده الثقيله اكثر من مجرد شكل حلو وخلاص

على فكره ميجارا بفيلم هرقل قريبه من برودة السا وهالشي مامنعها من انها تكون مثيره للاهتمام

رد مقتبس:

---

ونعم ديزني رجعت رجعة حلوة وقوية مش تسعيناوية للفيري تيلز والبرودواي

---

انت اول واحد من الفانز اللي قريت ارائهم يقول هالشي

الف الف شكر عامر على انك شاركتنا تجربتك مع فروزن

اترك المايك لغيري اذا حد حاب يسألك عن شي معين لول

عامر مش مبالغه

ترى اللي قارن فروزن بافلام التسعينات هم ناس زيك شافوا الفيلم وحبوه وحسوا انه قريب من جو افلام التسعينات

ماتقدر تلغي رايهم بس لانك شايف شي مختلف عنهم

او لان تجربتك مع الفيلم كانت مختلفه

تقدر تاخذ لفه على مراجعات روتن توميتوز وتشوف النقاد شقايلين هناك

رد مقتبس:

---

Frozen feels like classic Disney animation. If someone had announced Frozen as the studio's follow-up to Beauty & the Beast, no one would blink. It's that good.

Drew Taylor
The Playlist

Disney's annual holiday release has the hallmarks of Beauty and the Beast and other 1990s-era studio classics, from the regal animation and inspired characters to the soaring musical numbers and heartfelt message.

Kirk Baird
Toledo Blade

[Frozen] definitely holds its own with the likes of The Little Mermaid and Beauty and the Beast.

Cathy Jakicic
Milwaukee Journal Sentinel

With great voice work, fantastic music, and a script that feels like its themes emerge naturally from its story and characters instead just being forced upon them, Frozen is Disney's best animated feature since The Lion King.

Brian Tallerico
HollywoodChicago.com

---

وغيرهم كثار

انا مش قاعد احاول اقنعك بأن وجهة نظرك غلط ووجهة نظرهم صح

لكن لما 100 صوت يطلع ويقول نفس النقطه .. كيف نقدر نلغيهم ومانصدقهم؟ .. اكيد كلامهم فيه شي من الصحه بالنهاية

عشان كذا لازم تحترم راي اخو ادهم

وعلى فكره ترى افلام التسعينات نفسها ماكانت بهالقوه بنظر النقاد .. اول اربع افلام هي بس اللي تنحسب كهيتس

حورية البحر والجميلة والوحش وعلاء الدين والاسد الملك

باقي اللسته بنظر الكثيرين ماتجي نص مستواهم عشان نعتبرهم شي مقدس وممنوع المساس فيهم

اتفهم شعورك كفان لديزني كبرت وربيت على هالافلام لاني مثلك احس ان هالفتره كانت الفتره الذهبيه لديزني واغلبنا صار يحس بالغيره عليها

ومستحيل نرضى ان اي فيلم جديد يتقارن فيها

بس الواقع غير كذا .. لازم نتقبل فكرة ان ديزني بدت تعيش عصر جديد ناجح بكل المقاييس

فروزن كفيلم حرام ينظلم وحتى باقي الافلام اللي جايه بالطريق حرام تنظلم وتبقى اسيرة مقارنات لاتقدم ولا تأخر

احنا المفروض نتحرر شوي من فترة التسعينات وشعور الحنين للماضي وللهاوند درونق

ادري ان هالشي صعب لكن عشان نقدر نستمتع بأي عمل يتقدم لنا حالياً لازم نبطل هالعاده

وبخصوص باربي صدقني مافي ولا ذرة مقارنه لول

اقولك انا مدمـــن افلام باربي .. يعني عالاقل عندي خلفيه لايستهان فيها عن افلامهم خخ

فروزن بالشرق وباربي بالغرب

^
^

يا وووولد .. اهو ده الكلام

اكثر اغنية متحمس اشوفها بالفيلم هي اعادة هالاغنيه

الامس كنت اكلم فيصل عنها بالتليفون

قلت له ان الفانز برا متخبلين على طريقة تصويرها

رد مقتبس:

---

المرسل الأصلي هو طبيعي:
اعتقد انه احنا جمعيا نعاني من عقدة الماضي

شوفني انا

لايمكن اقارن اعمال هدى حسين الحالية بالماضي

لايمكن اقارن اعمال احلام الحالية يالماضي

لايمكن اقارن اعمال بريتني سبيرس الحالية بالماضي

فحتى انتوا ديزني تعانون من هالشي مادري ليش القديم هو القوى والاحلى عندنا

---

والله كأنك داخل قلبي

بالضبط بدور هذا اللي صاير معانا كلنا

حتى محبين الانمي والمسلسلات القديمة تلاقيهم متعصبين لكل انتاجات ذيك الفتره ورافضين يقارنونها بالاعمال الحاليه

مع ان لكل زمن دوله ورجال على قولتهم لول

ومتأكد ان في اشياء كثيره رهيبه وحلوه بهالزمن لكن مش قادرين نلمس جمالها ونشوفها على حقيقتها بسبب حنينا للماضي

هالحاله يسمونها نستولوجيا صح؟

وبعدين حرام في اعمال تنهضم وماتاخذ حقها بالوقت اللي تنعرض فيه

مثل الاميرة النائمة اللي صار تحفة التحف مع مرور الوقت

بالرغم من انه لما نزل محد حبه لا النقاد ولا الناس العاديين

واتهموا الفيلم بأنه كان السبب اللي خلى ديزني تدخل عصر الظلام الثاني بتاريخها

وشوف الحين المكانة المهمة اللي يحتلها الاميرة النائمة

فالمقارنات مش دايماً تكون صح وبمحلها