لو فاز فروزن بيكون هذا اول فوز مهم وكبير لاستديوهات ديزني انميشن

من يوم ما استوت فئة افضل فيلم انميشن بالغلوب والاوسكار وهالاستديو حظه زفت مش قادر يفوز بجائزة وحده

الحظ ابتسم لهم اخيراً



يارب عاد الاوسكار يفصل بين الافلام الاجنبيه والامريكية بفئة الانميشن .. نفس الغولدن غلوب

رد مقتبس:

---

المرسل الأصلي هو Survivor-ish:
ناصر بسك سوء ظن فيني وفض الرسايل عندك عشان نعرف نرد علي

---

كنت اتغشمر وياك خالد

ماعاش من يظن فيك ظن سوء

كنت بس متحمس ابي اعرف رايك بالفيلم واسألك بأشياء معينه .. ذاتس ات

طلعت حرتي لما كلمت زيود ههه

رد مقتبس:

---

المرسل الأصلي هو Amir YF:


امس ولاول مرة حضرت فيلم لديزني بالسينما


و شي جميل جدا ان الفيلم كان فروزن مش رالف وفروج وهالاشيا الضعيفة





بختصر مشاهدتي الاولية للفيلم بنقاط بسيطه واتمنى اني ما اظلمه

قبل كل شي مستغرب كيف في ناس قاعده تقارنه بالاسد الملك و بوكاهنتس و واي و وماي و او ام جي وانه 10/10 ومن هالمبالغات


مقارنة فروزن فيهم ظلم بحد ذاته لافلام التسعينات اللي هي بسببها اقدر اقول من رايي ديزني واقفه على حيلها ولا يقرب منها باي صلة
بس ممكن في شوية لمسات بسيطه منها بس انه من حقبة التسعينات ما اعتقد
واظن المفروض هذا راي اي واحد كبر مع افلام التسعينات

- بداية الفيلم حلوة لكن مش زي بداية بوكي والاسد الملك وهالشلة الطيبة الله يذكرها بالخير .
- الفيلم فيه دراما واحداث من اللي متعودين عليها بافلام ديزني
عكس المسخرة اللي طالعة فالاعلانات والتسويق للفيلم لدرجة ان صاحبي لما شاف البوستر استغرب ان هذا فيلم لديزني

- الجرافيكس نفس رابونزل مافي تطور ملحوظ وفي مشاهد كنت اتمنى يشتغلوا عليها شوي اكثر
- الاغاني روووووعة سااااااحرة وديزناويه بامتياز
وافضل من اغاني الاميرة والضفدع ورابونزل بالراااااااااحة
- والاعلانات ظالمة شخصيات خصوصا آنا اللي كان حضورها اقوى بالفيلم
وحبيتها للامانه ، بس ممكن استخدمو السا بالتسويق كشكل مدري شلون اشرح بعدين تشوفو كل شي

لكن كشخصيات اشوفها ممكن تصير مخلدة زي آنا و السا و اولاف
عكس رابونزل اللي احس العالم نسته

لكن بالاخير الفيلم افضل واحسن من رابونزل والعاهة رالف بسنين ضوئية
وهذا مجرد راي من المشاهدة الاولى مدري اذا ممكن تتغير اذا اشوفه مرة ثانية ولا لا

تقيمي له :
9/10

---